Աննա Հակոբյան

Հակոբյան. «Կարևոր է ձեր ուղերձը ադրբեջանցի մայրերին»

258
(Թարմացված է 20:25 15.09.2018)
«Սիրելի մայրեր, շնորհակալ եմ, որ միացաք իմ` «Մայրերն հանուն խաղաղության» նախաձեռնությանը»։ Այս մասին այսօր ապրիլյան քառօրյա պատերազմում զոհված երիտասարդների մայրերի հետ հանդիպմանն ասաց ՀՀ վարչապետի տիկին Աննա Հակոբյանը։

«Փարիզում ինձ մեղադրական հարց տվեցին, թե ինչպես իմ նախաձեռնությանը կվերաբերեն ապրիլյան քառօրյայի զոհերի մայրերը։ Ես այդ մտավախությունն ունեի և շատ կարևոր է, որ այսօր այդ հարցի պատասխանը հնչեց ձեր կողմից։ Իմ թիկունքում ունենալով ձեր աջակցությունը` մենք` Հայաստանի և Արցախի քաղաքացիներս, ամբողջ աշխարհում ապրող մեր հայրենակիցների հետ միասին, մինչև մեր կյանքի վերջ պարտք ենք ձեզ։ Անհերքելի է, որ ապրիլյան քառօրյայի հանգուցալուծումը ձեր որդիներից էր կախված»,–ասաց Աննա Հակոբյանը։

Նրա խոսքով` այս քայլով հերոսացած որդիների մայրերը շարունակում են ծառայել հայրենիքին և մեծ ծառայություն մատուցում բոլոր այն մայրերն, ում որդիների կյանքը դեռ հնարավոր է խնայել։ «Կարևոր է նաև ձեր ուղերձը ադրբեջանցի մայրերին, որովհետև մայրությունը չի ճանաչում ազգություն, կրոն, մաշկի գույն»,–ասաց Հակոբյանը։

258

sys_stories