«Իմ ու Ռոբերտ Քոչարյանի միջև տեղի ունեցավ առանձնազրույց։ Մեր կողմից ուսումնասիրվեցին պահման պայմանները, վերաբերմունքի հետ կապված հարցերը։
Քննարկված հարցերի մի մասը հենց տեղում լուծեցինք, բայց կան հարցեր, որոնք լուծման ժամանակ են պահանջում, դրանցով զբաղվում ենք։ Ռոբերտ Քոչարյանը վերաբերմունքից բողոքներ չներկայացրեց։ «Երևանի Կենտրոն» քրեակատարողական հիմնարկը վերաբերմունքի առումով ունի դրական զարգացումներ։ Բայց ինչ վերաբերում է խցային պայմաններին, հնարավորություններին, դրանք օրենսդրությամբ են լուծումներ պահանջում»,–ասաց Թաթոյանը։
ՀՀ ՄԻՊ–ն ընդգծեց, որ իրենք նաև ունեն հոգեբան, բժիշկ- մասնագետ, եթե անհրաժեշտություն առաջանա, նրանք նույնպես կայցելել ՀՀ 2–րդ նախագահին։ Նա նաև հիշեցրեց, որ ցանկացած ազատությունից զրկված անձի իրենք պարտավոր են տրամադրել օրենքով նախատեսված բոլոր լիազորությունները։
