Հունվար-սեպտեմբեր ամիսներին Հայաստանի և Ռուսաստանի միջև առևտրի ծավալն աճել է 28,8 տոկոսով, ինչը զգալի առաջընթաց է անցած մի քանի տարիների համեմատ, ասաց տնտեսագետ Ատոմ Մարգարյանը։
Նրա խոսքով՝ ռուսաստանցի ներդրողներին Հայաստանում հետաքրքրում է էներգետիկ հաղորդակցության ոլորտը, սննդի վերամշակումը, գյուղատնտեսությունը։
Միաժամանակ, ռուսական ռուբլու ամրապնդումը, այդ երկրում տնեսական վիճակի որոշակի բարելավումը նպաստել են, որպեսզի Հայաստանից Ռուսաստան արտահանումն ավելանա, նկատում է տնտեսագետը։
Ատոմ Մարգարյանը համոզված է, որ երկու երկրների միջև ապրանքաշրջանառության ծավալը կավելանա, ներդրումներ կլինեն, տնտեսությանը կնպաստի զբոսաշրջության առաջընթացը, և զարգացման դրական դինամիկան կպահպանվի։
Զրույցն ամբողջությամբ կարող եք ունկնդրել Sputnik Արմենիա ռադիոկայանի եթերում (FM106)։
