Միհրան Պողոսյան
Կացիններ, նետ, թուր, նիզակ, գործելու շյուղեր, նավակի թիեր, բիլիարդի կիեր, ձկնորսության կարթեր, մահակներ, կենդանիներ, ձկներ, սողուններ, միջատներ և թռչուններ. այս ամենը տեղ է գտել դատարանների նախագահների խորհրդի հրապարակած ցանկում։
«Նշված են իրեր, որոնք օբյեկտիվ իրականության հետ որևէ կապ չունեն։ Ես չեմ պատկերացնում, որ փաստաբանը կացնով, նավակի թիով կամ որևէ այլ առարկայով ներկայանա դատական նիստին, եթե, իհարկե, դա իրեղեն ապացույց չէ, որ ներկայացվում է դատարան»,- ասաց փաստաբան Միհրան Պողոսյանը` հավելելով, որ նման նախադեպեր հայաստանյան դատական պրակտիկայում երբևէ չեն եղել։
Դատարանների նախագահների խորհուրդը, մեր զրուցակցի դիտարկմամբ, փորձել է ինչ-որ լուծում տալ, բայց օբյեկտիվորեն չի պատկերացնում իրավիճակը։
