Ոսկեվանի գյուղապետ. «Թշնամու կրակոցից խուճապի չենք մատնվում, մոտ 27 տարի այս վիճակն է»

Տավուշի մարզի սահմանային Ոսկեվան գյուղի մոտ թշնամու կրակահերթի պատճառով միջանկյալ տարածքներ են այրվել երեկ։

Ոսկեվանի գյուղապետ Սերյոժա Ալեքսանյանն ասաց, որ գյուղը վնաս չի կրել, պարզապես, չի հաջողվել հավաքել բերքի մի մասը։ Նրա խոսքով՝ կրակոցներից չոր խոտը բռնկվել է, որի հետևանքով նաև ականներ են պայթել:

Գյուղապետը վստահեցրեց, որ, անկախ ամեն ինչից, գյուղում խուճապ չկա ու չի կարող լինել. մոտ 27 տարի նրանք ապրում են այդ վիճակում։

Զրույցը վարեց Աննա Վարդանյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։