Դավիթ Տոնոյան

ԱԻ նախարարը գոհ է համատեղ վարժանքներից

11
(Թարմացված է 23:16 31.07.2017)
Հայ-ամերիկյան-բրիտանական համատեղ վարժանքը դարձավ արտակարգ իրավիճակներին արձագանքելու համար սահմանված բարձր նշաձողի հիմքը, հայտարարել է արտակարգ իրավիճակների նախարար Դավիթ Տոնոյանը։

Կոտայքի մարզում գտնվող ԱԻՆ «Լուսակերտ» ուսումնական կենտրոնի վարժահրապարակում այսօր կայացել է հայ-ամերիկյան-բրիտանական համատեղ հատուկ տակտիկական վաժարժանք՝ «Քլոր տեղափոխող բեռնատար և մարդատար երկու գնացքների բախման հետևանքով ստեղծված իրավիճակում քիմիական, ճառագայթային մոնիթորինգի, հրդեհաշիջման և փրկարարական աշխատանքների իրականացում, առաջին բուժօգնության ցուցաբերում» թեմայով:

Ուսումնավարժության ընթացքին հետևել են ԱԻ նախարար Դավիթ Տոնոյանը, ՀՀ-ում ԱՄՆ դեսպան Ռիչարդ Միլսը, Մեծ Բրիտանիայի դեսպան Ջուդիթ Մարգարեթ Ֆարնուորթը, ԱՄՆ Կանզաս նահանգի ազգային գվարդիայի գեներալ-ադյուտանտ, գեներալ-մայոր Լի Թաֆանելին:

Արտակարգ իրավիճակների նախարար Դավիթ Տոնոյանը վարժանքից հետո Sputnik Արմենիայի հետ զրույցւոմ իր գոհունակությունն է հայտնել միջոցառումից։

Նախարարը նշել է, որ մեր երկրների բնակչությունը մեզնից պահանջում է արտակարգ իրավիճակներին արձագանքելու բարձր չափանիշներ, և վարժանքների արդյունքը հիմնաքար էր այդ նշաձողին համատեղ հասնելու համար։

Զրույցն ամբողջությամբ կարող եք ունկնդրել Sputnik Արմենիա ռադիոկայանի եթերում (FM106)։

11

sys_stories