Նարեկ Սահակյան
Սահմանային Բաղանիսում, ուր մինչև վերջին տարիները անգամ մի հատիկ ցորեն չէին ցանել, հիմա 25 տոննա հացահատիկ են հավաքել, Sputnik Արմենիային ասաց Բաղանիսի գյուղապետ Նարեկ Սահակյանը:
Նա միայն ափսոսում է, որ ստիպված անմշակ են թողել այն 120 հեկտար հողը, որը հենց սահմանին է, իսկ սահմանին մոտ 10 հեկտար ոռոգելի այգիները գյուղացիները կրակի տակ մշակում են:
«Գյուղատնտեսական աշխատանքները եռում են: Թրթուրավոր տրակտոր ունենք, չունենք կոմբայն, դա էլ, որ ունենանք, էլ մեր արդյունքին հասնող չի լինի: Թող, որքան կուզեն՝ կրակեն, մենք մեր տնից գնացողը չենք»,- ասաց Նարեկ Սահակյանը:
Զրույցը վարեց Դիանա Հարությունյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։
