Հայկական ազգանուն ունեցող ՌԴ քաղաքացիները, որոնց թույլ չեն տվել մուտք գործել Ադրբեջան, կարող են դիմել Եվրոպական դատարան և հաղթել։ Sputnik Արմենիային ասաց «Ընդդեմ իրավական կամայականությունների» կազմակերպության նախագահ Լարիսա Ալավերդյանը
«Բացի դրանից, նրանք կարող են դիմել նաև ՄԱԿ-ի մարդու իրավունքների հանձնաժողով։ Հարցն այն է, որ բոլորը նախընտրում են Եվրոպական դատարանը, քանի որ առայժմ այն ավելի արդյունավետ է»,- ասաց Ալավերդյանը։
Նրա բնորոշմամբ` Ադրբեջանի արգելքը պայմանավորված է ազգային պատկանելությամբ և խտրականության դրսևորում է։
«Նման դեպքերը կարող են պատասխանատվության ենթարկվել մարդու իրավունքների մասին եվրոպական կոնվենցիայի համաձայն»,- ասաց նա։
Լարիսա Ալավերդյանը նշեց, որ Եվրոպական դատարան դիմող անձինք անպայման կշահեն դատը, քանի որ մարդու իրավունքների գաղափարախոսությունը սկսվել է հենց խտրականության բացառմամբ։
