Վլադիմիր Գևորգյան

ՌԴ քաղաքացիների այցելությունների աճը Հայաստան գրագետ աշխատանքի արդյունք է

243
«Լոռե» տուրիստական կազմակերպությունների ղեկավար Վլադիմիր Գևորգյանի խոսքով` Հայաստանում կան զբոսաշրջության զարգացման որոշակի միտումներ, և առաջինը ՌԴ քաղաքացիների այցելությունների աճն է, որը ճիշտ աշխատանքի արդյունք է:

Զբոսաշրջության ոլորտն իր դրական ու բացասական դրսևորումներով հանդերձ, տարեցտարի աճ է արձանագրում: Զբոսաշրջային ընկերությունները փորձում են գտնել օտարերկրյա զբոսաշրջիկներին դեպի Հայաստան ուղղորդելու բոլոր հնարավոր ճանապարհները: Արդյունքում այս տարվա առաջին եռամսյակում նախորդ տարվա նույն ժամանակաշրջանի համեմատ զբոսաշրջիկների 18 տոկոս աճը շոշափելի արդյունք է նաև առանձին տուրիստական կազմակերպությունների համար:

Ռուսաստանի քաղաքացիների հոսքը Հայաստան ակտիվացավ, երբ հաստատվեց, որ նրանք առանց վիզաների, ներքին անձնագրերով կարող են ժամանել Հայաստան:

Հաշվարկվում է, որ ՌԴ բնակչության մոտ 60-70 տոկոսը չունի արտասահմանյան անձնագիր: Նրանց թվում են մոտ 4-5 միլիոն պետական համակարգի աշխատողները, որոնք համարվում են միջին և վճարունակ խավ:

Հայաստանում զբոսաշրջության զարգացումը մեծապես կախված է ինչպես ոլորտի ենթակառուցվածքների զարգացումից, այնպես էլ հայկական արժեքները ներկայացնելու հմտությունից:

Վլադիմիր Գևորգյանի հետ զրուցել է Լուսինե Մկրտչյանը։

243

sys_stories