«Երաժշտության այս ոճը մեծ տարածում է ստանում ոչ թե ժամանակի ընթացքում, այլ բոլորովին այլ պատճառով. «Բարդ ակումբը» շատ հետևողականորեն աշխատում է այդ ուղղությամբ»,- ասաց Քրիստ Մանարյանը՝ նշելով, որ ամեն ուրբաթ հեղինակային երգի կատարողները հավաքվում են ակումբում, բացի այդ փառատոն է կազմակերպվում, փորձում են նոր անուններ հայտնաբերել:
Մանարյանի խոսքով՝ նոր մարդկանց գտնում են, բայց հետո ստիպված են լինում նրանց համոզել, որ բեմ դուրս գան:
«Այստեղ մի բարդ պահ կա. երգչի հետ չկա անսամբլ: Իսկ նա մենակ բեմ դուրս գալու համարձակություն չունի: Ամեն մարդ չի կարողանում հաղթահարել այդ դժվար պահը, որ կարողանա իր ստեղծածը ներկայացնել բեմում»,- ասաց Մանարյանը:
Նրա խոսքով՝ հեղինակային կատարողների համերգները տոն են պարգևում Հայաստանին, քանի որ նրանք հոգուց բխող երաժշտություն են ներկայացնում հանդիսատեսին:
