Նրա խոսքով` ավանդների թեման ամենաչարչրկվածներից է։ Մելիքյանը հաստատում է, որ վերջին 10 տարիների ընթացքում, ինչ սկսվել է ավանդների փոխհատուցում իրականացվել, այո՛, եղել է քաղաքական ուժի առաջարկություն, եղել է ընդհանուր որոշում, որտեղ իր հստակ խոսքն ասել է ՀՀԿ-ն։ Սակայն նա նաև ընդգծում է, որ առանց Հանրապետական կուսակցության որևէ քաղաքական ուժ չէր կարող ավանդների փոխհատուցում իրականացնել։
«Վերջին 5 տարվա ընթացքում յուրաքանչյուր տարի մենք պետական բյուջեում ավանդների փոխհատուցման համար նախատեսում ենք 1.6 միլիարդից մինչև 1.8 մլրդ դրամ։ 2016 թվականին մենք արդեն հասել էինք 1931 թվականին ծնված ավանդների փոխհատուցման շեմին։ Կարծում եմ, որ գործընթացը կարող ենք առաջիկա տարիներին ավելի արագ իրականացնել»,- ասում է Մելիքյանը։
Սակայն, ըստ նրա, մի հետաքրքիր հանգամանք կա. ավանդների փոխհատուցումն իրականացվում է բյուջեից, բյուջեն պետության հիմնական ֆինանսական փաստաթուղթն է, եթե բյուջեն չհաստատվի, ավանդների փոխհատուցում չի իրականանա։
«Սակայն քաղաքական ուժը դեմ է քվեարկում բյուջեին և ժողովրդին հայտարարում, որ ինքն է վերադարձնում ավանդները։ Ինչպե՞ս…»,- հարցնում է Մելիքյանը։