Անահիտ Բախշյան

Անահիտ Բախշյան. «Հաց բերողի մահը ազդակ էր»

16
«Ազատ դեմոկրատներ» կուսակցության կողմից Շենգավիթում առաջադրված պատգամավորության թեկնածու Անահիտ Բախշյանն այսօր Sputnik Արմենիայի եթերում խոսեց Արթուր Սարգսյանի («Հաց բերող») մահվան հետևանքների, նրա մահը շահարկողների մասին։

Ըստ Բախշյանի`Արթուր Սարգսյանն իր կյանքով, իր անմահությամբ ուղերձ հղեց հասարակությանը։

«Նա իր մահով ասաց` ուշքի եկե՛ք, ոչ մեկդ ապահովագրված չեք նման անօրեն գործողություններից։ Ժողովո՛ւրդ, խելքներդ գլուխներդ հավաքեք, այս փաստը թող ազդակ լինի ձեզ համար, որ այս իշխանություններին ձայն չտաք»,-ասաց Անահիտ Բախշյանը։

Անդրադառնալով Արթուր Սարգսյանի մահը շահարկելու թեմային` Բախշյանն ասաց, որ իշխանական ուժերն են շահարկում Արթուրի մահը` ցավակցություն է հայտնելով հարազատներին։ Չէ որ նրանց ձեռքին էր Արթուրին 2-րդ անգամ չձերբակալելու հնարավորությունը։

 

16