Армения

ՄԵՆՔ. Երևանս

47
(Թարմացված է 10:43 25.02.2017)
Հայաստանի և հայերի մասին
ՄԵՆՔ. Երևանս

Հեղինակ՝ Աշոտ Գևորգյան

47
թեմա:
ՄԵՆՔ / Հակահարված (33)
Շահան Գանդահարյան

Հայաստանը Լիբանանին կարող է օգնել շարժական հիվանդանոցների տեղակայման հարցում․ Գանդահարյան

42
(Թարմացված է 23:41 05.08.2020)
Բեյրութի «Ազդակ» թերթի գլխավոր խմբագիր Շահան Գանդահարյանը Sputnik Արմենիայի եթերում անդրադարձել է Լիբանանի մայրաքաղաքում վերջին պայթյունի հետևանքով առաջացած իրավիճակին, պայթյունի պատճառներին` խոսելով հայկական համայնքի կրած վնասների ու հետաքննության ընթացքի մասին։
Գանդահարյան. «Հայաստանը Լիբանանին կարող է օգնել շարժական հիվանդանոցների տեղակայման հարցում»

Բեյրութի «Ազդակ» թերթի գլխավոր խմբագիր Շահան Գանդահարյանի տեղեկացմամբ`իրավիճակը չափազանց ծանր է, որովհետև պայթյունն իր ուժգնությամբ, ծավալով ու հետևանքներով իսկապես աննախադեպ էր, զոհերի ու վիրավորների թվաքանակն արագորեն ավելանում է, հիվանդանոցները գերծանրաբեռնված են, ինչը թույլ չի տալիս, որ բոլոր վիրավորներին ընդունեն ու տեղում ցուցաբերեն առաջին բուժօգնությունը, կորուստներ ունի նաև հայկական համայնքը, որի տարբեր հատվածներում բացվել են առանձին տներ` վիրավորներին օգնելու նպատակով։ 

«Հայկական համայնքը կրել է նաև հսկայածավալ նյութական վնասներ, քանդվել են բնակարաններ, վաճառատներ, վնասվել են նաև հայկական եկեղեցիները, ազգային–միութենական, կուսակցական կազմակերպությունների շենքերը, թերթերի խմբագրությունները։ Վիճակը ծանր է նաև հոգեբանական առումով, քանի որ մարդիկ ենթարկվել են հոգեցնցումների։ Պայթյունի ուժգնությամբ պայմանավորված խուճապային տրամադրություններն անշուշտ ազդել են մարդկանց վրա»,– Sputnik Արմենիայի հետ զրույցում ասաց նա։

Անդրադառնալով հետաքննության ընթացքին` Գանդահարյանն ընդգծեց, որ կան տարբեր վարկածներ, քանզի հնչում են քաղաքական հակոտնյա դիրքորոշումներ, քաղաքականացված մեկնաբանություններ, բայց ներկայումս ավելի շատ կենտրոնացել են նավահանգստի պահեստներից մեկում կուտակված քիմիական նյութերի պայթյունի վարկածի վրա։ Այդուհանդերձ մարդիկ զայրացած բողոքում են, թե ինչու այդքան քանակով կուտակված նյութերը ժամանակին չեն ոչնչացվել։ Ըստ խմբագրի` պետք է սպասել հնգօրյա հետաքննության ավարտին, որը պետք է լույս սփռի աղետաբեր պայթյունի առաջացման հանգամանքների վրա, որի արդյունքում Բեյրութն արդեն իսկ հայտարարվել է աղետի գոտի։

Հայաստանը հատուկ չվերթով դեղորայք, բժշկական սարքավորումներ, սնունդ կհասցնի Լիբանան

«Երբ կազմակերպվում են միջազգային հումանիտար օժանդակություններ, այդ գործընթացը բնականաբար համաձայնեցվում  է Լիբանանի համապատասխան գերատեսչությունների հետ։ Խոսքն առավելապես վերաբերում է շարժական, դաշտային հիվանդանոցների տեղակայմանը, դեղորայքի ու բժշկական սարքավորումների տրամադրմանը, որովհետև վիրավորների թվաքանակը հասնում է հազարների, հետևաբար աջակցության կարիք զգացվում է առողջապահական, հիվանդանոցային ոլորտներում»,– նշեց «Ազդակ» թերթի գլխավոր խմբագիրը։

Շահան Գանդահարյանի փոխանցմամբ` Լիբանանից Հայաստան ներհոսքը եղել է նաև այս աղետից առաջ, երբ մարդիկ ելնելով ֆինանսատնտեսական ճգնաժամից` ցանկացել են տեղափոխվել արտերկիր, և առաջին հերթին Հայաստանն է դիտարկվել իբրև հարմար միջավայր, քանզի լիբանանահայերից շատերն ունեն երկքաղաքացիություն։ Բայց Հայաստանում կարող են մնալ ու աշխատել միայն կեցության իրավունք ունեցողները, հետևաբար, Գանդահարյանի կարծիքով` պետք է վերացվեն սահմանափակումները, որպեսզի մարդիկ հեշտությամբ դուրս գան ստեղծված ճգնաժամից։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով ավելի քան 100 մարդ է մահացել, ավելի քան 4 հազարը` տուժել: Մահացածների թվում նաև 6 հայ կա, ևս հարյուր հայեր վնասվածքներ են ստացել։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

Բեյրութում սուգ է հայտարարվել:

42
թեգերը:
վնասվածք, վնաս, Մահ, Զոհ, Վիրավոր, պայթյուն, գլխավոր խմբագիր, Լիբանան, Բեյրութ
թեմա:
Պայթյուն Բեյրութում
Ըստ թեմայի
Բեյրութում պայթած քիմիական նյութը քաղցկեղածին չէ. ո՞ր դեպքում այն կարող է վտանգավոր լինել
Բեյրութի պայթյունի հետևանքով լուրջ վնասվածքներ է ստացել Նիդեռլանդների դեսպանի կինը
Բեյրութի պայթյունից հետո հայտնի է 3 հայի մահվան մասին, բայց այս թիվը կարող է աճել. ԱԳՆ
Բեյրութի պայթյունն ու մեծ քաղաքականությունը. որքանով է հավանական ահաբեկչության վարկածը
Հակոբ Հավաթյան, արխիվային լուսանկար

Վերջին 40 տարվա ցնցումներից այդքան վնաս չէինք կրել, ինչքան այս պայթյունից․ Հավաթյան

54
(Թարմացված է 21:31 05.08.2020)
Լիբանանի ՀՅԴ Կենտրոնական կոմիտեի անդամ Հակոբ Հավաթյանը Sputnik Արմենիայի եթերում անդրադարձել է Բեյրությում տեղի ունեցած պայթյունին և դրանից հետո առաջացած իրավիճակին։
Հավաթյան. «Մեր համայնքը վերջին 40 տարիների ցնցումներից այդքան վնաս չէր կրել, ինչ»

Լիբանանի ՀՅԴ Կենտրոնական կոմիտեի անդամ Հակոբ Հավաթյանի փոխանցմամբ` Բեյրութում համատարած ավերածություն է, ցնցում և շվարած վիճակ, շտապօգնությունը շարունակում է արտակարգ ռեժիմով աշխատել, ավելանում է անհետ կորածների թիվը, ամենուր սուգ է և հուսահատության զգացում։  

«Բուրջ Համուտ հայկական թաղամասը դասվում է ամենից շատ վնասված շրջանների թվին, նույնիսկ վերջին 40 տարիներին տեղի ունեցած ցնցումների և անախորժությունների ժամանակ մեր հայահոծ համայնքն այդքան նյութական վնասներ չէր կրել, ինչ այս պայթյունից։ Տա Աստված, որ զոհերի թիվը չավելանա, և վիրավորները շուտ ապաքինվեն։ Այս պահին համայնքի ներկայացուցիչներն օգնում են միմյանց պայթյունի հետևանքները վերացնելու գործում»,– Sputnik Արմենիայի հետ զրույցում ասաց նա։

Հավաթյանի տեղեկացմամբ` լիբանանահայությունն օժտված է բոլոր տագնապներն իր ներուժով հաղթահարելու  հարուստ կենսափորձով, որովհետև համարվում է Սփյուռքի կենտրոնական գաղութը, որն ունի կենսական դերակատարություն համահայկական տեսլականներում և իղձերի իրականացման գործում։

«Շատ լիբանանահայեր իրենց տնտեսական գործունեությունն են ծավալում Հայաստանում, գնել են բնակարաններ, սակայն այս պայթյունի պատճառով խուճապային տրամադրություններ առաջացնելու և զանգվածային ներհոսք կազմակերպելու անհրաժեշտություն չկա։ Հայրենիքը կարևոր է, սակայն մեր համայնքը պետք է վերագտնի իր կենսունակությունը Լիբանանում, որպեսզի շարունակի նպաստել համահայկական իղձերի իրականացմանը»,– նշեց Լիբանանի ՀՅԴ Կենտրոնական կոմիտեի անդամը։

Բեյրութի պայթյունն ու մեծ քաղաքականությունը. որքանով է հավանական ահաբեկչության վարկածը

Հավաթյանի դիտարկմամբ` Լիբանանում ապրում են շատ հայեր, որոնք մեծ դերակատարություն և պատկառելի ներգրավվածություն ունեն երկրի հասարակական–քաղաքական կյանքում, ինչպես նաև Լիբանանի պետական կառավարման համակարգում։

Ըստ նրա` լիբանանահայությունն այժմ ունի ամբողջ հայության աջակցության կարիքը, որպեսզի հնարավորինս շուտ վերագտնի իր ներուժն աղետաբեր պայթյունից հետո։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով ավելի քան 100 մարդ է մահացել, ավելի քան 4 հազարը` տուժել: Մահացածների թվում նաև 6 հայ կա։ Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող մոտ 2700 տոննա ամոնիումի սելիտրան է եղել։ Բեյրութում սուգ է հայտարարվել:

Բեյրութի քաղաքապետն արտասվել է, երբ խոսել է պայթյունի զոհերի մասին. տեսանյութ

54
թեգերը:
Հայ համայնք, Վիրավոր, Տուժածներ, վնասվածք, վնաս, պայթյուն, Լիբանան, Բեյրութ
թեմա:
Պայթյուն Բեյրութում
Ըստ թեմայի
Բեյրութում գտնվող հայ խաղաղապահները պայթյունի վայրից հեռու են. Նաղդալյան
Բեյրութի պայթյունից հայ երիտասարդ բուժքույր է մահացել
Բեյրութի պայթյունից հետո հայտնի է 3 հայի մահվան մասին, բայց այս թիվը կարող է աճել. ԱԳՆ
Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր
Հիվանդասենյակ, արխիվային լուսանկար

ՀՀ–ում կորոնավիրուսի հետևանքով ևս 2 մարդ է մահացել

10
(Թարմացված է 11:01 06.08.2020)
Առողջապահության նախարարությունը մանրամասներ է հայտնել կորոնավիրուսի զոհերի մասին։

ԵՐԵՎԱՆ, 6 օգոստոսի – Sputnik. ՀՀ առողջապահության նախարարությունը հայտնում է, որ վերջին մեկ օրում Հայաստանում կորոնավիրուսը երկու մարդու կյանք է խլել։ 

«Պպացիենտները եղել են 82 (կին) և 62 (տղամարդ) տարեկան։ Վերջիններս ունեցել են ուղեկցող քրոնիկական հիվանդություններ»,– նշված է հաղորդագրության մեջ։

Կորոնավիրուսի յուրաքանչյուր 100 դեպքը նշանակում է 2 մահ. Արսեն Թորոսյան

Նշենք, որ կորոնավիրուսով վարակվածների թիվը վերջին մեկ օրում ավելացել է 233–ով և դարձել 39 819։  Փաստացի բուժում է ստանում 7 263 մարդ, կատարվել է 171 600 թեստավորում, առողջացել են վարակվածներից 31 556-ը։ Գրանցվել է մահվան 772 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։։

Հայաստանում արտակարգ դրության ռեժիմը կերկարաձգվի ևս մեկ ամսով

10
թեգերը:
տղամարդ, Կին, Զոհ, հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա
Կորոնավիրուսից մահացել է հայտնի հնագետ Գրիգոր Արեշյանը
ՀՀ–ում կորոնավիրուսի հետևանքով 2 մարդ է մահացել
Իրավապահները տեղորոշել են կորոնավիրուսի մասին հակաքարոզչություն անողներին. Փաշինյան