Թևան Պողոսյան

Թևան Պողոսյան. «Ժառանգությունն է առավել ազնիվ, թե՞ ՀՀԿ-ն»

27
(Թարմացված է 18:36 07.02.2017)
2012թ. հոկտեմբերի 5-ին ԱԺ «Ժառանգություն» կուսակցության համամասնական ցուցակով պատգամավոր ընտրված Թևան Պողոսյանը, ով արդեն 2 տարի անկուսակցական է, Sputnik Արմենիայի խնդրանքով անդրադարձել է «Ժառանգություն»-ում տեղի ունեցած վերջին գործընթացներին:

Թևան Պողոսյանը հաջողություն է մաղթում ինչպես «Ժառանգություն»-ից դուրս եկած, այնպես էլ կուսակցությունում մնացած իր նախկին կուսակիցներին՝ հարգելով բոլորի կայացրած որոշումները: ««Ժառանգություն»-ը յուրահատուկ միավորում է, այնտեղ շատ դրական բաներ կան, որ կմաղթեի ուրիշներին»,- անդրադառնալով «Ժառանգություն»-ում տեղի ունեցած վերջին գործընթացներին՝ ասաց Թևան Պողոսյանը:

Պատգամավորը որպես դրական հատկանիշ է ընդգծում կուսակցության անդամների սկզբունքների ազատությունը: «Ես չգիտեմ՝ հիմա «Ժառանգության» վիճակն է ավելի ազնիվ և հետաքրքիր, թե, օրինակ, իշխող կուսակցության, որի նոյեմբերի 29-ի համագումարում որևէ «դեմ» չեղավ, և ընդամենը մեկ ամիս անց տեսանք, թե ինչպես մարդիկ սկսեցին լքել կուսակցությունը»,- ասաց Պողոսյանը։

27