Սուրեն Մանուկյան

Սուրեն Մանուկյան. «Ցավոք, ցեղասպանությունները շարունակվում են»

42
Հրեաների ցեղասպանության` Հոլոքոստի հիշատակի օրը Հայոց ցեղասպանության թանգարան-ինստիտուտի տնօրենի տեղակալ, ցեղասպանագետ Սուրեն Մանուկյանը Sputnik Արմենիայի եթերում խոսեց ցեղասպանությունների դատապարտման մասին։

Մանուկյանը նշեց, որ այսօր կարևոր օր է ցեղասպանության հարցերով զբաղվող մարդկանց և այն նրանց համար, ովքեր վերապրել են այդ ամենը` իրենց ազգային կամ կրոնական պատկանելությունից ելնելով։

«20-րդ դարը, որ սկսվեց Հայոց ցեղասպանությամբ, շարունակվեց Հոլոքոստով, ապա Ռուանդայով և այլ երկրներում տեղի ունեցածով։ Մարդկությունը ամեն նմանատիպ ցեղասպանությունից հետո ասում է` այլևս երբեք, բայց, ցավոք, մենք տեսնում ենք, որ նման գործողությունները դեռ շարունակվում են»,-ասաց Սուրեն Մանուկյանը։

Նրա դիտարկմամբ` ոչ միակ, բայց կարևոր գործառույթ է հիշել նման բաները, որովհետև միայն հիշողությունն է, որ թույլ է տալիս կրթել սերունդ և ուշադրության կենտրոնում պահել չընդունված ցեղասպանությունները։

 

42