Խոսրով Հարությունյան

Խոսրով Հարությունյան. «Ընտրություններն ապրիլի 2-ին նշանակելն այնքան էլ վատ չէ»

36
(Թարմացված է 20:12 20.01.2017)
ԱԺ ընտրություններն ապրիլյան պատերազմի տարելիցի օրը նշանակելու շուրջ դժգոհությունը, Խոսրով Հարությունյանի համոզմամբ, արհեստածին խնդիր է:
Խոսրով Հարությունյան

ՀՀ ԱԺ պատգամավոր Խոսրով Հարությունյանը խորհրդարանական ընտրություններն ապրիլի 2-ին նշանակելու մեջ ոչ մի վատ բան չի տեսնում և ընդդիմության տեսակետը, թե ապրիլյան պատերազմի տարելիցին ընտրություններ նշանակելը ճիշտ չէ, արհեստածին խնդիր է համարում:

«Ավելի լավ, հենց ի պատասխան այդ վայրագությունների, մենք կդրսևորենք քաղաքացիական պատասխանատվություն, հոյակապ ընտրություններ կանցկացնենք, արդյունքը միջազգային հանրության համար կլինի շատ ընկալելի: Մի՞թե սա վատ է»,- լրագրողների հարցին հարցով պատասխանեց նա:

 

 

36
Հասմիկ Աբովյան

Ինչպես օրգանիզմը պաշտպանել ամառային շոգից. խորհուրդ է տալիս մասնագետը

49
Սննդաբան, էնդոկրինոլոգ Հասմիկ Աբովյանը Sputnik Արմենիայի եթերում նշել է, որ հատկապես սրտանոթային, շնչառական խնդիրներ և շաքարային դիաբետ ունեցողները, ճիշտ սնվելուց բացի, պետք է նաև որոշակի կանոնների հետևեն։ 
Ինչ անել, եթե օրվա մեծ մասն անցկացնում եք արևի ուղիղ ճառագայթների տակ. խորհուրդներ մասնագետից

Ամռանը ջերմաստիճանի բարձրացմանը զուգահեռ ավելանում է նաև մարդու օրգանիզմի ջերմակարգավորող համակարգի ծանրաբեռնվածությունը, և մի շարք օրգան-համակարգեր, հատկապես սրտանոթային և շնչառական, սկսում են ավելի ինտենսիվ աշխատել, որի հետևանքով առաջանում են օրգանիզմի կենսագործունեության խանգարումներ: Sputnik Արմենիայի հետ զրույցում նման կարծիք հայտնեց սննդաբան, էնդոկրինոլոգ Հասմիկ Աբովյանը։ 

«Շոգ եղանակին անոթների լայնացում է տեղի ունենում, արյունը կարող է մեծամասամբ կուտակվել ոտքերի շրջանում, անգամ կարող է լինել ուշաթափություն, անոթների, սրտի հետ կապված բազմաթիվ խնդիրներ»,- ասաց նա։

Թիրախային խմբում են գտնվում հատկապես բացօթյա վաճառակետերում աշխատող կամ արևի ուղիղ ճառագայթների տակ ֆիզիկական ծանր աշխատանք կատարող մարդիկ, քանի որ հենց նրանց մոտ կարող են առաջանալ սրտանոթային համակարգի աշխատանքի սուր խանգարումներ:

«Որքան հնարավոր է պետք է պաշտպանվել արևի ուղիղ ճառագայթներից, տնից դուրս գալիս անձրևանոցներ ունենալ, անընդհատ կում-կում ջուր խմել և աշխատելիս պասիվ չմնալ, գոնե ոտքերը շարժել կամ փոքրիկ քայլերով այս ու այն կողմ գնալ-գալ, որ անոթները չլայնանան»,- նշեց Աբովյանը։

Հիշեցնենք` ԱԻՆ–ն ավելի վաղ հայտնել էր, որ արաբական անապատներից արևադարձային տաք օդային հոսանքների ներթափանցմամբ պայմանավորված ` մինչև հունիսի 27-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում, Արագածոտնի և Վայոց Ձորի նախալեռներում, ինչպես նաև Երևանում կանխատեսվում է +40, իսկ առանձին ցածրադիր հատվածներում՝ մինչև +41 աստիճան։

Սննդաբանը խոսել է շոգ եղանակին տաք թեյ խմելու օգտակարության ու վնասի մասին

49
թեգերը:
խորհուրդ, շոգ, ամառ, օրգանիզմ
Ըստ թեմայի
Ինչպես կարելի է ազատվել առավոտյան այտուցվածությունից. կոսմետոլոգի խորհուրդները
Առաջիկա օրերին Հայաստանում խիստ բարձր ջերմային ֆոն է լինելու. եղանակի տեսություն
Շեֆ-խոհարարը պատմել է շոգ ամառվա համար կատարյալ կերակրատեսակի մասին
Ատոմ Մարգարյան

ՀՀ–ում աշխատատեղերի ռեսուրսը մոտ 1 մլն է, բայց կա զգալի թաքնված զբաղվածություն. տնտեսագետ

20
(Թարմացված է 22:38 23.06.2021)
Տնտեսագետ Ատոմ Մարգարյանը Sputnik Արմենիայի եթերում անդրադարձել է հայաստանյան աշխատաշուկայում տեղի ունեցող զարգացումներին և աշխատատեղերի հետ կապված իրողություններին։ 
Մարգարյան. ՀՀ–ում աշխատատեղերի ռեսուրսը մոտ մեկ միլիոն է, բայց կա զգալի թաքնված զբաղվածություն

Ատոմ Մարգարյանի խոսքով` աշխատաշուկայում իհարկե որոշակի ակտիվություն երևում է, սակայն կյանքը ցույց է տալիս, որ մեզանում տնտեսական գործընթացները, մակրոտնտեսական ցուցիչները, այդ թվում գործազրկության մակարդակը, շատ քիչ են կախված քաղաքական պրոցեսներից։ Ըստ նրա` աշխատաշուկային առնչվող թվերի կոնտեքստն այն է, որ ՀՀ–ում պոտենցիալ աշխատատեղերի ռեսուրսը մոտ մեկ միլիոն է, բայց կա զգալի թաքնված զբաղվածություն և թաքնված գործազրկություն։ 

«Այն հանգամանքը, որ ՀՀ աշխատուժի մոտ 20-25 տոկոսը տասնամյակներ շարունակ զբաղված է եղել դրսում, հատկապես ՌԴ–ում, բայց պանդեմիայի պատճառով զգալի արտահոսք չի եղել, նույնպես պայմանավորել է առկա իրավիճակը։ Այդուհանդերձ պոտենցիալ զբաղվածությունը կամ ՀՆԱ–ի պոտենցիալով հաշվարկված ռեզերվը շատ ավելի մեծ է։ Աշխատատեղերի ընդլայնումը տեղի է ունեցել հատկապես ծառայությունների ոլորտի ակտիվացմամբ, սակայն տնտեսության իրական հատվածում (արդյունաբերության ոլորտի աշխատատեղերը, հատկապես ՏՏ բնագավառի, որոնք երկրի ներսում ստեղծում են ՀՆԱ և աշխատում արտահանման վրա), այդտեղ շատ մեծ խնդիր կա»,– նշեց տնտեսագետը։

Մարգարյանի գնահատմամբ` եթե զբաղվածության պատկերը կառուցվածքային առումով դիտարկենք, ապա առաջանում է որոշ չափով պարադոքսալ իրավիճակ, այսինքն` տնտեսությունը գտնվել է ճգնաժամի պայմաններում, ինչն անխուսափելիորեն բերելու էր աշխատատեղերի կրճատման, հետևաբար մենք նման պատկեր չպետք է ունենայինք, առավել ևս, որ որակական լուրջ և մեծ կառուցվածքային փոփոխություններ, ըստ Մարգարյանի, մեր տնտեսության մեջ չեն եղել։ 

Քաղաքական ուժերի նախընտրական խոստումները, կամ ինչպես վերականգնել տնտեսությունը

Տնտեսագետի պնդմամբ` այն ակտիվությունն ու կայունությունը, որ կա մակրոտնտեսական թվերի համատեքստում, մեծ հաշվով պայմանավորված է պարտքի ավելացմամբ, ուստի աշխատատեղերի դրական դինամիկան կարող է պայմանավորված լինել պարտքային լծակը հնարավորինս ինտենսիվ աշխատացնելով, ինչն ակնառու երևում է, օրինակ, շինարարության մեջ, իսկ այն ոլորտները, որտեղ ավելացված արժեքի շատ մեծ մասնաբաժին ստեղծող արտադրություններ են և հատկապես արտահանման վրա խարսխված արտադրություններ, այդտեղ որակական փոփոխություններ չկան։ 

Նշենք, որ ՀՀ էկոնոմիկայի նախարար Վահան Քերոբյանը տեղեկացմամբ` 2021 թվականի մայիսին աշխատանքի շուկան անկախ Հայաստանի պատմության մեջ ռեկորդ է խփել՝ 634 951 հարկման բազա ունեցող անձ կա։

Ի դեպ, ՊԵԿ–ն էլ իր հերթին հայտնել էր, որ 2021 թվականի մայիս ամսին, նախորդ տարիների նույն ամսվա համեմատ, աճել է նաև մեկ աշխատատեղին բաժին ընկնող եկամուտը (հարկման բազան)՝ կազմելով շուրջ 212 000 դրամ: 2020 թվականի մայիս ամսվա այս ցուցանիշը կազմել է 194 000 դրամ, 2019 թվականին` 187 000 դրամ, իսկ 2018 թվականին` 176 000 դրամ:

Ե՞րբ խելքի կգա ՀՀ տնտեսությունը. իրավիճակը դեռ անհանգստացնում է պոտենցիալ ներդրողներին

20
թեգերը:
Հայաստան, Ատոմ Մարգարյան
Ըստ թեմայի
Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան
Ընդհանուր սնունդ և օդանավեր. ՌԴ փոխվարչապետը նշել է ԵԱՏՄ ինտեգրման առաջնահերթությունները
Ներդրվել է էլեկտրոնային ՀԴՄ-ների համակարգը. օնլայն առևուրը կզարգանա
Շուշիի Ղազանչեցոց եկեղեցին ադրբեջանական հրթիռակոծությունից հետո

Ադրբեջանը թույլատրում է ու նույնիսկ շտապեցնում ՅՈՒՆԵՍԿՕ-ին՝ այցելել իր վերահսկած տարածքներ

18

Բաքուն համաձայնել է թույլատրել ՅՈՒՆԵՍԿՕ-ի առաքելության մուտքն Արցախ՝ Ադրբեջանի վերահսկողության տակ անցած տարածքներ․ առաքելությունը կգնահատի պատմական և մշակութային հուշարձանների վիճակը: Եթե Ադրբեջանի կողմից հայկական հուշարձանների նպատակային ոչնչացման փաստերը հաստատվեն, ապա այդ երկրի նկատմամբ կարող են պատժամիջոցներ կիրառվել։

Պատերազմից յոթ ամիս անց Բաքուն, վերջապես, համաձայնել է արտոնել ՅՈՒՆԵՍԿՕ-ի առաքելության դիտորդների այցը Ղարաբաղ։ Առաքելությունը կոչված է վերահսկել պատմական և մշակութային ժառանգության հուշարձանների վիճակը։

Ադրբեջանի ԱԳՆ պաշտոնական ներկայացուցիչ Լեյլա Աբդուլաևան երեկ հայտարարեց, որ հունիսի 21-ին ՅՈՒՆԵՍԿՕ-ի ներկայացուցիչների և արտաքին քաղաքական գերատեսչության ղեկավարության միջև կայացած տեսակոնֆերանսի ընթացքում պաշտոնական Բաքուն «պատրաստակամություն է հայտնել ընդունել առաքելությունը և կազմակերպությանը կոչ է արել արագացնել այդ գործընթացը»:

«Մենք առաջարկն արել ենք, պատասխանի ենք սպասում»,-եզրափակել է Աբդուլաևան։

Մինչդեռ իրականում պատասխանի սպասում էր ՅՈՒՆԵՍԿՕ-ի ղեկավարությունը, ընդ որում՝ սպասում էր արդեն կես տարի։ Դեռևս նոյեմբերի վերջերին կազմակերպության գլխավոր տնօրեն Օդրի Ազուլեն Իլհամ Ալիևին կոչ էր արել միջազգային դիտորդական առաքելության անդամներին թույլ տալ մուտք գործել Լեռնային Ղարաբաղի՝ Ադրբեջանի կողմից գրավված շրջաններ, վերահսկելու պատմական հուշարձանների պահպանման պարտավորությունների կատարումը: Անկախ փորձագետները պետք է հնարավորություն ունենային ադրբեջանական վերահսկողության տակ հայտնված ամենանշանակալի մշակութային արժեքների նախնական գույքագրում անցկացնել։

Մակրոնը Ալիևին խորհուրդ է տվել թույլ տալ, որ ՅՈւՆԵՍԿՕ-ի առաքելությունն այցելի Ղարաբաղ

Բաքվի ղեկավարությունը բանավոր ողջունում էր նախաձեռնությունը, սակայն գործնականում ամեն կերպ խոչընդոտում էր դրա իրականացմանը: Դեկտեմբերի 21-ին ՅՈՒՆԵՍԿՕ-ի քարտուղարությունը պաշտոնական հաղորդագրություն տարածեց այն մասին, որ դիտորդների այցին խանգարում է միայն Ադրբեջանի կառավարության թույլտվության բացակայությունը:

Այնուհետև ելույթ ունեցավ կազմակերպության մշակույթի հարցերով փոխտնօրեն Էռնեստո Օտտոնեն, որը Էրդողանի վարչակազմին գրեթե ուղիղ տեքստով մեղադրեց հարցի լուծմանն ապակառուցողական մոտեցում ցուցաբերելու համար։ Ի պատասխան Ադրբեջանի ԱԳՆ-ն հանդես եկավ հայտարարությամբ, որում ասվում էր, թե հնչած գնահատականները «չեն համապատասխանում Ադրբեջանի և ՅՈՒՆԵՍԿՕ-ի միջև համագործակցության ոգուն»: Մշակույթի նախարար Անար Քերիմովը միջազգային կազմակերպության բարձրաստիճան ներկայացուցչին կողմնակալության մեջ մեղադրեց։

Իսկ հունվարի 5-ին ՅՈՒՆԵՍԿՕ-ի վրա հարձակումներով հանդես եկավ անձամբ նախագահ Ալիևը։ Նա հայտարարեց, որ «Ադրբեջանը կարող է վերանայել ՅՈՒՆԵՍԿՕ-ի հետ համագործակցությունը, եթե կազմակերպությունը հանդես գա իր միջազգային կարգավիճակին հակասող հայտարարություններով»։ Բաքվի իշխանամետ մամուլը բացեիբաց «հարձակումներ» սկսեց Ազուլեի և Օտտոնեի վրա։ «Ազուլեն, պահանջելով հատուկ առաքելության մանդատ տրամադրել հայկական հուշարձանների պահպանության ստուգման համար, սկսել է Ադրբեջանի կառավարության հետ շանտաժի և վերջնագրերի լեզվով խոսել»,-գրում էր պարբերականներից մեկը։ Բաքվում «բացահայտեցին» ՅՈՒՆԵՍԿՕ-ի գլխավոր տնօրենի կողմնակալ վերաբերմունքը հայերի հանդեպ, որոնք, իբր, կարողացել են «հավաքագրել» նրան։

Այս կապակցությամբ ակամա հիշում ես, թե ինչ հսկայական ջանքեր էր գործադրում պաշտոնական Բաքուն 2017թ․-ին, որպեսզի Ադրբեջանի նախկին մշակույթի նախարար Փոլադ Բյուլբյուլօղլին ընտրվի ՅՈՒՆԵՍԿՕ-ի գլխավոր տնօրեն։ Հիմա արդեն պարզ է, թե ինչի համար էր Բաքվի իշխանավորներին հարկավոր ամեն գնով վերահսկել ՄԱԿ-ի կառուցվածքը, որը պատասխանատու է մշակույթի և պատմական ժառանգության պահպանման համար։

ՅՈՒՆԵՍԿՕ-ի քարտուղարությունը դեռևս պաշտոնապես չի մեկնաբանում դիտորդական առաքելության անդամներին ընդունելու պատրաստակամության մասին ադրբեջանական կողմի հայտարարությունը: Բայց առաջիկա ուղևորության վերաբերյալ որոշակի հստակություն արդեն կա։ ՅՈՒՆԵՍԿՕ-ում Ռուսաստանի մշտական ներկայացուցիչ Ալեքսանդր Կուզնեցովը հայտնել է, որ այցը Ղարաբաղ նախատեսված է ամռան վերջին: Նրա տվյալներով առաքելության անդամները կայցելեն Շուշի, Ակնա (Աղդամ) և Վարանդա (Ֆիզուլի): Ծրագրում, չգիտես ինչու, բացակայում է Հադրութը, ինչը չի կարող զարմանք չառաջացնել։

Ըստ երեւույթին, ՅՈՒՆԵՍԿՕ-ի դիտորդական առաքելությունը չի սահմանափակվի միայն մեկ տեսչական այցով: Չի բացառվում, որ մի քանի շաբաթ անց միջազգային փորձագետները կծանոթանան Արցախի՝ հայկական կողմի վերահսկողության տակ գտնվող տարածքներում հուշարձանների վիճակին։ Ստեփանակերտի իշխանություններն ամենևին դեմ չեն և հավաստիացնում են, որ պատրաստ են ապահովել դրա համար անհրաժեշտ բոլոր պայմանները:

Ուրեմն ինչո՞ւ ծանր բանակցությունների սկզբից կես տարի անց Ալիևի վարչակազմն այնուամենայնիվ համաձայնեց թույլատրել դիտորդների մուտքը իր կողմից վերահսկվող տարածքներ։ Առաջին պատճառն, անկասկած, կապված է Բաքվի վրա հզորագույն միջազգային ճնշման հետ։ Վերջերս անգամ Ֆրանսիայի նախագահն էր ՅՈՒՆԵՍԿՕ-ի առաքելությունը Ղարաբաղ թողնելու համոզիչ կոչ արել․ այդ մասին Էմանուել Մակրոնը գրել էր Ալիևին ուղղված նամակում։

ՅՈՒՆԵՍԿՕ-ն երկակի ստանդարտներով է առաջնորդվում. արվեստաբանը`հայկական հետքի ոչնչացման մասին

Միջազգային փորձագետների այցի կազմակերպումն արագացնելու անհրաժեշտության մասին հայտարարել էր նաև Ռուսաստանի արտգործնախարար Սերգեյ Լավրովը, որը խոստացել էր իր կողմից աջակցել առաքելության հաջող աշխատանքի համար պայմանների ստեղծմանը (նկատի ունենալով, հավանաբար,  առաքելության անդամների անվտանգության ապահովման միջոցները):

Մոտ երկու տասնյակ նշանավոր մշակութային գործիչներ վերջերս բաց նամակով դիմեցին ՅՈՒՆԵՍԿՕ-ի ղեկավարությանը՝ կոչ անելով նպաստել Ղարաբաղում քրիստոնեական ժառանգության հուշարձանների փրկմանը: Ստորագրողների թվում են դիրիժոր Վլադիմիր Սպիվակովը, երաժիշտ Բորիս Գրեբենշչիկովը, ռեժիսոր Ալեքսանդր Սոկուրովը, դերասանուհի Սվետլանա Նեմոլյաևան, գրող Զախար Պրիլեպինը․..

Երկրորդ պատճառը, որն Ալիևի վարչակազմին ստիպեց զիջել, այն է, որ ադրբեջանցի դիվանագետների համար ավելի ու ավելի դժվար էր դառնում պատճառաբանություններ հորինել, որոնք թույլ կտային հետաձգել այցի կազմակերպումը։ Մինչև վերջերս Բաքվի գլխավոր փաստարկը «անբարենպաստ եղանակային պայմաններն» էին։ Մինչև գարնան վերջ ՅՈՒՆԵՍԿՕ-ի ներկայացուցիչներին հավատացնում էին, որ Ղարաբաղի լեռներում դեռ ձյուն է նստած։ Իսկ հիմա Արցախի լեռներում արդեն +35 աստիճան է։

Եվ վերջապես, ըստ ամենայնի, երրորդ պատճառը․ Բաքվում արդեն հասցրել են ավարտել այն բոլոր միջոցառումները, որոնց ոչ մի դեպքում չպետք է ականատես դառնային միջազգային դիտորդները։ Պատմական ամենանշանակալի հուշարձանների մի ամբողջ շարք արդեն ձևափոխվել է այնպես, որպեսզի նկատելի չլինեն հայկական ժառանգությանը դրանց պատկանելիության հետքերը։ Մասնակիորեն քանդվել է Սուրբ Հովհաննես Մկրտչի վանքը, ապամոնտաժվել և բոլորովին այլ ճարտարապետական ոճով վերակառուցվել է Ղազանչեցոց վանքի գմբեթը։

Ջնջվել են 19-րդ դարում բարերար Թադևոս Թամիրյանցի պատվին կառուցված պատմական աղբյուր-հուշահամալիրի հայերեն գրությունները։ Իլհամ Ալիևն անձամբ է խոստացել «վերականգնել» Հադրութի Ծակուռի գյուղի իբրև թե «հայկականացված» Սուրբ Աստվածածին եկեղեցու «նախնական տեսքը»:

Դադիվանքը Ադրբեջանի իշխանություններն արդեն հայտարարել են ուդիական, Գանձասարը՝ ալբանական, Կանաչ ժամը՝ ռուսական։ Ակնհայտ է, որ Ադրբեջանի իշխանությունները հող են նախապատրաստում հայկական հուշարձանների ոչնչացման կամ յուրացման հետագա ծրագրերի համար։ Պատահական չէ, որ Ադրբեջանի Ճարտարապետների միության վարչության նախագահ Էլբայ Գասիմզադեն հայտարարել է. «Հայերը մոլորության մեջ են, երբ ասում են, թե վախենում են իրենց հուշարձանների համար։ Ադրբեջանում հայկական հուշարձաններ չկան։ Դրանք կովկասյան Ալբանիայի հուշարձաններն են։ Դրանք մերն են, և մենք մեր հուշարձանները կպահպանենք»։

Էջմիածինը դատապարտում է Ադրբեջանի կողմից իրականացվող մշակութային եղեռնագործությունը

Հայաստանի և Լեռնային Ղարաբաղի իշխանություններն իրենց կողմից պատրաստ են անել հնարավոր ամեն ինչ՝ դիտորդական առաքելության հաջողության համար: ՅՈՒՆԵՍԿՕ-ի ազգային հանձնաժողովը փորձագետներին կտրամադրի բոլոր անհրաժեշտ փաստաթղթերը: Կազմակերպության քարտուղարությունն արդեն տիրապետում է պատերազմի արդյունքում Ադրբեջանի վերահսկողության տակ հայտնված հայկական հուշարձաններին վերաբերող նյութերին։

Ընդհանուր առմամբ այդպիսի գրեթե 2000 հուշարձան կա։ Դրանց թվում՝ 13 վանական համալիր, 122 եկեղեցի, 4 մատուռ, 52 ամրոց, 523 խաչքար, 10 թանգարան։

Դրանցից մի քանիսն արդեն փաստացի ոչնչացված են։ ՅՈՒՆԵՍԿՕ-ն հնարավորություն ունի փրկել մնացածը։ Եթե կարողանա։

18
թեգերը:
Հուշարձան, ՅՈՒՆԵՍԿՕ, Ադրբեջան, Արցախ
Ըստ թեմայի
4000 հայկական վանքեր և մշակութային հուշարձաններ գտնվում են ոչնչացման վտանգի տակ. Դումանյան
Զախարովան մեկնաբանել է Բաքվի կողմից հայկական մշակութային ժառանգության ոչնչացման դեպքերը
Եղեռն եղեռնից հետո. մշակութային ի՞նչ արժեքներ են մնացել Ադրբեջանի վերահսկողության տակ