ԱՊՀ միջխորհրդարանական վեհաժողովի դիտորդական առաքելության ղեկավարի ընտրությունը կանգնել է Հայաստանի վրա: Sputnik Արմենիայի հետ զրույցում ասաց ԱԺ փոխխոսնակ Էդուարդ Շարմազանովը:
ԱՊՀ միջխորհրդարանական վեհաժողով դիտորդական խմբի և ղրղզական կողմի առաջարկով Էդուարդ Շարմազանովը կղեկավարի Ղրղըզստանում անցկացվելիք սահմանադրական բարեփոխումների դիտորդական առաքելության խումբը: «Հայկական կողմը մշտապես պահպանել է կոռեկտությունը: Ադրբեջանցի գործընկերն առաքելության շրջանակներում կարող է այլ բան անել: Եթե կարիք լինի կներկայացնենք ռազմաքաղաքական իրավիճակը տարածաշրջանում: Որևէ բարդույթ չունենք ադրբեջանցիների մոտ ներկայացնելու այն, ինչն ասում ենք Երևանում»,-ասաց ԱԺ փոխխոսնակը: Շարմազանովի խոսքով` այնտեղ կլինեն հանդիպումներ Ղրղըզստանի պառլամենտի ներկայացուցիչների հետ, կքննարկվեն երկկողմ հետաքրքրության հարցեր:
