Էդուարդ Շարմազանով

Էդուարդ Շարմազանով.«Այս հայտարարությունը դեղին քարտ էր Ադրբեջանին»

35
Համբուրգում ընթացող ԵԱՀԿ նախարարական գագաթնաժողովի շրջանակում Լեռնային Ղարաբաղի խնդրի վերաբերյալ ընդունած համատեղ հայտարարության մասին Sputnik Արմենիային իր մեկնաբանություն է տալիս ԱԺ փոխնախագահ Էդուարդ Շարմազանովը:

Ըստ Շարմազանովի` համանախագահող երեք երկրների արտգործնախարարների կողմից արված հայտարարությունը անչափ առանցքային և կարևոր նշանակություն ունի հայկական կողի համար, և իր մեջ դրական մեսիջներ է պարունակում: «Համանախագահ երկրների արտաքին գերատեսչությունների ղեկավարները ևս մեկ անգամ հաստատում են, որ խնդիրը բացառապես պետք է լուծվի խաղաղ կարգավորմամբ: Երկրորդ` նրանք նշում են, որ պետք է պահպանվեն 94-95թթ-ի զինադադարի պայմանները: Սա այն է, ինչի մասին ապրիլյան պատերազմից հետո խոսեց Հայաստանի նախագահը: Երրորդ, որ շատ կարևոր է` առաջին անգամ համանախագահները խոսեցին ապրիլյան պատերազմի ժամանակ քաղաքացիական անձանց հանդեպ կիրառած վայրագությունների մասին և դատապարտեցին այն: Չորրորդ` նրանք հստակ ասում են, որ ռազմական գործողություններ սկսելու ժամանակ սկսողի վրա պիտի դրվի ամբողջական պատասխանատվությունը: Եվ 5-րդ` վերահաստավում է Վիեննայում և Սանկ Պետերբուրգում բոլոր պայմանավորվածությունների իրականացման անհրաժեշտությունն ու անխուսափելիությունը»,-ընդգծում է ԱԺ փոխնախագահը: Շարմազանովը վերահաստատում է, որ սա այն է, ինչ պնդում է հայկական կողմը և ինչից խուսափում է Ադրբեջանը: Ըստ նրա` հայկական կողմի հիմնական առաջարկներն այս հայտարարության մեջ ներառված են: Այս հայտարարությունը դեղին քարտ էր Ադրբեջանի ապակառուցողական քաղաքականությանը:

35
թեմա:
ԱԺ փոխնախագահ Էդուարդ Շարմազանով (95)