Դավիթ Ֆանարջյանը՝ Sputnik Արմենիայի տաղավարում

Ֆանարջյան. անպտղությունը սպառնում է նաև տղամարդկանց

82
«Ֆանարջյան» կենտրոնի տնօրեն, բժշկական գիտությունների թեկնածու, դոցենտ Դավիթ Ֆանարջյանը Sputnik Արմենիայի հետ զրույցում նշել է, որ տղամարդու անպտղության բերող հիվանդություները վաղ տարիքում անուշադրության մատնված ախտանիշների հետևանք են։

Դավիթ Ֆանարջյանը նկատել է՝ ամբողջ աշխարհում, իսկ հայերի մոտ՝ առավել ևս, կաղապարված գաղափար կա, որ ընտանիքի անպտղության պատճառը բացառապես կինն է։ Մինչդեռ աշխատանքային փորձն ու հետազոտություներն ապացուցում են, որ տղամարդու անպտղությունը պակաս տարածված չէ, քան կնոջ չբերությունը։

Մասնագետը կոչ է անում որդի ունեցող ծնողներին՝ դեռ մանկության վաղ տարիքում ուշադրություն դարձնել երեխայի սեռահասունացմանը, ծննդյան առաջին իսկ ամիսներին լսել մասնագետի կարծիքը, ժամանակին դիմել բժշկի։

Տղամարդու անպտղության բերող հիվանդությունների զգալի մասը մանկության տարիներին անուշադրության մատնված կամ թերի ստուգված հիվանդությունների հետևանք են, համոզված է Ֆանարջյանը։

Թեմայի մասին ավելի մանրամասն կարող եք լսել «Կաղապարից դուրս» հաղորդաշարում։

82