Sputnik Արմենիա

Ձյունն ու անձրևը չեն ցրտահարել բերքը

17
(Թարմացված է 17:39 19.10.2016)
ՀՀ Գյուղատնտեսության բուսաբուծության և բույսերի պաշտպանության վարչության պետ Աշոտ Հարությունյանը Sputnik Արմենիայի հետ զրույցում հայտնեց, որ վերջին օրերի ցուրտը բացասաբար չի անդրադարձել բերքի վրա։

Գյուղատնտեսության նախարարության մասնագետը նշեց, որ, բարեբախտաբար, տեղացած ձյունն ու, առհասարակ, եղանակային փոփոխություններն այս անգամ աղետալի չեղան հողագործների համար:

Նախարարությունը հաղորդագրությունների, մարզպետարանների միջոցով սպասվող ցրտի մասին զգուշացրել է գյուղացիներին։ Առանձնապես մեծ քանակի բերք չի մնացել առանց հավաքելու։

Աշոտ Հարությունյանն ասաց, որ վտանգ կար Սյունիքում, որտեղ դեռևս նուռ, արքայախնձոր ու էլի մի քանի տեսակի միրգ է մնացել հավաքելու, սակայն այնտեղ ցրտահարություն չեղավ, ամեն ինչ նորմալ է։

«Բացի այդ, շուտով եղանակը կտաքանա, ու ամեն ինչ տեղը կընկնի»,– նշեց Հարությունյանը։ Ավելին, կաղամբին ցուրտն օգուտ է, իսկ կարտոֆիլը հողի մեջ է, հակառակ դեպքում չի հասցնի ցրտահարվել։

17