Դավիթ Բաբայանը նշեց, որ ԼՂՀ-ում կարևորում են ցանկացած նման հանդիպում, քանի որ նման հանդիպումները նաև խաղաղ գործընթացի գրավականն են։ Դա նշանակում է, որ միջազգային հանրությունը, տվյալ դեպքում` ԵԱՀԿ եռյակը, ամեն ինչ անելու է, որպեսզի հակամարտությունը լուծվի խաղաղ ճանապարհով։
«Ճիշտ չէ ասել, թե նոր փուլ է սկսվում, հիմա հիմք է դրվել ոչ թե նոր փուլի, այլ նոր ուղղության։ Դա փոխվստահության միջոցառումների մշակումն է, որը երկարատև գործընթաց է։ Այդ միջոցառումները պետք է թույլ տան, որպեսզի խախտումները նվազեն հակամարտության գոտում` սահմանների երկայնքով»,- ասաց նա։
Բաբայանի խոսքով` երբ այդ միջոցառումները մշակվեն, կսկսեն իրագործվել։ Այդ ուղղությունը մեկնարկել է, և պետք է առաջ ընթանա։
