Հռոմ

Արևմուտքի խոշորագույն երկրների բնակիչների մեծ մասը դժգոհ է հասարակության այսօրվա մոդելից

91
(Թարմացված է 21:41 06.11.2019)
Արևմուտքի առաջատար երկրների բնակիչների մեծ մասը դժգոհ է հասարակության ժամանակակից մոդելից և կարծում է, որ լիբերալիզմը ճգնաժամի մեջ է։ Դրա վկայությունն են Sputnik.Կարծիք նախագծի հարցման տվյալները։

Ուսումնասիրությունների համաձայն` իտալացիների 80%–ը, Ֆրանսիայի քաղաքացիների 73%–ը, գերմանացիների 61%-ը, ամերիկացիների 60%–ը և Մեծ Բրիտանիայի հպատակների 58%–ը կարծում են, որ լիբերալիզմն իր ներկայիս ձևով ճգնաժամ է ապրում և առկա զարգացման մոդելի հետ մեկտեղ անհրաժեշտ են այլ մոդելներ։ Լիբերալիզմը ժամանակակից հասարակության համար լավ մոդել են համարել բրիտանացիների 42%–ը, ԱՄՆ քաղաքացիների 40%–ը, ԳԴՀ բնակիչների 39%–ը, ֆրանսիացիների 27%–ը և իտալացիների միայն 20%–ը։

Հետաքրքրական է, որ Մեծ Բրիտանիայում կրթության ավելի բարձր մակարդակ ունեցող հարցվածները հաճախ ընտրել են այն պատասխանները, որոնք հաստատում են ճգնաժամի վերաբերյալ պնդումը։ Մյուս երկրներում նման կարծիք են հայտնել մարդիկ, որոնք ցածր կամ միջին կրթական մակարդակ ունեն։

Հարցումն իրականացրել է Ifop ֆրանսիական ընկերությունը, հարցմանը մասնակցել են 18 տարեկանից բարձր 5031 մարդ։ Տվյալների անճշտության առավելագույն մակարդակը կազմում է +/-3,1 տոկոս` 95 տոկոս վստահության հավանականությամբ:

Եզրահանգումներ` ըստ երկրների

Ֆրանսիա

Ֆրանսիացիների բավական մեծ տոկոսն է (73%) կարծում, որ լիբերալիզմի առկա մոդելը ճգնաժամի մեջ է, անհրաժեշտ են նաև զարգացման այլ մոդելներ։

Առավել հաճախ նման տեսակետ են հայտնել 35-ից բարձր տարիքի մարդիկ (75%` 66%–ի դիմաց)։

Գյուղական համայնքներում մարդիկ առավել հաճախ են դժգոհում լիբերալիզմից (76%` 72%–ի և 70%–ի դիմաց)։

Ընտրություններին իրենց քվեները Jean-Luc Mélenchon–ին (82%) և Benoît Hamon–ին (78%) տված ֆրանսիացիներն ավելի հաճախ են ասել, որ լիբերալիզմը ճգնաժամ է ապրում։

ԱՄՆ

Կրթական ցածր և միջին մակարդակ ունեցող մասնակիցներն առավել հաճախ են հակված այն կարծիքին, որ լիբերալիզմը ճգնաժամ է ապրում (66% և 62%` 56%–ի և 52%–ի դիմաց)։

Հանրապետականներն առավել հաճախ են դժգոհում լիբերալիզմից, քան դեմոկրատները (76%` 49%–ի դիմաց)։

Ոչ կրոնասեր ամերիկացիների կեսից ավելին լիբերալիզմը հասարակության լավ մոդել են համարում, նրանք կարծում են, որ լիբերալիզմն էական փոփոխությունների կարիք չունի (54%)։

Մեծ Բրիտանիա

Բրիտանացիների կեսից ավելին (58%) համաձայն են այն պնդմանը, որ լիբերալիզմի առկա մոդելը ճգնաժամ է ապրում, սակայն այլ երկրների համեմատ նման կարծիք ունեցող հարցվածների տոկոսային թիվն ամենացածրն է։

Կրթական ավելի բարձր մակարդակ ունեցող բրիտանացիները մյուսներից հաճախ են կարծում, որ առկա լիբերալիզմի հետ մեկտեղ զարգացման այլ մոդելներ են անհրաժեշտ հասարակությանը (71%` 56%–ի դիմաց (ցածր մակարդակով), ինչպես նաև միջին և տարրական բարձր կրթական մակարդակով` 57% յուրաքանչյուրը)։

Բրեքսիթի կուսակցությանը հավատարիմ մարդիկ (70%) մյուս քաղաքական խմբերից առավել հաճախ են համաձայնում այն պնդմանը, որ լիբերալիզմի առկա մոդելը ճգնաժամ է ապրում, և դրա հետ մեկտեղ զարգացման այլ մոդելներ են պետք։

Գերմանիա

Կրթական ցածր մակարդակ ունեցող գերմանացիները հաճախ են համաձայնում այն պնդման հետ, որ լիբերալիզմի առկա մոդելը ճգնաժամ է ապրում (67%` 62%–ի, 60%–ի և 57%–ի դիմաց), նման կարծիքի առավել շատ հակված են հարցմանը մասնակցած այն մարդիկ, որոնք սատարում են Die Linke ձախ սոցիալիստական կուսակցության (73%), աջ և ուլտրաաջ Alternative fur Deutschland–ի (74%) քաղաքական կուրսը։

Պետք է նշել, որ Բեռլինի (70%) և Սաքսոնիայի (73%) բնակիչները ավելի հաճախ են դժգոհում լիբերալիզմից, քան այլ շրջանների բնակիչները։

Իտալիա

Իտալացիների 80% է դժգոհ լիբերալիզմի առկա մոդելից։ Սա դիտարկվող երկրների շարքում ամենաբարձր ցուցանիշն է։

91
թեգերը:
Իտալիա, Մեծ Բրիտանիա, ԱՄՆ, Գերմանիա, Ֆրանսիա
SputnikPro

Հայ լրագրողներն ու ռուսաստանցի հայտնի մարզական լրագրողները կհանդիպեն

96
(Թարմացված է 16:20 24.02.2020)
Sputnik Արմենիա մամուլի կենտրոնում ինտերակտիվ հանդիպում կկայանա հեռուստահաղորդավար, մարզական մեկնաբան Վասիլի Կոնովի և «Ռոսիա սեգոդնյա» ՄՏԳ–ի հատուկ ֆոտոթղթակից Վլադիմիր Պեսնյայի հետ։

ԵՐԵՎԱՆ, 26 փետրվարի — Sputnik. Sputnik միջազգային տեղեկատվական գործակալությունը (ՄՏԳ) և ռադիոկայանը փետրվարի 27–ին, ժամը 12:00–ին Sputnik Արմենիա մամուլի կենտրոնում SputnikPro նախագծի նոր մոդուլ կանցկացնի։

Հայտնի մարզական մեդիամենեջեր, այժմ «Ռոսիա սեգոդնյա» ՄՏԳ–ի գործադիր տնօրեն Վասիլի Կոնովն ու «Ռոսիա սեգոդնյա» ՄՏԳ–ի հատուկ ֆոտոթղթակից Վլադիմիր Պեսնյան կհանդիպեն հայ լրագրողների, խմբագիրների ու մարզական մեկնաբանների հետ։

Հանդիպման մասնակիցներն իրենց փորձը կփոխանակեն ինտերակտիվ շփման ձևաչափով։

«Որպեսզի ընթերցողը մեծ նյութ կարդա, դու նրան պետք է հետաքրքրես փոքրով», – ասում է Վասիլի Կոնովը։

«Լուսանկարն այլևս չի դադարեցնում պատերազմներն ու չի տապալում կառավարությունները։ Բայց կարող են ստիպել մտածել դրա մասին», – պնդում է Վլադիմիր Պեսնյան։

Վասիլի Կոնովը հայտնի է դարձել որպես Առաջին ալիքի սպորտային հեռարձակման տնօրինության թղթակից ու մարզական մեկնաբան։

1998 թվականի հունվարից մինչև 2010 թվականի նոյեմբերը եղել է «ՕՌՏ» հեռուստաալիքի (հետագայում` Առաջին ալիք) Սպորտային հեռարձակման տնօրինության թղթակիցն ու մեկնաբանը։ Բազմաթիվ անգամ մեկնել է Օլիմպիական խաղեր, ֆուտբոլի աշխարհի ու Եվրոպայի առաջնություններ լուսաբանելու, ֆլեշ–հարցազրույցներ է վերցրել խաղացողներից ու մարզիչներից ֆուտբոլի հեռարձակումների դադարների ժամանակ։ Վարել է «Ֆուտբոլային տեսություն», «Ֆուտբոլի ժամանակն է» հաղորդումները, միաժամանակ աշխատել է «Լուրեր» և «Ժամանակը» տեղեկատվական ծրագրերի համար։ Որպես մեկնաբան է աշխատել 2010 թվականի ֆուտբոլի աշխարհի առաջնության ժամանակ։

«Նաշե ռադիո» ռադիոկայանի եթերում վարել է «Սպորտային հետաքրքրությունից դրդված» հաղորդումը։ Որոշ ժամանակ հեղինակային սյունակ է վարել «Ռուսական Newsweek» ամսագրում։

2010–2017 թվականներին ղեկավարել է «Ս–Սպորտ» (ընդգրկված է «Ռոսիա սեգոդնյա» ՄՏԳ–ում) մարզական լուրերի գործակալությունը։

«Ոսկե խոսափող» մրցանակի է արժանացել` որպես 2017 թվականի լավագույն սպորտային լրագրող։ Բարեկամության շքանշանով է պարգևատրվել, նաև մեդալներ ունի Սոչիում 2014 թվականի ձմեռային Օլիմպիական ու Պարալիմպիկ խաղեր ու 2013 թվականին Կազանում Համաշխարհային ամառային ունիվերսիադա անցկացնելու համար։

Վլադիմիր Պեսնյան «Ռոսիա սեգոդնյա» ՄՏԳ–ի հատուկ ֆոտոթղթակիցն է։

Ծնվել է բժիշկների ընտանիքում, ավարտել է գեոդեզիական աստղագիտության ֆակուլտետն ու լրագրության ֆակուլտետը։ 1996 թվականից աշխատում է լրատվական ոլորտում։

Աշխատել է «Սպորտ Էքսպրես», «Խորհրդային սպորտ» և «Սպորտն օրեցօր» պարբերականներում, նաև Epsilon ֆոտոգործակալությունում։ Համագործակցել է Getty Images ֆոտոգործակալության ու մի շարք այլ պարբերականների հետ։

2011 թվականից ՌԻԱ Նովոստիի հատուկ թղթակիցն է, ունի մի շարք մրցանակներ` World Press Photo, Sportfolio Festival, NPPA Best of Photojournalism, Ֆոտոլրագրության զարգացման հիմնադրամի մրցանակ, Սպորտային Ռուսաստան, Արծաթե տեսախցիկ, հաղթանակների էներգիա։

Ամուսնացած է, ունի երեք երեխա։

SputnikPro–ն միջազգային նախագիծ է լրագրողների, պրոֆիլային բուհերի ու մամուլի ծառայությունների աշխատակիցների համար: Ուղղված է լրագրողների միջև միջազգային ու միջմշակութային կապերի զարգացմանը: SputnikPro միջազգային նախագիծը մեկնարկել է 2018 թվականի մարտին Մինսկում, իսկ նույն թվականի ապրիլին առաջին անգամ անցկացվեց Երևանում: Այսօրվա դրությամբ SputnikPro–ն հաջողությամբ անցկացվել է մի շարք երկրներում և արժանացել մեդիահանրության բարձր գնահատականին:

Հայաստանում SputnikPro–ն անցկացվում է 8-րդ անգամ: Նախագծին մասնակցելն անվճար է:

Sputnik-ը լրատվական գործակալություն և ռադիոկայան է` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 32 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում: Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն տարբերակներով:

Sputnik տեղեկատվական ռեսուրսների լսարանն ամսական ավելի քան 60 միլիոն է կազմում, Վեյբոյում Sputnik China–ի էջի բաժանորդների թիվը գրեթե հասնում է 9 միլիոնի: Ամբողջ աշխարհում`Պեկինից Մոնտենեգրո, սփռված խմբագրական 22 կենտրոնում աշխատում են տասնյակ ազգությունների ավելի քան հազար մարդ: Sputnik–ն ընդգրկված է «Ռոսիա սեգոդնյա» մեդիախմբում: Sputnik–ի գլխավոր գրասենյակը գտնվում է Մոսկվայում:

96
թեգերը:
Հայաստան
Օսվենցիմ

«Ինձ համար ցավալի է, քանի որ հրեա եմ». ինչու են շահարկում Օսվենցիմի ազատագրման թեման

85
(Թարմացված է 15:02 21.02.2020)
Օսվենցիմի ազատագրման շուրջ պատմական շահարկումները մտածված են իրականացվում և Ռուսաստանի դեմ են ուղղված։ Պատմությունը նորից գրելու փորձերը միտված են ներկայում և ապագայում աշխարհաքաղաքական ուժերի բաշխման փոփոխությանը։

ԵՐԵՎԱՆ, 21 փետրվարի – Sputnik. Օսվենցիմ համակենտրոնացման ճամբարի ազատագրումը հնարավոր է դարձել խորհրդային զինվորի արիության ու Կարմիր բանակի քաջության շնորհիվ։ Այս մասին Sputnik Արմենիային թղթակցի հետ զրույցում ասաց Երևանի աշխարհաքաղաքական ակումբի ղեկավար Արման Բոշյանը։

Այս անգամ Sputnik կարծիքն անցկացվել է Լեհաստանում։ Հարցվածների մեծ մասը` 73%–ը, հարցին, թե ով է նրանց կարծիքով ազատագրել Օսվենցիմը ֆաշիստական զորքերից, պատասխանել են, որ դա տեղի է ունեցել Կարմիր բանակի շնորհիվ։

«Հանրահայտ ու անվիճելի փաստ է, որ դա հնարավոր է դարձել խորհրդային զինվորի արիության շնորհիվ», – ասաց Բոշյանը։

Նրա խոսքով` այդ թեմայի շահարկումներն ուղղված են Ռուսաստանի դեմ։ Բոշյանը կարծում է, որ պատմությունը նորից գրելու փորձերը, խորհրդային զինվորի, Խորհրդային Միության դերակատարության համահարթեցումը միտված են ներկայում ու ապագայում աշխարհաքաղաքական ուժերի բաշխման փոփոխությանը։

«Պատմությունը կեղծելու փորձ է արվում, որովհետև Ռուսաստանի դերակատարությունն աշխարհում մեծանում է։ Ու Խորհրդային Միության դերակատարությունն այստեղ նվազեցնելը Ռուսաստանին հարվածելու տարբերակներից մեկն է», – ասաց Բոշյանը։

Փորձագետին չի զարմացնում նաև թեմայի ընտրությունը, քանի որ հանրության լայն շրջանակներում Օսվենցիմը հայտնի է որպես ֆաշիզմի, ֆաշիստական Գերմանիայի անմարդկային գործողությունների խորհրդանիշ։ Ֆաշիզմի կործանումը հնարավոր է դարձել ԽՍՀՄ–ի շնորհիվ։

Հայաստանի հրեաների համայնքի ղեկավար Ռիմա Վարժապետյանը Sputnik Արմենիայի հետ զրույցում ասաց, որ պատմական շահարկումները ոչ միայն տխուր են, այլև վտանգավոր։

«Պատմությունը նորից գրելն ընդամենը առևտուր է։ Ինձ համար դա ցավալի է, քանի որ հրեա եմ։ Օսվենցիմը Կարմիր բանակն է ազատագրել, ու դա փաստ է», – ասաց նա։

«Պուլտը» փչանում է. ԱՄՆ–ն էժանագին կեղծիք է ուղարկել Օսվենցիմի զոհերի սերունդների մոտ

Վարժապետյանի խոսքով` պատմությունից չես փախչի, և այն աղավաղելու փորձերը դադարեցնելու համար պետք է աշխատել երիտասարդների հետ։

Նշենք` հարցմանը մասնակցածների 73%–ը կարծում է, որ Օսվենցիմն ազատագրվել է Կարմիր բանակի ուժերով։

65 տարեկանից ավագ հարցվողների 85%–ը կարծում է, որ Օսվենցիմը Կարմիր բանակն է ազատագրել։ Ընդհանուր առմամբ 35 տարեկանից մեծ հարցվողներն ավելի հաճախ են նման պատասխան տալիս, քան 15–35 տարեկանները (76% –ը 64% դեմ)։

1925 թվականի հունվարի 27-ին Օսվենցիմն ազատագրվեց։
© Sputnik /
Հարցում

Ավելի մեծ եկամուտ ունեցողներն ու ավելի բարձր սոցիալական կարգավիճակում գտնվողները համարում են, որ Կարմիր բանակն է ազատագրել Օսվենցիմը (78% միջին եկամտով ու կարգավիճակով հարցվածները 69%–ի դեմ)։

Որքան ավելի կրթված են լեհերը, նրանք ավելի հաճախ են կարծում, որ Օսվենցիմը Կարմիր բանակն է ազատագրել։ Հարցվածների կրթության միջին մակարդակով 70% է այդպես կարծում, իսկ ամբողջական բարձրագույն կրթություն ունեցող մարդկանց շարքում այդ ցուցանիշը 79% է։

85
թեգերը:
Օսվենցիմ, Հոլոքոստ, Լեհաստան, Եվրոպա, Ռուսաստան, ԽՍՀՄ, Գերմանիա
Եզդիներ

Թող նրանք էլ նշեն. ՀՀ–ում ապրող ազգային փոքրամասնությունների համար նոր օրենք ընդունվեց

2
(Թարմացված է 14:18 02.06.2020)
Ոչ հայ աշխատողները կարող են մինչև չորս օր չվճարվող արձակուրդ վերցնել իրենց տոների և հիշատակի օրերի համար:

ԵՐԵՎԱՆ, 2 հունիսի – Sputnik. Հայաստանում աշխատող ազգային փոքրամասնությունների ներկայացուցիչներն իրենց ազգային տոների և հիշատակի օրերի համար կարող են լրացուցիչ արձակուրդ վերցնել։ Համապատասխան օրինագիծն այսօր ԱԺ–ում ընդունվեց երկրորդ և վերջնական ընթերցմամբ:

Նախագիծը ներկայացրել էր եզդիական համայնքի պատգամավոր Ռուստամ Բաքոյանը։

Ըստ այդ օրինագծի`Հայաստանում ապրող ազգային փոքրամասնությունների ներկայացուցիչներին իրենց ազգային, կրոնական և հիշատակի տոները նշելու համար չվճարվող արձակուրդի հնարավորություն կտրվի: Բանն այն է, որ հայկական տոներն ու հիշատակի օրերը (Սուրբ Ծնունդ, ապրիլի 24, մայիսի 28 և այլն) ամրագրված են որպես ոչ աշխատանքային օրեր, իսկ մյուս ազգությունների ներկայացուցիչներինը` ոչ։

Օրինակ՝ Հայաստանում ապրող հույներն ամեն տարի մայիսի 19-ին փորձում են գալ Երևան ՝ Ծիծեռնակաբերդի հուշահամալիր (ի հիշատակ Թուրքիայում հույն ժողովրդի ցեղասպանության), բայց նրանցից շատերը ստիպված են լինում երկար ճանապարհ անցնել (հույների մի մասն ապրում է Վանաձորում և Ալավերդիում)։ Եվ եթե մարդն աշխատում է, ապա նրա գալը կրկնակի է բարդանում։

Նույնը կարող է վերաբերել, օրինակ, ռուս մոլոկաններին, որոնք Զատիկը մի քանի օր են նշում, կամ մյուս քրիստոնյաներին՝ հույներին, ասորիներին, ուղղափառ ռուսներին, որոնք Սուրբ Ծնունդը նշում են կա՛մ դեկտեմբերի 25 –ին, կա՛մ հունվարի 7-ին (հայերը ՝ հունվարի 6-ին) ։ Ինչ վերաբերում է եզդիներին, ապա նրանց գխավոր տոներից մեկը նշվում է ապրիլին։

Նկատենք, որ գործատուների մի մասը նման օրերին պատրաստակամորեն է իր աշխատակիցներին թույլ տալիս արձակուրդ վերցնել ( նույնիսկ վճարովի)։ Բայց որպեսզի աշխատողները կախված չլինեն «վատ» կամ «լավ » գործատուից, նրանց իրավունքներն ամրագրվեցին օրենքով։

2
թեգերը:
ԱԺ, եզդի, Օրենք, Հայաստան
Ըստ թեմայի
ԱԺ պատգամավոր. «Եզդի աղջիկները չպետք է ուսումն ընդհատեն ամուսնության պատճառով»
Մոլոկանները Հայաստանում. կյանքն առանց հեռուստացույցի, խոզի մսի և օղու
Հայոց լեզվին սպառնո՞ւմ է լատիներենի ճակատագիրը, կամ ինչպե՞ս պահպանել մայրենին
Առցանց դասեր հայերենով․ Վրաստանում նոր նախագիծ են կյանքի կոչել