YouTube: дизлайки можно будет скрывать

Մոսկվայից ժամանած փորձագետները կհուշեն` ինչպես զարգացնել YouTube-ի հայկական ալիքները

40
(Թարմացված է 17:53 22.07.2021)
Հայ գործընկերների հետ ինտերակտիվ հանդիպման ընթացքում առաջատար ռուս մեդիամասնագետները կհայտնեն վիդեոդիզայնի ու վիդեոհոսթինգի ոլորտում իրենց ձեռքբերումների գաղտնիքները:

Ինչպես զրոյից խթանել YouTube-ն ու ինչպես ավելացնել նախագծի դինամիկան: Այս և այն մասին, թե ինչպես կատարելագործել վիդեոդիզայնը մեդիայում, հայ լրագրողները, ԶԼՄ-ների ղեկավարներն ու մեդիայի ներկայացուցիչները կկարողանան ավելի լավ իմանալ հուլիսի 23-ին՝ ժամը 12:00-ին, Sputnik Արմենիա մուլտիմեդիոն մամուլի կենտրոնում, որտեղ կենդանի շփում կկազմակերպվի ոլորտի` Մոսկվայից ժամանած փորձառու մասնագետների հետ:

Եվգենի Կոսենկո, «Ռոսիա սեգոդնյա» ՄՏԳ-ի Մեդիադիզայնի վարչության օպերատիվ գրաֆիկայի բաժնի դիզայներ

Սկզբում աշխատում էր տեսագովազդի բովանդակության ստեղծման ոլորտում։ 2013թ-ից սկսել է աշխատել հեռուստատեսությունում` «Մոսկվա-24» հեռուստաալիքում։

Աշխատել է լուրերի և այլ հեռուստատեսային նախագծերի համար գրաֆիկա ստեղծելու վրա։ 2019թ․-ից տեղափոխվել է «Ռոսիա սեգոդնյա» ՄՏԳ՝ «ТОК» ինտերնետ-նախագիծ` որպես համակարգչային գրաֆիկայի նկարիչ։ Մասնակցել է հարթակի համար YouTube, Facebook, VK, Instagram ալիքների ստեղծմանը, ինչպես նաև «ТОК-ДОК» նախագծի վավերագրական ֆիլմերի համար գրաֆիկայի ստեղծմանը։ Այս տարվանից աշխատում է «Ռոսիա սեգոդնյա» ՄՏԳ-ի Մեդիադիզայնի վարչության օպերատիվ գրաֆիկայի բաժնում։ Տեսահոլովակներ է ստեղծում Sputnik գործակալության կայքի ու խմբագրությունների համար։

Բորիս Պերվուշին, «Քաղաքական Ռուսաստան» ցանցային հասարակական-քաղաքական ամսագրի գլխավոր խմբագրի տեղակալ

Հեղինակել է PolitRussia տեսանախագիծը, որը լուսաբանում է ռուսական իրականության արդի քաղաքական և տնտեսական թեմաները։ Խմբագրությունում 5 մարդ է աշխատում, հետևորդների թիվը գերազանցում է մեկ միլիոնը։ Նա կպատմի` ինչպես հայտնի դարձնել YouTube-ի ալիքը, և ինչպես անել դա առանց բազմաթիվ աշխատակիցների՝ մեկ կամ երկու մարդու ուժերով։ Բացի այդ, փորձագետը կպատմի YouTube-ալիքի զարգացման առանձնահատկությունների մասին։

Ինտերակտիվ հանդիպումը Երևանում տեղի կունենա Sputnik միջազգային տեղեկատվական գործակալության ու Sputnik ռադիոկայանի տեղեկատվական նախագծի շրջանակում:

40
Sputnik Արմենիա

Տեսակամուրջ. «Զբոսաշրջությունը Հայաստանում և Վրաստանում համավարակի ֆոնին»

37
(Թարմացված է 12:08 29.07.2021)
Հուլիսի 29-ին` ժամը 12:00-ին, Sputnik Արմենիա մուլտիմեդիոն մամուլի կենտրոնում, տեղի կունենա Երևան-Թբիլիսի տեսակամուրջ՝ «Զբոսաշրջությունը Հայաստանում և Վրաստանում համաճարակի ֆոնին» թեմայով:

Ի՞նչ է այսօր տեղի ունենում Հայաստանի և Վրաստանի հանգստավայրերում, ինչո՞վ կարելի է զբոսաշրջիկներին գրավել համավարակի պայմաններում։ Ի՞նչ պետք է իմանան Վրաստանի սևծովյան ափին հանգստանալու մեկնող հայ զբոսաշրջիկները,և ի՞նչ է իրենից ներկայացնում Անակլիա նոր հանգստավայրը: Ինչպե՞ս է ընթանում տուրիստական սեզոնը Հայաստանում և Վրաստանում:

Այդ մասին կպատմեն.

  • Վրաստանի զբոսաշրջության ասոցիացիայի հասարակայնության հետ կապերի վարչության պետ, «Check-in Travel» տուրիստական ընկերության սեփականատեր Իյա Գեդևանիշվիլին,
  • Հայաստանում զբոսաշրջության հայկական ֆեդերացիայի խորհրդի անդամ, «Արմենիա Թրավել» զբոսաշրջային ընկերության հիմնադիր Մարինա Կրպեյանը:

Տեսակամուրջը կհեռարձակվի նաև Facebook-ում և Youtube-ում:

Հարցերը կարող եք ուղարկել v.aloyan@sputniknews.com էլեկտրոնային հասցեին, ինչպես նաև կարող եք գրել @Vardan_Aloyan Telegram–ալիքով:

Հեռ.` +374(98)180-626, +374(91)42-12-35։

Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոն, 4-րդ հարկ:

37
Բայքեր

Ասուլիս. «Ինչու են բայքերները տարբեր երկրներից գալիս Հայաստան»

47
(Թարմացված է 11:52 28.07.2021)
Հուլիսի 28-ին, ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա «Biker zone» կազմակերպության նախագահ Արտակ Ռշտունու մամուլի ասուլիսը։

«Զարկերակը լեռներում 2021» երրորդ միջազգային բայքերական փառատոնը տեղի կունենա Հայաստանում հուլիսի 30-ից օգոստոսի 1-ը: Շորժայում անցկացվող փառատոնին  Հայաստանից բացի կմասնակցեն նաև բայքերներ հեռավոր և մերձավոր երկրներից:

«Biker zone» կազմակերպության նախագահ Արտակ Ռշտունին փառատոնի վերաբերյալ մանրամասներ կներկայացնի հուլիսի 28-ին, ժամը 12:00-ին Sputnik Արմենիա մուլտիմեդիոն մամուլի կենտրոնում:

Ասուլիսը կհեռարձակվի նաև Facebook-ում և Youtube-ում:

Հարցերը կարող եք ուղարկել նաև v.aloyan@sputniknews.com էլեկտրոնային հասցեին, ինչպես նաև կարող եք գրել @Vardan_Aloyan  Telegram ալիքով:

Հեռ.` +374(98)180-626, +374(91)42-12-35։

Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոնի շենք, 4-րդ հարկ։

47
թեգերը:
ասուլիս
Մրգեր

Որ մթերքներն են օգնում հիշողության, մտավոր աշխատունակության լավացմանը. ուսումնասիրություն

0
(Թարմացված է 09:05 02.08.2021)
Ամերիկացի գիտնականները 20 տարի են ծախսել այս հետազոտության վրա, որում ավելի քան 50 հազար մարդ է ներգրավված։

ԵՐԵՎԱՆ, 2 օգոստոսի - Sputnik. Կոգնիտիվ գործառույթների խանգարումներ առաջացնող հիվանդությունների (հիշողության, մտավոր աշխատունակության և այլ կոգնիտիվ ֆունկցիաների թուլացում) կանխարգելման համար խորհուրդ է տրվում ֆլավոնոիդների բարձր պարունակությամբ մթերք օգտագործել: Այս թեմայով հոդվածը հրապարակվել է American Academy of Neurology ամսագրում:

Գիտնականները հաստատել են այդ հակաօքսիդանտ նյութերի օգուտը` լայնածավալ ուսումնասիրության միջոցով։ Ուսումնասիրությանը մասնակցել է 49,5 հազար կին և 30 հազար տղամարդ։ 20 տարվա ընթացքում հեղինակները հետևել են նրանց սննդակարգին ու համեմատել առողջության ցուցանիշները: Արդյունքների համաձայն՝ ֆլավոնոիդներով մթերք օգտագործած մարդիկ 20 տոկոսով ավելի քիչ են բախվել կոգնիտիվ բնույթի խնդիրների:

Հակաօքսիդանտներով հարուստ մթերքների թվին են պատկանում տանձը, խնձորն ու նեխուրը։ Բացի այդ, բժիշկները խորհուրդ են տալիս օգտագործել պղպեղ ու թուրինջ: Հատուկ ուշադրություն պետք է դարձնել մրգերի գույնին․եթե պտուղը կամ բանջարեղենը դեղին է, դա օգտակար է նման հիվանդությունների կանխարգելման համար։

0
թեգերը:
տանձ, հիշողություն, գիտնական, պղպեղ, խնձոր
Ըստ թեմայի
Գիտնականներն ասել են, թե որ հյութն է 97%–ով ճնշում կորոնավիրուսը
Գիտնականները պատմել են, թե որ դեպքում սուրճը չի օգնում
Բժիշկը զգուշացրել է` կորոնավիրուսի «դելտա» շտամի դեպքում հիվանդությունը երկար է տևում