Ասուլիս. «Ո՞վ է Երևանի ամենասիրուն աղջիկը»
(Թարմացված է 12:38 03.12.2019)
Դեկտեմբերի 4-ին, ժամը 13.00-ին Sputnik Արմենիա մուլտիմեդիոն մամուլի կենտրոնում կայանալիք ասուլիսի բանախոսները գեղեցկության մրցույթի գլխավոր հորիզոնականներում հայտնված աղջիկներն են։2004 թվականից ի վեր Երևանը չի ունեցել իր գեղեցկուհուն, և այժմ «Երևանի սիրուն աղջիկ» նախագիծը սկսել է նոր` «Միսս Երևան» գեղեցկության ամենամյա մրցույթը, որը կայացավ նոյեմբերի 23-ին:
Միսս Երևան 2019-ի պատվավոր թագի արժանացավ Անգելինա Տանանյանը: Առաջին վիցե միսս տիտղոսը ստացավ Անի (Մանե) Գարեգինյանը, երկրորդ վիցե միսս դարձավ Ալինա Աղեկյանը:
Sputnik Արմենիա մուլտիմեդիոն մամուլի կենտրոնում կայանալիք ասուլիսի ընթացքում Երևանի սիրուն աղջիկները կպատմեն, թե ինչպես անցավ մրցույթը, ինչպես նաև կխոսեն իրենց առաջիկա ծրագրերի մասին։
Այս ամենամյա մրցույթի հաղթող գեղեցկուհին կհանդիսանա մայրաքաղաքի խորհրդանիշ և ամբողջ տարվա ընթացքում կմասնակցի Երևանում կայանալիք բարեգործական, սոցիալական, նորաձևության, սպորտի և զբոսաշրջության բնագավառի ծրագրերին:
Հեռ.` +374(98)180-626, +374(91)42-12-35
Հասցե` Երևան, Ամիրյան 4/7, «Իմպերիում պլազա» բիզնես կենտրոն, 4-րդ հարկ։
Մամուլի կենտրոնի ծանուցումները ստանալու համար կարելի է բաժանորդագրվել՝ հայտ ուղարկելով v.aloyan@sputniknews.com էլ. հասցեով:
Երևան-Մինսկ-Թբիլիսի տեսակամուրջ. «Ինչպե՞ս աշխատել երեխաների հետ համավարակի պայմաններում»
(Թարմացված է 18:25 29.05.2020)
Հունիսի 1-ին` ժամը 12: 00-ին, Sputnik Արմենիա մուլտիմեդիոն մամուլի կենտրոնում «Երեխաների ստեղծագործական կարողությունների զարգացումը համավարակի պայմաններում» թեմայով առցանց տեսակամուրջ կանցկացվի։ Ինքնամեկուսացման ընթացքում շատերը գիտակցեցին, թե որքան դժվար է սահմանափակ տարածքում զբաղվել երեխայի կրթական և ստեղծագործական զարգացմամբ: Ի հայտ եկան նաև սահմանափակ կարողություններ և հատուկ կարիքներ ունեցող երեխաների ընտանիքների խնդիրները:
Sputnik Արմենիայի կազմակերպած հանդիպման մասնակիցները կքննարկեն, թե ինչպես կարելի է զբաղվել երեխայի հետ ինքնամեկուսացման ընթացքում, և ինչ դասեր ենք քաղելու համաճարակի ավարտից հետո։ Տեսակապին կմասնակցեն.
Երևանում`
«Ներառական ընտանիք» նախագծի հիմնադիր Աննա Գրիգորյանը,
Կլինիկական հոգեբան, առանձնահատկություններ ունեցող երեխաների զարգացման մասնագետ Անահիտ Հայկազունին:
Մինսկում`
Ընտանեկան ներառական «i» թատրոնի գեղարվեստական ղեկավար Իրինա ԿԻՍԵԼՅՈՎԱ:
Թբիլիսիում՝
«Մենք ուրիշ ենք» հիմնադրամի նախագահ, ինտեգրատիվ բժշկության «Miraculum» կենտրոնի տնօրեն Անդրեյ Մաքսիմովը,
«Սերաֆիմ» բարեգործական հիմնադրամի հիմնադիր Լիա Սերգեևան։
Տեսակամուրջը կհեռարձակվի նաև Sputnik Արմենիայի ֆեյսբուքյան էջում և YouTube-ում։ Լրագրողները կարող են հարցերն ուղղել առցանց։
Հեռ.` +374(98)180-626, +374(91)42-12-35։
Հասցե` Երևան, Ամիրյան 4/7, «Իմպերիում պլազա» բիզնես կենտրոն, 4-րդ հարկ։
Մամուլի կենտրոնի ծանուցումները ստանալու համար կարելի է բաժանորդագրվել՝ հայտ ուղարկելով v.aloyan@sputniknews.com էլ. հասցեով:
թեգերը:
Հայաստանում պլանավորում են կորոնավիրուսի ախտորոշման մինչև 3000 թեստ արտադրել օրական
(Թարմացված է 20:25 20.05.2020)
Այս պահին կորոնավիրուսն ախտորոշող թեստերի ներքին փորձարկումները գրեթե ավարտված են։ Երկրորդ փուլով թեստերը կփորձարկվեն կորոնավիրուսով հիվանդներից վերցված նմուշների վրա, որից հետո թեստը կանցնի անկախ փորձաքննություն։Մոլեկուլային կենսաբանության ինստիտուտը եկող շաբաթվանից կսկսի կորոնավիրուսն ախտորոշող թեստերի արտադրությունը։ Լուրը հայտնել է ինստիտուտի տնօրեն Արսեն Առաքելյանը։
Նրա խոսքով՝ ողջ աշխարհում համավարակը տարածվում է, ինչը նշանակում է, որ ամեն երկիր իր սեփական կարիքները բավարարելու համար պետք է օգտագործի հնարավոր բոլոր ռեսուրսները։
«Հայաստանում կորոնավիրուսն ախտորոշող թեստերի արտադրություն սկսելու համար չունեինք անհրաժեշտ կոմպոնենտները, այդ պատճառով պատվիրեցինք տարբեր ընկերություններից, և սկսեցինք այստեղ թեստը հավաքել։ Այժմ ունենք ամեն ինչ` մոտ 100,000 թեստ արտադրելու համար։ Մեծ հույս ունեմ, որ եկեղ շաբաթվանից կսկսենք թեստերի արտադրությունը։ Պլանավորում ենք օրական մինիմում 1000, իսկ մաքսիմում` 2000-3000 թեստ արտադրել»,-կառավարության հրապարակած տեսանյութում ասում է Առաքելյանը։
Նրա խոսքով՝ անգամ այդ պարագայում Հայաստանը կունենա ավելի մատչելի թեստեր, քան այն, որը կառավարությունը ձեռք է բերում։
«Այս պահին ներքին փորձարկումները համարյա ավարտել ենք։ Երկրորդ փուլով կսկենք փորձարկել հիվանդների նմուշների վրա, որից հետո մեր կողմից արտադրված թեստը կանցնի անկախ փորձաքննություն»,-ասում է նա։
Այս ծրագրի վրա աշխատել է մոտ 30 մարդ, որոնցից 10-ը` փորձարկումների վրա։ Երբ հերթը հասնի թեստերի արտադրությանը, ինստիտուտում կաշխատեն հերթափոխով։
Հայկական արտադրության դիմակներ․ Տավուշի ֆաբրիկան շտապ վերապլոֆիլավորվել է․ տեսանյութ
Եպիսկոպոսը խորհուրդ էր տալիս նշան բռնել գլխին․ հայ հոգևորականն ու Սարդարապատի ճակատամարտը
(Թարմացված է 21:44 30.05.2020)
Մի քանի հայ հոգևորականներ օգնել են փարատել հայկական զորքի բարոյալքված վիճակը և Էջմիածնի մատույցներում մարտնչել թուրքերի դեմ։ԵՐԵՎԱՆ, 30 մայիսի – Sputnik. «Սարդարապատ» թանգարանի տնօրեն Կարեն Փահլևանյանը Sputnik Արմենիային պատմեց, որ Սարդարապատի ճակատամարտի ժամանակ եպիսկոպոս Գարեգին Հովսեփյանն անձամբ է հայ «դիպուկահարներին» հրահանգել նշան բռնել հակառակորդի գլխին։
©
Sputnik / Aram Nersesyan
Կարեն Փահլևանյան
1918թ․-ի մայիսի կեսին տարածաշրջանում իրավիճակը ծանր էր։ Բրեստ-Լիտովսկի պայմանագրի ստորագրումից և Բաթումը, Արդահանն ու Կարսը գրավելուց հետո թուրքերը շարունակում էին գրոհը Էջմիածնի ուղղությամբ։ Հայոց քաղաքական և ռազմական ղեկավարությունը նախազգուշացրեց կաթողիկոս Գևորգ Ե Սուրենյանցին, որ ժամանակն է լքել Էջմիածինը և տեղափոխվել Բջնի, Բյուրական կամ Սևան, բայց կաթողիկոսը մերժեց։
Կաթողիկոսն ասաց, որ եթե հայկական զորքն ի վիճակի չէ պաշտպանել իրեն, պաշտպանել քրիստոնեությունը, ապա ինքը պատրաստ է մնալ Էջմիածնում։ Եվ Սարդարապատի հերոսամարտի օրերին հոգևորականությունը զորքի կողքին մնաց՝ ռազմաճակատի առաջին գծում։
«Թվում է՝ հոգևորականությունը պետք է հանդես գար ընդդեմ սպանության, առավել ևս՝ չպետք է գտնվեր իրադարձությունների էպիկենտրոնում։ Բայց ոչ այս դեպքում»,-ասաց Փահլևանյանը։
Այն ժամանակ խաղասեղանին էր դրված ազգի ֆիզիկական ինքնապահպանման հարցը։ Եպիսկոպոս Գարեգին Հովսեփյանը (հետագայում՝ Մեծի Տանն Կիլիկիո կաթողիկոս) Հայաստանի ամենակրթված մարդկանցից էր, սովորել էր արտասահմանում։
©
Sputnik / Aram Nersesyan
Հենց նա էլ ռադիոյով դիմեց զորքին, ու նրա խոսքը ոգեշնչեց հուսալքված մարդկանց։
Թուրքերի դեմ պայքարի դուրս եկան ոչ միայն զինվորները, այլև սովորական գյուղացիները, հողագործները, որսորդները։ Այն ժամանակ հենց որսորդներն էին դառնում լավագույն «դիպուկահարները»։
Մի պատմություն է պահպանվել այդպիսի որսորդներից մեկի՝ Զարզանդի և Գարեգին եպիսկոպոսի խոսակցությունից։
Մենք մի պատասխան ունենք աշխարհին. Գագիկ Գինոսյանը երիտասարդների հետ պարում է Սարդարապատում
«Երբ Զարզանդը կրակում էր հակառակորդին, Գարեգինը քմծիծաղով ասում էր` գլխին չկպավ։ Նա համարում էր, որ կրակոցները պետք է դիպուկ լինեն»,-պատմեց Փահլևանյանը` ուշադրություն հրավիրելով զինամթերքի պակասության և դրա արդյունավետ օգտագործման անհրաժեշտության վրա։
Իհարկե, այս պատմությունը գեղարվեստական տարր ունի, բայց կոնկրետ մարդկանց անուններ և գյուղերի անվանումներ են նշվում։
Ճակատամարտին մասնակցած հոգևորականների հստակ թիվը հայտնի չէ։ Բայց ամբողջ Գևորգյան ճեմարանը այնտեղ է եղել, ուստի կարելի է խոսել մոտ 300 հոգևորականի մասնակցության մասին։
Առհասարակ հոգևորականները հսկայական դեր են խաղացել զորքի հոգեբանական և բարոյական աջակցության հարցում։ Չպետք է մոռանալ, որ ընդամենը մի քանի տարի առաջ էր ցեղասպանությունը սկսվել, և Հայաստանում հարյուր հազարավոր փախստականներ կային, սով էր ու ավերածություններ։
Եվ ահա այդպիսի պահին պատմական հրաշք կատարվեց։ Իզուր չէ, որ որոշ պատմաբաններ Սարդարապատի ճակատամարտը համեմատում են Ավարայրի ճակատամարտի հետ և նույնիսկ ավելի կարևոր են համարում։
Տոնի տխուր կողմը. Սարդարապատի հերոսամարտի հուշահամալիրում մայիսի 28–ին մարդ չկա
թեգերը: