Թաթուլ Մանասերյան և Արամ Սաֆարյան

Տեսակամուրջ. «Ղազախստանում կայացած միջկառավարական խորհրդի նիստի արդյունքները»

34
(Թարմացված է 16:54 18.08.2017)
Օգոստոսի 16–ին, ժամը 12։00–ին Sputnik Արմենիա մուլտիմեդիոն մամուլի կենտրոնում կկայանա Աստանա – Բիշքեկ – Երևան – Մինսկ – Մոսկվա տեսակամուրջ` «Համագործակցություն Եվրասիական տնտեսական միության շրջանակում։ Ղազախստանում կայացած միջկառավարական խորհրդի նիստի արդյունքները» թեմայով։

Օգոստոսի 14–ին Աստանայում կայացավ Եվրասիական միջկառավարական խորհրդի հերթական նիստը, որի մասնակցեցին Եվրասիական տնտեսական միության (ԵԱՏՄ) մասնակից երկրների վարչապետները` Բակիջան Սագինտաևը (Ղազախստան), Կարեն Կարապետյանը (Հայաստան), Անդրեյ Կոբյակովը (Բելառուս), Սորոնբայ Ժեենբեկովը (Ղրղըզստան), Դմիտրի Մեդվեդևը (Ռուսաստան)։ Նիստին մասնակցում էր նաև Եվրասիական տնտեսական հանձնաժողովի նախագահ Տիգրան Սարգսյանը։

Նիստի ընթացքում ԵԱՏՄ անդամ երկրների վարչապետները քննարկել են տնտեսության, մաքսային, էներգետիկ, տրանսպորտային և այլ ուղղություններով ինտեգրացիոն փոխգործակցության խորացմանը վերաբերող հարցեր: Մասնավորապես, անդրադարձ է կատարվել ԵԱՏՄ թվային օրակարգին, անդամ երկրների էլեկտրաէներգետիկ շուկաների ինտեգրմանը, ավիացիոն ոլորտում համագործակցությանը: ԵԱՏՄ-ի և Իրանի միջև համաձայնագրի բանակցությունների ընթացքին, աշխատողների կենսաթոշակային ապահովմանը, ինչպես նաև ազգային և միջազգային վարորդական իրավունքների փոխադարձ ճանաչմանն առնչվող խնդիրները և մի շարք այլ հարցեր նույնպես եղել են Եվրասիական միջկառավարական խորհրդի անդամների դիտարկման թեմաները:

Sputnik Արմենիան մամուլի կենտրոնում կայանալիք տեսակապի ընթացքում փորձագետները կանդրադառնան ԵԱՏՄ շրջանակում համագործակցման արդիական հարցերին, նաև կքննարկեն խորհրդի նիստի օրակարգն ու կամփոփեն վարչապետների հանդիպումը։

Բանախոսներն Աստանայում`

–      «Նուր Օտան» կուսակցության Հասարակական քաղաքականության ինստիտուտի փոխտնօրեն Վլադիմիր Տելյանով։

Բիշքեկում`

Ղազախստանի Հանրապետության Առևտրաարդյունաբերական պալատի կոմիտեի նախագահ, էկոնոմիկայի նախարարի խորհրդական Կուբատ Ռահիմով։

Երևանում`

–      Եվրասիական փորձագիտական ակումբի համակարգող, «Ինտեգրացիա և զարգացում» հետազոտական-վերլուծական կազմակերպության նախագահ Արամ Սաֆարյան: «Այլընտրանք» հետազոտական կենտրոնի ղեկավար, տնտեսական գիտությունների դոկտոր, պրոֆեսոր Թաթուլ Մանասերյան։

Մինսկում`

–      Տնտեսական գիտությունների դոկտոր, պրոֆեսոր Ստեփան Վասկովսկի։

Մոսկվայում`

–      ՌԳԱ Էկոնոմիկայի ինստիտուտի հետխորհրդային հետազոտությունների կենտրոնի ղեկավար, տնտեսական գիտությունների դոկտոր, պրոֆեսոր Լեոնիդ Վարդոմսկի։

Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան։

Հեռ.` +374 (10) 600-131, բջջ.` +374 (94) 18-3377։

Հասցե` «Իմպերիում պլազա» բիզնես կենտրոն, Ամիրյան 4/7, 4-րդ հարկ:

Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։

34