Արմեն Բաղդասարյան

Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը

66
(Թարմացված է 23:47 22.07.2021)
Քաղաքագետ Արմեն Բաղդասարյանը կարծում է, որ նոր խորհրդարանի ընդդիմությունը բավականին խոցելի է։
Սուր ելույթներ, շոուներ, թատրոն. Ինչպիսին կլինի 8-րդ գումարման խորհրդարանը

8-րդ գումարման Ազգային ժողովն առանձնապես չի տարբերվի նախորդ խորհրդարանից։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը։

«Իշխող քաղաքական ուժը նույնն է, ընդդիմությունը շատ ավելի արմատական է, շատ ավելի կոշտ քաղաքական պայքարի կողմնակից, որևէ հարցում որևէ համագործակցության չի գնա իշխող քաղաքական ուժի հետ։ Միակ առանձնահատկությունը սա է»,- ասաց նա։

Նրա կարծիքով` առաջիկա ներքաղաքական իրադարձությունների կիզակետը ԱԺ-ն չի լինելու. եթե Հայաստանում ինչ-որ ֆորսմաժորային իրավիճակ ստեղծվի,ներքաղաքական պայքարը կշարունակվի փողոցներում, հրապարակում։ Եթե ոչ, ապա խորհրդարանում կտեսնենք քաղաքական սուր ելույթներ, շոուներ, թատրոն և ոչ ավելին։ Տեսարաններ, որոնք մեր ներքաղաքական կյանքի վրա և ընդհանրապես երկրի կյանքի վրա որևէ էական ազդեցություն չեն ունենա։

«Խորհրդարանում ներկայացված ընդդիմությունը բավականին խոցելի է, և իշխանությունները կարող են հակազդել ամենասուր քննադատական ու կոշտ ելույթները` հիշեցնելով նրանց անցյալը և այլն։ Այս իմաստով իշխանությունները կոմֆորտի մեջ են»,- նշեց Բաղդասարյանը։

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

Նորընտիր Ազգային ժողովի առաջին նիստը կկայանա օգոստոսի 2-ին։

Ովքե՞ր կլինեն նոր ԱԺ–ում. խորհրդարան անցած քաղաքական 3 ուժերի ցուցակները հայտնի են

66
թեգերը:
Արմեն Բաղդասարյան (քաղաքական մեկնաբան), ընդդիմություն, ԱԺ, Հայաստան
Արթուր Վանեցյան

ԱԺ «Պատիվ ունեմ» խմբակցությունը կգլխավորի Արթուր Վանեցյանը

32
(Թարմացված է 19:37 27.07.2021)
Դաշինքը նորընտիր ԱԺ-ում ներկայացված կլինի յոթ պատգամավորներով, խմբակցության քարտուղարը ՀՀԿ-ական է։

ԵՐԵՎԱՆ, 27 հուլիսի - Sputnik. Ազգային Ժողովի «Պատիվ ունեմ» խմբակցությունը կղեկավարի դաշինքի առաջնորդ, «Հայրենիք» կուսակցության ղեկավար Արթուր Վանեցյանը։

Տեղեկությունը Sputnik Արմենիայի հետ զրույցում հայտնեց «Հայրենիք» կուսակցության մամուլի քարտուղար Սոս Հակոբյանը։ Նրա խոսքով՝ խմբակցության քարտուղարի պարտականությունները էլ կկատարի ՀՀԿ-ական Հայկ Մամիջանյանը։

Նշենք, որ «Պատիվ ունեմ» դաշինքը պատգամավորական յոթ մանդատ է ստացել։ 8-րդ գումարման ԱԺ-ում դաշինքը կներկայացնեն Արթուր Վանեցյանը, Տարոն Մարգարյանը, Աննա Մկրտչյանը, Իշխան Զաքարյանը, Հայկ Մամիջանյանը, Թագուհի Թովմասյանն ու Տիգրան Աբրահամյանը։

Ալեն Սիմոնյանի մանկության ընկերը ԱԺ աշխատակազմի ղեկավար կնշանակվի. ԶԼՄ

32
թեգերը:
Արթուր Վանեցյան, «Պատիվ ունեմ» դաշինք, ԱԺ, Հայաստան
Ըստ թեմայի
Ով կստանա ԱԺ փոխնախագահի` ընդդիմության աթոռը. «Հայաստան» դաշինքում հարցը որոշված է
Ովքե՞ր կլինեն նոր ԱԺ–ում. խորհրդարան անցած քաղաքական 3 ուժերի ցուցակները հայտնի են
Հայտնի է ԱԺ ութերորդ գումարման առաջին նստաշրջանի օրակարգը
Արթուր վանեցյան

Արթուր Վանեցյանն առաջարկում է ստեղծել Արցախի հարցերով մշտական հանձնաժողով

34
(Թարմացված է 18:17 27.07.2021)
«Պատիվ ունեմ» դաշինքը նախատեսում է ԱԺ առաջին նիստում հանդես գալ Արցախի հարցերով մշտական հանձնաժողով ստեղծելու նախաձեռնությամբ։

ԵՐԵՎԱՆ, 27 հուլիսի – Sputnik. «Պատիվ ունեմ» դաշինքի պատգամավորության թեկնածու, ԱԱԾ նախկին պետ Արթուր Վանեցյանը մտադիր է հանդես գալ Ազգային ժողովի մշտական հանձնաժողովների շարքում Արցախի հարցերով մշտական հանձնաժողով ստեղծելու առաջարկությամբ։ Վանեցյանն այս մասին հայտնել է Facebook–ի իր էջում։

«Հաշվի առնելով հետընտրական շրջանում Արցախի շուրջ ստեղծված իրավիճակը, Արցախին առնչվող բազմաթիվ նոր խնդիրները և մարտահրավերները՝ անվտանգայինից մինչև սոցիալական, մշակութայինից մինչև տնտեսական, ճիշտ եմ համարում ԱԺ մշտական հանձնաժողովների շարքում ստեղծել Արցախի հարցերով մշտական հանձնաժողով»,–գրել է նա։

Վանեցյանի խոսքով` «Պատիվ ունեմ» դաշինքը նախատեսում է ԱԺ առաջին նիստում հանդես գալ լրացուցիչ հիմնավորումներով։

Հիշեցնենք, որ նորընտիր խորհրդարանի առաջին նստաշրջանը մեկնարկելու է օգոստոսի 2-ին` ժամը 10:00-ին։ Օրակարգում 7 հարց է ընդգրկված, որոնցից մեկն էլ մշտական հանձնաժողովների ստեղծման հարցն է լինելու։

«Պատիվ ունեմ» դաշինքը վերցնելու է մանդատները 4 պատճառով

34
թեգերը:
Արցախ, հանձնաժողով, ՀՀ Ազգային ժողով, ԱԺ, Արթուր Վանեցյան
Ըստ թեմայի
Երկաթե մուրճն ու պողպատե մանդատը այսօր վեր են Սահմանադրությունից. Վանեցյանը ուղերձ է հղել
Ես իմ թիմին միայնակ չեմ թողնի. Արթուր Վանեցյանը` խորհրդարան գնալ–չգնալու մասին
Վանեցյանը բացատրեց` ինչու է ասել «Крым наш», «Я кадровый чекист»
Спасатели и полицейские с собакой ищут жертв наводнения в Троозе в Бельгии

Բելգիայում ջրհեղեղի զոհերի թիվը հասել է 41-ի

0
Երկրին հարյուրավոր միլիոնների վնաս է պատճառվել, տուժած շրջանների վերականգնման համար տարիներ կպահանջվեն:

ԵՐԵՎԱՆ, 27 հուլիսի - Sputnik. Բելգիայում ջրհեղեղի հետևանքով զոհերի թիվը շարունակում է աճել։ ՌԻԱ Նովոստիի փոխանցմամբ՝ զոհերի թիվը հասել է 41-ի։ Հուլիսի 14, 15-ին տեղի ունեցած աղետից հետո մինչ այսօր երկու անձ անհետ կորած են համարվում։

«Վալոնիայի 262 մունիցիպալիտետներից 202-ը օգնություն կստանան որպես տարերային աղետից տուժած շրջաններ։ Դա ցույց է տալիս այս աղետի մասշտաբները»,- նշել է Վալոնիա նահանգի ղեկավար Էլիո դի Ռուպոն։

Նշենք, որ ավելի վաղ ԶԼՄ-ները հայտնում էին 37 զոհի մասին։

Խորտակված մեքենաներ, ջրասույզ եղած տներ և փողոցներ. Չինաստանի ջրհեղեղը` լուսանկարներով

Հուլիսի 14-15-ը տեղատարափ անձրևները պատուհասեցին Բելգիայի հարավային նահանգները, ինչի հետևանքով աննախադեպ մասշտաբի ջրհեղեղ սկսվեց։ Իշխանությունները տարերքի պատճառած վնասը գնահատում են հարյուրավոր միլիոն եվրո, տուժած շրջանների վերականգնման համար տարիներ կպահանջվեն:

Բաթումի փողոցները հեղեղված են անձրևաջրերով. տեսանյութ

0
թեգերը:
ջրհեղեղ, Բելգիա