Ռոբերտ Քոչարյան

Նույն «կարտերի կալոդը» խառնում են. Քոչարյանը՝ պաշտպանության նախարարի փոփոխության մասին

171
(Թարմացված է 21:50 21.07.2021)
ՀՀ երկրորդ նախագահը նշեց, որ նման կարգի փոփոխություններին պետք չէ լուրջ վերաբերվել, քանի որ, իր գնահատմամբ, դրանք ոչ թե մտածված ու լուրջ նպատակներ հետապնդող փոփոխություններ են, այլ «փոփոխություն` փոփոխության համար»։

ԵՐԵՎԱՆ, 21 հուլիսի - Sputnik. Պաշտպանության ոլորտում տեղի ունեցող փոխատեղումները ՀՀ երկրորդ նախագահ Ռոբերտ Քոչարյանը համեմատում է խաղաքարտերը խառնելու ու դրանցից պատահական մեկն ընտրելու հետ։ Նման համեմատություն նա արեց այսօր «Երկիր Մեդիա», «5-րդ ալիք», «Հայկական երկրորդ հեռուստաալիք» հեռուստաընկերություններին տված հարցազրույցում` մեկնաբանելով պաշտպանության նախարարի պաշտոնում Վաղարշակ Հարությունյանին Արշակ Կարապետյանով փոխարինելու Փաշինյանի որոշումը։

«Բրավո, շնորհավորում եմ, մենք շատ արագ ունենալու ենք մարտունակ բանակ։ Դուք լո՞ւրջ եք վերաբերվում նման կարգի նշանակումներին։ Նույն «կարտերի կալոդը» այսպես խառնում են ու այդ «կալոդից» ինչ–որ դեմքեր են քաշում»,– ասաց Քոչարյանը։

Երկրորդ նախագահը նշեց, որ նման կարգի փոփոխություններին պետք չէ լուրջ վերաբերվել, քանի որ, իր գնահատմամբ, դրանք ոչ թե մտածված ու լուրջ նպատակներ հետապնդող փոփոխություններ են, այլ «փոփոխություն` փոփոխության համար»։

«Նույն կադրային բանկով ինչ–որ վերափոխումներով իմիտացիա ստեղծել, թե ինչ–որ բան ենք անում»,– ասաց նա։

Ինչ վերաբերում է բանակի ներկա վիճակին, Քոչարյանի խոսքով, բանակի ներսում այսօր էական ոչինչ չի կատարվում։

«Մենք չգիտենք մեր մարդկային կորուստների հստակ թիվը, չի հրապարակվել նաև նյութական կորուստների մասին, չգիտենք, թե ինչ ծրագրեր են իրականացվում բանակի մարտունակությունը վերականգնելու համար։ Եվ չեմ կարծում, թե սա իշխանությունների համար համար մեկ խնդիր է։ Ես չեմ տեսնում որևէ քայլ բանակի մարտունակության բարձրացման համար։ Տպավորությունն այնպիսին է, որ սա առաջնահերթություն չէ իշխանությունների համար»,– ասաց նա։

Կնշանակի խաչ քաշել Ղարաբաղի ապագայի վրա. Քոչարյանը նոր փաստաթղթի ստորագրում է կանխատեսում

Հիշեցնենք` երեկ հայտնի դարձավ, որ ՀՀ պաշտպանության նախարարի պաշտոնակատար Վաղարշակ Հարությունյանը հրաժարականի դիմում է ներկայացրել: Մամուլում լուրեր են պտտվում, որ նրա փոխարեն նշանակվելու է Արշակ Կարապետյանը, որը երեկ ազատվեց ԳՇ պետի առաջին տեղակալի պաշտոնից և նշանակվեց ՀՀ պաշտպանության նախարարի առաջին տեղակալ։

171
թեգերը:
Ռոբերտ Քոչարյան, Բանակ, հարցազրույց
Ըստ թեմայի
Ժամը 2-ից հետո Երասխի հատվածում հանգիստ է եղել․ ՊՆ
Զորամաս մուտք գործելու համար նորակոչիկի հարազատները պետք է ՊՇՌ թեստ ներկայացնեն. ՊՆ
Կադրային փոփոխություններ կրակոցների ներքո. ինչ է հայտնի ՊՆ նոր պատասխանատուի մասին
Վրաստանի և Հայաստանի վարչապետները

Վրաստանի վարչապետն ուղերձ է հղել Նիկոլ Փաշինյանին

17
(Թարմացված է 17:18 03.08.2021)
Ղարիբաշվիլին ընդգծել է, որ տարածաշրջանի աշխարհաքաղաքական դինամիկան և առկա մարտահրավերներն ավելի նշանակալից են դարձնում Հայաստանի ու Վրաստանի միջև համագործակցությունը։

ԵՐԵՎԱՆ, 3 օգոստոսի – Sputnik. Վրաստանի վարչապետ Իրակլի Ղարիբաշվիլին շնորհավորական ուղերձ է հղել Նիկոլ Փաշինյանին ՀՀ վարչապետի պաշտոնում նշանակվելու կապակցությամբ: Տեղեկությունը հայտնում է վարչապետի մամուլի ծառայությունը։

«Թույլ տվեք անկեղծ շնորհավորել Հայաստանի Հանրապետության վարչապետի պաշտոնին նշանակվելու կապակցությամբ։ Տարածաշրջանի աշխարհաքաղաքական դինամիկան և առկա մարտահրավերներն ավելի նշանակալից են դարձնում մեր երկրների միջև համագործակցությունը ինչպես երկկողմ, այնպես էլ տարածաշրջանային ձևաչափում։ Հավատում եմ, որ Վրաստանի և Հայաստանի Հանրապետության միջև դարերի ընթացքում ձևավորված սերտ կապերն ու ավանդական բարիդրացիական հարաբերություններն ապագայում ավելի կամրապնդվեն: Նաև ցանկանում եմ պատրաստակամություն հայտնել ակտիվ երկխոսության համար այս փոխշահավետ համագործակցության էլ ավելի ամրապնդման գործում»,– գրել է Վրաստանի վարչապետն իր ուղերձում։

Արմեն Սարգսյանը զանգել է Նիկոլ Փաշինյանին

Ղարիբաշվիլին եղբայրական հայ ժողովրդին խաղաղություն և բարօրություն է մաղթել:Հիշեցնենք` Հայաստանի Հանրապետության նախագահը նորընտիր Ազգային ժողովի լիազորությունների ժամկետը սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին:

Պաշտոնը ստանձնում եք կարևորագույն ժամանակաշրջանում. Փաշինյանը շնորհավորել է Սիմոնյանին

Իսկ քանի որ ԱԺ–ում մեծամասնություն են կազմում «Քաղաքացիական պայմանագիր» կուսակցության ցուցակով ընտրված պատգամավորները, նրանք երեկ առաջադրեցին Նիկոլ Փաշինյանի թեկնածությունը։

Ավելի ուշ ՀՀ նախագահ Արմեն Սարգսյանը հրամանագիր ստորագրեց, և Փաշինյանը կրկին նշանակվեց ՀՀ վարչապետ։

17
թեգերը:
Հայաստան, Վրաստանի Հանրապետություն, Նիկոլ Փաշինյան, Իրակլի Ղարիբաշվիլի
Հակոբ Արշակյան

Հակոբ Արշակյանը խոսեց Նավալնիին աջակցելու ակցիաներին մասնակցելու մասին

196
(Թարմացված է 16:15 03.08.2021)
Հակոբ Արշակյանը շեշտեց, որ ՀՀ քաղաքացի է և ելնում է Հայաստանի շահերից, իսկ Ռուսաստանը Հայաստանի ռազմավարական գործընկերն է։

ԵՐԵՎԱՆ, 3 օգոստոսի – Sputnik. «Քաղաքացիական պայմանագիր» կուսակցության կողմից ԱԺ փոխնախագահի թեկնածու Հակոբ Արշակյանին «Հայաստան» դաշինքի պատգամավոր Արեգնազ Մանուկյանը հիշեցրեց ՌԴ դեսպանատան մոտ Ալեքսեյ Նավալնիին աջակցելուն ուղղված բողոքի ակցիաներին իր մասնակցելը։

Մանուկյանը փորձեց ճշտել, թե Արշակյանը Նավալնիի գործունեության մասին այժմ ինչ կարծիք ունի։

«Խնդրում եմ դուք որակումներ չտաք, թե ես որ երկրի դեմ կամ կողմ եմ երբևէ ակցիաներ արել, որովհետև երբևէ որևէ միջոցառում, որին ես մասնակցել եմ որևէ պետության դեմ չի եղել։ Այն, ինչի մասին դուք նշում եք, մոտ 10 տարի առաջվա իրավիճակային դրվագային միջոցառում է եղել, և ես այդ մասով չեմ ցանկանա մեկնաբանություն տալ»,–ասաց Արշակյանը։

Նա շեշտեց, որ ՀՀ քաղաքացի է և ելնում է Հայաստանի շահերից, իսկ Ռուսաստանը Հայաստանի ռազմավարական գործընկերն է։

«Դա նշանակում է, որ մեր շահերը զուգահեռվում են, այլ ոչ թե խաչվում և այն երկրները, որոնց դեմ ես հանդես կգամ հակառակ վերաբերմունքով, դրանք Հայաստանի թշնամիներն են և հակառակորդները։ Ես ուզում եմ վերահաստատել, որ Ռուսաստանը Հայաստանի ռազմավարական գործընկերն է, և ես իմ գործունեությամբ ամեն ինչ անելու եմ, որպեսզի այդ գործընկերային հարաբերություններն էլ ավելի խորացվեն»,–ասաց նա։

Հանձնաժողովի 3 նախագահներն ընդդիմադիր կլինեն. ըստ Ռուստամյանի` պայմանավորվածություն չկա

Նրա խոսքով՝ ՀՀ բարձր տեխնոլոգիական արդյունաբերության նախարարի պաշտոնում աշխատելիս` ինքը բարձր մակարդակի հարաբերություններ է պահպանել ՌԴ գործընկերների և Հայաստանում Ռուսաստանի ներկայացուցիչների հետ։

Կալանավորված պատգամավորների բացակայությունը հարգելի է համարվում. Վլադիմիր Վարդանյան

196
թեգերը:
Հակոբ Արշակյան, ԱԺ, «Հայաստան» դաշինք, Ալեքսեյ Նավալնի, Բողոքի ակցիա, Ռուսաստան
Ըստ թեմայի
Ռոբերտ Քոչարյանը եկել էր, Արմեն Գևորգյանը` ոչ. դատական նիստը հետաձգվեց
Ռուբեն Ռուբինյանն ընտրվեց ԱԺ փոխնախագահ
Արմեն Սարգսյանը զանգել է Նիկոլ Փաշինյանին
ՀՀ ԿԲ

Ռուսաստանից ու ԱՄՆ-ից տրանսֆերտների ներհոսքը գերազանցել է սպասումները. ԿԲ

0
(Թարմացված է 18:08 03.08.2021)
ԿԲ-ի կանխատեսումները փոխվել են. սպասվում է, որ ԱՄՆ-ից դրամական փոխանցումները կսկսեն կրճատվել միայն 2022 թվականի սկզբին:

ԵՐԵՎԱՆ, 3 օգոստոսի - Sputnik. Ռուսաստանից ու ԱՄՆ-ից տրանսֆերտների ներհոսքը գերազանցել է կանխատեսվող ցուցանիշները։ Տեղեկությունը ՀՀ Կենտրոնական բանկում մամուլի ասուլիսի ժամանակ հայտնեց ԿԲ դրամավարկային քաղաքականության վարչության պետ Հայկ Ավետիսյանը։

Փաստացի ներհոսքը և՛ Ռուսաստանից, և՛ ԱՄՆ-ից ավելի շատ էր, քան ակնկալում էր ԿԲ-ն։ ԱՄՆ-ից ստացվող մուտքերի կրճատում սպասվում է միայն 2022 թվականի սկզբից, երբ կավարտվեն տնային տնտեսությունների դրամական աջակցության ծրագրերը (COVID relief):

ԿԲ նախագահ Մարտին Գալստյանն իր հերթին նշեց, որ դեռևս հայտնի չէ, թե երբ է ԱՄՆ-ն ուզում «փակել» իր ընդլայնողական դրամավարկային քաղաքականությունը, սակայն ակնհայտ է, որ այդ մասին խոսակցություններն ավելի հաճախակի են դառնում, առավել ևս, որ ԱՄՆ-ում գնաճը գերազանցում է 5 տոկոսը. նման բան վաղուց չի եղել:

Նշենք, որ տարեսկզբից տրանսֆերտների ներհոսք է արձանագրվում ոչ միայն Ռուսաստանից (հիմնական աղբյուրը) ու ԱՄՆ-ից, այլև Ղազախստանից ու Ֆրանսիայից (մյուս երկու համեմատաբար խոշոր աղբյուրները)։

Նշենք, որ Կենտրոնական բանկի վիճակագրության համաձայն՝ Հայաստանի արտաքին վճարային հաշվեկշիռը 2021-ի առաջին եռամսյակում (վերջին հասանելի տվյալները) կազմել է մինուս 82 մլն դոլար՝ 2020-ի առաջին եռամսյակի մինուս 233 մլն դոլարի համեմատ: Դրան նպաստել է նաև տրանսֆերտների ներհոսքը: Մասնավորապես, առաջին եռամսյակի ներհոսքը նույնիսկ ավելի բարձր է եղել, քան 2020 թվականի առաջին եռամսյակում (303 մլն դոլար՝ 235 մլն դոլարի համեմատ):

Գնաճը Հայաստանում դուրս է եկել վերահսկողությունից. տնտեսագետ    

0
թեգերը:
Ռուսաստան, Հայաստան, ԱՄՆ, Կենտրոնական բանկ (ԿԲ)
Ըստ թեմայի
ՌԴ-ից եկող տրանսֆերտները կնվազեն. կորոնավիրուսը վնասել է նաև արտագնա աշխատանքի մեկնողներին
ԱՄՆ–ից Հայաստան տրանսֆերտներն աճում են. նաև ՌԴ–ից է ակտիվություն ակնկալվում