նՆիկոլ Փաշինյանն ու Շառլ Միշելը

Ինչո՞ւ է ԵՄ–ն 2,5 մլրդ եվրո տալիս Հայաստանին. Ադրբեջանի հետ խաղաղության պայմանագիր կկնքվի՞

1023
(Թարմացված է 23:42 19.07.2021)
Բաքուն ուզում է հասնել նրան, որ Երևանը խորհրդային սահմանների ճանաչմամբ խաղաղության պայմանագիր ստորագրի, Հայաստանի իշխանությունը հակված է դրան, թեև այդ դեպքում կկորցնի Արցախը։

ԵՐԵՎԱՆ, 19 հուլիսի - Sputnik. Եվրոպական միությունն ուզում է կայունացնել արցախյան պատերազմից հետո ստեղծված ստատուս քվոն, իսկ ՀՀ–ին ուղղված ֆինանսական օգնության նպատակը մեկն է` հայ հասարակությանը շեղել 2020 թվականի նոյեմբերի 9-ի եռակողմ հայտարարությունը վերանայելու ցանկությունից։ Sputnik Արմենիայի հետ զրույցում նման կարծիք հայտնեց քաղաքական և տնտեսական ռազմավարական հետազոտությունների կենտրոնի ղեկավար Բենիամին Պողոսյանը:

Հուլիսի 17-ին Եվրոպական խորհրդի նախագահ Շառլ Միշելը Երևանում Նիկոլ Փաշինյանի հետ կայացած ասուլիսում վերահաստատեց Հայաստանին 2,6 մլրդ դոլար հատկացնելու պատրաստակամությունը՝ երկրի առջև ծառացած առաջնահերթ խնդիրները լուծելու համար: Նա նաև է ասել է, որ Երևանն ու Բաքուն կարող են փոխզիջման հասնել չորս հիմնական հարցերի շուրջ, որոնք անհրաժեշտ է լուծել տարածաշրջանում խաղաղության ու կայունության հասնելու համար: Արդեն հաջորդ օրը Բաքվում Միշելը հայտարարեց, որ Եվրամիությունը կարող է անհրաժեշտության դեպքում աջակցել Հայաստանին ու Ադրբեջանին պետական սահմանի սահմանազատման հարցում։

Պողոսյանի կարծիքով՝ Միշելի այցը հազիվ թե ուղղված լիներ սահմանազատման հարցում ինչ-որ պայմանավորվածություններ ձեռք բերելուն։

«Հայաստանի և Ադրբեջանի մասով հիմնական ուղերձն այն է, որ արցախյան պատերազմից հետո նրանք շահագրգռված են ստեղծված ստատուս քվոյի կայունացմամբ։ Եվ պատրաստ են դրա համար որոշակի քայլեր ձեռնարկել, մասնավորապես ֆինանսական միջոցներ տրամադրել», - նշեց փորձագետը։

Պողոսյանը կարծում է, որ Հայաստանին 2,6 միլիարդի չափով վարկեր ու դրամաշնորհներ հատկացնելը հենց այդ նպատակն է հետապնդում՝ երկրում ապահովել որոշակի տնտեսական աճ, ավելացնել քաղաքացիների բարեկեցությունը։

Իսկ եթե հաշվի առնենք, որ միջին հաշվով 5 տարվա ընթացքում շուրջ 500 մլն դոլար է երկիր մտնելու, ապա դա զգալի գումար է տնտեսական ակտիվություն ապահովելու համար։

Փորձագետի կարծիքով՝ դա արվում է այն նպատակով, որ բնակչության լայն շերտերն ավելի քիչ մտածեն 2020 թվականի նոյեմբերի 10-ին ձևավորված ստատուս քվոյի փոփոխության մասին, ավելի շատ կենտրոնանան անձնական բարեկեցությունն ավելացնելու ուղղությամբ։

«Դա կբերի նրան, որ այն քաղաքական գործիչները, որոնք կողմ կլինեն նոյեմբերի 10-ից հետո Արցախում ձևավորված ստատուս քվոյին, այսպես ասենք` ավելի քիչ պոպուլյար կլինեն։ Նրանց կոչերն էլ պակաս հասկանալի կլինեն, քանի որ մարդկանց զգալի մասը տնտեսական դրական փոփոխություններ ու որոշակի կայունություն կզգա», - նշեց Պողոսյանը։

Պուտինը կհանդիպի Ալիևի հետ հուլիսի 20-ին. Արցախի թեման՝ ուշադրության կենտրոնում

Ադրբեջանի դեպքում իրավիճակն այլ է։ ԵՄ-ն ընդամենը 100 մլն դոլար է հատկացնում, բայց դա, բնականաբար, չի նշանակում, որ Հայաստանի նկատմամբ հատուկ վերաբերմունք ունի։ Այստեղ, փորձագետի կարծիքով, երկու կարևոր պահ կա։ Նախ` Ադրբեջանը լիովին գոհ է ներկայիս ստատուս քվոյից, որովհետև դա շատ ավելին է, քան Բաքուն կարող էր անգամ երազել։ Այսինքն՝ կարիք չկա ֆինանսական միջոցներով մեղմելու ադրբեջանցիների «դժգոհությունը»։

Երկրորդ՝ պետք է հասկանալ, որ այս փուլում Ադրբեջանը գումարի կարիք չունի։ Չնայած 2007-2012 թվականների նավթային բումն անցել է, այդուհանդերձ Բաքուն կարող է իրեն թույլ տալ որոշակի ներդրումներ անել գրաված տարածքներում (նախատեսվում է մոտ 1,3 միլիարդ դոլարի ներդրում անել, այդ թվում՝ 3 օդանավակայանների բացման համար)։

Բացի այդ, այժմ ակտիվ բանակցություններ են ընթանում տարբեր միջազգային, այդ թվում՝ եվրոպական ընկերությունների հետ Ադրբեջանի վերահսկողության տակ գտնվող տարածքներում ներդրումների վերաբերյալ։ Ալիևը նույնիսկ հայտարարել է, որ եվրոպական ընկերություններից մեկի հետ արդեն նախնական պայմանավորվածություն է ձեռք բերվել 200 ՄՎտ արևային էլեկտրակայանի կառուցման վերաբերյալ։ Այսինքն՝ եվրոպական փողերն այնտեղ կգնան, բայց ներդրումների տեսքով։

Ինչ վերաբերում է Ադրբեջանի սահմանին ռուս սահմանապահներ և միջազգային դիտորդներ տեղակայելու հայտարարություններին, ապա Բաքուն, ամենայն հավանականությամբ, դրանք անտեսում է, որովհետև պաշտոնական արձագանք չի եղել:

«Բաքվին մի բան է հետաքրքրում՝ խաղաղության պայմանագրի ստորագրում և խորհրդային սահմաններում Ադրբեջանի տարածքային ամբողջականության ճանաչում, այսինքն՝ Հայաստանի վերջնական հրաժարում Արցախից։ Անկլավների հարցում Բաքուն կարող է «բարի կամք» դրսևորել կամ հարցը բարձրացնել և/կամ ինչ-որ բան ստանալ դրա դիմաց», - ասաց Պողոսյանը։

Զուր չէ, որ Ալիևն այժմ հայտարարում է, թե Լեռնային Ղարաբաղի հարց չկա, քանի որ նման միավոր չկա։ Բաքուն ձգտում է, որ Երևանը հրաժարվի Արցախից, որ Հայաստանում լավագույն դեպքում համակերպվեն այն բանի հետ, որ Արցախից կմնա միայն մի փոքր հատված, ընդ որում՝ Երևանից անկախ, և այն լավագույն դեպքում Ռուսաստանի պրոտեկտորատի տակ լինի։

Ընդ որում` հայկական իսթեբլիշմենթը, փորձագետի կարծիքով, հակված է համաձայնություն տալ խաղաղության պայմանագրին։

«Իշխանությունն ասում է, որ Հայաստանի ու Արցախի համար խաղաղ ապագա ապահովելու մանդատ է ստացել։ Մի քիչ զարմանալի է, քանի որ Արցախի բնակիչներն այս ընտրություններին չեն մասնակցել (ընդ որում՝ 2018 թվականի մայիսի 9-ին Փաշինյանն ասել է, որ չի կարող արցախցիների անունից բանակցություններ վարել)։ Հասկանալի է, որ մեր իշխանությունը հակված է պայմանագրի ստորագրմանը», - նշեց փորձագետը։

Ու թեև նրանք, ի դեմս փոխվարչապետի պաշտոնակատար Տիգրան Ավինյանի (որը հազիվ թե նոր կառավարությունում լինի), ասում են, որ մինչև կարգավիճակի հստակեցում չլինի, նման բան չեն անի, միևնույնն է` դա շատ մշուշոտ է հնչում։ Անհասկանալի է, թե որ սահմաններով կարգավիճակի մասին է խոսքը՝ 1991 թվականի դեկտեմբերի 2–ի, 2020 թվականի սեպտեմբերի 26-ի, թե՞ նոյեմբերի 10-ի։

Հայաստանի իշխանությունը, սակայն, կարող է ստորագրել փաստաթուղթը՝ ներքին լսարանին հայտարարելով, որ դա Արցախի հետ դա կապ չունի։ Բայց եթե մշուշոտ հայտարարություններից բացի ոչինչ չարվի, բոլորին պարզ կդառնա, որ Հայաստանը «լվացել է ձեռքերը» Արցախից և միայն մեկ պարտավորություն ունի` փոխանցել աշխատավարձերն ու թոշակները։ Եվ այն էլ մինչև այն պահը, քանի դեռ 90-100 հազար հայ ապրում է 3 հազար քառ. կմ վրա։

1023
թեգերը:
Բենիամին Պողոսյան, Ադրբեջան, Եվրամիություն, Հայաստան
Ըստ թեմայի
Արցախցիները նախկինում կազմում էին տարիների պլաններ, այժմ ապրում են մեկ օրով. պատգամավոր
Արմեն Սարգսյանն ընդունել է Շառլ Միշելին. խոսել են գերիների, պատերազմի ու Արցախի մասին
Եթե Ալիևը 30 տարվա ընթացքում չի հասկացել, ուրեմն պետք է պարտադրել այդ լուծումը. Արցախի ՄԻՊ
Գեղարքունիք

Ի՞նչ քարտեզներ են փոխանցվել Երևանին և Բաքվին, կամ սահմանի լարումը սահմանազատման համար է

63
(Թարմացված է 22:15 31.07.2021)
Մոսկվացի քաղաքագետ և Կովկասագետների գիտական ընկերության կայքի գլխավոր խմբագիր Անդրեյ Արեշևը Sputnik Արմենիային տված հարցազրույցում վերլուծել է հայ-ադրբեջանական սահմանին և Հարավային Կովկասում տիրող իրավիճակը:

ԵՐԵՎԱՆ, 31 հուլիսի – Sputnik. Ռուս վերլուծաբան Անդրեյ Արեշևը կարծում է, որ սահմանին իրավիճակը սրելով` Ադրբեջանը փորձում է հայկական կողմի վրա առավելագույն ճնշում գործադրել և առավելություն ստանալ մարտական գործողությունների գոտում` հետագայում բանակցություններին սակարկության ժամանակ շահեկան օգտագործելու համար:

«Միանգամայն ակնհայտ է, որ այդպիսի սակարկություն է ընթանում։ Այդ մասին կարելի է դատել Նիկոլ Փաշինյանի և Իլհամ Ալիևի Մոսկվա կատարած այցերի արդյունքներից։ Հայաստանի ղեկավարի այցից հետո խոսվել է բարդ փոխզիջումների ու որոշումների մասին, իսկ Ալիևի հետ հանդիպման ընթացքում Ռուսաստանի նախագահը շնորհակալություն է հայտնել այն փոխզիջումային լուծումների համար, որոնք քննարկվել են ու հնարավոր է շարադրվեն թղթի վրա», - ասում է Արեշևը:

Քաղաքագետի խոսքով՝ ակնհայտ է, որ Մոսկվայում բանակցությունները վերաբերում են Հայաստանի և Ադրբեջանի միջև խաղաղ պայմանագրի կնքմանը՝ առանց Թուրքիայի մասնակցության։ Այս համատեքստում, անշուշտ, քննարկվում են սահմանագծման և սահմանազատման հարցերը։ Չի բացառվում, որ այդ գործընթացի հիմքը դառնան Ռուսաստանի գլխավոր շտաբի քարտեզները, որոնք, որոշ տվյալների համաձայն, արդեն փոխանցվել են Բաքվին և Երևանին։

«Փաշինյանը երբեք չի թաքցրել հարևան երկրների հետ խաղաղության հասնելու իր ծրագրերն ու այդ մասին ասել է հերթական անգամ՝ վերջերս ելույթ ունենալով Հայաստանի խորհրդարանում: Ճիշտ է, նա նշել է, որ Բաքուն ապակառուցողական դիրքորոշում է ցուցաբերում։ Դրանով հաստատվում է, որ Ադրբեջանը բանակցում է ուժի դիրքերից՝ ավելացնելով իր ռազմական ներկայությունը սահմանին։ Դժվար թե ադրբեջանական ստորաբաժանումները հենց այնպես հեռանան Գեղարքունիքից և Սյունիքից, որ ռուս սահմանապահները կանգնեն հակամարտող կողմերի միջև։ Ամենայն հավանականությամբ, Բաքվում պնդում են, որ զորքերի հայելային հեռացման հիմք ընդունվի հակամարտության ներկայիս գիծը», - ասաց նա։

Андрей Арешев на заседании армяно-российского Лазаревского клуба (13 декабря 20119). Еревaн
© Sputnik / Asatur Yesayants
Անդրեյ Արեշևը

Արեշևը կարծում է, որ Ղարաբաղում ռազմական պարտությունն ու բանակցային գործընթացում հայկական իշխանության ներկայիս խոցելի վիճակը Հայաստանի թուլացման արդյունքն են, չնայած որ երկիրն ուժեղացել էր վերջին 10-15 տարում:

Սահմանային գոտում հրադադարը պետք է վերականգնել. Գավանը ԵԽԽՎ–ում զեկույցով հանդես կգա

«Ժամանակին փորձագետները խոսում էին հայ հասարակության «ղարաբաղականացման» մասին, իսկ հիմա մենք գործ ունենք «քարդաշյանացման» հետևանքների հետ։ Ես չեմ հորինել այդ տերմինը, բայց այն ընդհանուր առմամբ արտացոլում է բնակչության շրջանում տիրող տրամադրություններն ու գաղափարական-արժեքային նոր վեկտորը», - ասում է Արեշևը։

Նման տրամադրությունները 2018-ի գարնան անարյուն իշխանափոխության արդյունքն են, իսկ դրան հաջորդած իրադարձությունները, մասնավորապես, ռազմաքաղաքական դաշինքի գործող գլխավոր քարտուղար Յուրի Խաչատուրովի քրեական հետապնդումը, անվստահություն առաջացրեցին ՀԱՊԿ-ի դաշնակիցների մոտ։ Ուստի, քաղաքագետի կարծիքով, պետք չէ բացառել այն գործոնը, որ Հայաստանի ներկայիս իշխանությունն անգիտակցաբար սպասարկել է ոչ բարեկամական երկրների և դրանց հատուկ ծառայությունների շահերը, և հիմա նման անմտությունը թանկ է նստում թուլացած հայկական պետության վրա։

«Ռուս վերլուծաբանները շատ հաճախ ընդգծում են Թուրքիայի կապերը բրիտանական հետախուզության և նրանց անդրազգային կորպորացիաների հետ։ Հիշեցնեմ, որ ժամանակին «ֆուտբոլային դիվանագիտությունը»  նախաձեռնվել էր այն ուժերի կողմից, որոնք շահագրգռված էին Հայաստանին Արևելք – Արեւմուտք առանցքին միացնելու հարցում, որ Երևանը ռուսական վեկտորից ուղղվի թուրքականին», - ընդգծեց Արեշևը։

Նրա խոսքով՝ Հայաստանի արևմտամետ ուժերը չեն կարող հստակ ասել, թե առանց Անկարայի մասնակցության հավաքական Արևմուտքն ինչպիսի քաղաքական նախագիծ կարող է առաջարկել ՀՀ-ին: Նույնիսկ ՆԱՏՕ-ում Հարավային Կովկասի բոլոր երեք երկրները ղեկավարվում են թուրք սպաները։ Արեշևը նշում է, որ եվրոպացի ու ամերիկացի ներկայացուցիչների այցերից կարելի է դատել, որ նրանք չեն տարանջատում տարածաշրջանի երկրները՝ հետևողականորեն այցելելով Թբիլիսի, Երևան ու Բաքու:

«Արևմուտքն առանձին նախասիրություններ չունի Հարավային Կովկասի երկրներից յուրաքանչյուրի հանդեպ և չի առանձնացնում Հայաստանը։ Նրանց համար դա ընդհանուր տարածաշրջան է, որը լավ կլիներ ամբողջովին արևմտամետ դարձնել, բայց նրանք գիտակցում են, որ Թուրքիան Կովկասում ու Կենտրոնական Ասիայում ունի իր արտաքին քաղաքական նպատակները, որոնք իրականացնում է, ու չարժե նրան այդ հարցում խանգարել», - ասաց Արեշևը։

Պուտինը հայ-ադրբեջանական սահմանին տիրող իրավիճակը քննարկել Է ՌԴ ԱԽ անդամների հետ

Այսպիսով, քաղաքագետը կարծում է, որ Հայաստանում ռուսական ներկայության այլընտրանքը թուրքական ներկայությունն է։ Իսկ դա կհանգեցնի տնտեսական, մշակութային և գաղափարական էքսպանսիայի։ Արեշևը նշում է, որ հայկական լրատվական դաշտում արդեն տարածվում են թուրքական քարոզչության թեմաներ, որ հայերն ու թուրքերը հիանալի խաղաղ ապրել են, մինչև «չար Ռուսաստանը» և ռուսական բանակի հայ գեներալներն եկան ու սկսեցին գրավել Կարսը, Արդահանը, Էրզրումը և այլն։

Այդպիսի մտքերը արտահայտում են նույնիսկ իշխող խմբակցության կողմնակիցները։Այնուամենայնիվ, քաղաքագետը գտնում է, որ Մոսկվան կկարողանա զսպել Հայաստանի նկատմամբ թուրքական ոտնձգությունները` նաև հաշվի առնելով Անկարայի կողմից Արցախյան պատերազմում սիրիացի վարձկանների կիրառումը:

63
թեգերը:
քարտեզ, Հայաստան, Սահման, Դեմարկացիա, սահմանապահ, Դելիմիտացիա, Ռուսաստան, Թուրքիա, Ադրբեջան, Նիկոլ Փաշինյան
Ըստ թեմայի
Սահմանին տեսալուսանկարահանում անելու համար 100 հազար դրամ տուգանք կսահմանվի
ՌԴ ԱԳՆ-ն Երևանին և Բաքվին կոչ է արել ձեռնպահ մնալ սահմանին իրավիճակի սրմանը տանող քայլերից
Արմեն Գրիգորյանը Կարմիր խաչի ղեկավարի հետ քննարկել է սահմանային խնդիրն ու գերիների հարցը
Տիգրան Աբրահամյան

Ընդդիմադիր դաշինքները համաձայնության են եկել պաշտոնների հարցում. անուններ են հայտնի

276
(Թարմացված է 09:52 31.07.2021)
Արդեն որոշված է նաև, թե ում կառաջադրի ընդդիմությունը Ազգային ժողովի փոխնախագահի պաշտոնում։

ԵՐԵՎԱՆ, 31 հուլիսի – Sputnik. Ընդդիմադիր դաշինքները՝ «Հայաստանն» ու «Պատիվ ունեմ»-ը, ԱԺ–ի իրենց հասանելիք պաշտոնների հարցում համաձայնության են եկել։ Այս մասին գրում է «Հրապարակ» թերթը։

Ընդդիմության ԱԺ փոխնախագահի պաշտոնում կառաջադրվի ՀՅԴ-ական Իշխան Սաղաթելյանը, «Պատիվ ունեմ»-ը կաջակցի դրան։

«Դրա դիմաց՝ եթե ընդդիմությանը մշտական հանձնաժողովների 3 նախագահի պաշտոն բաժին ընկնի, մեկը կզիջեն Արթուր Վանեցյանի խմբակցությանը, հնարավոր է՝ առաջադրվի Տիգրան Աբրահամյանը, ում 2 դաշինքում էլ լավ են վերաբերվում»,–գրում է թերթը։

Հանձնաժողովներից մեկի (հավանաբար՝ տնտեսական հարցերի) նախագահ կդառնա դաշինքի 3 ուժերից մեկի՝ «Վերածնվող Հայաստանի» ղեկավար Վահե Հակոբյանը, մյուսի նախագահը կլինի ՀՅԴ-ից։

Նիկոլ Փաշինյանը շնորհավորեց «Հայաստան» և «Պատիվ ունեմ» դաշինքներին

Հավանաբար, կա՛մ տարածքային կառավարման, կա՛մ սոցիալական հարցերի։ Խոսք է գնում ՀՅԴ-ական 2 նախկին մարզպետների մասին՝ Արթուր Խաչատրյանի և Աշոտ Սիմոնյանի:

«Հայաստան» դաշինքը որոշել է վերցնել պատգամավորական մանդատները. հայտարարություն

Հիշեցնենք` հունիսի 20–ին կայացած ԱԺ արտահերթ ընտրությունների ձայների վերջնահաշվարկի արդյունքում «Քաղաքացիական պայմանագիր» կուսակցությունը ստացել էր  658 761 ձայն կամ  ընտրողների ձայների 53.91%–ը, «Հայաստան» դաշինքը ստացել է  269 481 ձայն կամ 21.09%–ը, «Պատիվ ունեմ» դաշինքը  66 650 քվե կամ 5.22%։

Այս երեք ուժերը կձևավորեն ութերորդ  գումարման Ազգային ժողովը։

276
թեգերը:
Տիգրան Աբրահամյան, «Հայաստան» դաշինք, «Պատիվ ունեմ» դաշինք, ԱԺ, Հայաստան
Ըստ թեմայի
«Հայաստան» և «Պատիվ ունեմ» դաշինքները ստեղծված իրավիճակի վերաբերյալ դիրքորոշում են հայտնել
Կքննարկենք ԱԺ փոխնախագահի պաշտոնը «Պատիվ ունեմ» դաշինքին տալու հարցը. Ալեն Սիմոնյան
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով
Իզաբել Բայրաքդարյանը

Մի ուրիշ Կլեոպատրա․ Իզաբել Բայրաքդարյանը «վերակենդանացրեց» Հայաստանի մոռացված թագուհուն

22
(Թարմացված է 22:48 31.07.2021)
Կանադացի օպերային երգչուհի Իզաբել Բայրաքդարյանը Կոնստանտին Օրբելյանի ղեկավարությամբ հայկական թագուհու մասին արիաներ է կատարում Կաունասի սիմֆոնիկ նվագախմբի հետ։

ԵՐԵՎԱՆ, 31 հուլիսի - Sputnik. Ամերիկյան առաջատար  կոնսերվատորիաներից մեկի՝ Իսթմենի երաժշտության դպրոցի պրոֆեսոր Ռալֆ Պ. Լոկը «Մի ուրիշ Կլեոպատրա. Հայաստանի թագուհին» դասական ալբոմը սքանչելի է անվանել։

Ալբոմում ներկայացված են Յոհան Հասեի, Քրիստոֆ Գլյուկի և Անտոնիո Վիվալդիի արիաները՝ նվիրված հայոց թագուհուն` Տիգրան Մեծի կնոջը՝ Կլեոպատրա Պոնտացուն: Արիան Կաունասի քաղաքային սիմֆոնիկ նվագախմբի հետ կատարում է կանադացի ճանաչված օպերային երգչուհի, Operalia մրցույթի մրցանակակիր, «Գրեմմի» և «Ջունո» մրցանակների դափնեկիր հայազգի Իզաբել Բայրաքդարյանը, Կոնստանտին Օրբելյանի ղեկավարությամբ:

Изабель Байракдарян и Константин Орбелян на 62-й ежегодной премии ГРЭММИ (26 января 2020). Лос-Анджелес
© AFP 2020 / Amy Sussman / Getty Images via AFP
Իզաբել Բայրաքդարյանը և Կոնստանտին Օրբելյանը

Ռալֆ Պ. Լոկի գրախոսությունը հրապարակվել է Artsfuse-ի արվեստի մասին առցանց ամսագրում:

Նոր ձայնասկավառակում ներկայացված բոլոր երեք օպերաները նվիրված են մի թեմայի՝ Տիգրանի (որն այդ ժամանակ արքայազն էր) և «մի ուրիշ Կլեոպատրայի» սիրուն։ Այդ սերը ամեն կերպ խոչընդոտում էր աղջկա հայրը ՝ Միտրիդատ VI-ը ։

Հոդվածում հեղինակը պատմում է դրամատիկ սոպրանոյի տեր երգչուհու հայկական ծագման մասին։ «Իզաբել Բայրաքդարյանը հայ ընտանիքի զավակ է։ Նրանք Կանադա են տեղափոխվել Լիբանանից, երբ նա դեռ դեռահաս էր։ Օպերայի սիրահարներն ամբողջ աշխարհում գնահատել են նրա արտիստիզմը, լսել նրա ձայնասկավառակները... միլիոնավոր կինոմաններ վայելել են նրա երգը «Մատանիների տիրակալը» ֆիլմում։

Ըստ երաժշտության պրոֆեսորի՝ այս սկավառակի հաճույքի համար կարելի է բազմիցս լսել։

«Հին Հայաստանի զույգի մասին արիաներն ինձ դրդեցին ավելի մոտիկից ծանոթանալ այդ հողի և ժողովրդի պատմությանը։ Հռոմեական կայսրության ժամանակ, ավելի ճիշտ՝ Տիգրան Մեծի օրոք, Հայաստանը խոշոր տերություն էր։ Մի քանի հարյուր տարի անց, Տիրիդատ III-ի (Տրդատ) օրոք, Հայաստանը դարձավ քրիստոնեությունը որպես պաշտոնական կրոն ընդունած առաջին պետությունը։ Այս կարևոր իրադարձությունը կարող է հիմք դառնալ նոր լավ օպերայի կամ ֆիլմի համար»- գրում է Ռալֆ Պ. Լոկը։

Կլեոպատրա Պոնտացին (մ. թ. ա. 110 - մ. թ. ա. 58) պոնտական արքայադուստր է, որի ծնողները Միհրդատ- VI ու նրա քույրն են՝ Լաոդիկան: (նա նաև հայտնի է որպես Կլեոպատրա Ավագ)։

Կլեոպատրան Մեծ Հայքի թագավոր Տիգրան Մեծի կինը դարձավ մ. թ. ա. 94 թվականին՝ դրանով իսկ ամրապնդելով դաշինքը Պոնտոսի և Հայաստանի միջև։ Նրանք ունեցան երեք որդի՝ Տիգրան ավագը, Զարեհը և Տիգրան կրտսերը և երկու դուստր. նրանցից մեկն ամուսնացավ պարթևական արքա Բակուր Առաջինի, իսկ մյուսը ՝ Ատրպատականի կառավարիչ Միհրդատի հետ։

22
թեգերը:
Տիգրան Մեծ, Կին, օպերա, Կոնստանտին Օրբելյան
Ըստ թեմայի
Կոնստանտին Օրբելյանը Նյու Յորքի քաղաքային օպերայի երաժշտական տնօրեն և դիրիժոր է նշանակվել
Մանսուրյանի «Քավարանը». հայ դասականը դիմել է իտալացի դասականին
Մաեստրո Մուտին Երևանում կկատարի Մանսուրյանի երաժշտությունը, ապա «կբարձրանա Արարատ»