Արխիվային լուսանկար

Փաշինյանի կադրային ռեզերվը բավական սահմանափակ է. Հրանտ Միքայելյան

198
Քաղաքագետը կարծում է, որ Հայաստանի վարչապետի պաշտոնակատար Նիկոլ Փաշինյանի կադրային միջուկն իր կազմով բավական սահմանափակ է, պահեստայինների նստարանին գրեթե ոչ ոք չի մնացել:

ԵՐԵՎԱՆ, 19 հուլիսի - Sputnik, Աշոտ Սաֆարյան: Հայաստանի խորհրդարանում ղեկավար պաշտոնների թեկնածուների ընտրությունը հերթական ապացույցն է այն բանի, որ իշխող ուժի համար ամենակարևոր չափանիշը մարդկանց հավատարմության հարցն է, ոչ թե նրանց մասնագիտական հմտությունները: Sputnik Արմենիային տված հարցազրույցում նման կարծիք հայտնեց Կովկասի ինստիտուտի փորձագետ Հրանտ Միքայելյանը։

Ավելի վաղ հայտնի էր դարձել, որ «Քաղաքացիական պայմանագիր» կուսակցությունը ԱԺ նախագահի պաշտոնում կառաջադրի Ալեն Սիմոնյանի թեկնածությունը, իսկ նրա երկու տեղակալներ կարող են դառնալ ՀՀ բարձր տեխնոլոգիաների արդյունաբերության նախկին նախարար Հակոբ Արշակյանն ու արտաքին հարաբերությունների հանձնաժողովի գործող ղեկավար Ռուբեն Ռուբինյանը: Այսպիսով, խորհրդարանի ղեկավարությունում չենք տեսնի ո՛չ գործող նախագահ Արարատ Միրզոյանին, ո՛չ առողջապահության նախկին նախարար Արսեն Թորոսյանին։ Ինչ վերաբերում է վերջինին՝ վարչապետի պաշտոնակատար Նիկոլ Փաշինյանը ավելի վաղ ասել էր, որ Թորոսյանը խորհրդարան է գնում: Սակայն այդ ժամանակվանից նախկին նախարարի հետագա քաղաքական ճակատագրի մասին որևէ նորություն չկա։

Վերլուծելով առաջիկա նշանակումները՝ Միքայելյանը նշում է, որ, նախ, Սիմոնյանի «խոսակցական հավակնությունները վաղուց էին երևում՝ դեռ մինչ ԱԺ նախորդ ընտրությունները։ Երկրորդ՝ կադրային նշանակումների տրամաբանությունը թիմային շահերից է բխում։ Թե ինչպես են հասարակության մեջ վերաբերվում այս կամ այն անձին, էական չէ։

Արայիկ Հարությունյանը նշանակվել է վարչապետի աշխատակազմի ղեկավար

«Հիմա հավատարմության հարցն ավելի սուր է դարձել։ Կարծում եմ՝ Փաշինյանը որոշակի կասկածներ ունի Արարատ Միրզոյանի հավատարմության վերաբերյալ։ Բացի այդ, գործող խոսնակը, թիմի մյուս անդամների համեմատ, ավելի ինքնուրույն է։ Նա որոշ հարցերում համամիտ չէ իշխող ուժի մոտեցումների հետ, մասնավորապես, Արցախի վերաբերյալ։ Հնարավոր է, որ այս և այլ պահերն իրենց դերն են ունեցել», - նշում է փորձագետը։

Նրա կարծիքով՝ տվյալ իրավիճակում հաշվի է առնվում քաղաքական կոնյունկտուրան, իսկ երբեմնի վաստակը, մարդկանց պրոֆեսիոնալիզմը երկրորդ պլան են մղվում։ Հակառակ դեպքում հազիվ թե իշխող ուժը նույն Արշակյանին առաջադրեր փոխխոսնակի պաշտոնում։ Բոլորը հիշում են այս տարվա փետրվարին Աբու Դաբիի ռազմական ցուցահանդեսին Հայաստանի մասնակցության հետ կապված սկանդալը, երբ տեխնիկայի նմուշների փոխարեն այցելուները սովորական բուկլետներ տեսան։ Ռազմարդունաբերության ոլորտը ղեկավարում է բարձր տեխնոլոգիական արդյունաբերության նախարարությունը, որն այն ժամանակ գլխավորում էր Արշակյանը: Այդ ձախողումն այն ժամանակ ներեցին, բայց մի քանի շաբաթ անց, սրճարանում հարձակվելով լրագրողի վրա, նախարարը հերթական սկանդալի մեջ հայտնվեց։ Դրանից հետո նա հրաժարական տվեց։

«Իշխանության համար առաջնահերթությունը ոչ թե այն է, որ իրենց նշանակած կադրերը լինեն առավելագույնս մաքուր ու ընդունելի հասարակության համար կամ դրա այն հատվածի համար, որը տիրապետում է քաղաքական իրավիճակին: Առաջնահերթությունն այն է, որ կադրերն առավելագույնս կատարեն այն, ինչ պահանջվում է նրանցից»,- կարծում է Միքայելյանը։

Փորձագետը չի հիշում մի դեպք, երբ Փաշինյանի օրոք այս կամ այն պաշտոնյան պաշտոնից ազատվի բացառապես աշխատանքի ձախողումների պատճառով։ Հակառակ դրան՝ բազմաթիվ մարդիկ թիմից դուրս են մնացել միայն այն պատճառով, որ չեն համաձայնել վարչապետի այս կամ այն որոշման հետ։

«Կարելի է հիշել Պետեկամուտների կոմիտեի նախկին ղեկավար Դավիթ Անանյանին, երկու նախկին արտգործնախարարներին, նախկին ոստիկանապետերին կամ ԱԱԾ ղեկավարներին։ Ոչ մեկի մասին չի ասվել, որ նա չի կարողացել կատարել իր գործառույթները։ Բայց բոլոր այն կադրերը, որոնք իրապես չեն կարղանում անել իրենց գործը, մնում են իրենց տեղերում կամ վատագույն դեպքում մի պաշտոնից մյուսն են տեղափոխվում», - նշեց քաղաքագետը։

Ընդհանուր առմամբ, նա գնահատում է Փաշինյանի կադրային ռեզերվը բավական սահմանափակ՝ պնդելով, որ պահեստայինների նստարանին գրեթե ոչ ոք չկա։ Այլապես հասարակությունն արդեն նոր դեմքեր կտեսներ։

198
թեգերը:
Իշխանություն, պաշտոն, Նիկոլ Փաշինյան
Ըստ թեմայի
Ովքեր կմնան օրենսդիրում, ովքեր՝ գործադիրում. Նիկոլ Փաշինյանը փոշմանել է. ԶԼՄ
ԱԱԾ–ն նոր պետ կունենա. մամուլն անուններ է հրապարակել ՔՊ–ում պաշտոնների բաշխման գործընթացից
ՔՊ–ն որոշել է` ովքեր կլինեն խմբակցության ղեկավարն ու քարտուղարը նոր Ազգային ժողովում
ԵԽԽՎ

ՀՀ–ի, Ադրբեջանի և Վրաստանի խորհրդարանական պատվիրակությունները կմիավորեն ուժերը. ԵԽԽՎ

55
(Թարմացված է 23:20 27.07.2021)
Եվրոպայի խորհրդի խորհրդարանական վեհաժողովի նախագահը նշել է, որ կարևոր է Վրաստանի տարածաշրջանային դիրքորոշումը Ադրբեջանի ու Հայաստանի հետ։

ԵՐԵՎԱՆ, 27 հուլիսի - Sputnik. Հայաստանի, Ադրբեջանի և Վրաստանի խորհրդարանական պատվիրակությունները կփորձեն լուծել հիմնախնդիրները, Վրաստանն այս գործընթացում առաջնային դեր կխաղա։ «Արմենպրեսը», հղում անելով 1tv.ge-ին, տեղեկացնում է, որ նման հայտարարություն է արել Եվրոպայի խորհրդի խորհրդարանական վեհաժողովի նախագահ Ռիկ Դամսը, որը պաշտոնական այցով գտնվում է Վրաստանում:

«Առաջին օրինակը, որը բոլորիդ համար կարևոր է, Վրաստանի տարածաշրջանային դիրքորոշումն է Ադրբեջանի ու Հայաստանի հետ: Մենք բոլորս համաձայն ենք, որ մենք հանդես գանք նախաձեռնությամբ, երբ պատվիրակությունը համալրվի խորհրդարանական պատվիրակություններին՝ խորհրդարանական դիվանագիտության համատեքստում միավորելու համար: Ադրբեջանի, Հայաստանի և Վրաստանի խորհրդարանական պատվիրակությունները կփորձեն լուծել այն խնդիրները, որոնցում Վրաստանը առաջնային դեր կխաղա», - ասել է Ռիկ Դամսը:

Նշենք, որ այսօր Ռիկ Դամսը Թբիլիսիում հանդիպումներ է ունեցել Վրաստանի ղեկավարների հետ։

55
թեգերը:
Եվրախորհրդի խորհրդարանական վեհաժողով (ԵԽԽՎ), Ադրբեջան, Վրաստանի Հանրապետություն, Հայաստան
Ըստ թեմայի
Ադրբեջանը քաղբանտարկյալների մասին փաստաթղթի գրեթե ոչ մի կետը չի կատարել. ԵԽԽՎ
Բրիտանական Telegraph–ը «զարհուրելի» է որակել Բաքվի «ռազմական պուրակը»
Բաքուն ստիպված է դուրս գալ Անկարայի ղարաբաղյան «լավության տակից». ո՞րն է գինը
Արթուր Վանեցյան

ԱԺ «Պատիվ ունեմ» խմբակցությունը կգլխավորի Արթուր Վանեցյանը

74
(Թարմացված է 19:37 27.07.2021)
Դաշինքը նորընտիր ԱԺ-ում ներկայացված կլինի յոթ պատգամավորներով, խմբակցության քարտուղարը ՀՀԿ-ական է։

ԵՐԵՎԱՆ, 27 հուլիսի - Sputnik. Ազգային Ժողովի «Պատիվ ունեմ» խմբակցությունը կղեկավարի դաշինքի առաջնորդ, «Հայրենիք» կուսակցության ղեկավար Արթուր Վանեցյանը։

Տեղեկությունը Sputnik Արմենիայի հետ զրույցում հայտնեց «Հայրենիք» կուսակցության մամուլի քարտուղար Սոս Հակոբյանը։ Նրա խոսքով՝ խմբակցության քարտուղարի պարտականությունները էլ կկատարի ՀՀԿ-ական Հայկ Մամիջանյանը։

Նշենք, որ «Պատիվ ունեմ» դաշինքը պատգամավորական յոթ մանդատ է ստացել։ 8-րդ գումարման ԱԺ-ում դաշինքը կներկայացնեն Արթուր Վանեցյանը, Տարոն Մարգարյանը, Աննա Մկրտչյանը, Իշխան Զաքարյանը, Հայկ Մամիջանյանը, Թագուհի Թովմասյանն ու Տիգրան Աբրահամյանը։

Ալեն Սիմոնյանի մանկության ընկերը ԱԺ աշխատակազմի ղեկավար կնշանակվի. ԶԼՄ

74
թեգերը:
Արթուր Վանեցյան, «Պատիվ ունեմ» դաշինք, ԱԺ, Հայաստան
Ըստ թեմայի
Ով կստանա ԱԺ փոխնախագահի` ընդդիմության աթոռը. «Հայաստան» դաշինքում հարցը որոշված է
Ովքե՞ր կլինեն նոր ԱԺ–ում. խորհրդարան անցած քաղաքական 3 ուժերի ցուցակները հայտնի են
Հայտնի է ԱԺ ութերորդ գումարման առաջին նստաշրջանի օրակարգը
Զինծառայող, արխիվային լուսանկար

Ադրբեջանը պատասխանատվություն է կրում 3 հայ զինծառայողի սպանության համար. ՄԻՊ

23
(Թարմացված է 13:46 28.07.2021)
ՀՀ մարդու իրավունքների պաշտպանի խոսքով` ադրբեջանական զինված հարձակումները, պատերազմի սպառնալիքներն ուղղված են սահմանների դելիմիտացիայի և դեմարկացիայի գործընթացների վրա միջազգային իրավունքով արգելված ազդեցություն գործադրելուն:

ԵՐԵՎԱՆ, 28 հուլիսի – Sputnik. Ադրբեջանական իշխանությունները գործում են միջազգային կանոնների բացահայտ խախտումներով և պատասխանատվություն են կրում Գեղարքունիքում այսօր ՀՀ 3 զոհված զինծառայողներին սպանելու, նրանց կյանքի իրավունքը խախտելու, վիրավորում ստացած զինծառայողների առողջությանը վնաս պատճառելու համար: Facebook-ի իր էջում նման հայտարարություն է արել ՀՀ մարդու իրավունքների պաշտպան Արման Թաթոյանը։

Նրա խոսքով` այդ հետևության հիմքում առնվազն 5 փաստ կա. 

  1. ադրբեջանական զինված ուժերը ներխուժել են և անօրինական տեղակայվել ՀՀ ինքնիշխան տարածքում՝ Գեղարքունիքում և Սյունիքում,
  2. 2020թ. նոյեմբերի 9-ից հետո ֆիզիկապես ներկա են այն հողատարածքներում, որոնք օրինական փաստաթղթերով սեփականության իրավունքով պատկանում են ՀՀ բնակիչների կամ համայնքային սեփականություն են,
  3. պարբերաբար կրակում են գյուղերի ուղղությամբ և իրական վտանգ ստեղծում քաղաքացիական բնակիչների կյանքի և առողջության համար, վնաս են պատճառում նրանց գույքին և կենդանիներին,
  4. զբաղված են քաղաքացիական բնակիչների նկատմամբ անօրինական արարքներով՝ կենդանիների գողություններ, մարդկանց անօրինական ազատությունից զրկելու փորձեր, հրազենով սպառնալիքներ քաղաքացիական բնակիչներին, խոչընդոտներ գյուղատնտեսական աշխատանքներին և այլն,
  5. գյուղերի անմիջական հարևանությամբ և համայնքների միջև ճանապարհների նրանց ներկայության պատճառով սահմանափակվել է մարդկանց ազատ տեղաշարժը:

Թաթոյանը շեշտել է, որ այս ամենին գումարվում է նաև ադրբեջանական զինված հարձակումները, պատերազմի սպառնալիքներն ուղղված սահմանների դելիմիտացիայի և դեմարկացիայի գործընթացների վրա միջազգային իրավունքով արգելված ազդեցություն գործադրելուն:
Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, երեք վիրավոր։

23
թեգերը:
Արման Թաթոյան, զինծառայող, Ադրբեջան, Հայաստան
Ըստ թեմայի
«Գրավել են, հետո հետ շպրտվել». ՊՆ–ում ընդունել են ռազմական կցորդներին
Ի պատասխան Ադրբեջանի քայլերի`ՀՀ–ն գործի կդնի իր ռազմաքաղաքական ողջ գործիքակազմը. ՀՀ ԱԳՆ
Ադրբեջանական ստորաբաժանումները, տալով կորուստներ, հետ են շպրտվել. ՊՆ