Պուտինը կհանդիպի Ալիևի հետ հուլիսի 20-ին

Պուտինը կհանդիպի Ալիևի հետ հուլիսի 20-ին. Արցախի թեման՝ ուշադրության կենտրոնում

138
(Թարմացված է 16:53 19.07.2021)
Հիմնական ուշադրությունը կհատկացվի Լեռնային Ղարաբաղի վերաբերյալ Ռուսաստանի, Ադրբեջանի ու Հայաստանի ղեկավարների 2020 թվականի նոյեմբերի 9-ի ու 2021 թվականի հունվարի 11-ի պայմանավորվածությունների իրագործման գործնական կողմերին։

ԵՐԵՎԱՆ, 19 հուլիսի - Sputnik. Ռուսաստանի նախագահ Վլադիմիր Պուտինը հուլիսի 20-ին Մոսկվայում բանակցություններ կանցկացնի Ադրբեջանի նախագահ Իլհամ Ալիևի հետ, հիմնական ուշադրությունը կհատկացվի Արցախի շուրջ պայմանավորվածություններին։ Տեղեկությունը հայտնում է Կրեմլի մամուլի ծառայությունը:

Նշվում է, որ Ալիևն աշխատանքային այցով կլինի Ռուսաստանում։ Նախատեսվում է քննարկել ռազմավարական գործընկերության ռուս-ադրբեջանական հարաբերությունների հետագա ամրապնդման առանցքային հարցերը՝ շեշտը դնելով առևտրա-ներդրումային ու հումանիտար համագործակցության վրա:

Բացի այդ, նախատեսվում է, որ առաջնորդները կարծիքներ կփոխանակեն տարածաշրջանային հրատապ խնդիրների շուրջ։

«Հիմնական ուշադրությունը կհատկացվի Լեռնային Ղարաբաղի վերաբերյալ Ռուսաստանի, Ադրբեջանի ու Հայաստանի ղեկավարների 2020 թվականի նոյեմբերի 9-ի ու 2021 թվականի հունվարի 11-ի պայմանավորվածությունների իրագործման գործնական կողմերին, այդ թվում՝ տնտեսական ու տրանսպորտային կապերի ապաշրջափակման ու զարգացման խնդիրների լուծմանը», - նշվում է հաղորդագրության մեջ:

Վերջին անգամ Ադրբեջանի նախագահը Մոսկվա է այցելել 2021 թվականի հունվարին՝ Արցախի հարցով եռակողմ համաձայնագրի ստորագրմանը մասնակցելու նպատակով։

Հայաստանում ընտրությունները ցույց տվեցին, որ Փաշինյանն ունի ժողովրդի վստահությունը. Պուտին

138
թեգերը:
Վլադիմիր Պուտին, Իլհամ Ալիև, Արցախ
Ըստ թեմայի
Փաշինյանն ու Պուտինը փաստաթուղթ չեն ստորագրի. Դմիտրի Պեսկով
Պուտինը Ուկրաինայի մասին հոդված է գրել, որը հրապարակվել է Կրեմլի կայքում
«Մինչև այս պահը հայ գերիների հարցը լիովին լուծված չէ». Փաշինյանը` Պուտինին
Артур Ванецян перед началом первого заседания парламента Армении 8-го созыва (2 августа 2021). Еревaн

Քաղաքականության մեջ ընկեր կամ նախկին ընկեր չունեմ. Վանեցյանը` Ալեն Սիմոնյանի մասին

1
(Թարմացված է 10:43 02.08.2021)
Արթուր Վանեցյանի խոսքով` չի պատրաստվում անձամբ որոշումներ կայացնել, կա քաղաքական թիմ և կայացվում են քաղաքական որոշումներ։

ԵՐԵՎԱՆ, 2 օգոստոսի – Sputnik. «Պատիվ ունեմ» դաշինքի ղեկավար, պատգամավոր Արթուր Վանեցյանը ԱԺ–ում լրագրողների հետ զրույցում հայտարարեց, որ քաղաքականության մեջ ընկերներ չունի։

Նա նման հայտարարություն նա արեց` պատասխանելով լրագրողներից մեկի այն հարցին, թե անձամբ պատրա՞ստ է իր ընկեր կամ նախկին ընկեր Ալեն Սիմոնյանին ընտրել ԱԺ նախագահ, թե՞ ոչ։

«Քաղաքականության մեջ ընկեր կամ նախկին ընկեր, բարեկամ, հարազատ չունեմ։ Կա քաղաքական թիմ և կայացվում են քաղաքական որոշումներ։ Ինչպիսի որոշում կկայացվի քաղաքական թիմի կողմից, ես կառաջնորդվեմ այդ որոշմամբ»,–ասաց նա։ 

Նշենք, որ այս պահին ընթանում է նորընտիր` 8-րդ գումարման Ազգային ժողովի անդրանիկ նիստը։

Հիշեցնենք` հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

1
թեգերը:
Արթուր Վանեցյան, ԱԺ, Ալեն Սիմոնյան, Հայաստան, քաղաքականություն
Первое заседание парламента Армении 8-го созыва (2 августа 2021). Еревaн

Պառակտումն անուղղելի վնաս հասցնում է մեր պետական իմունիտետին. Արմեն Սարգսյան

20
(Թարմացված է 10:39 02.08.2021)
Արմեն Սարգսյանը նշեց, որ սփյուռքը Հայաստանի համար դրամապանակ չէ, այլ մեր ազգային ինքության կարևորագույն մասնիկը։

ԵՐԵՎԱՆ, 2 օգոստոսի – Sputnik. Այս պահին առաջնահերթություն է ճգնաժամից դուրս գալու ելքեր փնտրելը, և այս համատեքստում կարևոր է պառակտումը բացառելը։ ԱԺ 8-րդ գումարման անդրանիկ նիստի ժամանակ հայտարարեց ՀՀ նախագահ Արմեն Սարգսյանը։

«Մենք չենք կարող թույլ տալ որևէ մեկին մեր ժողովրդին տարբերակել ըստ աշխարհագրական, քաղաքական կամ որևէ այլ չափորոշչի։ Պառակտումը թուլացնում է մեր պետականության հիմքերը, և այդ դեպքում մեր թշնամիներին և հակառակորդներին մնում է նստել և հետևել, թե ինչպես ենք ամեն օր թուլացնում ինքներս մեզ, անուղղելի վնաս հասցնում մեր պետական իմունիտետին»,–ասաց Սարգսյանը։

Նրա խոսքով` Հայաստանի ապագան մեզնից առանձին վերցրած որևէ մեկի կամ որևէ կուսակցության շահերը չեն` ապագան մենք ենք։ Սարգսյանը նշեց, որ պետք է ամեն ինչ անել պահպանելու և պաշտպանելու մեր պետականությունը։ Ըստ նրա` դեմագոգիան և պոպուլիզմը ճանապարհ են դեպի փակուղի` պետք է ազնիվ խոսել առկա խնդիրների մասին, խիզախություն ունենալ ընդունել մեր սխալներն ու պատասխան տալ դրա համար։

Ի՞նչ հարցեր են քննարկելու նոր գումարման ԱԺ–ի առաջին նիստում

«Սփյուռքը Հայաստանի համար դրամապանակ չէ, այլ մեր ազգային ինքության կարևորագույն մասնիկը։ Հայաստանն ու Սփյուռքը միևնույն մեդալի տարբեր կողմերն են և այդ փաստն այլևս չի կարելի անտեսել»,–ասաց նախագահը։

Նշենք, որ այսօր կայանում է ՀՀ ԱԺ 8–րդ գումարման առաջին նիստը։

Հիշեցնենք` հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

20
թեգերը:
Արմեն Սարգսյան, ԱԺ, Նիստ