ԵՐԵՎԱՆ, 16 հուլիսի – Sputnik. Եվրոպական խորհրդի նախագահ Շառլ Միշելն արդեն ժամանել է Հայաստան. նրան դիմավորել է փոխվարչապետի պաշտոնակատար Մհեր Գրիգորյանը։
Միաժամանակ, ՀՅԴ երիտասարդները հոյւրանոցի մոտ, ուր պետք է օթևաներ Միշելը, բողոքի ակցիա էին իրականացրել՝ ընդդեմ ԵՄ ներկայացուցչի Հայաստան այցի։ Նրանք անգլերենով վանկարկում էին «Ամոթ ձեզ»։
«Դուք լուռ էինք, երբ պատերազմի ընթացքում մեր դեմ կիրառում էին ֆոսֆորային զենքեր։ Դուք լուռ էիք, երբ պատերազմի ընթացքում զոհվում էին անմեղ քաղաքացիներ։ Դուք նաև հիմա եք լռում, երբ ՀՀ իշխանությունը բանտարկում է նրանց, որոնք ընդդիմադիր հայացքներ ունեն»,–ասում էին բողոքի ակցիայի մասնակիցները։
Որոշ ժամանակ անց, երվ Միշելը մուտք գործեց հյուրանոց, ՀՅԴ-ական երիտասարդները հեռացան։
Շառլ Միշելի գլխավորած պատվիրակությունը կժամանի Հայաստան. Փաշինյանը հանձնարարականներ է տվել
Հավելենք, որ այցի շրջանակում Շառլ Միշելը կհանդիպի ՀՀ վարչապետի պաշտոնակատար Նիկոլ Փաշինյանի հետ: Հանդիպումից հետո Նիկոլ Փաշինյանը և Շառլ Միշելը ԶԼՄ ներկայացուցիչների համար հանդես կգան բանակցություններն ամփոփող հայտարարություններով:
Եվրոպական խորհրդի նախագահը կհանդիպի նաև ՀՀ նախագահ Արմեն Սարգսյանի հետ, կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին:
