Ազգային ժողով

Թեժ քննարկումներ «Իմ քայլում». ո՞ր հանձնաժողովներն է ուզում ղեկավարել իշխանությունը

141
(Թարմացված է 10:46 16.07.2021)
«Ժողովուրդ» օրաթերթի տեղեկություններով`իշխանությունը հակված է երեք հանձնաժողով զիջել ընդդիմությանը։

ԵՐԵՎԱՆ, 16 հուլիսի – Sputnik. «Ժողովուրդ» օրաթերթը գրում է, որ իշխանությունների ներսում այս օրերին թեժ քննարկվում է այն հարցը, թե խորհրդարանական որ հանձնաժողովները պետք է բաժին հասնեն ընդդիմադիր խմբակցություններին:

Պարբերականը նշում է, որ Դոնթի բանաձևով՝ երկու հանձնաժողով պետք է բաժին հասնի «Հայաստան» դաշինքին:

«Իշխանությունների համար առանձնակի կարևորություն են ներկայացնում պաշտպանության և անվտանգության հարցերի մշտական հանձնաժողովը, արտաքին հարաբերությունների հարցերով մշտական հանձնաժողովը, տնտեսական հարցերի մշտական հանձնաժողովը, ինչպես նաև պետաիրավական հարցերի մշտական հանձնաժողովը: Այս հանձնաժողովներից ոչ մեկը նրանք չեն պատրաստվում զիջել ընդդիմությանը, սակայն դրանցից մեկը պետք է տան «Հայաստան» դաշինքին: Մեր տեղեկություններով, թեժ քննարկումներ են, թե ինչ և ինչպես անել»,–գրում է օրաթերթը:

Նշվում է, որ իշխանությունը հակված է զիջել կրթության, մարդու իրավունքների, ինչպես նաև ֆինանսավարկային հարցերով հանձնաժողովները, միայն թե այն չորս հանձնաժողովները ղեկավարի իշխանությունը:

«Եթե այդ չորս հանձնաժողովները մնան իշխանական խմբակցությանը, ապա պաշտպանության հարցերի հանձնաժողովը կնախագահի Անդրանիկ Քոչարյանը, արտաքինը՝ Վլադիմիր Վարդանյանը, տնտեսականը՝ Բաբկեն Թունյանը, իսկ պետաիրավական հարցերի հանձնաժողովի նախագահի համար դեռ թեկնածու են փնտրում»,–գրում է օրաթերթը:

Հիշեցնենք, որ յոթերորդ գումարման ԱԺ–ում 11 հանձնաժողովից 3–ը ղեկավարել է ընդդիմությունը`մարդու իրավունքների պաշտպանության և հանրային հարցերի մշտական հանձնաժողովն ու ֆինանսավարկային և բյուջետային հարցերի մշտական հանձնաժողովը`ԼՀԿ–ն, իսկ տարածաշրջանային և եվրասիական ինտեգրման հարցերի մշտական հանձնաժողովը` ԲՀԿ–ն։

Նիկոլ Փաշինյանը կրկին կհանդիպի արտախորհրդարանական ուժերի հետ. ԶԼՄ

141
թեգերը:
Հայաստան, ԱԺ, «Իմ քայլը» խմբակցություն
Ըստ թեմայի
ՔՊ–ն որոշել է` ովքեր կլինեն խմբակցության ղեկավարն ու քարտուղարը նոր Ազգային ժողովում
Նիկոլ Փաշինյանը հանդիպել է «Իմ քայլի» հետ. ի՞նչ է հորդորել նա. «Ժողովուրդ»
«Եթե մանդատները օգուտ չտան, պատռելու ենք, դուրս գանք փողոց». Իշխան Սաղաթելյան
Փաշինյանն ու Լուկաշենկոն

Ձեզ մանդատ են տվել այս խնդիրներն իրականացնելու համար. Լուկաշենկոն ուղերձ է հղել Փաշինյանին

52
(Թարմացված է 22:40 04.08.2021)
ՀՀ վարչապետ Նիկոլ Փաշինյանը շարունակում է շնորհավորանքներ ստանալ։ Ուղերձ է հղելլ նաև Բելառուսի նախագահը։

ԵՐԵՎԱՆ, 4 օգոստոսի – Sputnik. Բելառուսի նախագահ Ալեքսանդր Լուկաշենկոն շնորհավորել է Նիկոլ Փաշինյանին՝ Հայաստանի Հանրապետության վարչապետի պաշտոնում նշանակվելու առթիվ: Տեղեկությունը հայտնում է վարչապետի մամուլի  ծառայությունը։

«Անցնող ընտրություններում հայ ժողովուրդը քվեարկեց հանուն խաղաղության, կայունության, սոցիալ-տնտեսական զարգացման՝ տալով Ձեզ մանդատ իրականացնելու պետության համար այս կարևորագույն խնդիրները»,- նշել է Բելառուսի նախագահը:

Ալեքսանդր Լուկաշենկոն համոզմունք է հայտնել, որ Բելառուսի և Հայաստանի միջև բազմակողմ համագործակցության հետագա ընդլայնումը, ինչպես նաև ինտեգրացիոն նախագծերի շրջանակում փոխգործակցությունը կնպաստեն երկու երկրների միջև բարեկամության ամրապնդմանը և քաղաքացիների բարօրության աճին:

Հիշեցնենք` հունիսի 20–ին կայացած ԱԺ արտահերթ ընտրությունների արդյունքներով «Քաղաքացիական պայմանագիր» կուսակցությունն ամենաշատ քվեները ստացավ։ Իսկ ԱԺ 8–րդ գումարման առաջին նիստի ժամանակ ՔՊ խմբակցությունը ՀՀ վարչապետի պաշտոնում առաջարկեց Փաշինյանի թեկնածությունը։ Նույն օրը Արմեն Սարգսյանի հրամանագրով Նիկոլ Փաշինյանը կրկին նշանակվեց ՀՀ վարչապետ։

«ՌԴ–ն պատրաստ է շարունակել կառուցողական երկխոսությունը». Պուտինը շնորհավորել է Փաշինյանին

52
թեգերը:
Հայաստան, Բելառուս, Արփի Փաշինյան, Ալեքսանդր Լուկաշենկո
Ըստ թեմայի
«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին
«Փաշինյանն Ապրիլյան պատերազմից հետո իմ գրասենյակ եկավ». Օհանյանը պատմեց` ինչ են խոսել
Տպավորություն է, թե Փաշինյանը ՊՆ–ում չէր, այլ էկոնոմիկայի նախարարությունում. Մանգասարյան
Իշխան Սաղաթելյան

«Սևանի ափին հյուրանոց ունեմ». Իշխան Սաղաթելյանը խոսեց իր բիզնեսի և ծառայած չլինելու մասին

429
(Թարմացված է 14:15 04.08.2021)
ԱԺ փոխխոսնակի թեկնածու Իշխան Սաղաթելյանը խոսեց նաև իր` բանակում չծառայելու պատճառների մասին։

ԵՐԵՎԱՆ, 4 օգոստոսի – Sputnik. «Հայաստան» դաշինքի պատգամավոր Իշխան Սաղաթելյանը վստահեցնում է` Սևանի ափին որևէ շինություն չի սեփականաշնորհել, սակայն չի ժխտում` Սևանի ափին հյուրանոցային համալիր ունի։ Նա այս մասին ասաց Ազգային ժողովի այսօրվա նիստում` անդրադառնալով բիզնեսով զբաղվելու մասին լուրերին։

Նշենք, որ «Հայաստան» դաշինքը Սաղաթելյանի թեկնածությունն է առաջադրել ԱԺ փոխխոսնակի պաշտոնում։

«Հյուրանոցը կառուցել եմ բաց դաշտի մեջ, որտեղ չի եղել որևէ կոմունիկացիա։ Հյուրանոցը պատկանում է իմ ընտանիքին։ Ես որևէ բարձր պաշտոն չեմ ունեցել, բացառությամբ այն շրջանի, որ 4 ամիս մարզպետ եմ եղել (Գեղարքունիքում, 2018-ին,–խմբ.)։ Առաջին իմ ընկերությունը 2005-ին եմ ստեղծել։ Այո, իմ ընտանիքը զբաղվել է բիզնեսով և շարունակելու է զբաղվել»,–ասաց Սաղաթելյանը։

Անդրադառնալով իր` բանակում ծառայած լինել–չլինելու լուրերին, Սաղաթելյանը նշեց, որ չի ծառայել, քանի որ պատմական գիտությունների թեկնածուի կոչում է ստացել։ Նրա խոսքով` 2016-ի ապրիլի 3-ին` Ապրիլյան պատերազմի ժամանակ եղել է Արցախի հյուսիսում և դիրքերից իջել պատերազմի ավարտից հետո։

«Եթե մանդատները օգուտ չտան, պատռելու ենք, դուրս գանք փողոց». Իշխան Սաղաթելյան

Ավելին` 44-օրյա պատերազմի ժամանակ էլ եղել է Արցախում, նաև առաջնագծում, սակայն մատակարարման հարցերով է զբաղված եղել։

Սաղաթելյանն իր խոսքն ամփոփեց` ասելով, որ ի տարբերություն դահլիճում նստած շատ պատգամավորների, անպիտանելիության փաստաթղթերով չի ազատվել բանակից։

«Հայաստան» դաշինքի պատգամավոր Ագնեսա Խամոյանը հետաքրքրվեց` շա՞տ կտխրի Սաղաթելյանը, եթե նրան չընտրեն փոխխոսնակի պաշտոնում։ Ի պատասխան Սաղաթելյանը նշեց, որ իրեն ճանաչողները գիտեն` կարող է նույնիսկ ուրախանալ։

«Խորհրդարանում օր ու արև չենք տալու այս իշխանություններին». Իշխան Սաղաթելյան

429
թեգերը:
Իշխան Սաղաթելյան, Սևան, բիզնես, Բանակ
Ըստ թեմայի
Սերժ Սարգսյանի հետ էլ եմ հանդիպել. Սաղաթելյանը` հետընտրական հանդիպումների մասին
«Կան ուժեր, որոնք ընդդիմադիր են ձևանում, բայց միայն քվե են փախցնում». Իշխան Սաղաթելյան
«Ալիևն ու Էրդողանը Շուշի են գնում, Փաշինյանը խոսում է մեր դրոշն այրելու մասին». Սաղաթելյան
Կայծակ

Բանգլադեշում կայծակի հարվածից մահացել են հարսանիքի 17 հյուրերը

0
Սա Բանգլադեշում նմանօրինակ առաջին ողբերգական դեպքը չէ, ընդ որում՝ վերջին տարիներին դրանք հաճախակի են դարձել։

ԵՐԵՎԱՆ, 4 օգոստոսի - Sputnik. Բանգլադեշում կայծակից 17 մարդ է մահացել։ Պակիստանյան «The Nation» պարբերականը գրում է, որ դեպքը տեղի է ունեցել հարսանիքի ժամանակ, իսկ մահացածները հյուրերից են։

Հզոր կայծակը գրանցվել է Չապայ-Նավաբգանջ շրջանում՝ մայրաքաղաք Դաքքայից և ծովափից մոտ 300 կմ հեռավորության վրա:

Կայծակը հարվածել է զբոսանավին, որտեղ այդ պահին գտնվել են հյուրերը։ Զբոսանավը փորձել է հատել գետը հորդառատ անձրևի ժամանակ։ Կայծակը հարվածել է, երբ նավը հասել է ափին։

Պարբերականը գրում է, որ սա վերջին շաբաթներին Բանգլադեշում տեղի ունեցած առաջին նման ողբերգական միջադեպը չէ։ Նման դեպքեր անձրևների շրջանում նախկինում էլ են եղել, սակայն վերջին տարիներին հաճախակիացել են։

0