Ժոնաթան Լաքոտ

Կարգավորումը հնարավոր է միայն ԼՂ կարգավիճակի հստակեցումից հետո. Լաքոտ

161
(Թարմացված է 19:38 14.07.2021)
Դեսպանն իր ցավակցություններն է հայտնել Երասխի հատվածում ադրբեջանական զինված ուժերի կողմից արձակված կրակից հայ զինծառայողի մահվան կապակցությամբ և անթույլատրելի է համաել նման գործողություններն ու հրադադարի ռեժիմի խախտումները:

ԵՐԵՎԱՆ, 14 հուլիսի – Sputnik. Լեռնային Ղարաբաղի հակամարտության կարգավորումը հնարավոր կլինի միայն ԼՂ վերջնական կարգավիճակի հստակեցումից հետո։

Այս մասին այսօր ՀՀ վարչապետի պաշտոնակատար Նիկոլ Փաշինյանի հետ հանդիպմանն ասել է Հայաստանում Ֆրանսիայի Հանրապետության արտակարգ և լիազոր դեսպան Ժոնաթան Լաքոտը:

«Դեսպանն ընդգծել է, որ Լեռնային Ղարաբաղի հակամարտությունը դեռևս կարգավորված չէ և այն հնարավոր կլինի միայն ԼՂ վերջնական կարգավիճակի հստակեցումից հետո»,– ասված է ՀՀ վարչապետի պաշտոնական կայքում հրապարակված հաղորդագրոթյան մեջ։

Փաշինյանն իր հերթին ընդգծել է, որ Հայաստանը բարձր է գնահատում Ֆրանսիայի ջանքերը ԵԱՀԿ Մինսկի խմբի համանախագահության շրջանակում և տարածաշրջանում կայունության ամրապնդման գործում:

Նա նաև շեշտել է, որ Ադրբեջանն ամեն ինչ անում է տարածաշրջանում անկայունություն հրահրելու համար, ինչի վկայությունն այնտեղից ամենաբարձր մակարդակով հնչող շարունակական ագրեսիվ հռետորաբանությամբ հայտարարություններն են:

«Առաջիկայում սպասում ենք Ֆրանսիայի նախագահին». Փաշինյանն ու Մակրոնը մշտական կապի մեջ են

Լաքոտն իր ցավակցություններն է հայտնել Երասխի հատվածում ադրբեջանական զինված ուժերի կողմից արձակված կրակից հայ զինծառայողի մահվան կապակցությամբ և անթույլատրելի է համարել նման գործողություններն ու հրադադարի ռեժիմի խախտումները:

ՀՀ վարչապետի պաշտոնակատարն էլ կարևորել է տեղի ունեցող գործողություններին միջազգային հանրության կողմից համարժեք արձագանքը և անհրաժեշտ միջոցների ձեռնարկումը:

161
թեգերը:
Ֆրանսիա, Հայաստան, Ժոնաթան Լաքոտ, Նիկոլ Փաշինյան
Ըստ թեմայի
Ինչու են Ադրբեջանում Ռուսաստանի, ԱՄՆ–ի և Ֆրանսիայի դեսպանները հրաժարվել մեկնել Շուշի
Փաշինյանը շնորհավորական ուղերձ է հղել Ֆրանսիայի նախագահ Էմանուել Մակրոնին
Արմեն Սարգսյանն ուղերձ է հղել Էմանուել Մակրոնին, այցելել Ֆրանսիայի դեսպանատուն
Здание Национального Собрания Армении

ԱԺ անդրանիկ նիստը մեկնարկեց 44-օրյա պատերազմի զոհերի հիշատակը մեկ րոպե լռությամբ հարգելով

27
(Թարմացված է 10:21 02.08.2021)
ԱԺ նիստին ներկա են ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

ԵՐԵՎԱՆ, 2 օգոստոսի – Sputnik. Նորընտիր Ազգային ժողովի անդրանիկ նիստը մեկնարկեց Արցախյան 44-օրյա պատերազմի զոհերի հիշատակը մեկ րոպե լռությամբ հարգելով։

Նիստին ներկա են նաև ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

Նիստը վարում է տարիքով ամենաավագ պատգամավորը՝ Կնյազ Հասանովը։ Ի դեպ, «Հայաստան» խմբակցությունն ԱԺ է եկել Սյունիքի՝ կալանավորված համայնքի ղեկավարների լուսանկարներով շապիկներով։

ՀՀ հիմնը հնչելուց հետո Գարեգին Բ-ն տերունական աղոթք կարդաց, որից հետո նա իր օրհնանքի խոսքն ասաց։

Նշենք, որ կալանավորված են Գորիսի քաղաքապետ Առուշ Առուշանյանը, Մեղրիի նախկին քաղաքապետ Մխիթար Զաքարյանը, Քաջարանի քաղաքապետ Առուշ Առուշանյանը, Սիսիանի քաղաքապետ Արթուր Սարգսյանը։

«Այսօր մեր հայրենիք Հայաստանն ու Արցախը դիմակայում են արտաքին և ներքին լուրջ մարտահրավերների։ Ադրբեջանի ծավալապաշտական նկրտումները հաշվի առնելով` հրամայական է պետական գործիչների և ողջ հասարակության համախմբումը։ Բոլորիս ձգտումը հայրենիքի անվտանգությունն է»,–ասաց Գարեգին Բ-ն։

27
թեգերը:
Հայաստան, ԱԺ, Նիստ, Արմեն Սարգսյան, Ամենայն Հայոց կաթողիկոս Գարեգին Բ
Ըստ թեմայի
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով
Ի՞նչ հարցեր են քննարկելու նոր գումարման ԱԺ–ի առաջին նիստում
Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին
Նիկոլ Փաշինյան

ՀՀ-ն բարձր է գնահատում պատերազմի ժամանակ Շվեյցարիայի սկզբունքային դիրքորոշումը. Փաշինյան

71
Նիկոլ Փաշինյանն Ազգային տոնի կապակցությամբ շնորհավորական ուղերձ է հղել Շվեյցարիայի նախագահ Գի Պարմելինին։

ԵՐԵՎԱՆ, 1 օգոստոսի – Sputnik. Հայաստանը բարձր է գնահատում նախորդ տարի Արցախի դեմ Ադրբեջանի սանձազերծած լայնածավալ ռազմական ագրեսիայի ժամանակ Շվեյցարիայի արտահայտած սկզբունքային դիրքորոշումը։ Շվեյցարիայի նախագահ Գի Պարմելինին Ազգային տոնի կապակցությամբ հղած իր ուղերձում գրել է ՀՀ վարչապետի պաշտոնակատար Նիկոլ Փաշինյանը։ Տեղեկությունը հրապարակվել է վարչապետի պաշտոնական կայքում։

«Հայաստանը բարձր է գնահատում պատերազմի ժամանակ Շվեյցարիայի արտահայտած սկզբունքային դիրքորոշումը՝ ի նպաստ ռազմական գործողությունների անհապաղ դադարեցման, ԵԱՀԿ Մինսկի խմբի համանախագահության շրջանակում Լեռնային Ղարաբաղի հակամարտության խաղաղ կարգավորման և միջազգային հումանիտար իրավունքի անվերապահ կատարման»,–նշված է հաղորդագրության մեջ։

Փաշինյանը շեշտել է նաև Շվեյցարիայի տրամադրած օգնությունը հակամարտությունից տուժած բնակչությանը։

Բացի այդ, ՀՀ վարչապետի պաշտոնակատարը մեծապես կարևորել է Հայաստանի և Շվեյցարիայի միջև տարեցտարի զարգացող միջպետական փոխշահավետ կապերը։ Փաշինյանը հավելել է նաև, որ շվեյցարահայ ակտիվ համայնքը կարևոր դեր է խաղում երկու երկրների ու ժողովուրդների բարեկամության ամրապնդման գործում։

 

71
թեգերը:
Հայաստան, Նիկոլ Փաշինյան, Շվեյցարիա
Ըստ թեմայի
Երևանի ու Բաքվի հետ շփումների մեջ ենք. Պեսկովը` Փաշինյանի հայտարարության մասին
Փաշինյանը գերիների շուտափույթ վերադարձի կարևորությունը ներկայացրել է ԿԽՄԿ նախագահին
Փաշինյանը մասնակցել է Արմեն Շեկոյանի հոգեհանգստի արարողությանը