Իլհամ Ալիև

Երևանը պատրաստ չէ խաղաղության պայմանագիր ստորագրել․ Ալիևը շարունակում է աղմկել

1402
(Թարմացված է 17:07 14.07.2021)
Իլհամ Ալիևը պնդում է, որ Ադրբեջանի և Հայաստանի միջև պետք է խաղաղության պայմանագիր կնքվի, նա այդ մասին հայտարարել է բազմիցս։ Երևանը հայտարարում էր, որ հարցը կարող է լուծվել միայն Արցախի կարգավիճակի որոշումից հետո։

ԵՐԵՎԱՆ, 14 հուլիսի – Sputnik. Բաքուն ոչ պաշտոնական խողովակներով տեղեկություններ է ստանում, որ Հայաստանը պատրաստ չէ խաղաղության պայմանագիր կնքել Ադրբեջանի հետ, հայտարարել է Ադրբեջանի նախագահ Իլհամ Ալիևը:

«Մենք պատրաստ ենք սկսել այդ աշխատանքը։ Բայց Հայաստանից արձագանք չկա, պաշտոնական արձագանք չկա։ Ոչ պաշտոնական խողովակներով մեզ տեղեկություններ են հասնում, որ Հայաստանը դրան պատրաստ չէ։ Կարծում եմ, որ դա մեծ սխալ կլինի նրանց համար»,-ասել է Ալիևը։

Նա հիշեցրել է, որ Բաքուն երկու երկրների միջև հակամարտությունը սպառված է համարում։

«Կողմերը պետք է ճանաչեն միմյանց տարածքային ամբողջականությունը, ճանաչեն սահմանները, մեկնարկ տան սահմանազատման աշխատանքներին։ Միջազգային կազմակերպությունները նույնպես հիմա դրական ազդակներ են տալիս սահմանազատման վերաբերյալ»,-նշել Է Ալիևը։

Այնուհետև Ադրբեջանի ղեկավարը զգուշացրել է․ «Եթե Հայաստանը դա չի ուզում, իր գործն է։ Բայց նա պետք է մի լավ մտածի, թե չէ հետո ուշ կլինի»։ Ապա ավելացրել է, որ Ադրբեջանի ժողովուրդը կվերադառնա իր հողերը։

Ալիևի հայտարարությունը վկայում է հայկական տարածքների հանդեպ նկրտումների մասին. վերլուծաբան

«Նոյեմբերի 10-ի եռակողմ հայտարարության մեջ ասվում է. բոլոր փախստականները պետք է վերադառնան իրենց հայրենի հողերը։ Մեր հայրենի հողերը Զանգեզուրն է, մեր հայրենի հողերը  Գյոյչան է (Սևան), Իրեվանը (Երևան): Մենք, իհարկե, կվերադառնանք», - ընդգծել է Ադրբեջանի նախագահը։

Ալիևն ավելացրել է նաև, որ չնայած պատերազմն անցյալում է մնացել, բայց «չնայած դրան, մենք ամեն րոպե պետք է պատրաստ լինենք պատերազմի»։

Նշենք, որ արցախյան ատերազմը տևել է 44 օր։ Այն դադարեցվել է Ռուսաստանի, Հայաստանի և Ադրբեջանի նախագահներ Վլադիմիր Պուտինի, Նիկոլ Փաշինյանի և Իլհամ Ալիևի եռակողմ հայտարարության ստորագրումից հետո: Հայտարարության համաձայն՝ Լեռնային Ղարաբաղում լիակատար հրադադարը ուժի մեջ է մտել նոյեմբերի 10-ից։ Հայկական կողմը համաձայնել է մի շարք տարածքային զիջումների (Ջեբրայիլ, Զանգելան, Կուբաթլու, Ֆիզուլի, Աղդամ, Քելբաջար և Լաչին, Շուշի, Հադրութի շրջան)։

Թաթոյանը Էրդողանի կնոջ ու Ալիևի խոսակցության տեսանյութը ուղարկել է միջազգային կառույցներին

1402
թեգերը:
Ադրբեջան, Հայաստան, Իլհամ Ալիև
Ըստ թեմայի
Ալիևը հայտարարում է, որ հային պետք է սպանել Ղարաբաղում. Զոհրաբյանի ելույթը ԵԽԽՎ–ում
Չկա Ղարաբաղ` չկա հակամարտություն. Ալիևը կոչ է արել սահմազատման աշխատանքային խումբ ստեղծել
Բաքվի և Երևանի միջև խաղաղության վերականգնման հարցում Ալիևը հույսեր է կապում Վաշինգտոնի հետ
Արթուր վանեցյան

Արթուր Վանեցյանն առաջարկում է ստեղծել Արցախի հարցերով մշտական հանձնաժողով

20
(Թարմացված է 18:17 27.07.2021)
«Պատիվ ունեմ» դաշինքը նախատեսում է ԱԺ առաջին նիստում հանդես գալ Արցախի հարցերով մշտական հանձնաժողով ստեղծելու նախաձեռնությամբ։

ԵՐԵՎԱՆ, 27 հուլիսի – Sputnik. «Պատիվ ունեմ» դաշինքի պատգամավորության թեկնածու, ԱԱԾ նախկին պետ Արթուր Վանեցյանը մտադիր է հանդես գալ Ազգային ժողովի մշտական հանձնաժողովների շարքում Արցախի հարցերով մշտական հանձնաժողով ստեղծելու առաջարկությամբ։ Վանեցյանն այս մասին հայտնել է Facebook–ի իր էջում։

«Հաշվի առնելով հետընտրական շրջանում Արցախի շուրջ ստեղծված իրավիճակը, Արցախին առնչվող բազմաթիվ նոր խնդիրները և մարտահրավերները՝ անվտանգայինից մինչև սոցիալական, մշակութայինից մինչև տնտեսական, ճիշտ եմ համարում ԱԺ մշտական հանձնաժողովների շարքում ստեղծել Արցախի հարցերով մշտական հանձնաժողով»,–գրել է նա։

Վանեցյանի խոսքով` «Պատիվ ունեմ» դաշինքը նախատեսում է ԱԺ առաջին նիստում հանդես գալ լրացուցիչ հիմնավորումներով։

Հիշեցնենք, որ նորընտիր խորհրդարանի առաջին նստաշրջանը մեկնարկելու է օգոստոսի 2-ին` ժամը 10:00-ին։ Օրակարգում 7 հարց է ընդգրկված, որոնցից մեկն էլ մշտական հանձնաժողովների ստեղծման հարցն է լինելու։

«Պատիվ ունեմ» դաշինքը վերցնելու է մանդատները 4 պատճառով

20
թեգերը:
Արցախ, հանձնաժողով, ՀՀ Ազգային ժողով, ԱԺ, Արթուր Վանեցյան
Ըստ թեմայի
Երկաթե մուրճն ու պողպատե մանդատը այսօր վեր են Սահմանադրությունից. Վանեցյանը ուղերձ է հղել
Ես իմ թիմին միայնակ չեմ թողնի. Արթուր Վանեցյանը` խորհրդարան գնալ–չգնալու մասին
Վանեցյանը բացատրեց` ինչու է ասել «Крым наш», «Я кадровый чекист»
Հովհաննես Հարությունյան

Շիրակի մարզպետը գիտի` ինչպես է օգտագործելու «պողպատե մանդատը»

24
(Թարմացված է 18:22 27.07.2021)
Մարզպետը վստահեցնում է, որ քաղաքական հայացքները պաշտոնից ազատվելու պատճառ չեն դառնա Շիրակի մարզում։

ԵՐԵՎԱՆ, 27 հուլիսի – Sputnik. Շիրակի մարզպետ Հովհաննես Հարությունյանը, որը հրաժարվել է Ազգային ժողովի պատգամավորական մանդատից, այսօր լրագրողների հետ զրույցում հայտնեց, որ շարունակելու է աշխատանքը նույն պաշտոնում։

«Հետագայում քաղաքական թիմը կորոշի` շարունակեմ այստեղ, այլ աշխատանքի անցնեմ, թե ընդհանրապես չաշխատեմ»,– նշեց նա։

Մարզպետը չբացառեց, որ կարող են կադրային փոփոխություններ լինել. ում աշխատանքային գործունեությունը նպատակաուղղված չի լինի երկրի հզորացմանը, նրանց հետ ճանապարհը չեն շարունակի, բայց քաղաքական հայացքները երբեք չեն լինի կադրերի ընտրության պատճառ։

«Հիմնականում աշխատանքային որակի բարձրացումն է լինելու «պողպատե մանդատի» օգտագործումը, որովհետև օր առաջ պիտի շենացնել ու հզորացնել երկիրը»,-ընդգծեց մարզպետը` ավելացնելով, որ Շիրակի մարզում հրաժարական ներկայացրած ընդդիմադիր համայնքապետներ չկան, աշխատող համայնքապետները կշարունակեն աշխատել։

Անդրադառնալով առաջիկա ՏԻՄ ընտրություններին, մասնավորապես Գյումրիում ՔՊ-ից քաղաքապետի թեկնածու առաջադրելուն` մարզպետը նշեց, որ դրա մասին դեռ վաղ է խոսել։

Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով

««Քաղաքացիական պայմանագիր» կուսակցության վարչության նիստի արդյունքում կարձանագրվի այն թեկնածուի անունը, որը որ պիտի գլխավորի «Քաղաքացիական պայմանագիր» կուսակցության ցուցակը թե՛ Գյումրիում, թե՛ մնացած տեղերում։ Այնպես որ կարծում եմ` մենք ժամանակ ունենք»,– ասաց նա։

Հիշեցնենք` հունիսի 20–ին Հայաստանում տեղի ունեցած խորհրդարանական ընտրություններից հետո ՀՀ վարչապետի պաշտոնակատար Նիկոլ Փաշինյանը Երևանի Հանրապետության հրապարակում հանրահավաք անցկացրեց, որի ընթացքում մի քաղաքացի խորհրդանշական պողպատե մանդատ հանձնեց նրան։ Փաշինյանը նշեց` մանդատում կա մուրճ, սուր, բահ. այն ամենը, ինչ անհրաժեշտ է ազատ, երջանիկ և ուժեղ Հայաստան կառուցելու համար։

Նշենք, որ Հովհաննես Հարությունյանը Շիրակի մարզպետ է նշանակվել այս տարվա հունվարին:

24
թեգերը:
Հովհաննես Հարությունյան, Շիրակի մարզ, Հայաստան
Армяно-российский центр гуманитарного реагирования

Սևանում կվադրացիկլը վթարի է ենթարկվել. 27-ամյա վարորդն ու 17-ամյա ուղևորը հիվանդանոցում են

0
(Թարմացված է 19:00 27.07.2021)
Կվադրացիկլը բախվել է վագոն-տնակի պատին, երիտասարդները տարբեր աստիճանի մարմնական վնասվածքներ են ստացել։

ԵՐԵՎԱՆ, 27 հուլիսի - Sputnik. Հերթական արտակարգ դեպքն է գրանցվել Գեղարքունիքի մարզում: Shamshyan.com -ի տեղեկություններով՝ հուլիսի 26-ին, ժամը 20:00-ի սահմաններում Ծողագյուղ գյուղի 27-ամյա բնակիչ Արտյոմ Մելոյանը «Ռակետա» կոչվող հանգստյան գոտում իր վարած կվադրոցիկլով բախվել է վագոն-տնակի պատին:

Մատաղիսում ևս մեկ զինծառայողի աճյուն է հայտնաբերվել

Վթարի հետևանքով Մելոյանն ու նրա ուղևորուհին՝ Երևանի 17-ամյա բնակիչ Միլենա Բաբասիևան մարմնական վնասվածքներով տեղափոխվել են «Սևան» բժշկական կենտրոն:

Տեղում քննություն է իրականացվում վթարի հանգամանքները պարզելու ուղղությամբ։ Փաստի առթիվ նյութեր են նախապատրաստվում:

0
թեգերը:
Հայաստան, Վիրավոր, վթար, Սևան