Տիգրան Մուկուչյան

Տեղամասերում հոսանքազրկումների պահին խախտումներ գրանցվե՞լ են. Մուկուչյանի մեկնաբանությունը

260
(Թարմացված է 21:45 11.07.2021)
Կենտրոնական ընտրական հանձնաժողովի համոզմամբ` ՍԴ դիմած 4 քաղաքական ուժերի դիմումները` ընտրությունների արդյունքներն անվավեր ճանաչելու մասին, ենթակա են մերժման։

ԵՐԵՎԱՆ, 11 հուլիսի – Sputnik. Հունիսի 20-ի արտահերթ խորհրդարանական ընտրությունների քվեաթերթիկների հաշվարկի ժամանակ տեղի ունեցած հոսանքազրկումների հետ կապված ԿԸՀ–ն որևէ իրավախախտման մասին ահազանգ չի ստացել։ Այս մասին այսօր Սահմանադրական դատարանում  արտահերթ խորհրդարանական ընտրությունների արդյունքները անվավեր ճանաչելու հարցով գործի քննության ժամանակ ասաց ԿԸՀ նախագահ Տիգրան Մուկուչյանը։

«Հոսանքազրկումը տևել է 10-15 րոպե ոչ ավելի, որից հետո իրականացվել է վերահաշվարկ և որևէ տեղից որևէ ահազանգ չի ստացվել, որ այդ հոսանքազրկմամբ պայմանավորված տեղամասում տեղի է ունեցել այս կամ այն ապօրինությունը»,-ասաց Տիգրան Մուկուչյանը։

ԿԸՀ նախագահը շեշտեց, որ հոսանքազրկումը տեղի է ունեցել ժամը 21:00-ի սահմաններում, և քանի որ քվեարկության ավարտից հետո հանձնաժողովները սկսում են որոշակի գործառույթներ իրականացել, այդ ժամին քվեաթերթիկների հաշվարկը դեռ նույնիսկ սկսված չի եղել։

«Այդ ժամանակահատվածում նույնիսկ տեղամասերի հիմնական հատվածում քվեաթերթիկների հաշվարկ չէր էլ իրականացվել»,– ասաց Մուկուչյանը։

ԿԸՀ նախագահն իր ելույթում մինչ այդ նաև ասել էր, որ Կենտրոնական ընտրական հանձնաժողովը համակարծիք չէ 4 քաղաքական ուժերի կողմից ընտրախախտումների վերաբերյալ ներկայացված իրավական հիմնավորումների ու պնդումների հետ և գտնում է, որ դիմումների պահանջները ենթակա են մերժման։

Վստահ եմ` ՍԴ-ն կընտրի երկրորդ ճանապարհը. Դավիթ Հարությունյանը դատարանին 2 ուղի առաջարկեց

«Ընտրության արդյունքները անվավեր ճանաչելու համար անհրաժեշտ է, որ խախտումների հետևանքները կրեն անդառնալի բնույթ, պետք է կորցված լինի քվեարկության մասնակիցների կամարտահայտությունը ստույգ պարզելու հնարավորությունը։ Հետևաբար, ընտրության արդյունքները անվավեր ճանաչելն իրենից ներկայացնում է բավականին լուրջ քաղաքական և իրավական զենք, որը պետք է օգտագործվի միայն բացառիկ դեպքերում»,- ասաց Մուկուչյանը։

Հիշեցնենք, որ ընտրությունների արդյունքներն անվավեր ճանաչելու «Հայաստան» դաշինքի, «Զարթոնք» ազգային քրիստոնեական կուսակցության, «Հայոց Հայրենիք» կուսակցության և «Պատիվ ունեմ» կուսակցությունների դաշինքի դիմումներով գործերը ՍԴ-ում  միավորել են ու քննում են նույն նիստում։

Կառավարությունն արտահերթ նիստ է հրավիրել. օրակարգում` մեկ հարց

ՍԴ-ից հայտնել էին, որ միավորման համար հաշվի է առնվել, որ ՀՀ Կենտրոնական ընտրական հանձնաժողովի 2021 թվականի հունիսի 27-ի` «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքներն ամփոփելու մասին» թիվ 184-Ա որոշման հետ կապված վեճի վերաբերյալ» գործերը վերաբերում են նույն հարցին։ Այս գործով դատաքննությունը սկսվել է հուլիսի 9-ից։

260
թեգերը:
Կենտրոնական ընտրական հանձնաժողով (ԿԸՀ), Ընտրություններ, էլեկտրաէներգիա, Տիգրան Մուկուչյան
թեմա:
ԱԺ արտահերթ ընտրություններ 2021 (314)
Ըստ թեմայի
ՍԴ նախագահը մերժեց. ՀՀ նախագահ Արմեն Սարգսյանը որպես վկա չի հարցաքննվի
Լեզվակռիվ եղավ ՍԴ դատավորներ Վահե Գրիգորյանի և Արևիկ Պետրոսյանի միջև
Անհրաժեշտության դեպքում նիստը կշարունակվի մինչև կեսգիշեր. ՍԴ–ն կաշխատի արտակարգ ռեժիմով
Здание Национального Собрания Армении

ԱԺ անդրանիկ նիստը մեկնարկեց 44-օրյա պատերազմի զոհերի հիշատակը մեկ րոպե լռությամբ հարգելով

25
(Թարմացված է 10:21 02.08.2021)
ԱԺ նիստին ներկա են ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

ԵՐԵՎԱՆ, 2 օգոստոսի – Sputnik. Նորընտիր Ազգային ժողովի անդրանիկ նիստը մեկնարկեց Արցախյան 44-օրյա պատերազմի զոհերի հիշատակը մեկ րոպե լռությամբ հարգելով։

Նիստին ներկա են նաև ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

Նիստը վարում է տարիքով ամենաավագ պատգամավորը՝ Կնյազ Հասանովը։ Ի դեպ, «Հայաստան» խմբակցությունն ԱԺ է եկել Սյունիքի՝ կալանավորված համայնքի ղեկավարների լուսանկարներով շապիկներով։

ՀՀ հիմնը հնչելուց հետո Գարեգին Բ-ն տերունական աղոթք կարդաց, որից հետո նա իր օրհնանքի խոսքն ասաց։

Նշենք, որ կալանավորված են Գորիսի քաղաքապետ Առուշ Առուշանյանը, Մեղրիի նախկին քաղաքապետ Մխիթար Զաքարյանը, Քաջարանի քաղաքապետ Առուշ Առուշանյանը, Սիսիանի քաղաքապետ Արթուր Սարգսյանը։

«Այսօր մեր հայրենիք Հայաստանն ու Արցախը դիմակայում են արտաքին և ներքին լուրջ մարտահրավերների։ Ադրբեջանի ծավալապաշտական նկրտումները հաշվի առնելով` հրամայական է պետական գործիչների և ողջ հասարակության համախմբումը։ Բոլորիս ձգտումը հայրենիքի անվտանգությունն է»,–ասաց Գարեգին Բ-ն։

25
թեգերը:
Հայաստան, ԱԺ, Նիստ, Արմեն Սարգսյան, Ամենայն Հայոց կաթողիկոս Գարեգին Բ
Ըստ թեմայի
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով
Ի՞նչ հարցեր են քննարկելու նոր գումարման ԱԺ–ի առաջին նիստում
Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին
Նիկոլ Փաշինյան

ՀՀ-ն բարձր է գնահատում պատերազմի ժամանակ Շվեյցարիայի սկզբունքային դիրքորոշումը. Փաշինյան

71
Նիկոլ Փաշինյանն Ազգային տոնի կապակցությամբ շնորհավորական ուղերձ է հղել Շվեյցարիայի նախագահ Գի Պարմելինին։

ԵՐԵՎԱՆ, 1 օգոստոսի – Sputnik. Հայաստանը բարձր է գնահատում նախորդ տարի Արցախի դեմ Ադրբեջանի սանձազերծած լայնածավալ ռազմական ագրեսիայի ժամանակ Շվեյցարիայի արտահայտած սկզբունքային դիրքորոշումը։ Շվեյցարիայի նախագահ Գի Պարմելինին Ազգային տոնի կապակցությամբ հղած իր ուղերձում գրել է ՀՀ վարչապետի պաշտոնակատար Նիկոլ Փաշինյանը։ Տեղեկությունը հրապարակվել է վարչապետի պաշտոնական կայքում։

«Հայաստանը բարձր է գնահատում պատերազմի ժամանակ Շվեյցարիայի արտահայտած սկզբունքային դիրքորոշումը՝ ի նպաստ ռազմական գործողությունների անհապաղ դադարեցման, ԵԱՀԿ Մինսկի խմբի համանախագահության շրջանակում Լեռնային Ղարաբաղի հակամարտության խաղաղ կարգավորման և միջազգային հումանիտար իրավունքի անվերապահ կատարման»,–նշված է հաղորդագրության մեջ։

Փաշինյանը շեշտել է նաև Շվեյցարիայի տրամադրած օգնությունը հակամարտությունից տուժած բնակչությանը։

Բացի այդ, ՀՀ վարչապետի պաշտոնակատարը մեծապես կարևորել է Հայաստանի և Շվեյցարիայի միջև տարեցտարի զարգացող միջպետական փոխշահավետ կապերը։ Փաշինյանը հավելել է նաև, որ շվեյցարահայ ակտիվ համայնքը կարևոր դեր է խաղում երկու երկրների ու ժողովուրդների բարեկամության ամրապնդման գործում։

 

71
թեգերը:
Հայաստան, Նիկոլ Փաշինյան, Շվեյցարիա
Ըստ թեմայի
Երևանի ու Բաքվի հետ շփումների մեջ ենք. Պեսկովը` Փաշինյանի հայտարարության մասին
Փաշինյանը գերիների շուտափույթ վերադարձի կարևորությունը ներկայացրել է ԿԽՄԿ նախագահին
Փաշինյանը մասնակցել է Արմեն Շեկոյանի հոգեհանգստի արարողությանը