ՀՀ վարչապետի պաշտոնակատար Նիկոլ Փաշինյանը հանդիպել է արտախորհրդարանական 10 քաղաքական ուժերի ղեկավարների հետ:

Փաշինյանն «իր» ընդդիմությունն է ստեղծում. փորձագետը՝ քաղաքական ուժերի հետ հանդիպման մասին

190
Խորհրդարանում «Քաղաքացիական պայմանագրին» հեշտ չի լինի. վարչապետի պաշտոնակատարը ցանկանում է լոյալ կուսակցությունների հաշվին խորհրդարանական ընդդիմությունը հավասարակշռության բերել։

ԵՐԵՎԱՆ, 9 հուլիսի – Sputnik. ՀՀ վարչապետի պաշտոնակատար Նիկոլ Փաշինյանը իր այլընտրանքային ընդդիմությունն է ստեղծում, Sputnik Արմենիայի հետ զրույցում, արտախորհրդարանական ուժերի հետ հանդիպումը մեկնաբանելով, ասաց քաղտեխնոլոգ Արմեն Բադալյանը։

ՀՀ վարչապետի պաշտոնակատար Նիկոլ Փաշինյանն այսօր տասը քաղաքական կուսակցությունների առաջնորդների է ընդունել` քննարկելու համար մշտական փոխգործակցության ձևաչափը։ Խոսքն այն ուժերի մասին է, որոնք վերջին ընտրությունների արդյունքներով խորհրդարան չեն անցել։

Բադալյանի խոսքով` Փաշինյանն այժմ անում է մոտավորապես նույնը, ինչը ժամանակին արել էր Սերժ Սարգսյանը, որը Մարզահամերգային համալիր էր հրավիրել կուսակցությունների մի քանի տասնյակ առաջնորդների` ցուցադրելու ներքաղաքական հարցերի որոշակի լայն քննարկում։ Սակայն այդ կուսակցություններն իրենցից ոչինչ չէին ներկայացնում։

«Նույն սկզբունքով է առաջնորդվում Նիկոլ Փաշինյանը։ Նախ` նա ցանկանում է ցույց տալ, որ խորհրդարանական ընդդիմությունից բացի կա նաև այլ ընդդիմություն, որը թեև խորհրդարան չի անցել, բայց կարող է ասել իր խոսքը և կարևոր դեր է խաղում քաղաքական կյանքում», – ասաց Բադալյանը։

Վարչապետի պաշտոնակատարը ցույց է տալիս, որ կան մի շարք կուսակցություններ, առաջնորդներ, որոնք դեմ չեն հանդիպել իր հետ։ Այդպիսով նա ուզում է «չեզոքացնել» խորհրդարանական ընդդիմության կշիռը։

ՀՀ–ում ԱՄՆ դեսպանը հանդիպել է «Հայաստան» դաշինքի կուսակցությունների ղեկավարների հետ

Բացի այդ, կառավարության ղեկավարի պաշտոնակատարը կարող է որոշակի խորհրդակցական մարմին ստեղծել, որը ապագայում կօգտագործի որոշակի գաղափարներ շրջանառության մեջ դնելու համար։ Ֆորմալ առումով դրանք ոչ թե Փաշինյանն է առաջ քաշելու, այլ «ընդդիմությունը», ինչի արդյունքում Փաշինյանը կխուսափի քննադատությունից։

Մյուս կողմից` արտախորհրդարանական ընդդիմությունը վարչապետի պաշտոնակատարը կփորձի օգտագործել խորհրդարանականի դեմ։

«Առաջին օրինակը մենք այսօր արդեն տեսանք։ Սահմանադրական դատարանի դիմաց, որտեղ տեղի էր ունենում «Հայաստան» և «Պատիվ ունեմ» (ևս 2 կուսակցություն) դաշինքների հայցերի քննարկումը, Արման Բաբաջանյանի գլխավորած «Հանուն հանրապետության» կուսակցությունը ակցիա էր կազմակերպել։ Նրանք փորձում էին ճնշում գործադրել ՍԴ–ի վրա, որպեսզի դատարանը ոչ մի դեպքում չչեղարկի ընտրությունների արդյունքները»,– նշեց Բադալյանը։

Այդպիսով, քաղտեխնոլոգի խոսքով` այլընտրանքային այս ընդդիմությունը պետք է, փաստորեն, ծառայի անձամբ Փաշինյանին։

Ընդհանուր առմամբ` վարչապետի պաշտոնակատարը, ամենայն հավանականությամբ, վախենում է նրանից, որ ընդդիմության ներկայացուցիչները խորհրդարանում իրենց ակտիվությամբ և մեծ ինտելեկտուալ կարողություններով կկարողանան «պատին դեմ տալ» «Քաղաքացիական պայմանագրին»։ Այդ պատճառով էլ նա «այլընտրանքային ընդդիմություն» է ստեղծում։

Հիշեցնենք՝ ՀՀ վարչապետի պաշտոնակատար Նիկոլ Փաշինյանը հանդիպել է արտախորհրդարանական 10 քաղաքական ուժերի ղեկավարների հետ: Հանդիպմանը մասնակցել են «Ազատական կուսակցության առաջնորդ Սամվել Բաբայանը, «Ալյանս» առաջադիմական ցենտրիստական կուսակցության առաջնորդ Տիգրան Ուրիխանյանը, «Արդար Հայաստան» կուսակցության ղեկավար Նորայր Նորիկյանը, «Ինքնիշխան Հայաստան» կուսակցության ղեկավար Դավիթ Սանասարյանը, Հայաստանի դեմոկրատական կուսակցությունից Տիգրան Արզաքանցյանը, Հայաստանի եվրոպական կուսակցության ղեկավար Տիգրան Խզմալյանը, Հայաստանի Քրիստոնեա-դեմոկրատական կուսակցության նախագահ Լևոն Շիրինյանը, «Միասնական հայրենիք» կուսակցության նախագահ Մհեր Տերտերյանը, Պահպանողական կուսակցության ղեկավար Միքայել Հայրապետյանը, Սոցիալ Դեմոկրատական Հնչակյան կուսակցության Հայաստանի վարչության ատենապետ Սեդրակ Աճեմյանը:

Սերժ Սարգսյանի հետ էլ եմ հանդիպել. Սաղաթելյանը` հետընտրական հանդիպումների մասին

«Լուսավոր Հայաստանի» ու «Հանրապետություն» կուսակցությունների ղեկավարներ Էդմոն Մարուքյանը և Արամ Սարգմյանը նույնպես պետք է մասնակցեին հանդիպմանը, սակայն նրանք արտերկրում են։

Հունիսի 20-ին խորհրդարանական արտահերթ ընտրությունների արյդունքում Նիկոլ Փաշինյանի գլխավորած «Քաղաքացիական պայմանագիրը» գրեթե 54 տոկոսով հաղթանակ է տարել։ Խորհրդարան անցած մյուս երկու ուժերն ընդդիմադիր «Հայաստան» (21,04%) ու «Պատիվ ունեմ» (5,23) դաշինքներն են։

Մասնակցությունն ընտրություններին կազմել է 49,4%։

Ընտրություններից հետո Փաշինյանը հայտարարեց, որ երկխոսություն է առաջարկում բոլոր այն կուսակցություններին, որոնք չեն անցել խորհրդարան, բայց կարող են առողջ գաղափարներ առաջարկել քաղաքականության ու տնտեսության վերաբերյալ։

190
թեգերը:
Նիկոլ Փաշինյան, կուսակցություն, ընդդիմություն, հանդիպում
Ըստ թեմայի
Եթե Փաշինյանը նախապես ասեր, թե ինչ է անելու` հաստատ այդքան ձայն չէր հավաքի. քաղաքագետ
ԵՄ-ն կօգնի տարածաշրջանային մարտահրավերների հաղթահարմանը. Փաշինյանն ընդունել է Վարհելիին
Խնդիրները լուծել ազգային ներուժի համախմբման միջոցով. Փաշինյանն ընդունել է Արա Թորանյանին
Փաշինյանն ու Լուկաշենկոն

Ձեզ մանդատ են տվել այս խնդիրներն իրականացնելու համար. Լուկաշենկոն ուղերձ է հղել Փաշինյանին

63
(Թարմացված է 22:40 04.08.2021)
ՀՀ վարչապետ Նիկոլ Փաշինյանը շարունակում է շնորհավորանքներ ստանալ։ Ուղերձ է հղելլ նաև Բելառուսի նախագահը։

ԵՐԵՎԱՆ, 4 օգոստոսի – Sputnik. Բելառուսի նախագահ Ալեքսանդր Լուկաշենկոն շնորհավորել է Նիկոլ Փաշինյանին՝ Հայաստանի Հանրապետության վարչապետի պաշտոնում նշանակվելու առթիվ: Տեղեկությունը հայտնում է վարչապետի մամուլի  ծառայությունը։

«Անցնող ընտրություններում հայ ժողովուրդը քվեարկեց հանուն խաղաղության, կայունության, սոցիալ-տնտեսական զարգացման՝ տալով Ձեզ մանդատ իրականացնելու պետության համար այս կարևորագույն խնդիրները»,- նշել է Բելառուսի նախագահը:

Ալեքսանդր Լուկաշենկոն համոզմունք է հայտնել, որ Բելառուսի և Հայաստանի միջև բազմակողմ համագործակցության հետագա ընդլայնումը, ինչպես նաև ինտեգրացիոն նախագծերի շրջանակում փոխգործակցությունը կնպաստեն երկու երկրների միջև բարեկամության ամրապնդմանը և քաղաքացիների բարօրության աճին:

Հիշեցնենք` հունիսի 20–ին կայացած ԱԺ արտահերթ ընտրությունների արդյունքներով «Քաղաքացիական պայմանագիր» կուսակցությունն ամենաշատ քվեները ստացավ։ Իսկ ԱԺ 8–րդ գումարման առաջին նիստի ժամանակ ՔՊ խմբակցությունը ՀՀ վարչապետի պաշտոնում առաջարկեց Փաշինյանի թեկնածությունը։ Նույն օրը Արմեն Սարգսյանի հրամանագրով Նիկոլ Փաշինյանը կրկին նշանակվեց ՀՀ վարչապետ։

«ՌԴ–ն պատրաստ է շարունակել կառուցողական երկխոսությունը». Պուտինը շնորհավորել է Փաշինյանին

63
թեգերը:
Հայաստան, Բելառուս, Արփի Փաշինյան, Ալեքսանդր Լուկաշենկո
Ըստ թեմայի
«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին
«Փաշինյանն Ապրիլյան պատերազմից հետո իմ գրասենյակ եկավ». Օհանյանը պատմեց` ինչ են խոսել
Տպավորություն է, թե Փաշինյանը ՊՆ–ում չէր, այլ էկոնոմիկայի նախարարությունում. Մանգասարյան
Իշխան Սաղաթելյան

«Սևանի ափին հյուրանոց ունեմ». Իշխան Սաղաթելյանը խոսեց իր բիզնեսի և ծառայած չլինելու մասին

430
(Թարմացված է 14:15 04.08.2021)
ԱԺ փոխխոսնակի թեկնածու Իշխան Սաղաթելյանը խոսեց նաև իր` բանակում չծառայելու պատճառների մասին։

ԵՐԵՎԱՆ, 4 օգոստոսի – Sputnik. «Հայաստան» դաշինքի պատգամավոր Իշխան Սաղաթելյանը վստահեցնում է` Սևանի ափին որևէ շինություն չի սեփականաշնորհել, սակայն չի ժխտում` Սևանի ափին հյուրանոցային համալիր ունի։ Նա այս մասին ասաց Ազգային ժողովի այսօրվա նիստում` անդրադառնալով բիզնեսով զբաղվելու մասին լուրերին։

Նշենք, որ «Հայաստան» դաշինքը Սաղաթելյանի թեկնածությունն է առաջադրել ԱԺ փոխխոսնակի պաշտոնում։

«Հյուրանոցը կառուցել եմ բաց դաշտի մեջ, որտեղ չի եղել որևէ կոմունիկացիա։ Հյուրանոցը պատկանում է իմ ընտանիքին։ Ես որևէ բարձր պաշտոն չեմ ունեցել, բացառությամբ այն շրջանի, որ 4 ամիս մարզպետ եմ եղել (Գեղարքունիքում, 2018-ին,–խմբ.)։ Առաջին իմ ընկերությունը 2005-ին եմ ստեղծել։ Այո, իմ ընտանիքը զբաղվել է բիզնեսով և շարունակելու է զբաղվել»,–ասաց Սաղաթելյանը։

Անդրադառնալով իր` բանակում ծառայած լինել–չլինելու լուրերին, Սաղաթելյանը նշեց, որ չի ծառայել, քանի որ պատմական գիտությունների թեկնածուի կոչում է ստացել։ Նրա խոսքով` 2016-ի ապրիլի 3-ին` Ապրիլյան պատերազմի ժամանակ եղել է Արցախի հյուսիսում և դիրքերից իջել պատերազմի ավարտից հետո։

«Եթե մանդատները օգուտ չտան, պատռելու ենք, դուրս գանք փողոց». Իշխան Սաղաթելյան

Ավելին` 44-օրյա պատերազմի ժամանակ էլ եղել է Արցախում, նաև առաջնագծում, սակայն մատակարարման հարցերով է զբաղված եղել։

Սաղաթելյանն իր խոսքն ամփոփեց` ասելով, որ ի տարբերություն դահլիճում նստած շատ պատգամավորների, անպիտանելիության փաստաթղթերով չի ազատվել բանակից։

«Հայաստան» դաշինքի պատգամավոր Ագնեսա Խամոյանը հետաքրքրվեց` շա՞տ կտխրի Սաղաթելյանը, եթե նրան չընտրեն փոխխոսնակի պաշտոնում։ Ի պատասխան Սաղաթելյանը նշեց, որ իրեն ճանաչողները գիտեն` կարող է նույնիսկ ուրախանալ։

«Խորհրդարանում օր ու արև չենք տալու այս իշխանություններին». Իշխան Սաղաթելյան

430
թեգերը:
Իշխան Սաղաթելյան, Սևան, բիզնես, Բանակ
Ըստ թեմայի
Սերժ Սարգսյանի հետ էլ եմ հանդիպել. Սաղաթելյանը` հետընտրական հանդիպումների մասին
«Կան ուժեր, որոնք ընդդիմադիր են ձևանում, բայց միայն քվե են փախցնում». Իշխան Սաղաթելյան
«Ալիևն ու Էրդողանը Շուշի են գնում, Փաշինյանը խոսում է մեր դրոշն այրելու մասին». Սաղաթելյան
Դիլիջան

Կհասնենք ամպերին. ՌԴ առևտրային ներկայացուցիչը խոսել է ՀՀ–ում բիզնես ծրագրերի մասին

0
(Թարմացված է 23:15 04.08.2021)
Ռուսական կապիտալով ներդրում է արվում Դիլիջանի կենտրոնի նախագծի համար, իսկ Երևանի նոր ինժեներական քաղաքը սպասում է ռուս գործընկերներին։

ԵՐԵՎԱՆ, 4 օգոստոսի – Sputnik. Տնտեսական հեռանկարների մասին կարելի է պատմել բազմագույն գրաֆիկների և դիագրամների միջոցով։

Բայց Դիլիջանի կանաչ գույնն ամառվա շոգին այնուամենայնիվ ավելի համոզիչ կլինի։ Այսպես է որոշել Հայաստանում Ռուսաստանի առևտրային ներկայացուցիչ Աննա Դոնչենկոն և չի սխալվել։ Այստեղ աշխատելու հնարավորությունների մասին նա պատմում է այնպես, որ հազար ու մի տեսարժան վայրեր տեսած ռուս գործարարները ցանկանան մտածել Հայաստանում ներդրումներ կատարելու մասին։

Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին

Աննա Դոնչենկոն սոցիալական ցանցերում կրեատիվ և ժամանակակից ոճով ներկայացրել է Հայաստանը։ Պաշտոնյաները սովորաբար բյուրոկրատիայի կանոններով են աշխատում, բայց այս դեպքում ստեղծարարության տրամաբանությամբ է։

Դոնչենկոն սկսում է Դիլիջանի զբոսաշրջային հնարավորություններից․ «Ինչ-որ մեկը ժամանակին ասել է` եթե դրախտում լեռներ, անտառներ և աղբյուրներ լինեին, այն նման կլիներ Դիլիջանին։ Դժվար է չհամաձայնել՝ Դիլիջանը բոլոր կողմերից շրջապատված է արգելոցի տարածքով»,-պատմում է Դոնչենկոն` իր խոսքերն ամրապնդելով թռչնի թռիչքի բաձրությունից արված կադրերով։

Մյուս հանգստավայրերի համեմատ Դիլիջանն անշուք է թվում, համենայն դեպս՝ առայժմ։ Բնությունն իսկական է և ոչ մի կերպ ձևափոխված չէ (որպես ապացույց Դոնչենկոն դրոնից նկարահանված ևս մեկ տեսանյութ է ցուցադրում), խոհանոցը՝ նույնպես (դրանում կարելի է անձամբ համոզվել), իսկ քաղաքի կենտրոնում նոր ներդրումային նախագիծ է պատրաստվում։

«Լճակի մոտ, որը քաղաքացիները Կարապի լիճ են անվանում, հանգստի գոտի կստեղծվի՝ այգիներով, վազքուղիներով և հեծանվային ճանապարհներով։ Այստեղ ենթադրվում է համերգներ, փառատոններ և տոնավաճառներ անցկացնել»,-պատմում է հյուրընկալության ոլորտի համաշխարհային միության նախագահ Հրանտ Բաբասյանը։

Մոտակայքում նախատեսվում է մի քանի նոր հյուրանոց կառուցել քաղաքի հյուրերի համար։ Ռուսական կապիտալի մասնակցությամբ այդ ներդրումային նախագիծը բաց է հնարավոր գործընկերների համար։ Այնպես որ, Դիլիջանը հանգիստ կարող է զարգացնել կապերը քույր քաղաք Պյատիգորսկի հետ, որը Ռուսաստանի ամենահայտնի և սիրված հանգստավայրերից է։

«Կապիտալը փախչում է երկրից». Ավետիսյանը` ներդրումների և կարանտինի երկարաձգման մասին

Առևտրային ներկայացուցչի հաջորդ կանգատը նոր ինժեներական քաղաքն է, որն արդեն մի քանի տարի է, ինչ գործում է Երևանի հյուսիսային արվարձանում։ Եվրասիական միությունում համագործակցության առաջնային ուղղություն են դարձել բարձր տեխնոլոգիաները, այդ թվում՝ բիոտեխնոլոգիաներն ու նանոտեխնոլոգիաները, ֆոտոնիկան, բնական ռեսուրսների արդյունահանման և վերամշակման, ինչպես նաև շրջակա միջավայրի պահպանության նոր տեխնոլոգիաները:

Ինժեներական քաղաքը կարող է այդպիսի համագործակցության ելակետը դառնալ։ Այն, իհարկե, այնքան խոշոր չէ, որքան Սկոլկովոն, Նովոսիբիրսկի Ակադեմիական քաղաքը կամ Կազանի Իննոպոլիսը, բայց այստեղ արդեն իսկ մի քանի ընկերություն է գործում, որոնք պատվերներ են կատարում նաև Ռուաստանի համար։ Ընկերություններից մեկը թեստավորման համակարգ է մշակում ռուսական նոր մեքենաների էլեկտրոնիկայի համար, մյուսն էլեկտրոնիկայի ուսումնական հավաքածուներ է պատրաստում ռուսական դպրոցների և վարժարանների համար։

«Այս պահին մենք աշխատում ենք ինժեներական քաղաքում ռուսական ընկերությունների աշխատանքի մասին` ՀՀ բարձր տեխնոլոգիական արդյունաբերության նախարարության առաջարկի վրա»,-ավելացնում է Դոնչենկոն։

Երևանում անգամ գետնի տակ կարելի է ռուսական կոնֆետներ ճարել։ Առևտրային ներկայացուցիչն ապացուցում է դա` շարժասանդուղքով իջնելով քաղաքի սուպերմարկետներից մեկը և հարցուփորձ անելով գնորդներին։

Ներդրումային ի՞նչ ծրագրեր են հետաքրքրում ռուսական բիզնեսին Հայաստանում

Ընդհանուր առմամբ, Հայաստանը Ռուսաստանից ներկրում է մոտ 300 միլիոն դոլարի սննդամթերք և հումք (պարենի ողջ ներմուծման մեկ երրորդը)։ Հիմնական մասը ցորենն ու արևածաղկի ձեթն են, որոնք Հայաստանում օբյեկտիվ պատճառներով չեն արտադրվում կամ բավարար չափով չեն արտադրվում։ Ներկրվում են նաև շոկոլադե կոնֆետներ, հրուշակեղեն, եգիպտացորեն, շաքար։

Հայաստանում տեղական պաղպաղակի զանազան տեսակներ կան, բայց ոմանք ռուսականից էլ չեն հրաժարվում (տարիքով ավելի մեծերին մոսկովյան պաղպաղակի համը մանկությունն է հիշեցնում)։

«Ձգտելու և խանութների ցուցափեղկերն ընդլայնելու տեղ կա»,-ավելացրել է Դոնչենկոն։

Ի դեպ, ՌԴ Վիճակագրական կոմիտեի տվյալնեով՝ անգամ ճգնաժամային 2020 թ․-ին Հայաստան է այցելել մոտ 145 հազար ռուա զբոսաշրջիկ։

0
թեգերը:
Հայաստան, բիզնես, Ներդրում, ծրագիր, Ռուսաստան
Ըստ թեմայի
Մտքի ուժ և տիեզերք. հայազգի ինժեները նոր սերնդի կառավարման սարքի նախատիպ է պատրաստել
Ինչո՞վ ենք պակաս Սարգսյանից ու Վուչիչից, կամ ի՞նչ կարող են ՀՀ–ն ու Սերբիան ստանալ ԵԱՏՄ–ից
Հայկական տեխնոլոգիան կարող է մի քանի անգամ արագացնել աշխարհում նոր դեղերի ստեղծումը