ՀՀ վարչապետի պաշտոնակատար Նիկոլ Փաշինյանը կառավարությունում հանդիպում է ունեցել Արցախի Հանրապետության նախագահ Արայիկ Հարությունյանի հետ։

Հարցերի հարցը շարունակում է մնալ Արցախի կարգավիճակի ճշգրտման խնդիրը. Փաշինյան

133
(Թարմացված է 18:09 09.07.2021)
ՀՀ վարչապետի պաշտոնակատար Նիկոլ Փաշինյանը կառավարությունում հանդիպում է ունեցել Արցախի Հանրապետության նախագահ Արայիկ Հարությունյանի հետ։

ԵՐԵՎԱՆ, 9 հուլիսի - Sputnik. ՀՀ վարչապետի պաշտոնակատար Նիկոլ Փաշինյանը կառավարությունում հանդիպում է ունեցել Արցախի Հանրապետության նախագահ Արայիկ Հարությունյանի հետ: Հանդիպումը Հայաստանում տեղի ունեցած արտահերթ խորհրդարանական ընտրություններից և Նիկոլ Փաշինյանի՝ հուլիսի 7-ին Ռուսաստանի Դաշնություն կատարած աշխատանքային այցից անմիջապես հետո առաջինն է: Տեղեկությունը հայտնում են վարչապետի աշխատակազմից։

Նիկոլ Փաշինյանը նշել է, որ Արցախի Հանրապետության, Հայաստանի Հանրապետության, հայ ժողովուրդի համար ծանր փորձության օրերին ժողովրդին առաջնորդելու բեռն ու պատիվը իրենց ուսերին է ընկած։ Նա կարևորել է 44-օրյա պատերազմի բոլոր հանգամանքների մանրակրկիտ քննությունը այնպես, որ այդ աշխատանքը լինի վստահելի։

Փաշինյանն արձանագրել է, որ պատերազմից հետո բավականին լուրջ ջանքեր են գործադրվել Արցախում բնականոն կյանքը վերականգնելու համար ու հույս է հայտնել, որ Արցախի մեր հայրենակիցները զգում են այդ որոշումների արդյունավետությունը։ Շեշտել է՝ օրակարգում հարցերի հարցը շարունակում է մնալ Արցախի կարգավիճակի ճշգրտման խնդիրը:

Արայիկ Հարությունյանն իր հերթին նախ հաջողություն է մաղթել Հայաստանի Հանրապետության կառավարության ղեկավարումը շարունակելու առումով, ապա համոզմունք է հայտնել, որ քննարկված ծրագրերը բերելու են Արցախի սոցիալ-տնտեսական զարգացմանը:

И.о, премьер-министра Никол Пашинян на встрече с президентом Карабаха Араиком Арутюняном (9 июля 2021). Еревaн
© Photo / official site of the Prime minister of RA
ՀՀ վարչապետի պաշտոնակատար Նիկոլ Փաշինյանը կառավարությունում հանդիպում է ունեցել Արցախի Հանրապետության նախագահ Արայիկ Հարությունյանի հետ։

Արայիկ Հարությունյանն ասել է, որ սոցիալ-տնտեսական առումով խնդիրները կարգավորվում են և սոցիալական այն ծրագրերը, որոնք իրականացրել է Հայաստանի կառավարությունը, միանշանակ Արցախը հանել է շոկային վիճակից: Այսօր սոցիալական քաղաքականությունը թույլ է տալիս վստահ հայտարարել, որ չկա ընտանիք, որը չի եղել ուշադրության կենտրոնում, և միանշանակ այդ ամենը միայն ու միայն Հայաստանի կառավարության կողմից հատկացված գումարների շնորհիվ:

Նշվել է նաև, որ «Հայաստան» համահայկական հիմնադրամի հավաքագրած գումարներն արդեն իսկ սկսել են ուղղվել բնակարանաշինությանը և ենթակառուցվածքների զարգացմանը:

«Այսօր Արցախում բնակարանների խնդիրն այնքան խիստ է, որ օրը մեկ բնակարան կառուցելն էլ քիչ է: Մեր ծրագրերն իրականացնելու համար պետք է հասնենք նրան, որ առնվազն օրը մինչև 4-5 բնակարան կառուցենք: Այդ ծրագիրն ենք ուզում ներկայացնել հայությանը, որպեսզի ամեն մի հայ առաջիկա տարիներին մասնակցի բնակարանաշինության ծրագրերին»,-ասել է Արցախի նախագահը:

Արայիկ Հարությունյանը ամենակարևոր խնդիրը համարել է անվտանգային, կարգավիճակի խնդիրը ու նշել, որ կարգավիճակի առումով սկզբունքն ինչպիսին եղել է մինչ պատերազմը, ԵԱՀԿ Մինսկի խմբի կողմից օրակարգային փոփոխություն չի կրել:

Իսկ անվտանգության առումով, ըստ Հարությունյանի, Պաշտպանության բանակի և խաղաղապահ ուժերի կողմից իրավիճակը համատեղ վերահսկվում է: Բերքահավաքին խանգարող խոչընդոտ չկա, ընթանում են նաև ենթակառուցվածքների վերականգնման աշխատանքները շփման գծի երկայնքով:

133
թեգերը:
Արցախ, Արայիկ Հարությունյան, Նիկոլ Փաշինյան
Ըստ թեմայի
Արցախյան պատերազմում զոհված ևս 81 զինծառայողների ընտանիքներ հատուցում են ստացել
Պատերազմի հետևանքով վնաս կրած արցախցիների փոխհատուցման գումարները կավելանան
Ռուս խաղաղապահներն Արցախում ավելի քան 2 հազար մարդասիրական ակցիա են իրականացրել
ԵԽԽՎ

ՀՀ–ի, Ադրբեջանի և Վրաստանի խորհրդարանական պատվիրակությունները կմիավորեն ուժերը. ԵԽԽՎ

53
(Թարմացված է 23:20 27.07.2021)
Եվրոպայի խորհրդի խորհրդարանական վեհաժողովի նախագահը նշել է, որ կարևոր է Վրաստանի տարածաշրջանային դիրքորոշումը Ադրբեջանի ու Հայաստանի հետ։

ԵՐԵՎԱՆ, 27 հուլիսի - Sputnik. Հայաստանի, Ադրբեջանի և Վրաստանի խորհրդարանական պատվիրակությունները կփորձեն լուծել հիմնախնդիրները, Վրաստանն այս գործընթացում առաջնային դեր կխաղա։ «Արմենպրեսը», հղում անելով 1tv.ge-ին, տեղեկացնում է, որ նման հայտարարություն է արել Եվրոպայի խորհրդի խորհրդարանական վեհաժողովի նախագահ Ռիկ Դամսը, որը պաշտոնական այցով գտնվում է Վրաստանում:

«Առաջին օրինակը, որը բոլորիդ համար կարևոր է, Վրաստանի տարածաշրջանային դիրքորոշումն է Ադրբեջանի ու Հայաստանի հետ: Մենք բոլորս համաձայն ենք, որ մենք հանդես գանք նախաձեռնությամբ, երբ պատվիրակությունը համալրվի խորհրդարանական պատվիրակություններին՝ խորհրդարանական դիվանագիտության համատեքստում միավորելու համար: Ադրբեջանի, Հայաստանի և Վրաստանի խորհրդարանական պատվիրակությունները կփորձեն լուծել այն խնդիրները, որոնցում Վրաստանը առաջնային դեր կխաղա», - ասել է Ռիկ Դամսը:

Նշենք, որ այսօր Ռիկ Դամսը Թբիլիսիում հանդիպումներ է ունեցել Վրաստանի ղեկավարների հետ։

53
թեգերը:
Եվրախորհրդի խորհրդարանական վեհաժողով (ԵԽԽՎ), Ադրբեջան, Վրաստանի Հանրապետություն, Հայաստան
Ըստ թեմայի
Ադրբեջանը քաղբանտարկյալների մասին փաստաթղթի գրեթե ոչ մի կետը չի կատարել. ԵԽԽՎ
Բրիտանական Telegraph–ը «զարհուրելի» է որակել Բաքվի «ռազմական պուրակը»
Բաքուն ստիպված է դուրս գալ Անկարայի ղարաբաղյան «լավության տակից». ո՞րն է գինը
Արթուր Վանեցյան

ԱԺ «Պատիվ ունեմ» խմբակցությունը կգլխավորի Արթուր Վանեցյանը

74
(Թարմացված է 19:37 27.07.2021)
Դաշինքը նորընտիր ԱԺ-ում ներկայացված կլինի յոթ պատգամավորներով, խմբակցության քարտուղարը ՀՀԿ-ական է։

ԵՐԵՎԱՆ, 27 հուլիսի - Sputnik. Ազգային Ժողովի «Պատիվ ունեմ» խմբակցությունը կղեկավարի դաշինքի առաջնորդ, «Հայրենիք» կուսակցության ղեկավար Արթուր Վանեցյանը։

Տեղեկությունը Sputnik Արմենիայի հետ զրույցում հայտնեց «Հայրենիք» կուսակցության մամուլի քարտուղար Սոս Հակոբյանը։ Նրա խոսքով՝ խմբակցության քարտուղարի պարտականությունները էլ կկատարի ՀՀԿ-ական Հայկ Մամիջանյանը։

Նշենք, որ «Պատիվ ունեմ» դաշինքը պատգամավորական յոթ մանդատ է ստացել։ 8-րդ գումարման ԱԺ-ում դաշինքը կներկայացնեն Արթուր Վանեցյանը, Տարոն Մարգարյանը, Աննա Մկրտչյանը, Իշխան Զաքարյանը, Հայկ Մամիջանյանը, Թագուհի Թովմասյանն ու Տիգրան Աբրահամյանը։

Ալեն Սիմոնյանի մանկության ընկերը ԱԺ աշխատակազմի ղեկավար կնշանակվի. ԶԼՄ

74
թեգերը:
Արթուր Վանեցյան, «Պատիվ ունեմ» դաշինք, ԱԺ, Հայաստան
Ըստ թեմայի
Ով կստանա ԱԺ փոխնախագահի` ընդդիմության աթոռը. «Հայաստան» դաշինքում հարցը որոշված է
Ովքե՞ր կլինեն նոր ԱԺ–ում. խորհրդարան անցած քաղաքական 3 ուժերի ցուցակները հայտնի են
Հայտնի է ԱԺ ութերորդ գումարման առաջին նստաշրջանի օրակարգը
Դատարան

Լրտեսության համար ՀՀ և ՌԴ 2 քաղաքացու Ռուսաստանում դատում են

0
Արարատ Խաչատրյանն ու Դենիս Լոբովը մաս են կազմել ՌԴ-ից Ուկրաինա Ս-300 զենիթահրթիռային համակարգերի՝ պետական գաղտնիք հանդիսացող ռադիոլոկացիոն սարքավորումների մաքսանենգությանը:

ԵՐԵՎԱՆ, 28 հուլիսի - Sputnik. Ռոստովի շրջանային դատարանը 9,5 տարվա և 10 տարվա 5 ամսվա ազատազրկման է դատապարտել Ռուսաստանի ու Հայաստանի քաղաքացիներին, որոնք մեղավոր են ճանաչվել պետական դավաճանության և Ուկրաինայի օգտին լրտեսության մեջ։ Տեղեկությունը հաղորդում է ԱԴԾ-ի հանրային կապերի կենտրոնը:

«Ռոստովի մարզային դատարանը մեղադրական դատավճիռներ է կայացրել ՌԴ քաղաքացի Դենիս Լոբովի ու ՀՀ քաղաքացի Արարատ Խաչատրյանի նկատմամբ, որոնք մասնակցել են Ռուսաստանի Դաշնության տարածքից Ուկրաինա Ս-300 զենիթահրթիռային համակարգերի համար պետական գաղտնիք հանդիսացող ռադիոտեղորոշիչ սարքավորումների մաքսանենգ մատակարարումների իրականացմանը», - նշված է հաղորդագրության մեջ:

ՌԴ Քրեական օրենսգրքի 275 հոդվածով նախատեսված «Պետական դավաճանություն» ու 276-րդ հոդվածով նախատեսված «Լրտեսություն» հանցագործությունների համար դատարանը դատապարտել է Լոբովին 9 տարի 6 ամիս ազատազրկման, Խաչատրյանին՝ 10 տարի 5 ամիս ազատազրկման: Երկուսն էլ պատիժը կրելու են խիստ ռեժիմի գաղութում։

Պարզվել է, որ Լոբովն ու Խաչատրյանը տեղեկություններ են հավաքել C-300 ԶՀՀ-ի կազմի մեջ մտնող կլիստրոնների (մշտական հոսանքը փոփոխական դարձնող սարք) մասին ու նմուշներ են փոխանցել Ուկրաինա: Լոբովը պահել է սարքավորումներ իր տան նկուղում։ Խաչատրյանը սահմանամերձ բնակիչների միջոցով կազմակերպել է կլիստրոնների տեղափոխումն Ուկրաինա։

«Ինձ «ռուսական լրտես» էր անվանում». Վանեցյանը` Փաշինյանի մեղադրանքների մասին

«Կլիստրոնների վերջնական ստացողը «Ուկրօբորոնպրոմ» պետական ընկերությունն էր», - ընդգծվում է հաղորդագրության մեջ:

2020 թվականի մարտին Խաչատրյանը հերթական գնման համար ժամանել է Ռուսաստան, որտեղ նրան ձերբակալել են։

0
թեգերը:
ռուս, հայ, Դատարան, լրտեսություն, Ուկրաինա, Ռուսաստան
Ըստ թեմայի
Արցախում բրիտանական ականազերծող ընկերության լրտեսության մասին քրգործը վարույթ է ընդունվել
«Ծանր ջուր» Արթուրի ու Սերժի համար, կամ ինչպես էին Հայաստանում բռնում «լրտեսներին»
Մանր խուլիգաններ` լրտեսների փոխարեն, կամ ինչպես ԱԱԾ–ն վերածեցին ոստիկանական բաժանմունքի