Հայ գերիների հերթական խումբն է վերադարձել Հայաստան

Պետք է ստիպել Ադրբեջանին հրապարակել գերիների թիվը, այլապես նրանց կյանքին վտանգ է սպառնում

161
(Թարմացված է 15:48 06.07.2021)
Հայ գերիների իրական թիվը թաքցնելը, մասնագետների համոզմամբ, բխում է Ադրբեջանի շահերից, քանի որ բացառված չէ, որ գերի համարվող մարդիկ խոշտանգված ու անգամ սպանված լինեն։ Մինչդեռ հրապարակված թիվը գերիների փրկության ռեալ երաշխիք է։

ԵՐԵՎԱՆ, 6 հուլիսի – Sputnik. Պատերազմից շուրջ 8 ամիս անց Ադրբեջանը դեռ չի տրամադրել իր մոտ պահվող հայ գերիների պաշտոնական թիվը։ Այսօր «Հոդված 3» ակումբում կազմակերպված քննարկմանը նման տեսակետ հայտնեց ՄԻԵԴ-ում ռազմագերիների իրավունքների պաշտպանությամբ զբաղվող փաստաբան Սիրանուշ Սահակյանը` համոզմունք հայտնելով, որ այդ թիվը հայկական կողմը կարող էր ստանալ բանակցային պրոցեսի շրջանակում։

«Ինչ–ինչ պատճառներով սա մեզ համար բաց թողնված հնարավորություն է եղել` թե՛ բանակցությւնների ընթացքում, թե՛ բանակցություններից անմիջապես հետո։ Մենք չունեցանք թափանցիկ, վստահությունը վերականգնող գործընթաց, որի շրջանակում երկու կողմերն էլ կբացահայտեին գերիների իրական թիվը»,– ասաց Սահակյանը։

Մինչդեռ այդ տեղեկատվությունը չհրապարակելով` Ադրբեջանն այսօր «թանկացնում է» դրա գինը` ներկա պահին, օրինակ, գերիների յուրաքանչյուր խմբի դիմաց ականապատման քարտեզներ պահանջելով։ Ընդ որում, այն դեպքում, երբ պարտավորվել էր դա անել առանց նախապայմանի։

Փաստաբանին, մեղմ ասած, չի գոհացնում նաև Ադրբեջանի կատարած ռազմական հանցագործությունների, այդ թվում` հայ ռազմագերիների նկատմամբ կատարված անմարդկային վերաբերմունքի փաստերի վերաբերյալ միջազգային հանրության արձագանքը։

«Կարևոր քայլ». Ֆրանսիայի ԱԳՆ-ն՝ հայ գերիների ազատ արձակման մասին

«Շատ հեղինակավոր կառույցներ հրապարակային խոսել են Բաքվի պատերազմական հանցագործությունների մասին, բայց անգամ նման հայտարարությունների պարագայում մենք չունենք պատշաճ սանկցիաներ Ադրբեջանի նկատմամբ»,– ասաց Սահակյանը։

Փաստաբանը չհերքեց, որ ադրբեջանա–թուրքական քաղաքական կապիտալն այսօր աշխարհում բավական ազդեցիկ է, բայց և կարծիք հայտնեց, որ պատշաճ աշխատանքի պարագայում Հայաստանը ևս կարող էր հասնել նրան, որ Ադրբեջանի նկատմամբ պատժամիջոցներ կիրառվեին։

Քննարկմանը մասնակցող Մարդու իրավունքների պաշտպան Արման Թաթոյանն էլ շեշտեց, որ Ադրբեջանը շարունակում է հայ ռազմագերիների հարցը սակարկման առարկա դարձնել, և դրա լավագույն ապացույցը, նրա դիտարկմամբ, Ադրբեջանի ու Թուրքիայի նախագահների տիկնանց զրույցն էր գերիների մասին։

«Այդ տեսանյութը որպես ապացույց բավական լայն տարածում ստացավ միջազգային կազմակերպություններում։ Նման ապացույցների հիման վրա պետք է փորձենք աշխարհում ճիշտ պատկերացումներ ու գնահատականներ ձևավորել»,– ասաց նա։

Բանախոսները նաև նշեցին, որ Ադրբեջանը հայ ռազմագերիների վերադարձի իր ստանձնած պարտավորությունը չի կատարում, փոխարենը այդ հարցը քաղաքական սակարկման առարկա է դարձրել ու հայ գերիների դիմաց Հայաստանից պահանջում է իր վերահսկողությանն անցած տարածքների ականապատման քարտեզները։

«Մենք պետք է թույլ չտանք, որ միջազգային հանրության մոտ ձևավորվի տեսակետ, թե գործընթացը ընթանում է, դե հիմա մաս–մաս է ընթանում, ոչինչ, թող մի ամսում չլուծվի, 6 ամսում լուծվի։ Հարցն այն է, որ պետք է երբեք թույլ չտալ Ադրբեջանի իշխանություններին գերիների հարցը կապել այլ հարցերի հետ ու քաղաքականացնել»,– ասաց Թաթոյանը` հավելելով, որ ՀՀ–ի հիմնական խնդիրն է թույլ չտալ, որ Ադրբեջանը աշխարհում ձևավորի կարծրատիպեր Հայաստանի մասին։

Քննարկմանը մասնակցող Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանը հայտնեց, որ ներկա պահին Ադրբեջանը հաստատել է միայն 45 հայ գերիների իր երկրում լինելու փաստը։ Բայց հայկական կողմի տեղեկություններով՝ այդ թիվը շատ ավելի մեծ է։

«Հիանալի լուր Բաքվից և Երևանից». Կլաարի արձագանքը` քարտեզների դիմաց գերիների վերադարձին

«Ունենք թե՛ տեսագրությունների, և թե՛ վերադարձած անձանց կողմից հաստատված տեղեկություններ մի քանի անձանց վերաբերյալ, որ նրանք գտնվել են գերության մեջ, իրենց տեսել են գերության մեջ։ Այդ դեպքերի վերաբերյալ պետք է շարունակենք հետևողական լինել, որովհետև չեմ կարծում՝ ճիշտ է այս հարցում վստահել Ադրբեջանին»,– ասաց նա` հավելելով, որ իրականությունը թաքցնելը բխում է Ադրբեջանի շահերից, քանի որ բացառված չէ, որ այդ մարդիկ խոշտանգված ու անգամ սպանված լինեն։

Հուլիսի 3-ին Հայաստան վերադարձած հայ ռազմագերիներն Ադրբեջանում պահվում էին 2020 թվականի դեկտեմբերի 16-ից։ Տղաները գերեվարվել էին անցյալ նոյեմբերի 9–ի եռակողմ հայտարարության ստորագրումից հետո` Արցախի Խծաբերդ գյուղից։

Ռուստամ Մուրադովը հայ գերիների նոր խմբի վերադարձից հետո հանդես է եկել հայտարարությամբ

Այսպիսով, Հայաստան վերադարձած գերիների ընդհանուր թիվը 103-ն է։ Ի դեպ, երբ Հայաստան վերադարձած գերիների թիվը 88-ն էր, վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածը՝ 110։

Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

161
թեգերը:
Ադրբեջան, Հայաստան, գերի
թեմա:
Հայ գերիներ, անհետ կորածներ (361)
Ըստ թեմայի
ՄԻԵԴ-ը չի միջամտում հայ գերիների նկատմամբ իրականացվող շինծու քրեական հետապնդումներին
«Բերնիդ մեռնեմ»․ ինչպես արձագանքեցին գերիների հարազատները` լսելով նրանց վերադարձի լուրը
Ռուստամ Մուրադովը հայ գերիների նոր խմբի վերադարձից հետո հանդես է եկել հայտարարությամբ
Սաիդ Խատիբզադե

Թեհրանը պատրաստ է հաշտեցնել Երևանին ու Բաքվին

8
(Թարմացված է 11:55 24.07.2021)
Իրանական կողմը մտահոգված է հայ-ադրբեջանական սահմանին տեղի ունեցած փոխհրաձգություններով, ինչպես նաև զինծառայողների վիրավորվելու ու զոհվելու դեպքերով:

ԵՐԵՎԱՆ, 24 հուլիսի – Sputnik. Իրանը պատրաստ է օգնել Հայաստանին և Ադրբեջանին կայուն խաղաղության հաստատելու հարցում։ ԻԻՀ պետական լրատվական IRNA գործակալության փոխանցմամբ` այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խատիբզադեն։

Նա ափսոսանք է հայտնել երեք հայ զինծառայողների վիրավորվելու, ադրբեջանցի զինվորականի մահվան և փոխհրաձգությունների վերաբերյալ:

Խատիբզադեն կողմերին զսպվածության կոչ է արել` հայտարարելով երկու երկրների միջև սահմանային վեճերի խաղաղ կարգավորման անհրաժեշտության մասին: Այդ համատեքստում Խատիբզադեն հայտարարել է, որ Իրանը պատրաստ է աջակցել երկու երկրների հաշտեցմանը։

Հիշեցնենք` հուլիսի 23-ին Ադրբեջանի զինված ուժերը կրակ էին բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։

Ադրբեջանական կողմի հերթական սադրանքի հետևանքով ինտենսիվ փոխհրաձգության ժամանակ հրազենային վնասվածքներ էին ստացել ՀՀ ԶՈւ 3 զինծառայողներ։

Նույն օրը` ժամը 23:00-ի սահմանում, Երասխի տարածքում Ադրբեջանը ԱԹՍ–ով ՀՀ տարածք մուտք գործելու փորձ է արել։ Ըստ ՀՀ ՊՆ–ի` ՀՀ ԶՈւ ՀՕՊ ստորաբաժանումները կասեցրել են հայ-ադրբեջանական սահմանի հարավարևմտյան ուղղությամբ ԱԹՍ-ով ՀՀ օդային տարածք մուտք գործելու փորձը:

8
թեգերը:
Սահման, Իրանի Իսլամական Հանրապետություն, Ադրբեջան, Հայաստան
Ըստ թեմայի
Ադրբեջանցիները ինժեներական ակտիվ աշխատանքներ են իրականացնում Շուռնուխում. Հակոբ Արշակյան
Երասխում Հայաստանի զինված ուժերի կոշտ արձագանքն անսպասելի էր Ադրբեջանի համար. փորձագետ
Ադրբեջանի սադրիչ քայլերը նոր սպառնալիք են ստեղծում Հայաստանի և Արցախի համար. Փաշինյան
Սուրեն Պապիկյանն ու Նիկոլ Փաշինյան

Սուրեն Պապիկյանը սուպերնախարարից դառնալու է սուպերփոխվարչապետ. «Հրապարակ»

48
(Թարմացված է 11:10 24.07.2021)
Թերթի տեղեկություններով` ամենաեկամտաբեր և փողոտ ոլորտները ենթարկվելու են Սուրեն Պապիկյանին։

ԵՐԵՎԱՆ, 24 հուլիսի – Sputnik. «Հրապարակ» թերթը գրում է, որ ՀՀ տարածքային կառավարման և ենթակառուցվածքների նախարար Սուրեն Պապիկյանը սուպերնախարարից դառնալու է սուպերփոխվարչապետ․ իշխանության փողն ինքն է տնօրինելու բառի ուղիղ և անուղղակի իմաստով։

«Նրա՝ կառավարություն տեղափոխվելով, կարելի է ասել, կազմաքանդվելու է ՏԿԵ նախարարությունը, ենթակա գրեթե բոլոր ոլորտները հանվելու են նախարարության կառուցվածքից և դրվելու են փոխվարչապետի ենթակայության տակ»,– նշված է հոդվածում։

Նախարարության ենթակայության տակ գործում է 4 մարմին՝ Ջրային կոմիտեն, Միգրացիոն ծառայությունը, Պետական գույքի կառավարման կոմիտեն, Քաղաքացիական ավիացիան, դրանից բացի՝ մոտ երկու տասնյակի հասնող պետական ոչ առևտրային կազմակերպություններ, որպիսիք են Ջրառը, ատոմակայանը, ՀԷՑ-ը և այլն։

Ըստ օրաթերթի` կառավարության կառուցվածքային փոփոխություններով, ինչպես նաև վարչապետի որոշումներով՝ ամենաեկամտաբեր և փողոտ ոլորտները ենթարկվելու են Պապիկյանին։ Անգամ ճանապարհաշինությունը ինչ-որ կոմիտեի տեսքով դուրս կգա ՏԿԵՆ-ից և ուղիղ կենթարկվի Պապիկյանին։ Նրան կենթարկվեն նաև մարզպետները և այլն։

Անակնկալ ինքնաբացարկներ ՔՊ–ում. թիմի «ժանդարմը» կգնա նոր ձևավորվելիք նախարարություն

Հոդվածագրի խոսքով` սա է պատճառը, որ Ռոմանոս Պետրոսյանը հրաժարվում է տարածքայինի նախարար նշանակվելուց։

Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը

48
թեգերը:
Սուրեն Պապիկյան, Հայաստան