Ֆրանսիայի ԱԳՆ

«Կարևոր քայլ». Ֆրանսիայի ԱԳՆ-ն՝ հայ գերիների ազատ արձակման մասին

157
(Թարմացված է 11:02 06.07.2021)
Հուլիսի 3-ին Հայաստան վերադարձած հայ ռազմագերիներն Ադրբեջանում պահվում էին 2020 թվականի դեկտեմբերի 16-ից։ Տղաները գերեվարվել էին անցյալ նոյեմբերի 9–ի եռակողմ հայտարարության ստորագրումից հետո` Արցախի Խծաբերդ գյուղից։

ԵՐԵՎԱՆ, 6 հուլիսի - Sputnik. Ֆրանսիան ողջունում է Ադրբեջանի կողմից 15 հայ ռազմագերիների ազատ արձակումն ու Երևանի կողմից Բաքվին ականապատ դաշտերի քարտեզների փոխանցումը, հայտարարել է Ֆրանսիայի արտգործնախարարության ներկայացուցիչը։

«Ֆրանսիան, որպես ԵԱՀԿ Մինսկի խմբի համանախագահ երկիր, ողջունում է Ադրբեջանի կողմից 15 ձերբակալված հայերի ազատ արձակումն ու Հայաստանի կողմից Ֆիզուլիի ու Զանգելանի շրջանների ականապատ դաշտերի քարտեզների փոխանցումն Ադրբեջանին»,-նշված է հայտարարության մեջ։

Նշվում է նաև, որ այդպիսի գործողությունները տարածաշրջանում լարվածության թուլացման նոր ու կարևոր քայլ են ու ներդրում՝ կողմերի միջև վստահության վերականգնման համար։

«Ֆրանսիան կոչ է անում կատարել պարտավորությունները, որ կողմերը ստանձնել են 2020-ի նոյեմբերի 9-ին, ներառյալ առարկայական երկխոսության վերականգնումն ու մյուս բոլոր հայ ձերբակալվածների ազատ արձակումը»,-հավելել է Ֆրանսիայի ԱԳՆ ներկայացուցիչը։

«Հիանալի լուր Բաքվից և Երևանից». Կլաարի արձագանքը` քարտեզների դիմաց գերիների վերադարձին

«ԵԱՀԿ Մինսկի խմբի համանախագահ իր գործընկերների հետ միասին Ֆրանսիան կոչ է անում շարունակել այդ դրական դինամիկան ու կողմերի հետ միասին պահպանում է Կովկասում հաստատուն խաղաղություն հաստատելու գործին իր հավատարմությունը»,-ասել է նա։

Հիշեցնենք, որ գերիների վերադարձը տեղի է ունեցել Ռուսաստանի նախաձեռնությամբ։

Հուլիսի 3-ին Հայաստան վերադարձած հայ ռազմագերիներն Ադրբեջանում պահվում էին 2020 թվականի դեկտեմբերի 16-ից։ Տղաները գերեվարվել էին անցյալ նոյեմբերի 9–ի եռակողմ հայտարարության ստորագրումից հետո` Արցախի Խծաբերդ գյուղից։

Ռուստամ Մուրադովը հայ գերիների նոր խմբի վերադարձից հետո հանդես է եկել հայտարարությամբ

Այսպիսով, Հայաստան վերադարձած գերիների ընդհանուր թիվը 103-ն է։ Ի դեպ, երբ Հայաստան վերադարձած գերիների թիվը 88-ն էր, վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածը՝ 110։

Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

157
թեգերը:
գերի, Հայաստան, Ֆրանսիա, Ադրբեջան
թեմա:
Հայ գերիներ, անհետ կորածներ (365)
Ըստ թեմայի
Ինչպես է հնարավոր ապահովել հայ գերիների վերադարձը. Սահակյանը` ՄԻԵԴ–ի գործունեության մասին
Թաթոյանը ԵԽ մարդու իրավունքների հանձնակատարին է ներկայացրել գերիների վերադարձի հարցը
«Բերնիդ մեռնեմ»․ ինչպես արձագանքեցին գերիների հարազատները` լսելով նրանց վերադարձի լուրը
Իշխան Սաղաթելյան

«Սևանի ափին հյուրանոց ունեմ». Իշխան Սաղաթելյանը խոսեց իր բիզնեսի և ծառայած չլինելու մասին

416
(Թարմացված է 14:15 04.08.2021)
ԱԺ փոխխոսնակի թեկնածու Իշխան Սաղաթելյանը խոսեց նաև իր` բանակում չծառայելու պատճառների մասին։

ԵՐԵՎԱՆ, 4 օգոստոսի – Sputnik. «Հայաստան» դաշինքի պատգամավոր Իշխան Սաղաթելյանը վստահեցնում է` Սևանի ափին որևէ շինություն չի սեփականաշնորհել, սակայն չի ժխտում` Սևանի ափին հյուրանոցային համալիր ունի։ Նա այս մասին ասաց Ազգային ժողովի այսօրվա նիստում` անդրադառնալով բիզնեսով զբաղվելու մասին լուրերին։

Նշենք, որ «Հայաստան» դաշինքը Սաղաթելյանի թեկնածությունն է առաջադրել ԱԺ փոխխոսնակի պաշտոնում։

«Հյուրանոցը կառուցել եմ բաց դաշտի մեջ, որտեղ չի եղել որևէ կոմունիկացիա։ Հյուրանոցը պատկանում է իմ ընտանիքին։ Ես որևէ բարձր պաշտոն չեմ ունեցել, բացառությամբ այն շրջանի, որ 4 ամիս մարզպետ եմ եղել (Գեղարքունիքում, 2018-ին,–խմբ.)։ Առաջին իմ ընկերությունը 2005-ին եմ ստեղծել։ Այո, իմ ընտանիքը զբաղվել է բիզնեսով և շարունակելու է զբաղվել»,–ասաց Սաղաթելյանը։

Անդրադառնալով իր` բանակում ծառայած լինել–չլինելու լուրերին, Սաղաթելյանը նշեց, որ չի ծառայել, քանի որ պատմական գիտությունների թեկնածուի կոչում է ստացել։ Նրա խոսքով` 2016-ի ապրիլի 3-ին` Ապրիլյան պատերազմի ժամանակ եղել է Արցախի հյուսիսում և դիրքերից իջել պատերազմի ավարտից հետո։

«Եթե մանդատները օգուտ չտան, պատռելու ենք, դուրս գանք փողոց». Իշխան Սաղաթելյան

Ավելին` 44-օրյա պատերազմի ժամանակ էլ եղել է Արցախում, նաև առաջնագծում, սակայն մատակարարման հարցերով է զբաղված եղել։

Սաղաթելյանն իր խոսքն ամփոփեց` ասելով, որ ի տարբերություն դահլիճում նստած շատ պատգամավորների, անպիտանելիության փաստաթղթերով չի ազատվել բանակից։

«Հայաստան» դաշինքի պատգամավոր Ագնեսա Խամոյանը հետաքրքրվեց` շա՞տ կտխրի Սաղաթելյանը, եթե նրան չընտրեն փոխխոսնակի պաշտոնում։ Ի պատասխան Սաղաթելյանը նշեց, որ իրեն ճանաչողները գիտեն` կարող է նույնիսկ ուրախանալ։

«Խորհրդարանում օր ու արև չենք տալու այս իշխանություններին». Իշխան Սաղաթելյան

416
թեգերը:
Իշխան Սաղաթելյան, Սևան, բիզնես, Բանակ
Ըստ թեմայի
Սերժ Սարգսյանի հետ էլ եմ հանդիպել. Սաղաթելյանը` հետընտրական հանդիպումների մասին
«Կան ուժեր, որոնք ընդդիմադիր են ձևանում, բայց միայն քվե են փախցնում». Իշխան Սաղաթելյան
«Ալիևն ու Էրդողանը Շուշի են գնում, Փաշինյանը խոսում է մեր դրոշն այրելու մասին». Սաղաթելյան
Սեյրան Օհանյան

Ադրբեջանցիներին մեր սահմաններից հետ շպրտելու հարցում խնդիրներ ենք ունենալու. Օհանյան

226
(Թարմացված է 12:20 04.08.2021)
Սեյրան Օհանյանը նշում է, որ սահմանագծման աշխատանքներում հապճեպ որոշում կայացնել պետք չէ` յուրաքանչյուր թիզ հողի համար նախկինում տարիներով բանակցում էին։

ԵՐԵՎԱՆ, 4 օգոստոսի – Sputnik. Վարչատարածքային բաժանման մասին օրենքը վերաբերել է տարածքների` մեր ներքին բաժանմանը։ Ազգային ժողովի 8-րդ նստաշրջանի այսօրվա նիստի ժամանակ այս մասին հայտարարեց «Հայաստան» խմբակցության ղեկավար Սեյրան Օհանյանը` անդրադառնալով սահմանագծման և սահմանազատման աշխատանքներին։

«Եթե նույնիսկ դա վերաբերել է Ադրբեջանի միջև մեր սահմանագծմանը, ապա այդտեղ կոնկրետ խնդիր ունենք կատարելու` չկան պայմաններ դեմարկացիայի և դելիմիտացիայի գնալու։ Հարցն այն է, որ այդ աշխատանքներն արվում են այն ժամանակ, երբ գոյություն ունի խաղաղության պայմանագիր»,–ասաց Օհանյանը։

Նրա խոսքով` սահմանազատում և սահմանագծում տեղի է ունենում այն ժամանակ, երբ թշնամի երկրները վերածվում են հարևանների, ստեղծվում են միջկառավարական խառը հանձնաժողովներ, որոնք էլ իրականացնում են այդ աշխատանքները։ Օհանյանը նշեց` համոզված է, որ այն կարևոր ռազմավարական կետերից, որտեղից առանց որևէ պատերազմի ենք հետ քաշվել և հանձնել ադրբեջանցիներին, հետագայում իրական սահմանազատման աշխատանքների ժամանակ խնդիրներ են առաջանալու ադրբեջանցիներին մեր սահմաններից հետ շպրտելու հարցում։

Սա, ըստ Օհանյանի, շատ վտանգավոր պայմաններ կարող է ստեղծել ինչպես Հայաստանի, այնպես էլ Արցախի համար։

Նա իր խոսքն ամփոփեց` ասելով, որ սահմանագծման աշխատանքներում հապճեպ որոշում կայացնել պետք չէ` յուրաքանչյուր թիզ հողի համար նախկինում տարիներով բանակցում էին։

Հիշեցնենք, որ դեռ պատերազմից հետո, երբ խոսք էր գնում Սյունիքում տեղի ունեցած սահմանազատման աշխատանքների հետևանքով որոշ տարածքներ զիջելուն, վարչապետ Նիկոլ Փաշինյանը հայտարարել էր, որ Սյունիքի այն տարածքը, որն այսօր գոյություն ունի, արձանագրված է 2010 թ. ԱԺ կողմից հաստատված «ՀՀ վարչատարածքային բաժանման մասին» օրենքով։

«Դա ուղղակի բացառված է». Գրիգորյանը` Սյունիքում ադրբեջանական միջանցք ստեղծելու մասին

ՀՀ մարդու իրավունքների պաշտպան Արման Թաթոյանն իր հերթին քանիցս ահազանգել է, որ ՀՀ պետական սահմանը չի կարող որոշվել վարչատարածքային բաժանման մասին օրենքով։

Ըստ պաշտպանի՝ ՀՀ վարչատարածքային բաժանման մասին կարգավորումներն ու պետական սահմանի որոշման հարցերը միանգամայն տարբեր երևույթներ են:

Լենինի նման` «պլոմբած» վագոնով․ Սկակովը խոսել է Սյունիքի «ճանապարհային միջանցքի» մասին

226
թեգերը:
Սեյրան Օհանյան, ադրբեջանցի, Սահման, Դելիմիտացիա
Ըստ թեմայի
Բարձունքը գտնվում է սահմանագծի վրա. ՊՆ–ն մեկնաբանում է ադրբեջանական հերթական տեսանյութը
Եթե Երևանն ու Բաքուն դիմեն, Ռուսաստանը պատրաստ է օգնել սահմանագծման հանձնաժողովին
Ռուսաստանը կարող է միջնորդ դառնալ Հայաստանի ու Ադրբեջանի միջև սահմանագծման հարցում. Լավրով
Իրադրությունը հայ–ադրբեջանական սահմանագծի երկարությամբ չի կայունանում. Փաշինյան
Մակրոնը կարևորել է Հայաստանի և Ադրբեջանի միջև սահմանագծումը. նա խոսել է Փաշինյանի հետ
Լևոն Արոնյան

Լևոն Արոնյանը հաղթեց ադրբեջանցուն և դուրս եկավ կիսաեզրափակիչ

34
(Թարմացված է 22:20 04.08.2021)
Խաղի չորրորդ պարտիան չկայացավ հայ շախմատիստի վաղաժամ հաղթանակի պատճառով։

ԵՐԵՎԱՆ, 4 օգոստոսի - Sputnik. Հայկական շախմատի առաջատար Լևոն Արոնյանը հաղթեց ադրբեջանցի Շահրիար Մամեդյարովին «Grand Chess Tour» շարքի «Chessable Masters» առցանց մրցաշարում:

Մրցաշարի երկրորդ օրն Արոնյանը տոնեց երկու հաղթանակ, երկուսն էլ` սև խաղաքարերով, կրեց մեկ պարտություն։ Կանոնակարգով նախատեսված խաղի չորրորդ պարտիան չկայացավ հայ շախմատիստի վաղաժամ հաղթանակի պատճառով։

Արոնյանը 2,5:0,5 հաշվով հաղթեց ադրբեջանցի Մամեդյարովին:

Շախմատի առցանց մրցաշարի կիսաեզրափակիչում Արոնյանը կմրցի վիետնամցի գրոսմայստեր Լե Կուանգ Լիեմի հետ։ Վերջինս երկու հանդիպումներում էլ առավելության է հասել Ֆրանսիայի ներկայացուցիչ Ալիրեզա Ֆիրուզջուի նկատմամբ (3:1 և 2:0):

100 հազար մրցանակային ֆոնդով մրցաշարն անցկացվում է երկու փուլով։ Շրջանաձև մրցաշարի արդյունքում 8 լավագույն շախմատիստները կորոշեն նոկաուտ համակարգով հաղթողին։ Մրցումներն անցկացվում են արագ շախմատի կանոններով (15 րոպե` յուրաքանչյուր քայլի համար 10 վայրկյան ավելացնելով)։

«Շատ բան կա ասելու...». Արթուր Ալեքսանյանը խոստանում է փակագծեր բացել

Հիշեցնենք` Արոնյանը 2005 և 2017 թվականների աշխարհի գավաթակիր է, Հայաստանի հավաքականի կազմում 37-րդ, 38-րդ և 40-րդ համաշխարհային օլիմպիադաների, 2011 թվականի աշխարհի և 1999 թվականի Եվրոպայի թիմային առաջնությունների հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Վեյկ ան Զեյի մրցաշարի քառակի հաղթող (2007, 2008, 2012 և 2014), 2009 և 2013 թվականների Բիլբաո-Մեծ սաղավարտի հաղթող, արագ շախմատի 2009 թվականի աշխարհի չեմպիոն, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, 2002 թվականի Հայաստանի չեմպիոն։

Արոնյանը դեռևս հանդես է գալիս Հայաստանի դրոշի ներքո, բայց նա արդեն հայտարարել է, որ մեկնելու է ԱՄՆ:

Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին

34
թեգերը:
Հայաստան, Լևոն Արոնյան, հաղթանակ, շախմատ
թեմա:
Լևոն Արոնյանի վերելքներն ու վայրէջքները
Ըստ թեմայի
Այս Օլիմպիադան շատ քաղաքականացված է, կամ ամերիկացիների դեպքում «թերապևտիկ բացառություն» է
Մրցավարական կոպիտ սխալ, կամ ինչպես մեդալներից զրկեցին հալ օլիմպիականներին
«Աստծո դատաստանից չես խուսափի». Արսեն Ջուլֆալակյանը մեկնաբանել է իր գրառումը