ԿԸՀ

ՀՀ Ընտրական օրենսգիրքը համապատասխանում է միջազգային նորմերին. ԱՊՀ դիտորդական խմբի ղեկավար

66
(Թարմացված է 16:25 16.06.2021)
Նեմատովը նաև ընդգծել է, որ համեմատաբար կարճ ժամկետներում ՀՀ ԿԸՀ–ին հաջողվել է իրականացնել ընտրությունների նախապատրաստման բավական ծավալուն աշխատանք` ապահովելու ընտրությունների բնականոն ընթացքը։

ԵՐԵՎԱՆ, 16 հունիսի - Sputnik. Հայաստանի Ընտրական օրենսգիրքը համապատասխանում է բոլոր միջազգային չափանիշներին։ Այս մասին այսօր ԿԸՀ-ում լրագրողների հետ ճեպազրույցում հայտնեց ԱՊՀ դիտորդական առաքելության ղեկավար Իլհոմ Նեմատովը։

«Նոր` 2015թ–ից հետո փոփոխված Ընտրական օրենսգիրքն ամբողջությամբ համապատասխանում է միջազգային իրավունքի բոլոր ժողովրդավարական չափանիշներին։ Այն ընտրողներին ազատ կամարտահայտության իրավունք է ընձեռում»,– ասաց նա։

Նեմատովը նաև ընդգծեց, որ համեմատաբար կարճ ժամկետներում ՀՀ ԿԸՀ–ին հաջողվել է իրականացնել ընտրությունների նախապատրաստման բավական ծավալուն աշխատանք` ապահովելու ընտրությունների բնականոն ընթացքը։

Նշենք, որ ԱՊՀ դիտորդները Հայաստան են ժամանել ԿԸՀ հրավերով մայիսի 31–ին` դիտարկելու ՀՀ արտահերթ խորհրդարանական ընտրությունները։ Իսկ խմբի ղեկավարը ժամանել է այսօր` հունիսի 16-ին։ Նա հանդիպում է ունեցել ՀՀ ԿԸՀ նախագահ Տիգրան Մուկուչանի հետ, որի ընթացքում, իր խոսքով, Մուկուչյանը նրան ներկայացրել է կատարված աշխատանքներն ու ծանոթացրել ՀՀ ընտրական իրավունքի նորմերին։

«Գազպրոմ Արմենիան» պատասխանել է Փաշինյանի՝ «ժողովրդի դեմ աշխատելու» մեղադրանքին

Հիշեցնենք` 2021-ի մարտի 18–ին ՀՀ վարչապետ Նիկոլ Փաշինյանը հայտարարեց, որ հունիսի 20-ին արտահերթ խորհրդարանական ընտրություններ անցկացնելու վերաբերյալ համաձայնության է եկել «Բարգավաճ Հայաստան» և «Լուսավոր Հայաստան» կուսակցությունների հետ։
Դրանից հետո իշխող ուժը հայտարարեց, որ ցանկանում է խորհրդարանական արտահերթ ընտրություններն անցկացնել նոր ընտրական օրենսգրքով` համամասնական ընտրակարգով։

Համապատասխան փոփոխությունն ԱԺ–ն ընդունեց արագացված կարգով, սակայն,ՀՀ նախագահ Արմեն Սարգսյանն օրենքի ընդունումից հետո 21-օրյա ժամկետում չստորագրեց օրենքը և չվիճարկեց դրա սահմանադրականությունը ՍԴ–ում։ Այդ ժամկետի լրանալուց հետո օրենքի ստորագրման լիազորությունը ՀՀ Սահմանադրության 129-րդ հոդվածի 3-րդ մասի համաձայն՝ փոխանցվեցին ԱԺ նախագահին, և Արարատ Միրզոյանն ապրիլի 1-ին ստորագրեց Ազգային ժողովի արտահերթ նիստում ընդունված «ՀՀ ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» օրենքը:

Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը

Դրանից հետո ԱԺ–ի ընդունած այլ փոփոխություններին սահմանված ժամկետում չհաջողվեց օրենքի ուժ տալ, ու դրանք հունիսի 20-ի ընտրություններում չեն կիրառվի։

66
թեգերը:
դիտորդ, Հայաստան, Ընտրություններ
թեմա:
ԱԺ արտահերթ ընտրություններ 2021 (314)
Ըստ թեմայի
Ընտրությունների հաջորդ օրվանից սկսած Փաշինյանը 4 օրով ամրագրել է Հանրապետության հրապարակը
Փաշինյանի կուսակցությանը զրկել ընտրություններին մասնակցելուց․ Արա Զոհրաբյանի առաջարկը
«Լավատես չեմ, որ ընտրությունները հաշտ կանցնեն. կենաց-մահու խնդիր է». Տեր–Պետրոսյան
Գագիկ Ծառուկյան. արխիվային լուսանկար

Գագիկ Ծառուկյանը դադարեցրել է թիմակիցների հետ շփումը. «Ժողովուրդ»

109
(Թարմացված է 09:26 04.08.2021)
Ծառուկյանի ընտանիքին պատկանող «Կենտրոն» հեռուստաընկերության նոր ղեկավարությանը հրահանգված է գործել իշխանությունների վերահսկողության տակ։

ԵՐԵՎԱՆ, 4 օգոստոսի - Sputnik. ԲՀԿ նախագահ Գագիկ Ծառուկյանն այս ժամանակահատվածում իր որեւէ թիմակցի հետ հանդիպում չի ունենում և չի շփվում։ Ավելին` որոշել է, որ աշնանը չեն մասնակցելու ՏԻՄ որևէ ընտրության։ Այս մասին գրում է «Ժողովուրդ» օրաթերթը։

Ինչու ԲՀԿ-ն և ԼՀԿ-ն չհաղթահարեցին ԱԺ անցողիկ շեմը

Արտահերթ խորհրդարանական ընտրությունների արդյունքներով ԲՀԿ-ն հավաքեց գրեթե չորս տոկոս ձայն, չկարողացավ հաղթահարել անցողիկ շեմը և իր գոյության պատմության մեջ առաջին անգամ խորհրդարան չմտավ։

«Դրանից հետո ԲՀԿ նախագահ Գագիկ Ծառուկյանը հայտարարել էր, թե կուսակցությունը չի պասիվանալու և իր թիմակիցներին աշնանը ակտիվանալու կոչ էր արել։ Սակայն «Ժողովուրդ» օրաթերթին հայտնի դարձավ, որ ԲՀԿ-ն որոշել է պասիվ մնալ և անգամ չմասնակցել աշնանը կայանալիք որևէ ՏԻՄ ընտրության։ Դա է պատճառը, որ կուսակցությունում անգործության շրջան է, և ԲՀԿ-ականներն անգամ իրար հետ լայն ֆորմատով հանդիպումներ չեն ունենում»,–գրում է «Ժողովուրդը»։

Ծառուկյանի ընտանիքին պատկանող «Կենտրոն» հեռուստաընկերությունը ևս, ըստ էության, իշխանության ձեռքին է հայտնվելու, և դա է պատճառը, որ այնտեղ աշխատանքից ազատումներ են սկսվել, անգամ նախկին պատգամավոր Իվետա Տոնոյանը հեռացել է հեռուստաընկերությունից:

«Հայտնի է նաև, որ հեռուստաընկերության նոր ղեկավարությանը հրահանգված է գործել իշխանությունների վերահսկողության տակ։ ԲՀԿ-ն հետընտրական «մանթրաժը» որևէ կերպ չի կարողանում հաղթահարել»,–գրում է թերթը:

Հիշեցնենք, որ հունիսի 20-ին տեղի ունեցած արտահերթ ընտրությունների արդյունքում խորհրդարան են անցել «Քաղաքացիական պայմանագիր» կուսակցությունը, «Հայաստան» ու «Պատիվ ունեմ» դաշինքները։ 

«Քաղաքագետները չարաչար սխալվում են». ԲՀԿ–ն գնահատական կտա ընտրությունների վերաբերյալ

109
թեգերը:
Գագիկ Ծառուկյան, Բարգավաճ Հայաստան կուսակցություն (ԲՀԿ), Ընտրություններ, ՏԻՄ ընտրություններ
Ըստ թեմայի
Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»
Հերթը հաղթանակներինն է. Ծառուկյանն ուղերձ է հղել օլիմպիադային մասնակցող հայ մարզիկներին
«Միշտ էլ արել ենք, անում ենք, անելու ենք». Գագիկ Ծառուկյանն ու Նիկոլ Փաշինյանը հանդիպել են
Սերգեյ Կոպիրկին

ՌԴ սահմանապահները մասնակիորեն տեղակայվել են Սյունիքում. Կոպիրկին

175
(Թարմացված է 23:08 03.08.2021)
Ռուսաստանը լրացուցիչ միջոցներ է ներգրավվել, այդ թվում ՝ անձնակազմ ՝ Սյունիքի մարզի խնդրահարույց հատվածներում ռուս սահմանապահներին տեղակայելու համար։

ԵՐԵՎԱՆ, 3 օգոստոսի – Sputnik. Հայ-ադրբեջանական սահմանին ՌԴ սահմանապահների տեղակայման գաղափարը մասնակիորեն իրագործվել է Սյունիքի մարզում։ Այս մասին Հանրային հեռուստատեսությանը տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։

Ավելի վաղ ՀՀ վարչապետ Նիկոլ Փաշինյանն առաջարկել էր հայ-ադրբեջանական սահմանի երկայնքով ռուս կամ միջազգային դիտորդներ տեղակայել` հստակեցնելով, որ այդ կտրուկ միջոցներն անհրաժեշտ են սահմանի դեմարկացիայի և դիմիլիտացիայի աշխատանքների շուտափույթ կազմակերպման համար, առանց ռազմական բախումների ռիսկի։

«Սյունիքի մարզում հայ-ադրբեջանական սահմանի խնդրահարույց հատվածներում ռուս սահմանապահների հենակետեր են տեղակայված, ի հավելումն այն ծառայությունների վայրի, որոնք ավանդաբար ռուս սահմանապահներին են վերապահվել։ Հիշեցնեմ, որ դա Իրանի և Թուրքիայի հետ սահմանն է։ Հիմա Ռուսաստանից լրացուցիչ միջոցներ են ներգրավվել, այդ թվում` անձնակազմ, որպեսզի մեր սահմանապահներին նման խնդրահարույց սահմաններում տեղակայենք, մասնավորապես այնտեղ, որտեղ սահմանը, ճանապարհը, այսպես ասած երկու տարածքներով է անցնում»,–ասել է Կոպիրկինը։

Նա նշել է, որ հունիսին այցելել է Սյունիքի մարզ, ստուգել ռուս և հայ սահմանապահների սահմանային անցակետերը և զրուցել բնակիչների հետ:

«Ես հասկացել եմ, թե որքան կարևոր է ռուս սահմանապահների ներկայությունը , ռուսական դրոշի ներկայությունը, որպեսզի պահպանվի կայուն իրավիճակը, որպեսզի ինչ–որ միջադեպեր չլինեն։ Գործնականում դա հաջողվում է իրականացնել, այդ թվում` եթե ինչ–որ կենցաղային հարցեր, խնդիրներ են ծագում, ապա ռուս սահմանապահները ներգրավվում են դրանց լուծմանը։ Իմ կարծիքով հատկապես կարևոր է, որ ռուս սահմանապահների ներկայությունը թույլ է տալիս տեղի բնակչությանը, որն իր համար բոլորովին նոր, ողբերգական իրավիճակում է հայտնվել , ավելի հարմարավետ զգալ, ավելի հանգիստ»,–ասել է նա։

«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին

ՀՀ–ում ՌԴ դեսպանի խոսքով` ինչ վերաբերում է մյուս խնդրահարույց տարածքներին, ապա կարող է միայն ասել, որ այդ խնդիրները քննարկվում են ռուսական կողմի ակտիվ մասնակցությամբ։

«Մենք հասկանում ենք այս խնդրի ողջ կարևորությունը, ռուսական կողմը պատրաստ է համապատասխան քայլեր ձեռնարկել։ Բայց դա մի հարց է, որը եռակողմ ձևաչափով քննարկում է պահանջում։ Գործնական աշխատանք է տարվում», - ասել է Կոպիրկինը։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Սակայն դրան հաջորդող օրերին նույնպես ադրբեջանցիները պարբերաբար խախտում են պայմանավորվածությունը` կրակելով հայկական դիրքերի ուղղությամբ։

Ավելին` հուլիսի 29–ի լույս 30–ի գիշերը հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Հուլիսի 30–ին խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

Հուլիսի 31-ին ադրբեջանցիները կրակ են բացել Երասխի ուղղությամբ, փորձել ամրաշինական աշխատանքներ կատարել, ավելի ուշ նրանք կրակել են սնունդ տեղափոխող մեքենայի վրա։

175
թեգերը:
Հայաստան, Սյունիք, Սահման, Դեմարկացիա, սահմանապահ, Դելիմիտացիա, ռուս, Ռուսաստան
Ըստ թեմայի
Շուռնուխում և Որոտանում բազմաբնակարան շենքերի հիմնանորոգման աշխատանքներ են ընթանում
Ռուսաստանը ակտիվ ջանքեր է գործադրում կոմունիկացիաների ապաշրջափակման ուղղությամբ
Ռուսաստանի աջակցությամբ Հայաստան է վերադարձել 81 գերի. ՀՀ–ում ՌԴ դեսպան
Արսեն Ջուլֆալակյան. արխիվային լուսանկար

«Աստծո դատաստանից չես խուսափի». Արսեն Ջուլֆալակյանը մեկնաբանել է իր գրառումը

12
(Թարմացված է 09:45 04.08.2021)
Օլիմպիական խաղերի փոխչեմպիոն, աշխարհի և Եվրոպայի չեմպիոն, հունահռոմեական ոճի ըմբիշ Արսեն Ջուլֆալակյանը Facebook-ի իր էջում գրառում էր կատարել, որը Տոկիոյում ընթացող օլիմպիական խաղերի ֆոնին բազմաթիվ մեկնաբանությունների տեղիք տվեց:

ԵՐԵՎԱՆ, 4 օգոստոսի - Sputnik. «Աստծո դատաստանից չես խուսափի». այսպիսի անսպասելի և շատ առումներով ոչ միանշանակ գրառում է Facebook-ում կատարել հայտնի մարզիկ, ԱԺ նախկին պատգամավոր Արսեն Ջուլֆալակյանը՝ գրառմանը կցելով #Tokyo2020 #GrecoRomanWrestling հեշթեգը:

Զարմանալի չէ, որ օլիմպիական բրոնզե մեդալի համար գոտեմարտում Կարապետ Չալյանի կրած ցավալի պարտության ֆոնին շատերը որոշեցին, որ Ջուլֆալակյանի մարզիկի գրառումը հասցեագրված է հենց նրան։ Ջուլֆալակյանն ավելի ուշ ստիպված է եղել հավելել գրառումն ու բացատրություն տալ` նշշելով, որ նկատի չի ունեցել կոնկրետ որևէ մեկին:

«ես խոսում եմ արժեքներից, դուք՝ անձերից: Իսկ արժեքը հունահռոմեական ըմբշամարտի ազգային հավաքականն էր»,- գրել է նա։

Դրանից հետո, ըստ Ջուլֆալակյանի, հետագա մեկնաբանություններն ու ենթադրություններն ավելորդ են, որովհետև իր միտքը պարզ է։

Հիշեցնենք` երեկ` օգոստոսի 3–ին, ըմբշամարտի օլիմպիական մրցաշարի հունահռոմեական ոճի ըմբիշ Կարապետ Չալյանը բրոնզե մեդալի համար պայքարում զիջեց Ադրբեջանի ներկայացուցիչ Ռաֆիգ Հուսեյնովին։

Նշենք, որ օլիմպիական խաղերում հայ ըմբիշների մասնակցությամբ գոտեմարտերից արդեն երկուսում մրցավարական անհասկանալի որոշումների պատճառով հայ մարզիկները զրկվեցին մեդալ վաստակելու հնարավորությունից։

67 կգ քաշային Կարեն Ասլանյանի հաղթանակը չեղյալ համարեցին, 77 կգ քաշային կարգում էլ բրոնզե մեդալի համար գոտեմարտում, չգիտես ինչու, երկու միավոր շնորհեցին Կարապետ Չալյանի մրցակցին։

Ո՞ւմ հետ կմրցեն Ալեքսանյանն ու Չալյանը. հայտնի են վիճակահանության արդյունքները

12
թեգերը:
Արսեն Ջուլֆալակյան, ըմբիշ, Տոկիո