Ռոբերտ Քոչարյան. արխիվային լուսաանկար

Իմ աչքի առաջ կա, թե ով պիտի ինձ փոխարինի. Քոչարյան

922
(Թարմացված է 17:40 14.06.2021)
Քաղաքական դաշտի սերնդափոխության անհրաժեշտության հարցի ու ընտրողի դիտարկման հետ Ռոբերտ Քոչարյանը համաձայնեց` խոստանալով, որ կմտածի այդ մասին։

ԵՐԵՎԱՆ, 14 հունիսի - Sputnik. «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանն այսօր Մեծամոր քաղաքում ընտրողների հետ հանդիպմանը հայտարարել է, որ գիտի, թե ով կարող է իրեն փոխարինել քաղաքական դաշտում։

«Իմ աչքի առաջ կա, թե ով պիտի ինձ փոխարինի։ Չեմ ուզում հիմա անուններ տալ։ Բայց պետք է ժամանակը գա և հասունացնենք»,– ասել է նա` կատակելով.

«Բայց հըլը չսկսած` ինձ արդեն փոխարինող եք ման գալիս»։

Քոչարյանը նշել է, որ մշտապես հեռու է եղել կուսակցական կառավարումից, թեև որպես քաղաքական հենարան ունեցել է ՀՅԴ–ն։

«Ես ինքս կուսակցական չեմ և ինձ չեմ տեսնում կուսակցական գործունեության մեջ։ Իմ նախագահ եղած ժամանակ դա ինձ օգնում էր ավելի անաչառ լինել, հատկապես ուժային կառույցները, հարկայինն ու մաքսայինը հեռու պահել կուսակցական ազդեցություններից»,– ասաց Քոչարյանը։

Քոչարյանը նշել է բանակի մարտունակության բարձրացման և սպառազինության համալրման ժամկետները

Այդուհանդերձ, քաղաքական դաշտի սերնդափոխության անհրաժեշտության հարցի ու ընտրողի դիտարկման հետ Ռոբերտ Քոչարյանը համաձայնեց` խոստանալով, որ կմտածի այդ մասին։

Հիշեցնենք, որ խորհրդարանական արտահերթ ընտրությունները նախատեսված են հունիսի 20-ին։ Ընտրություններին մասնակցում են 21 կուսակցություն ու 4 դաշինք։

Նախընտրական քարոզարշավը մեկնարկել է հունիսի 7-ին, կավարտվի հունիսի 18-ին։

Քոչարյանը ավտոմատը ձեռքին մասնակցել է Շուշիի ազատագրմանը․ Սեյրան Օհանյան

922
թեգերը:
Ընտրություններ, «Հայաստան» դաշինք, Ռոբերտ Քոչարյան
թեմա:
ԱԺ արտահերթ ընտրություններ 2021 (314)
Ըստ թեմայի
«Մոնարխի» տնօրեն Սերգեյ Համբարձումյանը իր աջակցությունն է հայտնել Ռոբերտ Քոչարյանին
Սորոսական գրասենյակները կա՛մ կարգելվեն, կա՛մ խիստ կվերահսկվեն Հայաստանում․ Քոչարյան
«Գոնե եկեղեցուն հանգիստ թողեք». Քոչարյանն անդրադարձավ Փաշինյանի հայտարարություններին
Սեյրան Օհանյան

Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»

221
(Թարմացված է 09:19 27.07.2021)
«Ժողովուրդ» օրաթերթի հետ զրույցում ՀՅԴ անդամ Արծվիկ Մինասյանը հաստատել է, որ նման հանդիպում եղել է։

ԵՐԵՎԱՆ, 27 հուլիսի – Sputnik. ԱԺ 8–րդ գումարման խորհրդարանում ընդդիմադիր երկրորդ ուժին` «Հայաստան» դաշինքին, տրամադրվելու է խորհրդարանի այն հատվածը, որը երկար տարիներ եղել է ԲՀԿ-ինը, և այժմ Գագիկ Ծառուկյանի աշխատասենյակում կլինի Սեյրան Օհանյանը: Այս մասին գրում է «Ժողովուրդ» օրաթերթը։

Օրաթերթի տեղեկությունների համաձայն՝ երեկ «Հայաստան» դաշինքի խմբակցության ղեկավար Սեյրան Օհանյանն ու խմբակցության քարտուղար Արծվիկ Մինասյանը հանդիպում են ունեցել խորհրդարանի աշխատակազմի ղեկավար-գլխավոր քարտուղար Առնակ Ավետիսյանի հետ։ Հանդիպմանը ներկա է եղել նաև ՔՊ-ի ԱԺ նախագահի թեկնածու Ալեն Սիմոնյանը:

Ըստ թերթի՝ նրանք դիմել են ԱԺ աշխատակազմին և խնդրել տրամադրել ԱԺ-ում տարածքներ՝ իրենց հետագա աշխատանքի համար: Այստեղ խոսքը վերաբերում է նաև աշխատասենյակներին, և հենց այդ պատճառով է հանդիպումը կայացել:

221
թեգերը:
ընդդիմություն, խորհրդարան, ԱԺ, Սեյրան Օհանյան, Գագիկ Ծառուկյան
Ըստ թեմայի
Փաշինյանն «իր» ընդդիմությունն է ստեղծում. փորձագետը՝ քաղաքական ուժերի հետ հանդիպման մասին
Խաղի կանոնները փոխվում են. ինչ քայլերի կարող է դիմել խորհրդարանական ընդդիմությունը
Օրակարգ չունեցող իշխանություն և ինտելեկտուալ ընդդիմություն. ինչ կկատարվի նոր ԱԺ–ում
Արման Բաբաջանյան

Պատգամավոր Արման Բաբաջանյանը ստիպված կլինի ներողություն խնդրել ՀՅԴ-ից. դատարանը որոշել է

294
(Թարմացված է 21:01 26.07.2021)
Պատգամավորը պետք է ուղիղ եթեր դուրս գա Facebook-ում կամ ասուլիսի միջոցով ներողություն խնդրի կուսակցությունից։

ԵՐԵՎԱՆ, 26 հուլիսի – Sputnik․ Պատգամավոր Արման Բաբաջանյանը պետք է ներողություն խնդրի «Դաշնակցությունից»  հրապարակային վիրավորանքների համար։ Նման որոշում է կայացրել Երևանի դատարանը Ավագ Գաբրիելյանի գլխավորությամբ, հաղորդում է Datalex-ի դատական տեղեկատվության կայքը:

2019 թվականի դեկտեմբերին խորհրդարանում ունեցած ելույթի ժամանակ Բաբաջանյանը կուսակցությանը անվանել է «ահաբեկչական անցյալով հայտնի ուժ»:

Դատարանը բավարարել է կուսակցության Գերագույն մարմնի հայցը և Բաբաջանյանին պարտավորեցրել հրապարակայնորեն ներողություն խնդրել, ինչպես նաև որպես փոխհատուցում բռնագանձել 1 դրամ:

Որոշումն ուժի մեջ մտնելուց հետո 5 օրվա ընթացքում Բաբաջանյանը պետք է ուղիղ եթեր մտնի ֆեյսբուքյան իր էջում և ասի հետևյալ խոսքերը․«Ներողություն եմ խնդրում Դաշնակցությունից և կուսակցության Գերագույն մարմնից ՝ 06.12.2019 թ. Ազգային ժողովի ամբիոնից իմ ելույթում վիրավորական արտահայտությունների համար»։

Բաբաջանյանը պարտավորվում է ուղիղ եթերի տեսանյութը պահպանել իր էջում։

Կա մեկ այլ տարբերակ կա՝ Բաբաջանյանը պետք է ասուլիս հրավիրի առնվազն 4 հեռուստաալիքների մասնակցությամբ, որոնց հեռարձակումը տարածվում է Հայաստանի ամբողջ տարածքում, և ասի նույն տեքստը։

ԲԴԽ նախագահը Արման Բաբաջանյանին խոստացավ ավելի խիստ ու վիրավորական բառապաշարով պատասխանել

Որոշումն ընդունվել է հուլիսի 16-ին, սակայն ուժի մեջ է մտնում 15 օրից: Այն կարող է բողոքարկվել Վերաքննիչ դատարանում։

294
թեգերը:
Դատարան, Հայ Յեղափոխական Դաշնակցություն (ՀՅԴ), Արման Բաբաջանյան
Ըստ թեմայի
ՀՅԴ երիտասարդները ելակ, կոնֆետ, անդրավարտիք նետեցին կառավարության առջև. իրավիճակը լարված է
«Տղաներին այնպես են բերման ենթարկում, ասես թշնամի լինեն». ՀՅԴ-ականների ակցիան ավարտվեց
Շառլ Միշելին դիմավորեց Մհեր Գրիգորյանը, իսկ հետո «Ամոթ ձեզ» պաստառներով՝ ՀՅԴ-ականները
Իզաբելլա Յայլյան

Տոկիո 2020. Իզաբելլա Յայլյանը ծանրամարտի մրցումներում 7-րդն է

0
(Թարմացված է 12:43 27.07.2021)
Տոկիոյում ընթացող ամառային օլիմպիական խաղերի ծանրամարտի մրցումներում Հայաստանը ներկայացնելու են երկու ծանրորդներ՝ Իզաբելլա Յայլյանը, և Սիմոն Մարտիրոսյանը։ Սիմոն Մարտիրոսյանի ելույթը օգոստոսի 3-ին է։

ԵՐԵՎԱՆ, 27 հուլիսի - Sputnik. Հայաստանի օլիմպիական հավաքականի անդամ Իզաբելլա Յայլյանը երկամարտի 205 կգ արդյունքով օլիմպիական մրցաշարում զբաղեցրեց 7-րդ տեղը։

Կանանց 59 կգ քաշային կարգում օլիմպիական ոսկե մեդալի հիմնական հավակնորդ էր համարվում չինական Թայպեյի մարզուհի Կու Հսինգ Չունը, որն աշխարհի ռեկորդակիր է հրում վարժությունում։ Արդեն պոկում վարժությունում Չունը գլխավերևում պահելով 103կգ քաշը, սահմանեց օլիմպիական նոր ռեկորդ և գլխավորեց մրցաշարային աղյուսակը։

Իզաբելլա Յայլյանը պոկում վարժությունում երեք մոտեցումներից իրացրեց երկուսը և առաջին վարժությունից հետո 95կգ արդյունքով չորրորդ տեղում էր։ Համեմատության համար նշենք, որ հայ մարզուհին ավելի ուժեղ է հենց պոկում վարժությունում։

Հրում վարժությունում Յայլյանը առաջին մոտեցման համար պատվիրել էր 110կգ, և դժվարությամբ, բայց կարողացավ ֆիքսել քաշը գլխավերևում։ Սակայն պարզ էր, որ մեր մարզուհին շատ քիչ շանսեր ունի մեդալի համար պայքարելու, քանի որ մրցակիցներն ավելի ծանր քաշեր էին պատվիրել։ Յայլյանը փորձեց միանալ արծաթե կամ բրոնզե մեդալների համար պայքարին, բայց 115կգ կշռող ծանրաձողը գլխավերևում պահել չհաջողվեց հաջորդ երկու մոտեցումների ժամանակ, և երկամարտի 205 կգ արդյունքով հայ մարզուհին զբաղեցրեց 7-րդ տեղը։

Կորյուն Սողոմոնյանը լքում է բռնցքամարտի օլիմպիական մրցաշարը

Իսկ օլիմպիական չեմպիոնի կոչումը օլիմպիական ռեկորդներով դարձավ Կու Հսինգ Չունը։

Մրցումային հերթական օրվա ընթացքում Հայաստանի ներկայացուցիչներից պայքարի մեջ կմտնի նաև լողորդ Արթուր Բարսեղյանը, որը կմասնակցի ազատ լողաոճի 100 մետր մրցատարածության մրցումներին։

Հիշեցնենք` Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։ Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային կմասնակցի 206 երկրի 12500 մարզիկ։ Նրանք կմրցեն 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Հովհաննես Բաչկովը հաղթանակով սկսեց Տոկիոյի օլիմպիական խաղերը. լուսանկարներ

0
թեգերը:
ծանրամարտ, Տոկիո, Օլիմպիական խաղեր, օլիմպիադա
Ըստ թեմայի
ՀՀ նախագահը Տոկիոյում անձամբ է շնորհավորել Հովհաննես Բաչկովին. լուսանկարներ
Հրաձիգ Էլմիրա Կարապետյանը Տոկիո 2020-ում գրավել է 18-րդ տեղը
Կարեն Խաչանովը Տոկիոյի օլիմպիական մրցաշարի երրորդ փուլ է դուրս եկել