Նիկոլ Փաշինյան

Փաշինյանը մինչև հիմա չի հասկացել ԼՂ հարցը. Տեր-Պետրոսյանն ասաց` ովքեր են տիրապետում դրան

158
(Թարմացված է 15:26 10.06.2021)
Առաջին նախագահը կարծում է, որ հիմա Արցախի կարգավորման հարցին փորձագետի մակարդակով 3 հոգի էլ չի տիրապետում։

ԵՐԵՎԱՆ, 10 հունիսի - Sputnik. ՀՀ վարչապետի պաշտոնակատար Նիկոլ Փաշինյանը մինչև այսօր էլ չի հասկացել Ղարաբաղի հարցը։ Այսօր հրավիրված ասուլիսի ժամանակ նման կարծիք հայտնեց ՀՀ առաջին նախագահ, Հայ ազգային կոնգրեսի ղեկավար Լևոն Տեր-Պետրոսյանը` պատասխանելով հարցին, թե Փաշինյանն իր հետ ճանապարհ է անցել, արդյո՞ք ԼՂ հարցին չի տիրապետում։

«Նախկինում ես ասում էի, որ ԼՂ հարցին 6 հոգի են տիրապետում` ես, Ռոբերտ Քոչարյանը, Արկադի Ղուկասյանը, Ալեքսանդր Արզումանյանը, Վազգեն Սարգսյանը և ևս մեկը։ Իսկ հիմա Արցախի կարգավորման հարցին փորձագետի մակարդակով 3 հոգի էլ չի տիրապետում` կողքը լինելը, միասին ճանապարհ անցնելը ոչինչ չի նշանակում»,–նշեց Տեր-Պետրոսյանը։

Պատասխանելով Sputnik Արմենիայի հարցին, թե ի՞նչ կասի Փաշինյանի առաջարկի մասին Սյունիքում ստեղծված իրավիճակի առնչությամբ, ըստ որի` պետք է զորքերը հետ գնան, միջազգային դիտորդները կանգնեն խորհրդային սահմանին` Տեր–Պետրոսյանն ասաց, որ միջազգային հանրությունն է ճանաչել այդ սահմանը, ոչինչ փոխել հնարավոր չէ։

Ինչ վերաբերում է հայ–ադրբեջանական սահմանին տեղի ունեցող վերջին դեպքերին` գերիներ վերցնել, հովիվ ծեծել, դա լինելու է այնքան ժամանակ, մինչև, ըստ Տեր-Պետրոսյանի, Հայաստանն Ադրբեջանի հետ պայմանագիր չկնքի։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

158
թեգերը:
Լեռնային Ղարաբաղ, Լևոն Տեր–Պետրոսյան, Նիկոլ Փաշինյան, Հայաստան
Ըստ թեմայի
«Առնետավազք է». առաջին նախագահը` Վլադիմիր Կարապետյանի և Գագիկ Ջհանգիրյանի մասին
Նախկինում Ադրբեջանն ավելի պատրաստ էր. Տեր-Պետրոսյանը` ԼՂ հարցի կարգավորման մասին
«Կփորձենք չսխալվել». Փաշինյանի, թե Քոչարյանի հետ կոալիցիայի կգնա Տեր-Պետրոսյանը
Հող տալու մասին չե՞ն խոսել. Տեր-Պետրոսյանը մանրամասներ հայտնեց Փաշինյանի հետ հանդիպումից
Վլադիմիր Պուտին

Պուտինն ասել է՝ որոնք են Բայդենի հետ հանդիպման գլխավոր նպատակները

33
(Թարմացված է 13:53 13.06.2021)
ՌԴ նախագահը անհրաժեշտ է համարում Մոսկվայի և Վաշինգտոնի փոխգործակցության մեխանիզմների մշակումը։

ԵՐԵՎԱՆ, 13 հունիսի – Sputnik. Ռուսաստանի նախագահ Վլադիմիր Պուտինը անհրաժեշտ է համարում ԱՄՆ ղեկավարի հետ անձնական կապերի վերականգնումը, անմիջական երկխոսության հաստատումն ու երկու երկրների փոխգործակցության մեխանիզմների ստեղծումը։ Բայդենի հետ հանդիպման ակնկալիքների մասին խոսելով՝ ասել է ՌԴ առաջնորդը «Սմոտրիմ» մեդիահարթակին տված հարցազրույցի ժամանակ։

«Վերականգնել մեր անձնական շփումները, հարաբերությունները, անմիջական երկխոսություն հաստատել, փոխգործակցության իրապես գործող մեխանիզմներ ստեղծել, այն ուղղություններով, որոնք փոխադարձ հետաքրքրություն են ներկայացնում` այդպիսիք կան, այդ մասին արդեն խոսել եմ, ինձ թվում է, կրկնելու անհրաժեշտություն չկա», – ասել է Պուտինը։

Ըստ նրա` այդ մասին է խոսում նաև ամերիկյան կողմը. մի շարք հարցեր կան, որոնք երկուստեք հետաքրքրություն են ներկայացնում։ Դրանք և՛ ռազմավարական կայունությունն է, և՛ տարածաշրջանային հակամարտությունները, և՛ բնապահպանական միջոցառումները։

Ռուսաստան–ԱՄՆ գագաթնաժողովը նախատեսված է անցկացնել հունիսի 16-ին Ժնևում։

33
թեգերը:
Ջո Բայդեն, Վլադիմիր Պուտին, ԱՄՆ, Ռուսաստան
թեմա:
ԱԺ արտահերթ ընտրություններ 2021
Ըստ թեմայի
Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան
Փաշինյանը նախատեսում է բարեփոխումներ իրականացնել ԱԳՆ-ում
Պատերազմ չի սկսվի․ Յուրի Խաչատուրովն ասաց՝ ինչու
ՀՀ ԱԳՆ

Փաշինյանը նախատեսում է բարեփոխումներ իրականացնել ԱԳՆ-ում

69
(Թարմացված է 12:00 13.06.2021)
Փաշինյանի խոսքով՝ մեր երկրի ամենակարևոր խնդիրներից մեկը դիվանագիտական ծառայության էական, բովանդակային բարեփոխումներն են։

ԵՐԵՎԱՆ, 13 հունիսի – Sputnik․ ՀՀ վարչապետի պաշտոնակատար Նիկոլ Փաշինյանն ընտրություններից հետո նախատեսում է առաջնահերթ բարեփոխումներ իրականացնել երկրի դիվանագիտական ծառայության ոլորտում: Այսօր Եղվարդ քաղաքում ընտրողների հետ հանդիպման ժամանակ «Քաղաքացիական պայմանագիր» կուսակցության վարչապետի թեկնածուն հայտարարեց, որ երկրի անվտանգության ապահովման գործում կարևոր դեր ունեն միջազգային հարաբերությունները, հետևաբար՝ մեր երկրի դիվանագիտությունը։

«Մեր երկրի ամենակարևոր խնդիրներից մեկը դիվանագիտական ծառայության էական, բովանդակային բարեփոխումներն են, և ընտրություններից հետո մենք այս բարեփոխումներն անելու ենք», - ասել է Փաշինյանը:

Հիշեցնենք՝ Ազգային Անվտանգության խորհրդի մայիսի 27-ի նիստում Փաշինյանը հանդես եկավ առաջարկով, որի համաձայն Ադրբեջանի և Հայաստանի զորքերը Սոթք-Խոզնավար հատվածում պետք է «հայելային եղանակով» հետ քաշվեն, դուրս իսկ սահմանի երկայնքով տեղակայվեն ՌԴ-ի կամ ԵԱՀԿ Մինսկի խմբի մյուս համանախագահ երկրների զորքերը:

Նույն օրը, երբ վարչապետի պաշտոնակատար Նիկոլ Փաշինյանը ներկայացրեց սահմանային ճգնաժամի լուծման իր ծրագիրը, ինչի հաջորդեց նախարարի պաշտոնակատար Արա Այվազյանի հրաժարականը։ Մի քանի օր անց Այվազյանի օրինակին հետևեցին նրա չորս տեղակալները։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

69
թեգերը:
Ընտրություններ, ՀՀ Արտաքին գործերի նախարարություն. ԱԳՆ, Նիկոլ Փաշինյան
թեմա:
ԱԺ արտահերթ ընտրություններ 2021
Ըստ թեմայի
Ադրբեջանը ևս 14 հայ գերու նկատմամբ սկսել է շինծու քրեական հետապնդում. ԱԳՆ–ն դատապարտում է
ՀՀ ԱԳՆ գոյություն չունի, դա խայտառակություն է, ո՞վ պետք է գերիներին վերադարձնի. Քոչարյան
Ունե՞նք ԱԳՆ, որ ասի, թե որոնք են Հայաստանի շահերը. Պողոսյանը` Լավրովի հայտարարության մասին
Հեռուստաաշտարակ

Հ1-ը չի կարող ստանալ ՄԻՊ-ի աջակցությունը․ Թաթոյանը՝ «Պատիվ ունեմ»-ի բողոքի վերաբերյալ

0
(Թարմացված է 14:17 13.06.2021)
Պաշտպանը հոլովակը չհեռարձակելու գործի վերաբերյալ հարցումներ է ուղարկում Հանրային հեռուստանկերությանն ու ՀՌԱՀ-ին։

ԵՐԵՎԱՆ, 13 հունիսի – Sputnik․ Հանրային հեռուստաընկերությունը՝ որպես կառավարության հիմնադրած հեռուստաընկերություն, չի կարող ստանալ Մարդու իրավունքների պաշտպանի աջակցությունը «Պատիվ ունեմ» դաշինքի հետ կապված գործով: ՄԻՊ գրասենյակն արձագանքել է երեկ Հանրային հեռուստաընկերությունից ու «Պատիվ ունեմ» դաշինքից ստացված դիմումներին՝ նախընտրական հոլովակի հեռարձակման հարցով։

Նշենք, որ երեկ Հանրային հեռուստաընկերությունը դիմել էր ՄԻՊ-ին՝ նշելով, որ «Առաջին ալիքի նկատմամբ քաղաքական ճնշումների փորձեր» են արվում և հեռուստաընկերությունն ակնկալում է պաշտպանի «հրատապ արձագանքը» և «կոչ անում պաշտպանել Հանրայինի՝ անաչառության և ոչ խտրական վերաբերմունքի հանձնառությունը»՝ նկատի ունենալով «տարբեր քաղաքական ուժերի» հայտարարութունները, թե հեռուստաընկերությունը նախընտրական հոլովակների ցուցադրման հարցում ցուցաբերում է խտրական մոտեցումներ: Պաշտպանին ուղղված բողոքում Հանրայինն ընդգծել է, որ խոսքը վերաբերում է տարբեր քաղաքական ուժերի տրամադրած և օրենքի տեսանկյունից վիճելի հոլովակների ցուցադրմանը:

«Այլ կերպ՝ ՀՀ կառավարության հիմնադրած կազմակերպությունը, այն է` Հանրային հեռուստաընկերությունը ակնկալում է Մարդու իրավունքների պաշտպանից պաշտպանություն ոչ պետական կազմակերպության՝ քաղաքական ուժի արարքներից»,- ընդգծում է պաշտպանի գրասենյակը։

«Դու նամուս, թասիբ, պատիվ ունե՞ս». Վանեցյանը բացեց «Պատիվ ունեմ» դաշինքի քարոզարշավը

Մյուս կողմից, ՄԻՊ-ին բողոքով դիմել է «Պատիվ ունեմ» դաշինքի պաշտոնական ներկայացուցիչը և նշել, որ Հանրայինն առաջնորդվում է խտրական մոտեցմամբ, մերժել է իրենց նախընտրական քարոզչական հոլովակի հեռարձակումը՝ նշելով, թե այն պարունակում է վիրավորանք և զրպարտություն: Դիմումում նշվել է, որ այս արարքն ունի քաղաքական դրդապատճառներ, դրա հիմքում կառավարության կոնկրետ հրահանգն է։

«Պատիվ ունեմ»-ի ներկայացուցիչը նաև ընդգծել է, որ հեռուստաընկերությունն իրավասություն չունի որոշելու, թե ինչն է վիրավորանք կամ ինչը զրպարտություն, իրականացվել է գրաքննություն։ Դիմում-բողոքում նաև նշվում է, որ դրանից առաջ հեռարձակել է ակնհայտ վիրավորական ու զրպարտչական արտահայտություններով այլ քաղաքական ուժերի քարոզչական հոլովակներ, այդ թվում՝ իրենց վերաբերյալ:

Պաշտպանի գրասենյակը հիշեցնում է, որ «Մարդու իրավունքների պաշտպանի մասին» ՀՀ սահմանադրական օրենքը կոնկրետ գործով «մասնավոր, այն էլ քաղաքական կազմակերպության նկատմամբ պաշտպանի իրավասություն չի սահմանում»: Ուստի կառավարության հիմնադրած հեռուստաընկերությունը չի կարող այս գործով ստանալ պաշտպանի աջակցությունը, քանի որ ՄԻՊ-ի իրավասությունը կոնկրետ գործերով պետական կազմակերպությունների պաշտպանությունը չէ։

«Կոնկրետ դեպքում «Պատիվ ունեմ» դաշինքի ներկայացուցչի բողոքն ուղղված է կառավարության հիմնադրած հեռուստաընկերության դեմ, որն, ըստ դաշինքի բողոքի, գործել է հենց կառավարության հրահանգով»,- ընդգծում է ՄԻՊ գրասենյակը։

Ուստի «Պատիվ ունեմ» դաշինքի հոլովակի չհեռարձակելու դեպքի գործով Մարդու իրավունքների պաշտպանը գրավոր հարցումներ կուղարկի Հանրային հեռուստաընկերություն և Հեռուստատեսության և ռադիոյի հանձնաժողով (ՀՌԱՀ)։ ՄԻՊ-ն ընդգծում է, որ դրանից հետո միայն հնարավոր կլինի գնահատել Հանրային հեռուստաընկերության արարքը։

0
թեգերը:
«Պատիվ ունեմ» դաշինք, ՀՀ ՄԻՊ, Արման Թաթոյան, Հեռուստատեսության և ռադիոյի հանձնաժողով (ՀՌԱՀ), Հայաստանի հանրային հեռուստաընկերություն, Հեռուստատեսություն
թեմա:
ԱԺ արտահերթ ընտրություններ 2021
Ըստ թեմայի
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Ընտրությունների հաջորդ օրվանից սկսած Փաշինյանը 4 օրով ամրագրել է Հանրապետության հրապարակը
Քոչարյանը ավտոմատը ձեռքին մասնակցել է Շուշիի ազատագրմանը․ Սեյրան Օհանյան