Տիգրան Ուրիխանյան

«Որտեղ բարակ է, թող կտրվի». իշխանության գալու դեպքում Ուրիխանյանը հարցեր ունի Ռուսաստանին

112
(Թարմացված է 13:45 09.06.2021)
Տիգրան Ուրիխանյանը, մեկնաբանելով ՀՀ վարչապետի պաշտոնակատար Նիկոլ Փաշինյանի հայտարարությունը, թե ինքը պատրաստ է իր որդուն փոխանակել Ադրբեջանում պահվող հայ գերիների հետ, ցավով հայտնեց, որ ՀՀ մակարդակը ստրատեգիական փոխգործակցությունից իջել է արդեն նման դիսկուրսի մակարդակի։

ԵՐԵՎԱՆ, 9 հունիսի - Sputnik. Հայաստանի շահը Հայաստանի ու հայ ժողովրդի տիրապետման տակ գտնվող կայուն ու անսասան Զանգեզուրն է։ Այսօր Sputnik Արմենիա մամուլի կենտրոնում կայացած ասուլիսի ժամանակ հայտարարեց «Մեր տունը Հայաստանն է» կուսակցության վարչապետի թեկնածու, պատգամավոր Տիգրան Ուրիխանյանը` պատասխանելով ճանապարհների ապաշրջափակմանը վերաբերող հարցին։

Ուրիխանյանը նաև վստահություն հայտնեց, որ ՀՀ ռազմավարական գործընկեր Ռուսաստանի տարածաշրջանային շահը ևս այս հարցում համընկնում է Հայաստանի շահին։

«Եվ եթե կան պայմանավորվածություններ, որոնք այդ շահերից դուրս են, ապա դրանք պետք է չեղարկվեն»,– ասաց նա։

Ինչ վերաբերում է ՀԱՊԿ–ին ու ՀՀ սահմանների անձեռնմխելիության հարցում այդ կառույցի դերին, ապա Ուրիխանյանը նշեց, որ իրենց քաղաքական ուժն ընտրություններում հաղթելու դեպքում Ռուսաստանից ստանալու է այդ հարցի պատասխանը ու այն ներկայացնելու է նաև հանրությանը։

«ՀՀ–ն առայժմ գտնվում է այնպիսի անվտանգության համակարգում, որը հիմնված է երկրագնդի վրա գոյություն ունեցող ամենաուժեղ զինված ուժերից մեկի վրա, որի տիրապետման ներքո են միջուկային մարտագլխիկները և միջմայրցամաքային գերձայնային հեռահարության հրթիռները և այլն։ Այսինքն` հարց է առաջանում` բա եթե մենք այդքան ուժեղ ենք, ինչո՞ւ չենք կարողանում պատժել մեր սահմանը հատած ընդամենը մի քանի հարյուր թշնամիների։ Այս հարցի պատասխանը պիտի տա նաև ռազմավարական գործընկերը։ Ու մեր ամենակարևոր խոստումներից մեկն էլ ռազմավարական գործընկերոջից այս հարցի պատասխանը ստանալն է»,– ասաց Ուրիխանյանը։

Ընդ որում` սա միակ հարցը չէ, որ «Մեր տունը Հայաստանն է» կուսակցության վարչապետի թեկնածուն հնարավոր հաղթանակի դեպքում պատրաստվում է ուղղել ռազմավարական գործընկեր Ռուսաստանին։ Երկրորդ կարևոր հարցը վերաբերում է գերիների վերադարձին։

«Մենք պատրաստ ենք ընտրությունների հաջորդ օրն առավոտյան ռազմավարական գործընկերոջ առջև փոխադարձ հարգանքի, փոխգործակցության, բայց և պահանջատիրության մթնոլորտում դնել այդ հարցը, որի լուծումը պետք է տեղի ունենա նույն օրը երեկոյան։ Իսկ եթե դա տեղի չունեցավ, մենք չենք վախենալու իշխանություն կորցնելուց։ Օտարերկրյա ուժերի ազդեցությամբ, մասնավորապես` տարածաշրջանում որոշումների կայացման վրա ազդեցություն ունեցող գործընկերների, այդ թվում` ռազմավարական գործընկերների ազդեցությամբ այդ պահանջը դնելու ենք որպես առաջնային ու օրակարգային»,– ասաց Ուրիխանյանը` հույս հայտնելով, որ իր թափանցիկ ակնարկը հասկանալի է, ուստի ձեռնպահ մնաց այն ավելի պարզեցնելուց։

Նա նաև շեշտեց, որ եթե Հայաստանում այսօր կան ներկա ու նախկին իշխանություններ, որոնք վախենում են հզոր պետությունների, այդ թվում` ռազմավարական գործընկերոջ առաջ հարցեր դնելուց, ապա նման իշխանություններին պետք է վերջ տրվի։

«Ես կարծում եմ` հարցը կլուծվեր վաղուց, եթե հայաստանյան իշխանությունները չվախենային գործընկեր պետությունների կողմից այլ կարծիք լսելուց»,– ասաց նա։

Ուրիխանյանը հիշեց ժողովրդական խոսքը` «Որտեղ բարակ է, թող կտրվի», և չբացառեց անհրաժեշտության դեպքում Հայաստանի անվտանգության ներկա համակարգը վերանայելու հնարավորությունը։

Մեկնաբանելով ՀՀ վարչապետի պաշտոնակատար Նիկոլ Փաշինյանի երեկվա հայտարարությունը, թե ինքը պատրաստ է իր որդուն փոխանակել Ադրբեջանում պահվող հայ գերիների հետ` Ուրիխանյանը ցավ հայտնեց, որ ՀՀ մակարդակը ստրատեգիական փոխգործակցությունից իջել է արդեն նման դիսկուրսի մակարդակին։

Նշենք, որ Տիգրան Ուրիխանյանի գլխավորած «Մեր տունը Հայաստանն է կուսակցությունը» խորհրդարանական ընտրություններում հանդես է գալիս 10-րդ համարի քվեաթերթիկի ներքո։

112
թեգերը:
Տիգրան Ուրիխանյան, Ռուսաստան, Հայաստան
Ըստ թեմայի
Ո՞ր թեկնածուներն են ձեռնտու Ռուսաստանին. քաղաքագետի կարծիքը
Թանկարժեք կահույք, վարագույր, գրիչներ, ոսկեղեն... Ինչ ունեն վարչապետի աթոռի հավակնորդները
«Նիկոլի թավիշը կերավ երկիրը». Արամ Մանուկյանը` Նիկոլ Փաշինյանի ու Ռոբերտ Քոչարյանի մասին
ԼՀԿ

Կան քաղաքական ուժեր, որոնք հատուկ շրջում և 3 սուտ են տարածում ԼՀԿ–ի մասին. Անի Սամսոնյան

10
(Թարմացված է 15:10 12.06.2021)
Անի Սամսոնյանն ահազանգում է, որ ոչ միայն ստեր են տարածում իրենց ուղղված, այլ նաև նախընտրական պաստառներն են շարքից հանում։

ԵՐԵՎԱՆ, 12 հունիսի - Sputnik. ԱԺ «Լուսավոր Հայաստան» խմբակցության պատգամավոր Անի Սամսոնյանը վստահեցնում է, որ կան քաղաքական ուժեր և մարդիկ, որոնք հատուկ շրջում են և անհատական զրույցներում 3 սուտ են տարածում ԼՀԿ–ի մասին։ Սամսոնյանն այդ մասին հայտարարեց այսօր Երևանում քարոզարշավի ժամանակ։

«Սուտ համար առաջին` ասում են, որ մեզ ձայն չտան, քանի որ ԼՀԿ–ն ընտրական շեմը չի հաղթահարելու։ Երկրորդ սուտն էլ այն է, որ ասում են` ԼՀԿ-ին ձայն չտաք, քանի որ օգնելու ենք վերարտադրվել իշխող ուժին։ Եվ, վերջապես, սուտ համար երրորդ` շրջանակներում, որտեղ դեմ են Ռոբերտ Քոչարյանին, ասում են, թե ԼՀԿ–ն նպաստելու է նախկինների վերադարձին»,–ասաց Սամսոնյանը։

Նրա խոսքով` իրենք մրցակից են որոշ ուժերի, ինչի հետևանքով էլ մարդիկ չեն ալարում և բարձրանում ու ավտոճանապարհներին փակցված պաստառները դիտավորյալ վնասում են։

Սամսոնյանը հայտնեց, որ Շատին գյուղի մոտակայքում` բավական բարձր հատվածում տեղադրված իրենց պաստառն են վնասել հենց այն հատվածում, որտեղ պատկերված է ԼՀԿ առաջնորդ Էդմոն Մարուքյանը։

Մարուքյանը Փաշինյանին հրավիրում է բանավեճի. խոստանում է` քաբաբի մասին չեն խոսի

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

10
թեգերը:
Ընտրություններ, քարոզարշավ, «Լուսավոր Հայաստան» կուսակցություն, Անի Սամսոնյան
թեմա:
ԱԺ արտահերթ ընտրություններ 2021
Ըստ թեմայի
Քննությունը կպարզի ՔՊ-ի քարոզարշավին խոչընդոտելու դեպքի հանգամանքները
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ
«Հանրապետության» համար քարոզարշավը լավ է ընթանում. կուսակցությունը նորամուծություն է արել
Ռոբերտ Քոչարյան

«Գոնե եկեղեցուն հանգիստ թողեք». Քոչարյանն անդրադարձավ Փաշինյանի հայտարարություններին

46
(Թարմացված է 14:05 12.06.2021)
Ռոբերտ Քոչարյանը նշում է, որ իշխանությունն ամեն ինչ իրար է խառնել և հիմա էլ եկեղեցու մասին է ինչ–ինչ բաներ ասում։

ԵՐԵՎԱՆ, 12 հունիսի - Sputnik. ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը կարծում է, որ իշխանությունը երկրում ամեն ինչ խառնել է իրար և հիմա էլ եկեղեցուն հանգիստ չեն տալիս։ Քոչարյանը նման կարծիք հայտնեց քարոզարշավի շրջանակներում Ստեփանավանի բնակիչների հետ հանդիպման ժամանակ: 

ՀՀ վարչապետի պաշտոնակատար Նիկոլ Փաշինյանը վերջին օրերին պարբերաբար խոսում է եկեղեցու և հոգևորականների մասին։ Մասնավորապես, այսօր Գեղարքունիքի մարզի Սևան քաղաքում քարոզարշավի ժամանակ Փաշինյանն ասել էր, որ վերջին տարիներին և վերջին օրերին հոգևոր էլիտայի ներկայացուցիչներն ամեն ինչ արել են Հայաստանի կառավարությանը սեփական կամքը պարտադրելու, հեղափոխությունը ձախողելու համար։

«Այս երկրում օրական մի բան են փոխում ու ասում։ Սաղ խառնեցին իրար, ժողովրդին իրար վրա հանեցին, և հիմա էլ եկեղեցուն հանգիստ չեն տալիս։ Լավ, գոնե եկեղեցուն հանգիստ թողեք»,–ասաց Քոչարյանը։

Նրա խոսքով` իրենք գալիս են փոխելու ստեղծված իրավիճակը։

Հիշեցնենք, որ Դիլիջանում քարոզարշավի ընթացքում Փաշինյանը հայտարարել էր, որ էլիտաները՝ հոգևորից մինչև քաղաքական, պետք է խոնարհվեն սեփական ժողովրդի առաջ։

«Դուք տեր չեք, դուք այլևս ծառա եք, դուք այլևս Հայաստանում չեք լինելու տեր»,–ասել էր Փաշինյանը։

Ի պատասխան Տավուշի թեմի առաջնորդ Բագրատ Սրբազանն էլ արձագանքել էր, թե հոգևորականությունը ժողովրդին տեր է եղել և տեր էլ մնալու է մշտապես:

Նրանից բացի թեմային արձագանքել էին նաև այլ հոգևորականներ` քննադատելով Փաշինյանի հայտարարությունը։

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

Մի եղեք չարի սերմնացան․ եկեղեցին կոչ է անում քաղաքական ուժերին զերծ մնալ անպատշաճ խոսքերից

46
թեգերը:
Հայ Առաքելական Եկեղեցի, Եկեղեցի, Նիկոլ Փաշինյան, քարոզարշավ, Ընտրություններ, Ռոբերտ Քոչարյան
թեմա:
ԱԺ արտահերթ ընտրություններ 2021
Ըստ թեմայի
«Դուք փոխանակ Շուշին պաշտպանեիք, կառավարության շենքն էիք պաշարել» Փաշինյանը` Քոչարյանին
Մենք գալիս ենք պաշտպանելու մեր սահմանները․ Ռոբերտ Քոչարյան
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Կծառայե՞ն կանայք բանակում. Քոչարյանը խոսեց հզոր պետություն ունենալու մասին
«2008 թ.–ից հետո իշխանությունների հետ որևէ առնչություն չեմ ունեցել, հասկացա՞ք». Քոչարյան