Սերգեյ Լավրով

Ղարաբաղում, որտեղ ռուս խաղաղապահներ են տեղակայված, խոշոր միջադեպեր չեն եղել. Լավրով

141
(Թարմացված է 12:19 09.06.2021)
Ռուսաստանի արտգործնախարարն անդրադարձել է նաև հայ-ադրբեջանական սահմանին տիրող իրավիճակին։

ԵՐԵՎԱՆ, 9 հունիսի - Sputnik. Ղարաբաղում, որտեղ ռուս խաղաղապահներ են տեղակայված, խոշոր միջադեպեր չեն եղել, հայտարարել է ՌԴ արտգործնախարար Սերգեյ Լավրովը։

«Այժմ մեր խաղաղապահներն իրացնում են իրենց մանդատը, որևէ խոշոր միջադեպ չկա՝ դա ընդունում են թե Բաքվում, թե Երևանում։ Առանձին մանր պատահարներն արագ կարգավորվում են։ Այո, ադրբեջանա-հայկական սահմանին առանձին հատվածներում լարվածություն կա, բայց դա կապ չունի Լեռնային Ղարաբաղի հետ»,-ասել է նախարարը՝ ելույթ ունենալով «Պրիմակովյան ընթերցումներ» համաժողովում։

«Արյունահեղությունն ավարտվել է, մի քիչ ավելի ուշ, քան մենք առաջարկել էինք կողմերին, ու մեր մեղքը չէ, որ պատերազմը ձգվել է ավելին, քան կարող էր։ Խաղաղությունը հաստատվել է ավելի ուշ, քան կարող էր։ Մենք ընդամենը միջնորդներ էինք ու չէինք կարող կողմերին ստիպել, կարող էինք միայն համոզել, որ հետագա արյունահեղությունն անիմաստ է ու ծայրահեղ վտանգավոր այն բանի համար, թե հետո ինչպես են այս հողում ապրելու մարդիկ»,-ասել է Լավրովը։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Ռուս խաղաղապահներն ապահովել են 98 ուխտավորի անվտանգությունն Ամարասի վանք այցելելիս

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

 

141
թեգերը:
խաղաղապահ, Արցախ, Սերգեյ Լավրով
Ըստ թեմայի
Ռուսաստանը կարող է միջնորդ դառնալ Հայաստանի ու Ադրբեջանի միջև սահմանագծման հարցում. Լավրով
Լավրովն ու Բլինկենը քննարկել են Հայաստանի և Ադրբեջանի շուրջ ստեղծված իրավիճակը. Պետդեպ
ՌԴ–ն դիտարկում է Հայաստանին պատվաստանյութերով օգնելու հարցը. Լավրով
Ռոբերտ Քոչարյան

«Գոնե եկեղեցուն հանգիստ թողեք». Քոչարյանն անդրադարձավ Փաշինյանի հայտարարություններին

32
(Թարմացված է 14:05 12.06.2021)
Ռոբերտ Քոչարյանը նշում է, որ իշխանությունն ամեն ինչ իրար է խառնել և հիմա էլ եկեղեցու մասին է ինչ–ինչ բաներ ասում։

ԵՐԵՎԱՆ, 12 հունիսի - Sputnik. ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը կարծում է, որ իշխանությունը երկրում ամեն ինչ խառնել է իրար և հիմա էլ եկեղեցուն հանգիստ չեն տալիս։ Քոչարյանը նման կարծիք հայտնեց քարոզարշավի շրջանակներում Ստեփանավանի բնակիչների հետ հանդիպման ժամանակ: 

ՀՀ վարչապետի պաշտոնակատար Նիկոլ Փաշինյանը վերջին օրերին պարբերաբար խոսում է եկեղեցու և հոգևորականների մասին։ Մասնավորապես, այսօր Գեղարքունիքի մարզի Սևան քաղաքում քարոզարշավի ժամանակ Փաշինյանն ասել էր, որ վերջին տարիներին և վերջին օրերին հոգևոր էլիտայի ներկայացուցիչներն ամեն ինչ արել են Հայաստանի կառավարությանը սեփական կամքը պարտադրելու, հեղափոխությունը ձախողելու համար։

«Այս երկրում օրական մի բան են փոխում ու ասում։ Սաղ խառնեցին իրար, ժողովրդին իրար վրա հանեցին, և հիմա էլ եկեղեցուն հանգիստ չեն տալիս։ Լավ, գոնե եկեղեցուն հանգիստ թողեք»,–ասաց Քոչարյանը։

Նրա խոսքով` իրենք գալիս են փոխելու ստեղծված իրավիճակը։

Հիշեցնենք, որ Դիլիջանում քարոզարշավի ընթացքում Փաշինյանը հայտարարել էր, որ էլիտաները՝ հոգևորից մինչև քաղաքական, պետք է խոնարհվեն սեփական ժողովրդի առաջ։

«Դուք տեր չեք, դուք այլևս ծառա եք, դուք այլևս Հայաստանում չեք լինելու տեր»,–ասել էր Փաշինյանը։

Ի պատասխան Տավուշի թեմի առաջնորդ Բագրատ Սրբազանն էլ արձագանքել էր, թե հոգևորականությունը ժողովրդին տեր է եղել և տեր էլ մնալու է մշտապես:

Նրանից բացի թեմային արձագանքել էին նաև այլ հոգևորականներ` քննադատելով Փաշինյանի հայտարարությունը։

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

Մի եղեք չարի սերմնացան․ եկեղեցին կոչ է անում քաղաքական ուժերին զերծ մնալ անպատշաճ խոսքերից

32
թեգերը:
Հայ Առաքելական Եկեղեցի, Եկեղեցի, Նիկոլ Փաշինյան, քարոզարշավ, Ընտրություններ, Ռոբերտ Քոչարյան
թեմա:
ԱԺ արտահերթ ընտրություններ 2021
Ըստ թեմայի
«Դուք փոխանակ Շուշին պաշտպանեիք, կառավարության շենքն էիք պաշարել» Փաշինյանը` Քոչարյանին
Մենք գալիս ենք պաշտպանելու մեր սահմանները․ Ռոբերտ Քոչարյան
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Կծառայե՞ն կանայք բանակում. Քոչարյանը խոսեց հզոր պետություն ունենալու մասին
«2008 թ.–ից հետո իշխանությունների հետ որևէ առնչություն չեմ ունեցել, հասկացա՞ք». Քոչարյան
Սերգեյ Կոպիրկինն այցը Գորիս ու Սիսիան

Սյունիքում ռուսական ռազմական ներկայությունն ուժեղացված է․ Կոպիրկին

78
(Թարմացված է 13:44 12.06.2021)
Ռուսաստանի դեսպանի խոսքով՝ սահմանապահների և խաղաղապահների ներկայությունը կարևոր հոգեբանական գործոն է տեղի բնակչության համար, որը բարդ իրավիճակում է հայտնվել:

ԵՐԵՎԱՆ, 12 հունիսի – Sputnik. Ռուսաստանն ուժեղացրել է իր ռազմական ներկայությունը Հայաստանի Սյունիքի մարզում, Sputnik Արմենիային տված հարցազրույցում ասաց Հայաստանում Ռուսաստանի դեսպան Սերգեյ Կոպիրկինը։

Կոպիրկինի խոսքով՝ լրացուցիչ սահմանապահ ուժեր են տեղակայված, որոնք տեղափոխվել են ՌԴ տարբեր շրջաններից, որպեսզի կարողանան ի լրումն ավանդական պատասխանատվության գոտու (հայ-իրանական և հայ-թուրքական սահման), ծառայություն իրականացնել նաև սահմանի խնդրահարույց հատվածներում:

Մասնավորապես, Գորիս-Դավիթ Բեկ և Կապան-Ճակատեն ճանապարհահատվածներում լրացուցիչ մի քանի սահմանապահ հենակետեր են տեղադրվել, իրականացվում է մշտական տեխնիկական և տեսողական հսկողություն: Բացի այդ, նաև տրանսպորտային հաղորդակցության անվտանգության վերահսկողություն է իրականացվում։

«Ռուսական կողմի միջնորդությամբ Հայաստանի և Ադրբեջանի սահմանային գերատեսչությունների ղեկավարները բանավոր պայմանավորվածություններ են ձեռք բերել տրանսպորտային հաղորդակցության վերահսկողության ընթացքում առաջացող հարցերի խաղաղ լուծման վերաբերյալ»,-ասաց Կոպիրկինը։

Դեսպանն անձամբ է այցելել ռուս և հայ սահմանապահների դիրքեր, իրավիճակը բավականին կայուն է։ Ռուսական մասնակցությամբ բանակցություններ են եղել Հայաստանի և Ադրբեջանի սահմանապահ ուժերի հրամանատարության միջև, սրացումից և զենքի կիրառումից խուսափելու մասին պայմանավորվածություններ են ձեռք բերվել։

Գեղարքունիքում և Սյունիքում ադրբեջանցիները գողանում են հայերի կենդանիներին. ՄԻՊ–ի փաստերը

Նրա կարծիքով՝ այդ պայմանավորվածությունը գործում է և առանցքային դեր է խաղում։ Իսկ ռուս զինվորականների ներկայությունն ինքին կարևոր հոգեբանական գործոն է տեղի բնակչության համար, որը բարդ իրավիճակում է հայտնվել։

«Իհարկե, ռուսական դրոշը, սահմանապահները, 102-րդ ռազմակայանի գումարտակային խումբը, որը տեղակայված է Գորիսում, մի մասն էլ՝ Սիսիանում, բնակչության հոգեբանական վստահության շատ կարևոր գործոն է, 102-րդ ռազմակայանի սահմանապահներն ու զինծառայողները օգնում են, որ մարդիկ իրենց պաշտպանված զգան»,-ասաց Կոպիրկինը։

Մեկնաբանելով խաղաղապահ ուժերի հրամանատար Ռուստամ Մուրադովի հնարավոր ռոտացիայի մասին խոսակցությունները՝ դեսպանը նշեց, որ նա շարունակում է կատարել իր պարտականությունները:

Ինչ վերաբերում է խաղաղապահ զորքերի թվաքանակին, ապա այն ամրագրված է 2020 թ․-ի նոյեմբերի եռակողմ հայտարարությամբ, ուստի դժվար թե կամայականորեն փոխվի:

«Սա երեք կողմերի պայմանավորվածության արդյունքն է։ Դա բավարար է, թե ոչ՝ ինձ համար դժվար է ասել․ ես գիտեմ միայն, որ անգամ այս թվաքանակով զորակազմը շատ ինտենսիվ և արդյունավետ է աշխատում, ընդ որում՝ ոչ միայն զուտ խաղապահական խնդիրներ լուծելով, այն է՝ պահպանել խաղաղությունն ու կայունությունը, համապատասխան միջոցառումներ անցկացնել, այլև լիարժեք մասնակցում է Լեռնային Ղարաբաղում սոցիալ-տնտեսական կյանքի վերականգնմանն ու կարգավորմանը»,-ասաց Կոպիրկինը։

Նրա խոսքով, դա մեծ դեր է խաղում հոգեբանական առումով՝ անվտանգության, հանգիստ կյանքի ու զարգացման, ապագայի հանդեպ հավատի հույս է տալիս։ Դա շատ կարևոր է։

Մինչ օրս գործում է մարդասիրական արձագանքման միջպետական կենտրոնը, աշխատանքները շարունակվում են: Արդեն իսկ ենթակառուցվածքների վերականգնման մեծ ծավալի աշխատանք է կատարված, և այն շարունակվում է։

Հիշեցնենք, որ ներկայումս Ադրբեջանի և Իրանի հետ սահմանակից Սյունիքի մարզում Հայաստանում տեղակայված 102-րդ ռուսական ռազմակայանի երկու հենակետ է ստեղծվել։

Չէի ասի, թե ռուս գործարարները վախենում են Հայաստանում ներդրում անելուց. Կոպիրկին

78
թեգերը:
Ռուսաստան, Սերգեյ Կոպիրկին, Հայաստան, Սյունիք
Ըստ թեմայի
Ամենայն հայոց կաթողիկոսը մեկնեց Սյունիք, այնտեղից կուղևորվի Արցախ
Հայաստանում ՌԴ դեսպանը Սյունիքում ծանոթացել է սահմանապահների ծառայությանը
Ռոբերտ Քոչարյանը իրատեսական է համարում Սյունիքում ռուսական ռազմաբազայի տեղակայումը
Սերգեյ Կոպիրկին

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

0
(Թարմացված է 14:44 12.06.2021)
Հայ գերիներին Բաքվից հայրենիք վերադարձնելու աշխատանքները չեն դադարում։ Ադրբեջանում պահվող ՀՀ քաղաքացիների թիվն աճել է ևս 6-ով։

ԵՐԵՎԱՆ, 12 հունիսի - Sputnik. Ռուսական կողմը ձգտում է հասնել ռազմագերիների խնդրի վերջնական փակմանը «բոլորը բոլորի դիմաց» սկզբունքով։ Sputnik Արմենիային տված բացառիկ հարցազրույցում այս մասին ասաց Հայաստանում Ռուսաստանի դեսպան Սերգեյ Կոպիրկինը։

Նրա խոսքով՝ Ղարաբաղի վերաբերյալ եռակողմ հայտարարության ստորագրումից հետո ռուսական կողմը (ներառյալ Ռուսաստանի բարձրագույն ղեկավարությունն ու համապատասխան գերատեսչությունները՝ ԱԳՆ-ն ու ՊՆ-ն) առաջնային ուշադրություն են դարձրել ու շարունակում են դարձնել այդ հարցին:

«Այդ շփումների ու հարցի լուծման գործում շատ մեծ դերակատարություն ունի խաղաղապահ զորակազմն ու անձամբ գեներալ-լեյտենանտ Ռուստամ Մուրադովը։ Իհարկե, գործընթացը մեր ուզածի պես արագ չի ստացվում։ Ի սկզբանե Ռուսաստանի մոտեցումն էր «բոլորը բոլորի դիմաց»։ Ռուսական կողմը ձգտում է հասնել ռազմագերիների խնդրի վերջնական փակմանն այդ բանաձևով», - ասաց դիվանագետը։

Նրա տվյալներով՝ Մուրադովի անմիջական մասնակցությամբ կողմերը 82 մարդու են փոխանակել, որոնցից 66-ը ՀՀ քաղաքացիներ են։ Սակայն աշխատանքն այդ ուղղությամբ չի դադարում։

Այս համատեքստում դիվանագետը նշել է, որ հունիսի 8-ին հայ զինվորական էր մոլորվել ու շնորհիվ Մուրադովի օպերատիվ գործողությունների, որը շփման մեջ էր ադրբեջանական ու հայկական կողմերի հետ, հաջողվել է լուծել խնդիրը:

«Զինծառայողն արդեն հաջորդ օրը վերադարձվել է հայկական կողմին։ Սա կոնկրետ օրինակ է», - եզրափակեց նա։

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։ Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Չէի ասի, թե ռուս գործարարները վախենում են Հայաստանում ներդրում անելուց. Կոպիրկին

0
թեգերը:
Դեսպան, Հայաստան, Սերգեյ Կոպիրկին, ռազմագերի, Ռուսաստան
Ըստ թեմայի
ՀՀ-ի և Ռուսաստանի միջև համագործակցության մեծ ներուժ կա. Չոբանյանն ընդունել է Կոպիրկինին
Հարությունյանը և Կոպիրկինը մասնակցել են ռուսաց լեզվի ուսուցման լսարանի բացմանը
Գերիների վերադարձի ուղղությամբ զբաղվելու է անձամբ Ռուստամ Մուրադովը. Կոպիրկին
«Ռուս և հայ ժողովուրդները միասնական ապագա ունեն». Կոպիրկինը հանդիպել է Ծառուկյանի հետ
Էդմոն Մարուքյանը և Սերգեյ Կոպիրկինը քննարկել են ռազմագերիների վերադարձի հարցը