Յուրի Խաչատուրով

Կոնֆետ ու ջուր. Յուրի Խաչատուրովն անդրադարձավ Փաշինյանի ու Սիմոնյանի հայտարարություններին

221
(Թարմացված է 12:08 08.06.2021)
Խաչատուրովի խոսքով` ներկայիս իշխանությունը հավանաբար չգիտի, որ արցախյան առաջին պատերազմից հետո բանակն առհասարակ ոչինչ չուներ։

ԵՐԵՎԱՆ, 8 հունիսի – Sputnik. Գեներալ–գնդապետ Յուրի Խաչատուրովն այսօր` քարոզարշավի երկրորդ օրը, Գորիսում բավականին կոշտ մեկնաբանեց ՀՀ վարչապետի պաշտոնակատար Նիկոլ Փաշինյանի ու Ազգային ժողովի փոխնախագահ Ալեն Սիմոնյանի` բանակի հասցեին ուղղված հայտարարությունները։

«Ուզում եմ մեկնաբանել մի քանի հայտարարություն, որ ներկայիս ժամանակավոր իշխանությունը հաճախ է շահարկում իր հանրահավաքների ժամանակ։ ՀՀ վարչապետի ժամանակավոր պաշտոնակատարը խոսում է ինչ–որ կոնֆետներից, բայց մենք հո գիտենք նրա` քաղցրի հանդեպ ունեցած հակման մասին։ Ելակներ, կոնֆետներ` նրա գլուխում բանակի մասին, բացի դրանից, ուրիշ ոչինչ չկա»,–ասաց Խաչատուրովը։

Նա նաև անդրադարձավ ԱԺ փոխնախագահ Ալեն Սիմոնյանի այն հայտարարությանը, թե իր ծառայության տարիներին բանակում ջրի խնդիր կար։

«Ալեն Սիմոնյանն էլ ասում է, որ ջուր չի եղել, չեն լողացել։ Ես նրան ուզում եմ ասել, որ նա երբեք չի մաքրվի, որովհետև նա մաքուր մարդ չէ ։ Նրանք բանակի մասին այլ ասելիք չունեն»,–ասաց նա։

Խաչատուրովի խոսքով` ներկայիս իշխանությունը հավանաբար չգիտի, որ արցախյան առաջին պատերազմից հետո բանակն առհասարակ ոչինչ չուներ` ո՛չ զորանոցներ, ո՛չ զինատեսակներ ու ռազմամթերք, մի շարք աշխատանքներ են արվել հետպատերազմական տարիներին, մասնավորապես 90–ականների վերջին։

«Այնքան զինամթերք էին ներմուծել, որ այս պատերազմին էլ կբավականացներ, մի բան էլ կավելանար»,–ասաց նա։

Այդ բանավեճը Նիկոլի համար կարող էր ուղղակի ինքնասպանություն լինել. Տեր-Պետրոսյան

Հիշեցնենք` Փաշինյանը երեկ Էջմիածնում իր համակիրների հետ հանդիպման ժամանակ հայտարարեց. «Մեզ ասում են՝ ինչո՞ւ եք փող ծախսել զինվորի սննդի վրա: Իսկ որ մարդիկ գալիս էին, մտնում զորամասեր, կոնֆետ էին շպրտում, զինվորները ճանկռվելով այդ կոնֆետների հետևից վազում էին, դրանից պետք է ինքդ քեզ գնդակահարեիր»:

Ալեն Սիմոնյանն էլ Արմավիրում հայտարարեց, որ իր ծառայության ժամանակ` 2000-2002 թվականներին, բանակում ուտելիքի ու ջրի խնդիր կար, զինվորներին տանում էին քաղաք, որ լողանան։

Հիշեցնենք` Հայաստանում արտահերթ խորհրդարանական ընտրությունները կկայանան հունիսի 20–ին։ Մասնակցության հայտ է ներկայացրել 26 կուսակցություն ու դաշինք։ Նախընտրական քարոզարշավը մեկնարկել է այսօր` հունիսի 7–ին։

«Սա էժանագին սադրանք է». Իվետա Տոնոյանը մեկնաբանել է սկանդալային տեսանյութը

221
թեգերը:
Ալեն Սիմոնյան, Նիկոլ Փաշինյան, Յուրի Խաչատուրով, Հայաստան
Ըստ թեմայի
«Իկոնայի պես նկարս բռնած գնում-գալիս է». Քոչարյանը մեկնաբանել է առյուծի հետ իր լուսանկարը
«Քոչարյանի թիմի հետ հակառակ մոտեցումներ կան». ո՞ւմ հետ կոալիցիա կկազմի «Հանրապետությունը»
«Մեղրիի միջանցք» տրամադրելն անթույլատրելի է, ես գիտեմ` ինչ է Թուրքիան ուզում. Քոչարյան
Էդմոն Մարուքյան․ արխիվային լուսանկար

Սահմաններ բացելը` խնդրեմ, բայց ոչ սուվերեն տարածք կամ միջանցք․ Մարուքյան

6
(Թարմացված է 16:08 13.06.2021)
ԼՀԿ-ի առաջնորդը վստահ է, որ եթե մեր երկիրը պատերազմի ներուժ ունենար, ապա Սյունիքում ադրբեջանցիների ներխուժումը պատերազմի էր վերածվելու։

ԵՐԵՎԱՆ, 13 հունիսի – Sputnik․ Նոյեմբերի 9-ի եռակողմ փաստաթղթի չեղարկումը նշանակում է նոր պատերազմ։ Նոր Նորքում քարոզարշավի ընթացքում լրագրողների հետ զրույցում հայտարարեց «Լուսավոր Հայաստան» կուսակցության վարչապետի թեկնածու Էդմոն Մարուքյան։

«Եթե Հայաստանը նոր պատերազմի պոտենցիալ ունենար, կարծում եմ՝ Սյունիքի մարզի այս ներխուժումը կարող էր վերածվել պատերազմի: Բայց մենք գնում ենք բանակցությունների ճանապարհով, որ բանակցություններով դուրս հանենք»,- ասաց Մարուքյանը:

ԼՀԿ-ի առաջնորդը շեշտում է՝ բոլոր նրանք, ովքեր կասեն, թե ընտրություններից հետո իշխանության գալով կարող են պատերազմով ադրբեջանցիներին դուրս հանել այնտեղից, կամ արկածախնդիր պետք է լինեն, կամ՝ ստախոս:

«Պետք է հաշվի առնես քո երկրի հնարավորությունները, իսկ մենք նոր ենք դուրս եկել իրապես կործանարար, շատ մեծ պատերազմից»,- նշեց Մարուքյանը։
Նրա խոսքով՝ նոյեմբերի 9-ի փաստաթուղթն իրագործված է հայկական կողմից թե դե յուրե, թե դե ֆակտո, բայց իրագործված չէ Ադրբեջանի կողմից։

Ինչ վերաբերում է Ադրբեջանին միջանցք տրամադրելու և ճանապարհների ապաշրջափակմանը, Մարուքյանն ընդգծեց, որ Հայաստանն ապաշրջափակման այլընտրանք չունի։

Պատերազմ չի սկսվի․ Յուրի Խաչատուրովն ասաց՝ ինչու

«Ինչու՞ եք դուք ուզում առանձին սուվերեն ճանապարհ, երբ որ կողմերը պարտավորություն են ստանձնել ապաշրջափակման։ Այսինքն՝ բոլորս բացում ենք բոլոր ճանապարհները, և բոլորն օգտվում են բոլորի ճանապարհներից։ Ոչ թե ուզում են մյուս երկրի սուվերեն տարածքից ճանապարհ վերցնել, այսինքն՝ տարածք վերցնել»,- նշեց Մարուքյանը։

Նրա խոսքով՝ անհրաժեշտ է վերանայել ՀՀ օրենսդրությունը, հարմարեցնել սահմանների բացմանը։ Մարուքյանը վստահ է՝ առանց դրա չի կարելի սահմաններ բացել։ Ընդգծում է՝ Թուրքիայի կամ Ադրբեջանի քաղաքացին չպետք է կարողանա միջնորդավորված կամ ուղղակիորեն Հայաստանում գույք, հող, արժեթղթեր, ցանկացած այլ բան ձեռքբերել, որ կարող է վնաս հասցնել մեր ազգային անվտանգությանը։

«Սուվերեն տարածք, միջանցք բացառված է, ոչ, չպետք է տրվի, սահմանները բացել, խնդրեմ, Հայաստանը միշտ էլ կողմ է եղել սահմաններն առանց նախապայմանների բացելուն, սակայն ՀՀ-ի կողմ լինելը եղել է ուղղակի հայտարարոթյուն, բայց ոչինչ չի արվել, որ օրենսդրությունը հարմարեցվի»,- նշեց Մարուքյանը։

Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան

Նա անդրադարձավ նաև սահմանների ճշգրտման հարցին։ Նշում է՝ սահմանազատում և սահմանագծում պետք է արվի, բայց դա չի կարող լինել ռազմական ճանապարհով, և սահմանների գծումը քաղաքացիական գերատեսչությունների գործն է։

6
թեգերը:
Սահման, Հայաստան, Ազգային ժողովի ընտրություններ, «Լուսավոր Հայաստան» կուսակցություն, Էդմոն Մարուքյան
թեմա:
ԱԺ արտահերթ ընտրություններ 2021
Ըստ թեմայի
ԱՄՆ–ն փորձում է ակտիվանալ արցախյան բանակցային գործընթացում․ Սաֆրաստյան
«Հայաստան» դաշինքը նախընտրական ամփոփիչ հանրահավաք կանցկացնի Երևանի կենտրոնում
ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ
Ռոբերտ Քոչարյան․ արխիվային լուսանկար

«Հայաստան» դաշինքը նախընտրական ամփոփիչ հանրահավաք կանցկացնի Երևանի կենտրոնում

48
(Թարմացված է 15:14 13.06.2021)
Նախապես քաղաքապետարանը հանրահավաքի թույլտվություն էր տվել մինչև 20։00, սակայն դատական վճռով հավաքի թույլտվության ժամը երկարացվել է։

ԵՐԵՎԱՆ, 13 հունիսի – Sputnik․ «Հայաստան» դաշինքը հունիսի 18-ին Հանրապետության հրապարակում կանցկացնի նախընտրական ամփոփիչ հանրահավաք։ Դաշինքի պաշտոնական ներկայացուցիչ Արամ Վարդևանյանը հայտարարություն է տարածել և նշել, որ քաղաքապետարանը բավարարել է դաշինքի դիմումը, բայց նաև դատական գործընթացի կարիք է զգացվել։

«Մայիսի 19-ին ես՝ որպես «Հայաստան» դաշինքի պաշտոնական ներկայացուցիչ, դիմել էի Երևանի քաղաքապետին՝ հունիսի 18-ին Հանրապետության հրապարակում քարոզարշավի ավարտին հանրային ամփոփիչ հանրահավաք անցկացնելու համար: Դիմումով ներկայացվել էր հանրային հավաքն անցկացնել մինչև ժամը 21:00, սակայն Երևանի քաղաքապետարանը մեր դիմումը բավարարել էր մինչև ժամը 20:00»,- նշել է Վարդևանյանը։

Նրա խոսքով՝ չնայած «Հայաստան» դաշինքը, ըստ օրենքի, առաջինն էր ներկայացրել հանրային հավաքի մասին իրազեկումը։ Բայց քաղաքապետարանը բավարարարել էր նաև ներկայիս իշխանության ներկայացուցչի դիմումը՝ 20:00-ից ևս կազմակերպել հանրային հավաք Հանրապետության հրապարակում։ Հիմնավորումն այն էր, թե «Հայաստան» դաշինքի հավաքը պետք է ավարտվեր 20:00-ին:

Հ1-ը չի կարող ստանալ ՄԻՊ-ի աջակցությունը․ Թաթոյանը՝ «Պատիվ ունեմ»-ի բողոքի վերաբերյալ

«Իրավական գործընթացների միջոցով դատական քննության արդյունքում այսօր վճիռ ընդունվեց, որ մեր կողմից ներկայացված հսանրային հավաքն ավարտելու է 21: 00-ին»,- տեղեկացնում է Վարդևանյանը։

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

«Ադրբեջանին վերադարձվել են ոչ բոլոր քարտեզները»․ Նիկոլ Փաշինյան

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

48
թեգերը:
Ազգային ժողովի ընտրություններ, հանրահավաք, Ռոբերտ Քոչարյան, «Հայաստան» դաշինք, Երևան
թեմա:
ԱԺ արտահերթ ընտրություններ 2021
Ըստ թեմայի
Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան
Փաշինյանը նախատեսում է բարեփոխումներ իրականացնել ԱԳՆ-ում
Ի՞նչ հետևանքներ կլինեն, եթե Տավուշից տարածքներ հանձնվեն․Սեյրան Օհանյանը մանրամասնում է