Ռոբերտ Քոչարյան

Ռոբերտ Քոչարյանը իրատեսական է համարում Սյունիքում ռուսական ռազմաբազայի տեղակայումը

223
(Թարմացված է 20:28 07.06.2021)
Որպեսզի ռազմաբազայի հարցը լուծում ստանա գործընկերային հիմքի վրա, ոչ թե «աղաչելով խնդրելով», ապա, ըստ Քոչարյանի, Հայաստանը պետք է շատ արագ վերականգնի բանակն ու դաշնակիցների հետ ամրացնի երկրի անվտանգությունը:

ԵՐԵՎԱՆ, 7 հունիսի - Sputnik. ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը Սյունիքում ռուսական ռազմաբազայի տեղակայումն իրատեսական է համարում: Նա այդ մասին հայտարարեց Կապանում ընտրողների հետ հանդիպմանը՝ պատասխանելով նրանց հարցերին:

«Բայց մեկ հարց կա, որի վրա ես միշտ շեշտադրում եմ անում՝ եթե մենք ուզում ենք, որ մեզ հարգեն, մենք պետք է ունենանք սեփական զինված ուժեր: Այո՛, Ռուսաստանը մեր ստրատեգիական դաշնակիցն է: Անկասկած: Բայց եթե ուզում ենք, որ մեր կշիռը այդ համազորություններում պատշաճ մակարդակի վրա լինի, մենք մեզանից ինչ-որ բան պետք է ներկայացնենք: Այլ տարբերակով չեն հարգում պետություններին»,- ասաց նա:

Որպեսզի ռազմաբազայի հարցը լուծում ստանա գործընկերային հիմքի վրա, ոչ թե «աղաչելով խնդրելով», ապա, ըստ Քոչարյանի, Հայաստանը պետք է շատ արագ վերականգնի բանակն ու դաշնակիցների հետ միասին ամրացնի երկրի անվտանգությունը:

Հակառակ դեպքում, նրա խոսքով, Հայաստանը հարգանք չի վայելի:

Հիշեցնենք` Հայաստանում արտահերթ խորհրդարանական ընտրությունները կկայանան հունիսի 20–ին։ Մասնակցության հայտ է ներկայացրել 26 կուսակցություն ու դաշինք։ Նախընտրական քարոզարշավը մեկնարկել է այսօր` հունիսի 7–ին։

«Սա էժանագին սադրանք է». Իվետա Տոնոյանը մեկնաբանել է սկանդալային տեսանյութը

223
թեգերը:
Ռոբերտ Քոչարյան, Սյունիք, Հայաստան
թեմա:
Ռոբերտ Քոչարյան (472)
Ըստ թեմայի
Մոռացե´ք գործող իշխանությանը, կենտրոնացեք անելիքների վրա. Ռոբերտ Քոչարյանի կոչը
Ռոբերտ Քոչարյանը փակագծեր բացեց. նախկինում ի՞նչ էր արվում պատերազմից խուսափելու համար
«Հյուսիս-հարավի» շինարարությունը պետք է շատ արագ Սյունիք տեղափոխվի. Ռոբերտ Քոչարյան
Սերժ Սարգսյան

«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին

46
(Թարմացված է 21:19 13.06.2021)
ՀՀ երկրորդ նախագահի խոսքով՝ չէր կարելի Ադրբեջանին Մոնթեի մահվան օրը հանձնել քարտեզները, այդ թվում այն հատվածի, որտեղ նա էր զոհվել։

ԵՐԵՎԱՆ, 13 հունիսի – Sputnik․ Բաքվի բանտերում հայ գերիների նկատմամբ վերաբերմունքն անմարդկային է, նրանք դժոխքի միջով են անցել։ Գեղարքունիքում «Պատիվ ունեմ» դաշինքի քարոզարշավի ժամանակ նշեց ՀՀ երրորդ նախագահ Սերժ Սարգսյանը՝ անդրադառնալով 15 գերիների հայրենիք վերադարձին։ Նա մաղթեց, որ տղաներն արագ վերականգնվեն ու կազդուրվեն։

«Մենք նույնիսկ չգիտենք, թե քանի գերի ունենք և գերության մեջ քանի հայ զինվոր ու սպա են սպանվել, իսկ որ այդպիսի դեպքեր կան, դա միանշանակ է»,-ասաց նա:

Սերժ Սարգսյանի խոսքով՝ այս իշխանությունների ամենամեծ թերություններից մեկն էլ այն է, որ գերիներին վերաբերող ամբողջ տեղեկատվությունը նրանք փակ են պահում: Նա նշեց՝ ինչ իմացել են, իրավապաշտպան կառույցների աշխատանքի արդյունք է:

«Բանից պարզվում է, որ մենք ունենք Ադրբեջանի կողմից պաշտոնապես ճանաչված 60 հայ գերի, մենք ունենք տեսագրություններ՝ 30 հոգու, ունենք ինդետիֆիկացված ևս 47 մարդ: Այսինքն՝ մենք չգիտենք՝ քանի գերի ունենք: Այս իշխանությունների առաջին խնդիրը դա պետք է լիներ և ութ ամիս է՝ ի՞նչ են արել: Ուզում եմ բոլոր քաղաքական ուժերին կոչ անել, որ չշահարկեն այդ մարդկանց անունները։ Նրանք դժոխքի միջով են անցել և այս նախընտրական պրոցեսներին չպետք է մասնակցեն»,- նշեց ՀՀ երկրորդ նախագահը։

Նա նաև անդրադարձավ 15 հայ գերիների վերադարձի դիմաց Ադրբեջանին փոխանցված ականապատ տարածքների քարտեզներին։

«30 տարի այդ տարածքներն ականապատվել են։ Պատկերացնո՞ւմ եք՝ այդ քարտեզները իրենցից ինչ արժեք են ներկայացնում։ Սա մի քանի հարց է առաջացնում, ինչու՞ 15 հոգի»,- հայտարարեց Սերժ Սարգսյանը։

Նրա կարծիքով՝ այդ քարտեզները շատ ավելի մեծ հնարավորություն էին տալիս, քան միայն 15 հայ զինվորների վերադարձն էր։ Նշում է՝ դրա պատճառն այն է, որ այս իշխանություններն ի վիճակի չեն բանակցել։

Հետո էլ մեկ ուրիշ հարց է բարձրացնում․ «Բա եթե հնարավոր էր քարտեզների դիմաց գերիներ վերադարձնել, ինչու՞ այս 8 ամսում չեն արել, պահել են, որ նախընտրական շոու՞ անեն, այսինքն՝ Ալիևի հետ պաս տալով խաղու՞մ են»,-ասաց նա։

ՀՀ երկրորդ նախագահի խոսքով՝ հիմա Ադրբեջանում քեֆ-ուրախություն է, որովհետև վերջապես ստացել են այդ քարտեզները։ Պնդում է՝ ցանկացած դեպքում չէր կարելի քարտեզներն Ադրբեջանին հանձնել հունիսի 12-ին։

Նշում է՝ Քարվաճառը մենք առանց կրակոցի տվեցինք Ադրբեջանին Մոնթեի ծննդյան օրը, այս անգամ էլ Մոնթեի մահվան օրը՝ հունիսի 12-ին, հանձնեցինք այդ քարտեզները։ Ընդգծում է՝ նաև այն հատվածի քարտեզը, որտեղ հենց Մոնթեն էր զոհվել։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, ավելին` լուսանկար հրապարակեց, որում 15 տղաներն են, ապա նաև հայտնեց Հայաստան վերադարձածների անունները։

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

46
թեգերը:
Ադրբեջան, Աղդամ, քարտեզ, ռազմագերի, գերի, Սերժ Սարգսյան, Նիկոլ Փաշինյան, Իլհամ Ալիև
Ըստ թեմայի
15 հայ գերիներն արդեն Հայաստան են հասել. Նիկոլ Փաշինյանը մանրամասներ հայտնեց
Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին
Սոթք․ սահման

Քոչարյանը նշել է բանակի մարտունակության բարձրացման և սպառազինության համալրման ժամկետները

86
(Թարմացված է 19:56 13.06.2021)
ՀՀ երկրորդ նախագահի խոսքով՝ իրենց թիմում ընդգրկված են այն մարդիկ, որոնք ամենալավը գիտեն մեր բանակը։

ԵՐԵՎԱՆ, 13 հունիսի – Sputnik․ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանն Իջևանում ընտրողների հետ հանդիպման ժամանակ նշել է հայկական բանակի մարտունակության բարձրացման, սահմանների ամրապնդման և սպառազինության համալրման ժամկետները:

Նա վստահություն է հայտնել, որ բանակի մարտունակությունը՝ անձնակազմի, կարգապահության և սահմանի մասով, իրենց թիմը կարողանալու է բարձրացնել մեկ տարվա ընթացքում։

«Սպառազինության կորուստները համալրելու համար կպահանջվի երեք տարի։ Սրանք մեր ժամկետներն են»,- նշեց Քոչարյանը։

Նա ընդգծեց՝ ոչ ոք ավելի լավ չգիտի բանակը, քան իրենց թիմում ընդգրկված մարդիկ։

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

86
թեգերը:
Ընտրություններ, Հայաստան, Զինված ուժեր, Բանակ, Ռոբերտ Քոչարյան
թեմա:
ԱԺ արտահերթ ընտրություններ 2021
Ըստ թեմայի
Ընտրակաշառքի գործով կալանավորվել են Արմավիրի նախկին քաղաքապետն ու Ջանֆիդայի մեկ բնակիչ 
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին

Շաբաթը թեժ էր ոչ միայն քաղաքական կյանքում, այլև Երևանի ամենամեծ աղբավայրում. լուսանկարներ

0
(Թարմացված է 21:34 13.06.2021)
  • Հրշեջ մեքենան՝ Նուբարաշենի աղբավայրում՝ մայրամուտի ֆոնին
ԱԻՆ աշխատակիցը՝ Նուբարաշենի աղբավայրում
  • ԱԻՆ աշխատակիցը՝ Նուբարաշենի աղբավայրում
  • Հայկական և ադրբեջանական դիրքերը Սոթքում
  • Սոթքում դիրքի ավագ, սերժանտ Վարուժան Թումանյանը
  • ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ
  • Վանաձորում լեռնային հեծանիվների այգու այցելուներից մեկը
  • Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում
  • Փարիզահայ դերասան Սիփան Մուրադյանը
  • Երուսաղեմից եկած երաժիշտ Ափո Սահակյանը
  • Երևան ժամանած ռուսական արտադրության նոր մարդատար վագոնները
  • Ռուսական արտադրության նոր մարդատար վագոնների բորտուղեկցորդուհին
Sputnik Արմենիան առանձնացրել է լուսանկարներ, որոնք պատմում են շաբաթվա՝ աչքի ընկած իրադարձությունների մասին։

Շաբաթը սկսվեց նախընտրական քարոզարշավով․ ներքաղաքական՝ առանց այն էլ սրված կյանքն էլ ավելի թեժացավ։ Փորձագետները նշում են՝ ատելության խոսքի ու բռնության կոչերի այսպիսի առատություն դեռ երբեք չէր եղել։

Մայրաքաղաքում վիճակը թեժ էր ոչ միայն փոխաբերական, այլև՝ ուղիղ իմաստով։ Օրեր շարունակ հրշեջներին չի հաջողվում մարել Երևանի ամենամեծ աղբավայրում բռնկված հրդեհը։

Այս շաբաթվա ու թերևս վերջին ամիսների լավագույն լուրը 15 հայ ռազմագերիների վերադարձն էր․ նրանց դիմաց հայկական կողմն Ադրբեջանին փոխանցեց Ակնայի (Աղդամի) ականապատ դաշտերի քարտեզը։

Sputnik Արմենիան առանձնացրել է լուսանկարներ, որոնք պատմում են շաբաթվա այս և մյուս աչքի ընկած իրադարձությունների մասին։

0
  • Հրշեջ մեքենան՝ Նուբարաշենի աղբավայրում՝ մայրամուտի ֆոնին
ԱԻՆ աշխատակիցը՝ Նուբարաշենի աղբավայրում
    © Sputnik / Aram Nersesyan

    Հրշեջ մեքենան՝ Նուբարաշենի աղբավայրում՝ մայրամուտի ֆոնին

  • ԱԻՆ աշխատակիցը՝ Նուբարաշենի աղբավայրում
    © Sputnik / Aram Nersesyan

    ԱԻՆ աշխատակիցը՝ Նուբարաշենի աղբավայրում

  • Հայկական և ադրբեջանական դիրքերը Սոթքում
    © Sputnik / Asatur Yesayants

    Հայկական և ադրբեջանական դիրքերը Սոթքում

  • Սոթքում դիրքի ավագ, սերժանտ Վարուժան Թումանյանը
    © Sputnik / Asatur Yesayants

    Սոթքում դիրքի ավագ, սերժանտ Վարուժան Թումանյանը

  • ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ
    © Sputnik / Asatur Yesayants

    ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ

  • Վանաձորում լեռնային հեծանիվների այգու այցելուներից մեկը
    © Sputnik / Aram Nersesyan

    Վանաձորում լեռնային հեծանիվների այգու այցելուներից մեկը

  • Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում
    © Sputnik / Aram Nersesyan

    Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում

  • Փարիզահայ դերասան Սիփան Մուրադյանը
    © Sputnik / Aram Nersesyan

    Փարիզահայ դերասան Սիփան Մուրադյանը

  • Երուսաղեմից եկած երաժիշտ Ափո Սահակյանը
    © Sputnik / Aram Nersesyan

    Երուսաղեմից եկած երաժիշտ Ափո Սահակյանը

  • Երևան ժամանած ռուսական արտադրության նոր մարդատար վագոնները
    © Sputnik / Asatur Yesayants

    Երևան ժամանած ռուսական արտադրության նոր մարդատար վագոնները

  • Ռուսական արտադրության նոր մարդատար վագոնների բորտուղեկցորդուհին
    © Sputnik / Asatur Yesayants

    Ռուսական արտադրության նոր մարդատար վագոնների բորտուղեկցորդուհին

թեգերը:
Լուսանկար, հրդեհ, Նուբարաշենի աղբավայր, Սահման, Սոթք, գերի, Հայաստան