Ֆրանսիայում գտնվող վարչապետի պաշտոնակատար Նիկոլ Փաշինյանը հանդիպել է Սենատի նախագահ Ժերար Լարշեի հետ։

Ադրբեջանի նախահարձակ գործողությունները մտահոգություններ են առաջացնում․ Ժերար Լարշե

46
(Թարմացված է 21:10 01.06.2021)
Վարչապետի պաշտոնակատարը ներկայացրել է ֆրանսիացի պաշտոնյային հայ-ադրբեջանական սահմանին ստեղծված իրավիճակի հանգուցալուծման ուղղությամբ ձեռնարկված քայլերը։

ԵՐԵՎԱՆ, 1 հունիսի - Sputnik. Աշխատանքային այցով Ֆրանսիայում գտնվող վարչապետի պաշտոնակատար Նիկոլ Փաշինյանը հանդիպել է Սենատի նախագահ Ժերար Լարշեի հետ: Այս մասին տեղեկացնում է վարչապետի մամուլի ծառայությունը։

Ժ. Լարշեն ողջունել է Նիկոլ Փաշինյանի գլխավորած պատվիրակության այցը և շնորհավորել նրան ծննդյան օրվա կապակցությամբ: Սենատի նախագահը կարևորել է ՀՀ վարչապետի պաշտոնակատարի այցը Ֆրանսիա, ինչը հնարավորություն է տալիս ևս մեկ անգամ քննարկել երկկողմ օրակարգի հարցերն ու Հայաստանի շուրջ ծավալվող գործընթացներին հակազդելու քայլերը: Ժերար Լարշեն նշել է, որ Սենատը ևս քայլեր է իրականացնում այդ ուղղությամբ և կարևորել է ԵԱՀԿ Մինսկի խմբի գործունեության ակտիվացումը Լեռնային Ղարաբաղի հակամարտության համապարփակ կարգավորման գործում:

«Ադրբեջանում պահվող հայ ռազմագերիների հարցը մենք բարձրացրեցինք Եվրոպական խորհրդարանի նախագահի առաջ, արդյունքում Եվրոպական խորհրդարանը հանդես եկավ բանաձևով, որը դրական քայլ է: Մենք սրանով չենք բավարարվում և մեր քայլերը կրելու են շարունակական բնույթ։ Ադրբեջանի վերջին նախահարձակ գործողությունները մտահոգություններ են առաջացնում Հայաստանի տարածքային ամբողջականության նկատմամբ»,- ասել է Լարշեն։

Նիկոլ Փաշինյանը շնորհակալություն է հայտնել Լեռնային Ղարաբաղի անկախության ճանաչման անհրաժեշտության մասին բանաձևի հեղինակներին և բոլոր նրանց, ովքեր պաշտպանել են փաստաթղթի ընդունումը:

Դժվար օրերին Հայաստանը զգաց Ֆրանսիայի աջակցությունը. Փաշինյանը Մակրոնին հրավիրեց Երևան

«Ծանր իրավիճակում դա կարևոր նշանակություն ունեցավ, հայ ժողովուրդը տեսավ, որ միայնակ չէ դժվարին պայքարում: Հույս ունենք, որ Ֆրանսիան կշարունակի կարևոր դերակատարություն ունենալ ԵԱՀԿ Մինսկի խմբի համանախագահության շրջանակում տեղի ունեցող գործընթացներին»,- ասել է Նիկոլ Փաշինյանը։

Հիշեցնենք՝ Նիկոլ Փաշինյանն երկօրյա աշխատանքային այցով գտնվում է Փարիզում, որտեղ նախատեսվում են մի շարք հանդիպումներ երկրի բարձրաստիճան ղեկավարության հետ: Նա ավելի վաղ հանդիպել էր երկրի նախագահ Էմանուել Մակրոնի և Ազգային ժողովի նախագահ Ռիշար Ֆերանի հետ։

46
թեգերը:
Սենատ, Ֆրանսիա, Նիկոլ Փաշինյան
Ըստ թեմայի
Ադրբեջանական զորքը պետք է լքի Հայաստանի տարածքը․ Մակրոն
Կուզենք` Ֆրանսիան ավելի մեծ ներկայություն ունենա ՀՀ-ում. Ֆերանն ընդունել է Փաշինյանին
Ֆրանսիայի ԱԺ-ում հայ ռազմագերիների վերադարձի վերաբերյալ նոր բանաձև է մշակվում
Լևոն Տեր–Պետրոսյանը քվեարկեց

«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ

87
(Թարմացված է 14:13 20.06.2021)
Հայաստանի առաջին նախագահ Լևոն Տեր-Պետրոսյանն ընտրատեղմաս էր գնացել մենակ։

ԵՐԵՎԱՆ, 20 հունիսի – Sputnik. ՀՀ առաջին նախագահ, «Հայ ազգային կոնգրեսի» վարչապետի թեկնածու Լևոն Տեր-Պետրոսյանը կատարեց իր քաղաքացիական պարտքը` քվեարկեց արտահերթ խորհրդարանական ընտրություններին։

Первый президент Армении Левон Тер-Петросян во время внеочередных парламентских выборов в Армении (20 июня 2021). Еревaн
© Sputnik / Asatur Yesayants
Լևոն Տեր-Պետրոսյանը լուռ քվեարկեց ու հեռացավ

Տեր-Պետրոսյանը հրաժարվեց պատասխանել լրագրողների հարցերին` ասելով, որ «լռության օր է»։ Առաջին նախագահը նստեց մեքենան և հեռացավ։

Նշենք, որ Տեր-Պետրոսյանն ընտրատեղամաս էր գնացել մենակ։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

© Sputnik
Լեւոն Տեր–Պետրոսյանը մասնակցեց ընտրությանը

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

87
թեգերը:
Հայ ազգային կոնգրես (ՀԱԿ), Ազգային ժողովի ընտրություններ, Լևոն Տեր–Պետրոսյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը
ՔՊ–ի հանրահավաքի մասնակից, արխիվային լուսանկար

Փաշինյանի կուսակցությունը կբողոքարկի ԿԸՀ որոշումը

94
(Թարմացված է 13:46 20.06.2021)
ԿԸՀ-ն նախազգուշացում է կիրառել վարչապետի պաշտոնակատարի նկատմամբ՝ նրա գործողությունները համարելով լռության օրվա խախտում։

ԵՐԵՎԱՆ, 20 հունիսի – Sputnik. «Քաղաքացիական պայմանագիր» կուսակցությունը բողոքարկելու է ԿԸՀ-ի որոշումը, որով հանձնաժողովը նախազգուշացում էր կիրառել կուսակցության վարչապետի թեկնածու Նիկոլ Փաշինյանի նկատմամբ։ ՔՊ–ն իր որոշման մասին հայտնել է Facebook–ում։

«Հանձնաժողովի որոշումն առհասարակ պատճառաբանված չէ»,– վստահեցնում է կուսակցությունը։

Հիշեցնենք` Փաշինյանը երեկ` լռության օրը, ուղիղ եթեր էր մտել, կոչով դիմել ժողովրդին և արձանագրել ընտրություններին յուրաքանչյուրի մասնակցելու կարևորությունը: «Արդեն իսկ տեսնում ենք, որ կան ընտրությունների արդյունքների վրա ազդելու որոշակի փորձեր, բայց նաև տեսնում ենք, որ դա չի ստացվելու, քանի որ իրավապահ համակարգը շատ արդյունավետ հակազդում է ընտրակաշառք բաժանելու, ընտրողների կամքի վրա ապօրինի ազդեցություն գործելու բոլոր դեպքերի վրա: Համոզված եղեք, որ այդ պրակտիկան շարունակվելու է»,-ասել էր նա:

Փաշինյանը նաև ներկայացրել էր, թե ընտրատեղամասում ինչ կարգով և ինչպես է իրականացվելու քվեարկությունը:

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

94
թեգերը:
«Քաղաքացիական պայմանագիր» կուսակցություն, Նիկոլ Փաշինյան, Հայաստան
թեմա:
ԱԺ արտահերթ ընտրություններ 2021
Բաբաջանյանի ավտոմեքենան

Դիմակավորված, «կապյուշոնով». Արման Բաբաջանյանը տեսել է կրակոցի տեսագրությունը

0
(Թարմացված է 14:57 20.06.2021)
Բաբաջանյանը հրաժարվեց հայտնել իր կասկածները հնարավոր կատարողների վերաբերյալ, թեև մինչ այդ հայտարարել էր, որ ասուլիսում նաև անուններ կհնչեցնի։

ԵՐԵՎԱՆ, 20 հունիսի – Sputnik. Բաբաջանյանի ավտոմեքենային կրակող անձին նկարահանել է նրա հարևանի տեսախցիկը։ Այս մասին մամուլի ասուլիսում հայտնեց «Շիրինյան-Բաբաջանյան» դաշինքի ցուցակի առաջին համար Արման Բաբաջանյանը։

«Հանցագործի ընդհանուր պատկերը հնարավոր է եղել դուրս բերել։ Ես տեսա ձայնագրությունը, մոտավորապես դիմակավորված, «կապյուշոնով», ամբողջովին սպիտակ հագուստով, ձեռքին սև ատրճանակը։ Կրակոցի պահի մանրամասներ չկան, բայց հայտնաբերվել է փամփուշտի մի մասը, պարկուճը մնացել է դիմապակու վրա, ասացին, որ նստարանի վրա կա վնասվածք»,– ասաց Բաբաջանյանը։

Կատարվածի նպատակն, ըստ նրա, քաղաքական գործընթացները վախի, սարսափի մեջ խեղդելն է։ Բայց Բաբաջանյանը վտահեցրեց, որ հակառակ դրան, իրենք մնում են հաստատուն իրենց գաղափարներում, դիրքորոշումներում։
Բաբաջանյանը հրաժարվեց հայտնել իր կասկածները հնարավոր կատարողների վերաբերյալ, թեև մինչ այդ հայտարարել էր, որ ասուլիսում նաև անուններ կհնչեցնի։

«Ինքնիշխան Հայաստանի» ընտրողին հրաժարվել են 26 համարի քվեաթերթիկ տալ. Սանասարյան

Հիշեցնենք` շուրջ 1 ժամ առաջ Արմեն Բաբաջանյանը հայտարարել էր, որ դեպքի նախորդ օրը դաշինքի անդամ Լևոն Շիրինյանը զանգ է ստացել արտերկրից, որի ժամանակ նշել են, որ այստեղ ձևավորվել է զինված մի խմբավորում, որը թիրախավորել է դաշինքի առաջին եռյակին: Բաբաջանյանը չէր բացառել, որ այդ կրակոցը նախազգուշական է:

Հունիսի 20-ին, ժամը 09։30-ի սահմաններում, դեռևս չպարզված հանգամանքներում անհայտ անձը կրակոց էր արձակել Արման Բաբաջանյանին պատկանող «Տոյոտա» մակնիշի ավտոմեքենայի վրա։ Դեպքը տեղի է ունեցել Երևանի Նորք–Մարաշ համայնքում։

Դրանից հետո մամուլում տեղեկություններ տարածվեցին, թե դաշինքի անդամներն իրենք են կրակել Բաբաջանյանի ավտոմեքենային` ցանկանալով դաշինքի նկատմամբ լրացուցիչ ուշադրություն գրավել։ Արման Բաբաջանյանը հերքեց այդ լուրը։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

0
թեգերը:
Ընտրություններ, կրակոց, Արման Բաբաջանյան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը