Հրանտ Բագրատյան. արխիվային լուսանկար

Հնարավոր է՝ Հրանտ Բագրատյանի կուսակցությունը չկարողանա մասնակցել ընտրություններին

159
(Թարմացված է 13:42 29.05.2021)
ԿԸՀ-ն անճշտություններ է գտել կուսակցության փաստաթղթերում և երկու օր ժամանակ տվել դրանք շտկելու համար։

ԵՐԵՎԱՆ, 29 մայիսի – Sputnik. Հայաստանի նախկին վարչապետ Հրանտ Բագրատյանի «Ազատություն» կուսակցությունը, հնարավոր է, չկարողանա մասնակցել արտահերթ խորհրդարանական ընտրություններին։ ԿԸՀ արտահերթ նիստում քննարկվել է դիմած կուսակցությունների ու դաշինքների հայտերը, հայտնաբերվել են անճշտություններ։ Ուժերից մեկը Հրանտ Բագրատյանի «Ազատություն» կուսակցությունն է։

«Ընտրական օրենսգրքի համաձայն՝ կուսակցության ցանկում անկուսակցականների քանակը չպետք է գերազանցի ցանկում նշվածների երեսուն տոկոսը»,-ասաց ԿԸՀ նախագահ Տիգրան Մուկուչյանը՝ ընդգծելով, որ օրենքի հենց այս կետն է խախտել Բագրատյանի կուսակցությունը։

Մասնավորապես՝ ցուցակի 85 անուններից միայն 10-ն են «Ազատություն» կուսակցության ներկայացուցիչ, 75-ը անկուսակցական են։
ԿԸՀ-ն 48 ժամ ժամանակ է տվել կուսակցությանը՝ ցուցակը շտկելու համար։

Նույն խնդիրն ունի Հայաստանի դեմոկրատական կուսակցությունը: Ընտրական ցուցակում կա 92 թեկնածու, որոնցից 48-ը նշվում են որպես անկուսակցական, իսկ 12-ի դեպքում նշված չէ ոչինչ: ԿԸՀ-ն այս կուսակցությանը նույնպես 48 ժամ տվեց սխալները շտկելու համար։ Եթե երկու օրվա ընթացքում ցուցակները չճշտվեն, կուսակցությունները չեն կարողանա մասնակցել ընտրություններին։

Նշենք, որ կիսատ կամ անճշտություններով փաստաթղթեր են ներկայացրել ինչպես խոշոր ուժեր՝ «Քաղաքացիական պայմանագիր», «Բարգավաճ Հայաստան», «Լուսավոր Հայաստան», «Հայ ազգային կոնգրես», «Պատիվ ունեմ» կուսակցություններն ու դաշինքները, այնպես էլ ավելի փոքր ուժեր՝ «Ազատ Հայաստան», «Հանրապետություն», «Համահայկական ազգային պետականություն», «Հայոց հայրենիք», «Ազգային օրակարգ», «Քաղաքացու ընտրություն», «Ազգային ժողովրդավարական բևեռ», «Միացյալ հայրենիք», «Ինքնիշխան Հայաստան», «Զարթոնք» կուսակցությունը։

Հիշեցնենք` Հայաստանում արտահերթ խորհրդարանական ընտրությունները կայանալու են հունիսի 20-ին։ Ընտրություններին մասնակցելու հայտ է ներկայացրել 26 քաղաքական ուժ։ ԿԸՀ–ն այսօր` մայիսի 29–ին, արտահերթ նիստ էր հրավիրել օրենքին նրանց ներկայացրած փաստաթղթերի համապատասխանությունը որոշելու համար։ Պարզվեց, որ նրանց մոտավորապես կեսի մոտ փաստաթղթային անճշտություններ կան։

Նախընտրական քարոզարշավը պաշտոնապես կմեկնարկի հունիսի 7-ին։

159
թեգերը:
Կենտրոնական ընտրական հանձնաժողով (ԿԸՀ), Հայաստան, Ընտրություններ, Հրանտ Բագրատյան
Ըստ թեմայի
Փաշինյանի առաջարկը Հայաստանի համար նոր վտանգներ է պարունակում․ «Պատիվ ունեմ» դաշինք
Շիրինյանը հետ է կանչել կուսակցական հայտը, ընտրությանը կմասնակցի Բաբաջանյանի հետ դաշինքով
«Հայաստան» դաշինքը ներկայացրել է իր նախընտրական ցուցակի առաջին 20 անունները
Սոթք․ սահման

Քոչարյանը նշել է բանակի մարտունակության բարձրացման և սպառազինության համալրման ժամկետները

64
(Թարմացված է 19:56 13.06.2021)
ՀՀ երկրորդ նախագահի խոսքով՝ իրենց թիմում ընդգրկված են այն մարդիկ, որոնք ամենալավը գիտեն մեր բանակը։

ԵՐԵՎԱՆ, 13 հունիսի – Sputnik․ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանն Իջևանում ընտրողների հետ հանդիպման ժամանակ նշել է հայկական բանակի մարտունակության բարձրացման, սահմանների ամրապնդման և սպառազինության համալրման ժամկետները:

Նա վստահություն է հայտնել, որ բանակի մարտունակությունը՝ անձնակազմի, կարգապահության և սահմանի մասով, իրենց թիմը կարողանալու է բարձրացնել մեկ տարվա ընթացքում։

«Սպառազինության կորուստները համալրելու համար կպահանջվի երեք տարի։ Սրանք մեր ժամկետներն են»,- նշեց Քոչարյանը։

Նա ընդգծեց՝ ոչ ոք ավելի լավ չգիտի բանակը, քան իրենց թիմում ընդգրկված մարդիկ։

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

64
թեգերը:
Ընտրություններ, Հայաստան, Զինված ուժեր, Բանակ, Ռոբերտ Քոչարյան
թեմա:
ԱԺ արտահերթ ընտրություններ 2021
Ըստ թեմայի
Ընտրակաշառքի գործով կալանավորվել են Արմավիրի նախկին քաղաքապետն ու Ջանֆիդայի մեկ բնակիչ 
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին
Տիգրան Մուկուչյան

ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին

83
(Թարմացված է 19:27 13.06.2021)
Հիմնավորումներց մեկն այն էր, որ դիմումը չի ներկայացվել իրավասու անձի կողմից, այսինքն՝ ընտրություններին մասնակցող կուսակցության կողմից։

ԵՐԵՎԱՆ, 13 հունիսի – Sputnik․ Կենտրոնական ընտրական հանձնաժողովն այսօր կայացած նիստում մերժեց Նիկոլ Փաշինյանի գրանցումն ու «Քաղաքացիական պայմանագիր» կուսակցության ցուցակն անվավեր ճանաչելու մասին դիմումները։

Դիմումներից մեկը ներկայացրել էր Սահմանադրական դատարանի աշխատակազմի նախկին ղեկավար Էդգար Ղազարյանը։ Նա ԿԸՀ-ից պահանջելում էր անվավեր ճանաչել «Քաղաքացիական պայմանագիր» կուսակցության ընտրական ցուցակում վարչապետի թեկնածու Նիկոլ Փաշինյանի գրանցումը և վարչական վարույթ հարուցել:

Ղազարյանի դիմումի հիմնավորումներից մեկն այն է, որ հունիսի 7-ից նախընտրականքարոզարշավի ընթացքում Նիկոլ Փաշինյանը «իբրև թե պաշտոնապես արձակուրդում գտնվելով՝ քարոզարշավի է մեկնում ՀՀ վարչապետին հատկացված տրանսպորտային միջոցներով՝ օգտագործելով հանրային միջոցներ, մեքենա, վառելանյութ, վարորդի ծառայություններ և այլն, խախտելով «Ընտրական օրենսգրքի» 19-րդ հոդվածի պահանջները․․․»։

Էդգար Ղազարյաի պնդմամբ՝ սրանով արդեն իսկ անհավասար պայմաններ են ստեղծվում ընտրություններին մասնակցող մյուս թեկնածուների նկատմամբ։

ԿԸՀ-ն նախագահ Տիգրան Մուկուչյանի գլխավորությամբ մերժեց վարչական վարույթի հարուցումը։ Նա ընդգծեց, որ դիմումը չի ներկայացվել իրավասու անձի կողմից, այսինքն` նման դիմում կարող է ներկայացնել միայն ընտրություններին մասնակցող կուսակցությունը:

ԱԺ պատգամավոր Նաիրա Զոհրաբյանը ևս դիմում էր ներկայացրել ԿԸՀ՝ առաջարկելով վերջինիս դիմել Վարչական դատարան` «Քաղաքացիական պայմանագիր» կուսակցության ընտրական ցուցակի գրանցումն անվավեր ճանաչելու համար։ Զոհրաբյանի հիմնավորմամբ՝ կուսակցության քարոզարշավներն ընթանում են վիրավորանքներ հնչեցնելով:

Փաշինյանի մուրճի թեմայով Զոհրաբյանը դիմել է ԵԱՀԿ/ԺՀՄԻԳ դիտորդական առաքելության ղեկավարին

Մուկուչյանը այս դեպքում ևս ընդգծեց, որ դիմումը ենթակա է մերժման։ Ի թիվս մի շարք այլ հանգամանքների՝ նաև դիմումն իրավասու անձի կողմից չի ներկայացվել։ Հիշեցրեց՝ ընտրություններին մասնակցող կուսակցությունն է իրավասու նման դիմում ներկայացնել։

Երկու դիմումներն էլ ԿԸՀ խորհուրդը մերժեց 5 կողմ, 0 դեմ ձայներով։
Մերժման որոշումները կարող են եռօրյա ժամկետում բողոքարկվել Վարչական դատարան:

83
թեգերը:
Ընտրություններ, «Քաղաքացիական պայմանագիր» կուսակցություն, Նիկոլ Փաշինյան, Տիգրան Մուկուչյան, Կենտրոնական ընտրական հանձնաժողով (ԿԸՀ)
թեմա:
ԱԺ արտահերթ ընտրություններ 2021
Ըստ թեմայի
«Հայաստան» դաշինքը նախընտրական ամփոփիչ հանրահավաք կանցկացնի Երևանի կենտրոնում
Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը
Սորոսական գրասենյակները կա՛մ կարգելվեն, կա՛մ խիստ կվերահսկվեն Հայաստանում․ Քոչարյան
Արման Թաթոյան

Տպավորություն է, թե հայտարարված է մրցույթ՝ ով ում որքան շատ կվիրավորի ու կհայհոյի․ ՄԻՊ

10
(Թարմացված է 20:44 13.06.2021)
Իրական խնդիրները բարձրաձայնելու ու լուծումները քննարկելու փոխարեն վիրավորանքն ու հայհոյանքը խանգարում են մարդկանց հասկանալ, թե ում օգտին քվեարկել։

ԵՐԵՎԱՆ, 13 հունիսի – Sputnik․ Նախընտրական քարոզարշավի մասնակից քաղաքական ուժերի՝ վիրավորանք ու հայհոյանք պարունակող բառապաշարը մարդկանց մոտ ստանում է խիստ մտահոգիչ տարածում․ նրանք էլ են սկսում այս հռետորաբանությունն օգտագործել։

Հայաստանի Մարդու իրավունքների պաշտպանի գրասենյակը տարածել է Արման Թաթոյանի հայտարարությունը։ ՄԻՊ-ը նշում է, որ նաև տարածվում են վիրավորանք ու ատելություն պարունակող խիստ դատապարտելի հոլովակներ քաղաքական հակառակորդ տարբեր ուժերի մասին:

«Տպավորություն է` ողջ երկրով մեկ հայտարարված է մրցույթ, և միավորներն ավելանում են` կախված նրանից, թե ով ում որքան շատ կվիրավորի ու կհայհոյի: Ստացվել է այնպես, որ նախընտրական քարոզարշավը նրա համար է, որ ապահովվեն փոխադարձ մեղադրանքների, վիրավորանքի ու հայհոյանքի հանրային տեսարաններ, իսկ հանրային քննարկմանը տիրույթն էլ լցվի միայն իշխանավեճի օրակարգով՝ լի վիրավորանքով ու հայհոյանքով»,- նշված է հայտարարության մեջ։

Պաշտպանի կարծիքով՝ քաղաքական ուժերը հաշվի չեն առնում, որ իրենց հռետորաբանությունը մարդիկ տարածում են նաև սոցցանցերում և անգամ դրանցից դուրս հակառակ կարծիք ունեցողների նկատմամբ։ Այդպիսով, ոչ միայն մթնոլորտն է լարված մնում, այլև երկարաժամկետ հեռանկարով խորանում է բեևեռացումն ու անհանդուրժողականությունը:
ՄԻՊ-ը զգուշացնում է՝ արժանապատվությունը վիրավորող հռետորաբանությունը սադրիչ է և կարող է իրական կյանքում փոխակերպվել բռնության:

ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին

«Անհրաժեշտ է դադարեցնել, ուղղակի բացառել հանրային տիրույթում փոխադարձ վիրավորանքի ու հայհոյանքի օրակարգի անհեռատես զարգացումն ու բացահայտ խրախուսումը:
Քաղաքական ուժերն ու հատկապես հանրային գործիչները պետք է բոլորին հորդորեն հարգել մարդու յուրաքանչյուր իրավունք, հատկապես՝ արժանապատվությունն ու կարծիքի արտահայտման ազատությունը: Պետք է սեփական օրինակով նպաստել երկրում համերաշխության վերականգնմանն ու փոխադարձ հարգանքի երաշխավորմանը»,- նշված է ՄԻՊ հայտարարության մեջ։

Փաշինյանի կուսակցությանը զրկել ընտրություններին մասնակցելուց․ Արա Զոհրաբյանի առաջարկը

Թաթոյանը կարծում է, որ երբ իրական խնդիրները բարձրաձայնելու և լուծումներ քննարկելու փոխարեն շարունակվում է հայհոյանքի ու վիրավորանքի օրակարգը, մարդիկ այդպես էլ չեն կարողանալու հստակ պատկերացում կազմել, թե իրենց կենսական խնդիրները լուծելու համար ում օգտին պետք է քվեարկել, որ հետո էլ կարողանան վերահսկողություն իրականացնել հանրային իշխանություն ձևավորած քաղաքական ուժի նկատմամբ:

10
թեգերը:
քարոզարշավ, Ազգային ժողովի ընտրություններ, Հայաստան, ՀՀ ՄԻՊ, Արման Թաթոյան
թեմա:
ԱԺ արտահերթ ընտրություններ 2021
Ըստ թեմայի
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին
Քոչարյանը նշել է բանակի մարտունակության բարձրացման և սպառազինության համալրման ժամկետները