Նիկոլ Փաշինյան

«Համանախագահ երկրներից մեկն արձագանքել է Սյունիքի հարցով իմ առաջարկին». Նիկոլ Փաշինյան

311
(Թարմացված է 14:16 28.05.2021)
ՀՀ վարչապետի պաշտոնակատարի խոսքով` մինչև դիտորդների գալը, ճիշտ կլինի, որ երկու կողմից էլ զորքերը քաշվեն սահմանից։

ԵՐԵՎԱՆ, 28 մայիսի - Sputnik. ԵԱՀԿ Մինսկի խմբի համանախագահներից մեկն անդրադարձել է վարչապետի պաշտոնակատար Նիկոլ Փաշինյանի` Սյունիքի առնչությամբ այն առաջարկին, թե պետք է Ադրբեջանի և ՀՀ զորքերը հետ քաշվեն դեպի իրենց նախնական դիրքեր, իսկ սահմանագծի երկայնքով տեղակայվեն ՌԴ կամ ՄԽ համանախագահ երկրների զորքերը։ Փաշինյանն այդ մասին հայտնեց «Քաղաքացիական պայմանագիր» կուսակցության Երևանի նախընտրական շտաբների ակտիվի հետ հանդիպման ժամանակ։

«Հույս ունեմ` Մինսկի խմբի համանախագահ այլ երկրներն էլ կարձագանքեն։ Իսկ հիմա կողմերի զորքերը, օրինակ, առանց նախապայմանների կարող են հետ քաշվել, իսկ մեր գյուղացիներն այնտեղ իրենց անասունը արածացնեն»,–ասաց Փաշինյանը:

Նրա խոսքով` երբեմն իրենց մեղադրում են թույլ լինելու մեջ, սակայն, եթե դա թուլություն է, ապա հենց դրա շնորհիվ քաղաքացիական պատերազմ չի եղել։

Ըստ Փաշինյանի` եթե եռակողմ հայտարարությունից հետո ծնված ալիքին իրենք էլ նույն կերպ պատասխանեին, ապա անխուսափելի կլիներ քաղաքացիական պատերազմը։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Գերեվարված հայ զինծառայողները գտնվել են ՀՀ տարածքում. ՊՆ-ն քարտեզ է ներկայացրել

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Իսկ մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայող է գերեվարել։

311
թեգերը:
Սյունիք, Նիկոլ Փաշինյան, Հայաստան
Ըստ թեմայի
Լևոն Տեր-Պետրոսյանի պատկերացումը հետևյալն է` ԼՂ-ն տանք Ադրբեջանին և փակենք թեման. Փաշինյան
Թույլ չենք տալու թշնամուն հասնել իր նպատակներին. Նիկոլ Փաշինյան
«Վստահ ասում եմ` գերիների վերադարձը ժամանակի հարց է». Նիկոլ Փաշինյան
Սերժ Սարգսյան

«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին

37
(Թարմացված է 21:19 13.06.2021)
ՀՀ երկրորդ նախագահի խոսքով՝ չէր կարելի Ադրբեջանին Մոնթեի մահվան օրը հանձնել քարտեզները, այդ թվում այն հատվածի, որտեղ նա էր զոհվել։

ԵՐԵՎԱՆ, 13 հունիսի – Sputnik․ Բաքվի բանտերում հայ գերիների նկատմամբ վերաբերմունքն անմարդկային է, նրանք դժոխքի միջով են անցել։ Գեղարքունիքում «Պատիվ ունեմ» դաշինքի քարոզարշավի ժամանակ նշեց ՀՀ երրորդ նախագահ Սերժ Սարգսյանը՝ անդրադառնալով 15 գերիների հայրենիք վերադարձին։ Նա մաղթեց, որ տղաներն արագ վերականգնվեն ու կազդուրվեն։

«Մենք նույնիսկ չգիտենք, թե քանի գերի ունենք և գերության մեջ քանի հայ զինվոր ու սպա են սպանվել, իսկ որ այդպիսի դեպքեր կան, դա միանշանակ է»,-ասաց նա:

Սերժ Սարգսյանի խոսքով՝ այս իշխանությունների ամենամեծ թերություններից մեկն էլ այն է, որ գերիներին վերաբերող ամբողջ տեղեկատվությունը նրանք փակ են պահում: Նա նշեց՝ ինչ իմացել են, իրավապաշտպան կառույցների աշխատանքի արդյունք է:

«Բանից պարզվում է, որ մենք ունենք Ադրբեջանի կողմից պաշտոնապես ճանաչված 60 հայ գերի, մենք ունենք տեսագրություններ՝ 30 հոգու, ունենք ինդետիֆիկացված ևս 47 մարդ: Այսինքն՝ մենք չգիտենք՝ քանի գերի ունենք: Այս իշխանությունների առաջին խնդիրը դա պետք է լիներ և ութ ամիս է՝ ի՞նչ են արել: Ուզում եմ բոլոր քաղաքական ուժերին կոչ անել, որ չշահարկեն այդ մարդկանց անունները։ Նրանք դժոխքի միջով են անցել և այս նախընտրական պրոցեսներին չպետք է մասնակցեն»,- նշեց ՀՀ երկրորդ նախագահը։

Նա նաև անդրադարձավ 15 հայ գերիների վերադարձի դիմաց Ադրբեջանին փոխանցված ականապատ տարածքների քարտեզներին։

«30 տարի այդ տարածքներն ականապատվել են։ Պատկերացնո՞ւմ եք՝ այդ քարտեզները իրենցից ինչ արժեք են ներկայացնում։ Սա մի քանի հարց է առաջացնում, ինչու՞ 15 հոգի»,- հայտարարեց Սերժ Սարգսյանը։

Նրա կարծիքով՝ այդ քարտեզները շատ ավելի մեծ հնարավորություն էին տալիս, քան միայն 15 հայ զինվորների վերադարձն էր։ Նշում է՝ դրա պատճառն այն է, որ այս իշխանություններն ի վիճակի չեն բանակցել։

Հետո էլ մեկ ուրիշ հարց է բարձրացնում․ «Բա եթե հնարավոր էր քարտեզների դիմաց գերիներ վերադարձնել, ինչու՞ այս 8 ամսում չեն արել, պահել են, որ նախընտրական շոու՞ անեն, այսինքն՝ Ալիևի հետ պաս տալով խաղու՞մ են»,-ասաց նա։

ՀՀ երկրորդ նախագահի խոսքով՝ հիմա Ադրբեջանում քեֆ-ուրախություն է, որովհետև վերջապես ստացել են այդ քարտեզները։ Պնդում է՝ ցանկացած դեպքում չէր կարելի քարտեզներն Ադրբեջանին հանձնել հունիսի 12-ին։

Նշում է՝ Քարվաճառը մենք առանց կրակոցի տվեցինք Ադրբեջանին Մոնթեի ծննդյան օրը, այս անգամ էլ Մոնթեի մահվան օրը՝ հունիսի 12-ին, հանձնեցինք այդ քարտեզները։ Ընդգծում է՝ նաև այն հատվածի քարտեզը, որտեղ հենց Մոնթեն էր զոհվել։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, ավելին` լուսանկար հրապարակեց, որում 15 տղաներն են, ապա նաև հայտնեց Հայաստան վերադարձածների անունները։

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

37
թեգերը:
Ադրբեջան, Աղդամ, քարտեզ, ռազմագերի, գերի, Սերժ Սարգսյան, Նիկոլ Փաշինյան, Իլհամ Ալիև
Ըստ թեմայի
15 հայ գերիներն արդեն Հայաստան են հասել. Նիկոլ Փաշինյանը մանրամասներ հայտնեց
Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին
Սոթք․ սահման

Քոչարյանը նշել է բանակի մարտունակության բարձրացման և սպառազինության համալրման ժամկետները

84
(Թարմացված է 19:56 13.06.2021)
ՀՀ երկրորդ նախագահի խոսքով՝ իրենց թիմում ընդգրկված են այն մարդիկ, որոնք ամենալավը գիտեն մեր բանակը։

ԵՐԵՎԱՆ, 13 հունիսի – Sputnik․ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանն Իջևանում ընտրողների հետ հանդիպման ժամանակ նշել է հայկական բանակի մարտունակության բարձրացման, սահմանների ամրապնդման և սպառազինության համալրման ժամկետները:

Նա վստահություն է հայտնել, որ բանակի մարտունակությունը՝ անձնակազմի, կարգապահության և սահմանի մասով, իրենց թիմը կարողանալու է բարձրացնել մեկ տարվա ընթացքում։

«Սպառազինության կորուստները համալրելու համար կպահանջվի երեք տարի։ Սրանք մեր ժամկետներն են»,- նշեց Քոչարյանը։

Նա ընդգծեց՝ ոչ ոք ավելի լավ չգիտի բանակը, քան իրենց թիմում ընդգրկված մարդիկ։

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

84
թեգերը:
Ընտրություններ, Հայաստան, Զինված ուժեր, Բանակ, Ռոբերտ Քոչարյան
թեմա:
ԱԺ արտահերթ ընտրություններ 2021
Ըստ թեմայի
Ընտրակաշառքի գործով կալանավորվել են Արմավիրի նախկին քաղաքապետն ու Ջանֆիդայի մեկ բնակիչ 
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին

Շաբաթը թեժ էր ոչ միայն քաղաքական կյանքում, այլև Երևանի ամենամեծ աղբավայրում. լուսանկարներ

0
(Թարմացված է 21:33 13.06.2021)
  • Հրշեջ մեքենան՝ Նուբարաշենի աղբավայրում՝ մայրամուտի ֆոնին
ԱԻՆ աշխատակիցը՝ Նուբարաշենի աղբավայրում
  • ԱԻՆ աշխատակիցը՝ Նուբարաշենի աղբավայրում
  • Հայկական և ադրբեջանական դիրքերը Սոթքում
  • Սոթքում դիրքի ավագ, սերժանտ Վարուժան Թումանյանը
  • ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ
  • Վանաձորում լեռնային հեծանիվների այգու այցելուներից մեկը
  • Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում
  • Актер из Парижа Сипан Мурадян
  • Музыкант из Иерусалима Апо Саакян
  • Новые пассажирские вагоны российского производства, прибывшие в Еревaн
  • Бортпроводница у новых пассажирских вагонов российского производства, прибывших в столицу (8 июня 2021). Еревaн
Sputnik Արմենիան առանձնացրել է լուսանկարներ, որոնք պատմում են շաբաթվա՝ աչքի ընկած իրադարձությունների մասին։

Շաբաթը սկսվեց նախընտրական քարոզարշավով․ ներքաղաքական՝ առանց այն էլ սրված կյանքն էլ ավելի թեժացավ։ Փորձագետները նշում են՝ ատելության խոսքի ու բռնության կոչերի այսպիսի առատություն դեռ երբեք չէր եղել։

Մայրաքաղաքում վիճակը թեժ էր ոչ միայն փոխաբերական, այլև՝ ուղիղ իմաստով։ Օրեր շարունակ հրշեջներին չի հաջողվում մարել Երևանի ամենամեծ աղբավայրում բռնկված հրդեհը։

Այս շաբաթվա ու թերևս վերջին ամիսների լավագույն լուրը 15 հայ ռազմագերիների վերադարձն էր․ նրանց դիմաց հայկական կողմն Ադրբեջանին փոխանցեց Ակնայի (Աղդամի) ականապատ դաշտերի քարտեզը։

Sputnik Արմենիան առանձնացրել է լուսանկարներ, որոնք պատմում են շաբաթվա այս և մյուս աչքի ընկած իրադարձությունների մասին։

0
  • Հրշեջ մեքենան՝ Նուբարաշենի աղբավայրում՝ մայրամուտի ֆոնին
ԱԻՆ աշխատակիցը՝ Նուբարաշենի աղբավայրում
    © Sputnik / Aram Nersesyan

    Հրշեջ մեքենան՝ Նուբարաշենի աղբավայրում՝ մայրամուտի ֆոնին

  • ԱԻՆ աշխատակիցը՝ Նուբարաշենի աղբավայրում
    © Sputnik / Aram Nersesyan

    ԱԻՆ աշխատակիցը՝ Նուբարաշենի աղբավայրում

  • Հայկական և ադրբեջանական դիրքերը Սոթքում
    © Sputnik / Asatur Yesayants

    Հայկական և ադրբեջանական դիրքերը Սոթքում

  • Սոթքում դիրքի ավագ, սերժանտ Վարուժան Թումանյանը
    © Sputnik / Asatur Yesayants

    Սոթքում դիրքի ավագ, սերժանտ Վարուժան Թումանյանը

  • ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ
    © Sputnik / Asatur Yesayants

    ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ

  • Վանաձորում լեռնային հեծանիվների այգու այցելուներից մեկը
    © Sputnik / Aram Nersesyan

    Վանաձորում լեռնային հեծանիվների այգու այցելուներից մեկը

  • Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում
    © Sputnik / Aram Nersesyan

    Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում

  • Актер из Парижа Сипан Мурадян
    © Sputnik / Aram Nersesyan

    Актер из Парижа Сипан Мурадян

  • Музыкант из Иерусалима Апо Саакян
    © Sputnik / Aram Nersesyan

    Музыкант из Иерусалима Апо Саакян

  • Новые пассажирские вагоны российского производства, прибывшие в Еревaн
    © Sputnik / Asatur Yesayants

    Новые пассажирские вагоны российского производства, прибывшие в Еревaн

  • Бортпроводница у новых пассажирских вагонов российского производства, прибывших в столицу (8 июня 2021). Еревaн
    © Sputnik / Asatur Yesayants

    Бортпроводница новых пассажирских вагонов российского производства, прибывших в столицу 8 июня 2021 года

թեգերը:
Լուսանկար, հրդեհ, Նուբարաշենի աղբավայր, Սահման, Սոթք, գերի, Հայաստան