ՀԱՊԿ անդամ-երկրների դրոշները

Նիկոլ Փաշինյանի՝ կազմակերպության մասին հայտարարություններն ընդունվել են ի գիտություն. ՀԱՊԿ

310
(Թարմացված է 21:08 26.05.2021)
Ավելի վաղ ՀԱՊԿ գլխավոր քարտուղարի տեղակալ Վալերի Սեմերիկովը հայտարարել էր, որ հայ-ադրբեջանական սահմանին իրավիճակը պահանջում է շտապ միջոցներ ձեռնարկել:

ԵՐԵՎԱՆ, 26 մայիսի - Sputnik․ ՀՀ վարչապետի պաշտոնակատար Նիկոլ Փաշինյանի հայտարարությունները ՀԱՊԿ-ի վերաբերյալ ընդունվել են ի գիտություն, խորհրդակցությունների անցկացման աշխատանքները շարունակվում են, հայտնել Է ՀԱՊԿ մամուլի քարտուղար Վլադիմիր Զայնետդինովը ՌԻԱ Նովոստիին։

«ՀՀ վարչապետի պաշտոնակատար Նիկոլ Փաշինյանի տեղեկատվությունն ընդունվել է ի գիտություն։ Աշխատանքը շարունակվում է Հավաքական անվտանգության խորհրդի նախագահ Էմոմալի Ռահմոնի հանձնարարականին համապատասխան», - հայտարարել է Զայնետդինովը:

Զայնետդինովը հիշեցրել է նաև, որ մայիսի 25-ին ՀԱՊԿ գլխավոր քարտուղարի տեղակալ Վալերի Սեմերիկովը պաշտպանության և անվտանգության կոմիտեների նախագահների Համակարգող խորհրդակցության նիստում հայտարարել է, որ հայ-ադրբեջանական սահմանին իրավիճակը պահանջում է շտապ միջոցներ, առաջին հերթին քաղաքական-դիվանագիտական բնույթի, ինչպես նաև սահմանազատման ու սահմանազատման անցկացում պետական սահմանի տվյալ հատվածում:

Հիշեցնենք՝ այսօր Փաշինյանը, ելույթ ունենալով խորհրդարանում, հայտարարել է, որ հայկական կողմը չի բացառում ՄԱԿ-ի Անվտանգության խորհրդին դիմելը Ադրբեջանի սադրանքների վերաբերյալ, եթե ՀԱՊԿ մեխանիզմները թույլ չտան լուծել այդ խնդիրը: Բացի այդ, նա հայտնել է, որ Հայաստանին չի բավարարում Ադրբեջանի հետ սահմանի խնդրի լուծման վերաբերյալ ՀԱՊԿ-ի գործողությունների արագությունը և հավելել է, որ կազմակերպությունն այդ առնչությամբ հրապարակային հստակ դիրքորոշում չի հայտնել:

Հայաստանը չի բացառում, որ ՀԱՊԿ–ին կդիմի նաև պայմանագրի 4-րդ հոդվածով. ԱԽ քարտուղար

Ավելի վաղ՝ մայիսի 14-ին, Նիկոլ Փաշինյանը դիմել էր ՀԱՊԿ Հավաքական անվտանգության խորհրդի գործող նախագահ, Տաջիկստանի նախագահ Էմոմալի Ռահմոնին՝ խնդրելով անհապաղ գործի դնել արտակարգ խորհրդակցությունների մեխանիզմ ՝ համակարգելու ՀԱՊԿ անդամ պետությունների դիրքորոշումները և միջոցներ ձեռնարկելու Սյունիքում առաջացած անվտանգության և տարածքային ամբողջականության սպառնալիքի վերացման համար: Ռահմոնը հանձնարարել է համապատասխան խորհրդակցություններ անցկացնել։

310
թեգերը:
Հավաքական անվտանգության պայմանագիր կազմակերպություն (ՀԱՊԿ), Հայաստան
Ըստ թեմայի
«ՀԱՊԿ-ը ձեռնարկում է անհրաժեշտ քայլեր». Հարությունյանը խոսել է Զասի հետ
Ադրբեջանին ՀԱՊԿ-ի կողմից գնահատական չտալը կհանգեցնի իրավիճակի հետագա էսկալացիայի. ԱԳՆ
Հայ-ադրբեջանական սահմանին գրանցված վերջին սրացումը պահանջում է հրատապ միջոցառումներ. ՀԱՊԿ
Գագիկ Ծառուկյան

Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի

73
(Թարմացված է 12:20 20.06.2021)
«Բարգավաճ Հայաստան» կուսակցության առաջնորդը ևս մեկ անգամ բացառեց Փաշինյանի հետ կոալիցիա կազմելու հավանականությունը։

ԵՐԵՎԱՆ, 20 հունիսի - Sputnik. «Բարգավաճ Հայաստան» կուսակցության վարչապետի թեկնածու Գագիկ Ծառուկյանը քվեարկեց հանուն անվտանգ հայրենիք, հզոր, զարգացող, բարգավաճ Հայաստան ունենալու։ Նա քվեարկությանը եկավ տիկնոջ՝ Ջավահիր Ծառուկյանի հետ։ Ծառուկյան ամուսինները քվեարկեցին Կոտայքի մարզի Առինջ գյուղի համար 66 դպրոցում տեղակայված 29/29 ընտրատեղամասում։

Лидер партии Процветающая Армения Гагик Царукян во время внеочередных парламентских выборов в Армении (20 июня 2021). село Ариндж
© Sputnik / Andranik Ghazaryan
Ծառուկյան ամուսինները

Քվեարկությունից հետո «Բարգավաճ Հայաստան» կուսակցության առաջնորդը պատասխանեց լրագրողների հարցերին։

Лидер партии Процветающая Армения Гагик Царукян во время внеочередных парламентских выборов в Армении (20 июня 2021). село Ариндж
© Sputnik / Andranik Ghazaryan
Գագիկ Ծառուկյան
© Sputnik
Ծառուկյանը խոսեց լրագրողների հետ

Հարցին, թե եթե ընտրության արդյունքներն իր թիմին չբավարարի, պատրաստվու՞մ են բողոքի հավաքներ անցկացնել, Ծառուկյանը նշեց, որ ժողովուրդն է ընտրություն կատարողը, եթե չի ուզում, ձայն չի տալիս, ինչ կարող են անել։

«Եթե ամեն ինչ կարգ ու կանոնով գնում է, ինչու անտեղի աղմուկ բարձրացնել։ Այսօր ժողովուրդը լիարժեք քվեարկում է, ում վստահում է, ում հավատում է, ձայնը տալիս է։ Եթե ժողովուրդը չի ցանկացել, ձայն չի տվել, ի՞նչ անեմ»,- նշեց Ծառուկյանը։

Անդրադառնալով խորհրդարան անցնելու դեպքում Նիկոլ Փաշինյանի գլխավորած կուսակցության հետ կոալիցիա կազմելու հարցին՝ Ծառուկյանը կարճ պատասխան տվեց. «Բացառում եմ»։

Ի պատասխան լրագրողի այն հարցին, թե արդյոք Փաշինյանի թիմակից դարձած Խաչատուր Սուքիասյանը կարո՞ղ է ազդել Ծառուկյանի որոշման վրա, նա ծիծաղեց.

«Ծառուկյանի վրա ո՞վ կարող է ազդել, դու քո ասածին հավատացի՞ր։ Ծառուկյանին ձերբակալեցին, չկարողացան վրան ազդել, անիմաստ, դատարկ խոսակցություն է»,- ասաց նա։

«Բարգավաճ Հայաստան» կուսակցության վարչապետի թեկնածուն նաև հերքեց այն խոսակցությունները, թե նպատակ ունի փակել քաղաքականության էջը։

Ասաց, որ իր հնարավորությունները շարունակելու է օգտագործել հանուն իր հայրենիքի ու ժողովրդի։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

73
թեգերը:
քվեարկություն, Գագիկ Ծառուկյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Սիսիանում «քվեաթերթիկ տպելու սարք են որոնում». «Հայաստան» դաշինքի արձագանքը
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Սպիտակում 10 հազար դրամ ընտրակաշառք առաջարկելու մեղադրանքով կին է ձերբակալվել. ՔԿ
Քաղաքապետարանը հավաքում է Քոչարյանի նկարով թերթիկները
Արթուր Վանեցյանը ընտրություններում

Իշխանությունը հոգեվարքի մեջ է. Վանեցյանը քվեարկել է ու խոսել ընտրախախտումների մասին

69
(Թարմացված է 11:45 20.06.2021)
Ձերբակալվել են «Պատիվ ունեմ» դաշինքի Եղեգնաձորի շտաբի ներկայացուցիչները. դաշինքի վարչապետի թեկնածուի խոսքով՝ նպատակը նրանց ընտրական գործընթացներից հեռացնելն է։

ԵՐԵՎԱՆ, 20 հունիսի - Sputnik. «Պատիվ ունեմ» դաշինքի վարչապետի թեկնածու Արթուր Վանեցյանը քվեարկեց հանուն ապագայի Արաբկիր վարչական շրջանի համար 78 հիմնական դպրոցում տեղակայված 4/35 ընտրատեղամասում։ Քվեարկությունից հետո ճեպազրույց ունեցավ լրագրողների հետ՝ նշելով, որ այս ընտրություններում մարդիկ քվեարկում են հանուն Հայաստանի լինելու ու չլինելու։

© Sputnik
Արթուր Վանեցյանը կատարեց իր քաղաքացիական պարտքը

Վանեցյանը խոսեց հետընտրական հնարավոր բացասական զարգացումների, մասնավորաբար՝ տարբեր քաղաքական գործիչների կողմից կանխատեսվող քաղաքացիական բախումների մասին։ Շեշտեց` դրա պատասխանատուն ոչ թե ընդդիմությունն է, այլ՝ իշխանությունը։

Կրակել են Արման Բաբաջանյանի մեքենայի ուղղությամբ

Նա անդրադարձավ նաև վաղ առավոտից ստացվող ընտրախախտումների վերաբերյալ ահազանգերին։ Վանեցյանի խոսքով՝ իշխանությունը հոգեվարքի մեջ է, ուստի «վերջին ճիգերն են գործադրում իրենց իշխանական աթոռներից կառչած մնալու համար»։

© Sputnik
Արթուր Վանեցյանը խոսեց ընտրախախտումներից

«Բազմաթիվ խախտումների վերաբերյալ ահազանգեր կան՝ սկսած նրանից, որ մեր քվեաթերթիկների վրա կան նշումներ, ընտրատեղամասերում չեն տալիս քաղաքացիներին մեր քվեաթերթիկները, իշխանական թևի ներկայացուցիչները ուղղորդում են դեպի ընտրությունների»,- նշեց Վանեցյանը։

Նա նաև տեղեկացրեց, որ երեկ ձերբակալվել են «Պատիվ ունեմ» դաշինքի Եղեգնաձորի շտաբի ներկայացուցիչները, որևէ հիմնավոր ապացույց ներկայացված չէ փաստաբանական թիմին։ Նշում է, որ դրա նպատակն իրենց թիմակիցներին 72 ժամով հեռու պահելն է ընտրական գործընթացներից։

Նշենք, որ Արթուր Վանեցյանը ընտրատեղամաս մտավ առանց հերթում սպասելու։ Թեպետ նա մինչ ընտրատեղամաս մտնելը ներողություն խնդրեց քաղաքացիներից և խնդրեց իրեն թույլ տալ ներս մտնել, բայց քվեարկությունից հետո որոշ քաղաքացիներին դժգոհեցին «առանց հերթի» ներս մտնելու` Վանեցյանի քայլից։ Մի կին նշեց, թե հերթում հղի կանայք են սպասում, Վանեցյանն էլ ևս մեկ անգամ ներողություն խնդրեց ու գնաց։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

69
թեգերը:
Ազգային ժողովի ընտրություններ, «Պատիվ ունեմ» դաշինք, Արթուր Վանեցյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Սպիտակում 10 հազար դրամ ընտրակաշառք առաջարկելու մեղադրանքով կին է ձերբակալվել. ՔԿ
Տարեցները հիմնականում չգիտեն քվեարկության նոր կանոնները. մարդիկ շտապում են ընտրությունների
Пожилая пара на одном из избирательных участков  во время внеочередных парламентских выборов в Армении (20 июня 2021). Еревaн

Ի՞նչ խախտումների մասին են ահազանգում քաղաքացիները. ոստիկանությունը տվյալներ հայտնեց

0
Ոստիկանության օպերատիվ շտաբի ղեկավարը թվային տվյալներ հայտնեց, թե որ հանցագործության մասին քանի ահազանգ է եղել։

ԵՐԵՎԱՆ, 20 հունիսի – Sputnik. Ընտրությունների վերաբերյալ ոստիկանության օպերատիվ շտաբն արդեն իսկ 21 դեպքի մասին է ահազանգ ստացել։ Այսօր հրավիրված ասուլիսի ժամանակ հայտնեց շտաբի ղեկավար Արմեն Մկրտչյանը։

«Մինչև այս պահը 21 դեպքերից 7-ին է ընթացք տրվել, իսկ մյուսները ստուգվում են։ Դրանցից միայն մեկն է գրանցվել Երևանում, մյուսների մասին ահազանգերը մարզերում են եղել։ Ահազանգերը հիմնականում վերաբերել են 1-ից ավելի անգամ քվեարկելուն` նման 4 դեպք է եղել, իսկ քվեարկության գաղտնիությունը խախտելու 1 դեպք է գրանցվել։ Բացի այդ, գույքը դիտավորությամբ վնասելու 1, իսկ մարմնական վնասվածք ստանալու կրկին 1 դեպք է գրանցվել»,–ասաց Մկրտչյանը։

Նա հայտնեց նաև, որ քարոզարշավի ընթացքում տեղի ունեցած ընտրախախտումների վերաբերյալ մինչև քվեարկության օրը ոստիկանությունում արձանագրվել է 244 դեպք։

Մկրտչյանի խոսքով` ընթացք է տրվել 124 դեպքի, իսկ 120-ը չեն պարունակել առերևույթ հանցագործության հատկանիշներ և ստուգվում են որպես պատահար։

124 դեպքերից 35-ը, եղել են ընտրակաշառք ստանալու, տալու, առաջարկելու վերաբերյալ։ 124 դեպքերից 9-ի դեպքում քրեական գործ է հարուցվել, իսկ 95 դեպքով էլ նյութեր են նախապատրաստվում։

0
թեգերը:
ընտրակաշառք, Ազգային ժողովի ընտրություններ, քվեարկություն, ահազանգ, Հայաստան, ՀՀ Ոստիկանություն